NO IORG
Authors Posts by شیرزاد نایف

شیرزاد نایف

شیرزاد نایف
175 POSTS 0 COMMENTS

2

شێرزاد نایف
ده‌ستواژه‌یا (ئێكرێزى) ل ده‌ف مرۆڤێ بێلایه‌ن و راستگۆ و دلسۆز و نه‌ته‌وه‌خواز و نشتیمانپه‌روه‌ر هێله‌كا سۆره‌، و ئه‌وه‌ نیازا ساله‌ها سالان و ئه‌وه‌ یا ژ مه‌ كێم وه‌كو هه‌ڤوه‌لاتى و هه‌ردیسا وه‌كو لایه‌نێن سیاسى و له‌شكرى و ..هتد. لێ هه‌كه‌ ب خواندنه‌كا حزبی یا تاگیر نه‌بیت، ئه‌م دێ ب مه‌نتق خوینین و دیسا (حه‌یسیاتێن) وێ دێ ئێخینه‌ ل ژێر فۆكسا بێلایه‌نیه‌كا نه‌ته‌وه‌خوازى و دلسۆزیێ، به‌لێ ب ئاقلدارى چینه‌ د ناڤ هووركارتیێن بابه‌تێ دا، چونكو بابه‌ت نه‌یێ گشتگیره‌، چونكو دوژمنێن مله‌تێ كورد زۆرن و د نێزیكن ژى، چونكو بارودۆخێن ده‌ڤه‌را مه‌ دهاریكارن كو دوژمن زویكا بگه‌هیته‌ ناڤ جه‌رگێ ئاساییشا مه‌ یا نه‌ته‌وه‌یى و گه‌هشتیێ ژى كو حه‌زێن خوه‌ دناڤ دا بچه‌سپینیت، مینا ڤایرۆسه‌كێ كۆژه‌ك ب هه‌مى رێكا دگه‌هیته‌ مه‌.. ئه‌ڤه‌ راستیه‌كه‌ و هه‌ر بچویكه‌كێ فاما ژى دزانیت، ئه‌ڤجا هه‌كه‌ مرۆڤ بچیته‌ د كڕاسێ دوژمنى دا؛ دێ زانیت كو ئه‌ڤ دوژمنێن مه‌ نیازا وان بوویه‌ ـ و دبیت و ـ دێ بیت ژى ـ كو ل تێلا ئێكرێزیێ بده‌ن، مه‌ ب خوه‌ ب خوه‌ ڤێكڕا به‌رده‌ن.. ئه‌ڤجا دێ چ كه‌ن؟! دێ په‌نایێ به‌نه‌ لایه‌نێن كوردى ل خوه‌ ژى كو نیازێن خوه‌ وه‌كو (هه‌سپێ ترواده‌) د ناڤ ره‌هێن مه‌ دا بچینن و كویر ببه‌نه‌ خار، ئه‌وان شێوازێن خوه‌ هه‌نه‌ و ئه‌ڤ سیاسه‌تا وان ژ مێژه‌ یا به‌رده‌وام بوویه‌ و بارودۆخ ژى د به‌رژه‌وه‌ندییا وان دابووینه‌، چاوا دو جۆرێن ئاڤێ تێكهه‌ل بكه‌ى، ئێك یا پاكه‌ و یا دى ژه‌هرا دناڤا، دێ یا پاك ژى ژه‌هراوى بیت!. لێ چونكو ب ره‌نگه‌كێ گشتى ئه‌و بارودۆخه‌ هاتنه‌ گوهارتن، ئێدى چاڤێن دونیایێ ڤه‌بووینه‌ و هه‌بوونا كوردى ل ده‌ڤه‌رى نابێژم (لۆبیێ كوردى)، د گه‌ل دا ژى په‌یوه‌ندیێن فه‌رمى ل گه‌ل جیهانێ هزار جاركى ژ جاران باشتر بووینه‌، پشتى ڤه‌بوونا ده‌رگه‌هێن دونیایێ ل سه‌ر دیتنا وێ زۆرداریا ل هه‌مبه‌رى كوردان دهێته‌كرن، دوژمنان ژى شێوازێن خوه‌ یێن دژاتیكرنێ گوهۆرینه‌ و ب بنئاڤكى دكه‌ن، له‌ورا ژى شه‌ڕى ب وه‌كاله‌ت دكه‌ن. من نه‌ڤێت ناڤێ چو حزبه‌كێ بینم، لێ حزبا ده‌سهه‌لاتدار ل هه‌رێما كوردستانێ ژى ڤێ چه‌ندێ دزانیت، ل لایه‌نێ هه‌مبه‌رى ژى گه‌له‌ك حزبێن دیتر یێن هه‌مى دزانن كا چاوا دژاتیا كوردبوونێ دكه‌ن هه‌ر ب ناڤێ كوردبوونێ، ب ناڤێ ئێكرێزیێ دخوازن ئێكرێزیێ تێكبده‌ن. ئه‌ڤجا ب ڤێ گۆتنێ بۆ مه‌ دو ئێكرێزى دروست دبن، ئێكرێزییا راست و دورست ئۆمێدا هه‌ر كورده‌كێ دلسۆز ل سه‌رانسه‌رى جیهانێ، یا دیتر ژى ئێكرێزییا سه‌خته‌ و ئۆمێد و نیازێن دوژمنان د ناڤدا.. له‌ورا دێ بینین ئه‌ڤ حزبێن دیتر چاوا ب ناڤێ ئێكرێزیێ هێرش دكه‌نه‌ سه‌ر حزبا ده‌سهه‌لاتدارا هه‌رێمێ برێڤه‌دبه‌ت، دیاره‌ د ناڤ كریارێن وان دا په‌یاما دژمنان دگه‌هینن، وه‌كو چێ؟
وه‌كو فرۆتنا ئه‌ردێ كوردان وه‌كو مه‌ هه‌میان دیتى چاوا پێشمه‌رگه‌ هاته‌ هاندان كو ده‌ستان ژ ئه‌ردێ خوه‌ یێ رزگاركرى به‌رده‌ن؟!. مه‌ دیت چاوا پشته‌ڤانێن وێ دادگه‌ها نه‌ فیدال و نه‌ دادگه‌ه دكرن كو بهانه‌ییان ده‌ربێخن بۆ راگرتنا مووچه‌یێن هه‌رێمێ دهۆلا ئیراقێ لێددان هه‌روه‌كو ئیراق و سه‌رانێن ئیراقێ كرنه‌ شاما شه‌ریف ـ یا كو ل سه‌رێ لیستا گه‌نده‌لییا جیهانێ دابووـ حه‌تا راستییا وان ل ڤێ دوماهیێ دیاربووى!. خاله‌كا دى یا گرنگ یا كو دوژمنان بۆ كوردان دئازراند ئه‌و تۆمه‌تباركرنا هه‌ڤالینێ یه‌ ل گه‌ل ئیسرائیلێ بۆ هندێ دلۆڤانیا خه‌لكێ موسلمانێ ئیراقێ و ئیرانێ و توركیا و سووریایێ بده‌ستڤه‌بینن كو ل دژى كوردان رابوه‌ستیت، كو ئه‌و ب خوه‌ ئیسلام ب خوه‌ یا ژ وان بێگونه‌هه‌، چاوا وێ خانما داپۆشى یا وه‌زیرا دارایى یا ئیراقێ خوه‌ ب موسلمان دادنیت و ل مه‌ها ره‌مه‌زانا پیرۆز ل شوینا نانى موسلمانێن كورد یێن رۆژیگر بده‌تێ كو مافێ وانه‌، مووچه‌ ب هه‌ر بهانه‌كێ گیرۆ دكرن! یانژى ئیرانێ ب بهانا ئیسرائیلێ مۆشه‌ك د هه‌ولێرێ وه‌ركرین!. و پاشى بۆ سپیكرنا رویێ خوه‌ هنده‌ك مۆشه‌كێن ژه‌نكى د ئیسرائیلێ وه‌ركرین و نه‌گه‌هشتینه‌ چو ئارمانجێن زیندى!. دیسا ژ لایێ خوه‌ ڤه‌ ژى توركیا ب بهانه‌یا په‌كه‌كێ ده‌ستوه‌ردانان دكه‌ت، د بیردۆزه‌یا وێ دا دیاردبیت كو ئه‌ڤ حزبه‌ بۆچى هنده‌ ساله‌ دژاتیا هه‌رێمێ دكه‌ت و بۆ شه‌ڕه‌كێ نه‌خوازیار ڤه‌ دبه‌ت و ب ناڤێ ئێكرێزیێ سترانان دبێژیت!. ئه‌ڤه‌ چه‌نده‌ ژى راده‌یه‌ك بۆ هاتیه‌ دانان ژ لایێ سه‌رۆك مسعود بارزانى ڤه‌ وه‌ختێ بریارا قه‌ده‌غه‌كرنا شه‌ڕێ براكۆژیێ داى چه‌ندى د شیان دا بیت، میناك ژى گه‌له‌ك جاران مه‌ دیتیه‌ كو شه‌ڕ ئیناینه‌ به‌ر ده‌رگه‌هێ مه‌، لێ سه‌ركردایه‌تییا مه‌ ته‌حمل كریه‌ و خۆژ ڤى جۆره‌ شه‌ڕى راگرتیه‌!. ئه‌ڤ هه‌مى هێرش و هه‌ره‌شه‌ ب ناڤێ ئێكرێزیێ به‌ر ب مه‌ ڤه‌ دهێن، دكارم وه‌سف بكه‌م ب گۆتنه‌كا ئیمام عه‌لى (س) وه‌ختێ گۆتى: كلمه‌ یحق یراد بها باگل.. ، ئه‌ڤجا ئێكرێزییا راست و دورست نه‌ ب درووشمێن حزبایه‌، به‌لكو ب رێزێن ته‌ڤایا جه‌ماوه‌رێ خۆراگره‌.. ل دوماهیێ به‌لێ بۆ ئێكرێزیا راست و دورست یا هه‌مى كوردان…

1

شێرزاد نایف
ژبلى قه‌ده‌را سروشتى و ئه‌و له‌هیێن نه‌ د سروشتى؛ یێن ب سه‌ر باژارێ مه‌ یێ خۆشتڤى دا هاتین، یا خۆیایه‌ كو مه‌ جۆبار و سۆلینێن بنئه‌رد هه‌نه‌، چاڤدانا وان هشیاریه‌ك و ره‌وشه‌نبیریه‌ك پێ دڤێت و پشتى كو ئه‌ڤ وانه‌ سه‌ر مه‌ دا هاتین دڤێت ببنه‌ جهێ مفای و پێگیریكرنێ، لێ نزا چ بێژم هه‌روه‌كو مه‌ چو وانه‌ ژێ وه‌رنه‌گرتن، بۆ میناك به‌رى چه‌ند رۆژه‌كان و ب دروستى به‌رى رۆژا جه‌ژنێ، من كابرایه‌ك ل بنێ جاده‌یا به‌رۆشكێ دیت (سیكا عه‌سرى) عه‌لاگه‌یێن خیزى دبه‌ردانه‌ وێ مه‌نهۆلا مه‌زن، ئه‌ز گه‌هشتمێ و من نه‌هێلا وه‌بكه‌ت كو خرابه‌، لێ پشتى بێنه‌كا دى زڤریمه‌ وى جهى، من دیت دیساڤه‌ یێ وه‌ وه‌دكه‌ته‌ڤه‌، ڤێ جارێ من لێ شداند و من نه‌هێلا خیزى به‌رده‌ته‌ ناڤ سۆلینا مه‌زن دا. هه‌ر چه‌نده‌ من لایه‌نێن په‌یوه‌ندیدار هایداركرن و مه‌ ب درێژى ل گه‌ل جه‌نابێ رێڤه‌به‌رێ سۆلینان ئه‌ڤ مژاره‌ باس كر، ب خۆشحالى ڤه‌ دیاربوو ئه‌وان پلانه‌كا به‌رفره‌هتر و هه‌ژى هه‌یه‌ ژ هه‌مى پێرابوونێن پێدڤى، مه‌ هه‌میان ژى دیت چه‌ند كو ژ پێش چه‌ند سالان و هه‌تا ئه‌ڤرۆ ستافێ ئۆفیسا سۆلینان ل دهۆكێ ب گیانه‌كێ پێشمه‌رگاتى و خزمه‌تكارى دچنه‌ د ناڤا قه‌سیسان دا و خوه‌ تووشى قرێژا مه‌ترسیدار دكه‌ن و ب شه‌ڤ و رۆژ یێن د ئه‌ركى دا، ماندیبوونا وان نه‌ شه‌ڤ شه‌ڤ بوو و نه‌ك رۆژ رۆژبوو، سه‌ره‌راى هینگى مووچه‌ ژى ژ لایێ به‌غدا ڤه‌ نه‌دهاتنه‌ هنارتن، كو ب ڤێ چه‌ندێ ژلایێ مه‌ هه‌میان ڤه‌ دهه‌ژى خه‌لاتكرنێنه‌، لێ ئاریشه‌ ئه‌وه‌ كو بۆچى ئه‌م ڤى بیاڤى ب گرنگى وه‌رناگرین؟ چاڤێن مه‌ یێن ڤه‌بووین و گوهێن مه‌ یێن ڤه‌بووین.
به‌رى دو سالان د دیداره‌كێ دا ل گه‌ل رێڤه‌به‌رێ سۆلینان بۆ ئه‌ڤرۆ دیاركربوو كو ئه‌و به‌رده‌وام چاڤدێرییا پاككرنا سۆلینان دكه‌ن و بۆ زانین رووبارێ هشكه‌رۆى خه‌لكى وه‌سا پیس كریه‌ هند تشتێن مه‌زن هاڤێتنه‌ تێدا كو ئه‌قل باوه‌رنه‌كه‌ت، هه‌تا وى راده‌یى كو بلۆك و سه‌لاجه‌ و پارچه‌یێن ئاسنى و تشتێن وه‌سا هاڤێتنه‌ تێدا وه‌كو مه‌زبه‌له‌كا مه‌زن لێهاتبوو!!. ئه‌ڤجا هشیاركرنا جڤاكى ل سه‌ر ره‌وشه‌نبیرییا پاراستنا سۆلین و جۆبارێن ئاڤێ یا گرنگه‌، وه‌كو وه‌لاتێن پێشكه‌فتى، هه‌ر ژ شویشتنا ئه‌مانان ل لێنانگه‌هێ و رێتنا تشتێن گران بۆ جۆیێن ئاڤێ كو خوه‌ نابیت روینێ خوارنێ دارێژنه‌ بۆریێ دا نه‌بیته‌ گلیز و ئالۆز نه‌بیت، چونكو گه‌ر سۆلینێن مه‌ خه‌تمین وه‌كو شریانا خوینێ دێ بیته‌ ئه‌گه‌رێ جه‌لته‌یا دلى و له‌هیى په‌یدا بن و ئه‌وا رویدا روی بده‌ت!

7

شیرزاد نایف
پشتى كو هه‌رێما كوردستانێ هێرشێن تیرۆرستى یێن (داعشێ) شكاندین و پرۆسه‌یا بریارا ده‌ستنیشانكرنا چاره‌نڤیسێ خوه‌ ب گشتپرسیا ریفراندۆمێ داى، ئێدى جه‌ختیا نه‌یارێن هه‌رێمێ و كیانێ وى یێ ب هێز چڕتڕبوویه‌ و ب هه‌مى ره‌نگان بزاڤێن ژناڤبرنا ڤى كیانى هاتنه‌دان كو ل ده‌سپێكێ ب ئاشكرایى هێرشێن له‌شكرى بوون ب رێیا ده‌ستكێ خوه‌ یێ كو دبێژنێ (حه‌شدا شه‌عبى)، ئه‌نجام ژى دیاربوون كو ب ئاسنى و ئاگرى هاتنه‌ پاشڤه‌برن و ئیراده‌یا نفشێ كه‌ڤن و یێ نویى ته‌ڤلى هه‌ڤ بوون و ئه‌ڤ هێرشه‌ شكاندن، پێشمه‌رگه‌ى بڕیارا چاره‌نڤیسێ ڤى مله‌تى دا، بۆ وان دیاربوو كو ئه‌ڤ رێكه‌ دێ وان تووشى شه‌رمزاریێ كه‌ت ل به‌رامبه‌ر رایا گشتى و هه‌ڤالێن كوردستانێ ژ وه‌لاتێن ئه‌ورۆپى و ئه‌مریكا، وان هه‌ست كر كو هیلالێ وان یێ شیعى یێ ئیرانى ل به‌رامبه‌ر بلندیا حه‌مرینى و زاگرۆسى راوه‌ستییا، هه‌ر هینگى جه‌نابێ سه‌رۆك و رابه‌رێ كوردان مه‌سعود بارزانى خۆیاكر و گۆتى كو پشتى مه‌ ئه‌لغامێن سه‌ربازى راكرین، ئێدى ئه‌لغامێن سیاسى دێ ب مه‌ ڤه‌ به‌قن و دێ هه‌ولێن تێكدانێ هێنه‌ مه‌، ئه‌ڤ ئاخفتنا هه‌نێ جهێ خوه‌ گرت و ئه‌ڤ رویدانێن دراماتیكى رویدان كو مه‌ نه‌ڤێن وه‌كو چیرۆكه‌كێ بڤه‌گێرین، لێ ل دوماهیێ بێنا وان نه‌هات كو بوجه‌ و مووچه‌ و هنارده‌كرنا پترۆلێ راوه‌ستانینن!، چوونه‌ د ناڤ هووركاتییا مادده‌یێن ده‌ستوورى دا ب رێیا ده‌ستكێن خوه‌ ل ئیراقێ كو ل ڤان رۆژان مایێ خوه‌ د سیسته‌مێ كۆتایا كێمه‌ نه‌ته‌وه‌یان كرن ب پیلان بۆ هه‌لبژارتنا په‌رله‌مانێ كوردستانێ هاتنه‌ رێستن.. نه‌رازیبوونا مۆزاییكا ڤان كه‌مه‌نه‌ته‌وه‌یان دیاربوو كو هه‌مان ستایلێ دكتاتۆریه‌تا جاران یا دهێته‌ كرن وه‌كو سه‌ركوتكرنا خه‌لكێ هه‌ژاره‌ و دوورخستنا پرۆسه‌یا دیمۆكراسیێ.. له‌ورا باشترین په‌نا ئه‌ڤ گه‌فا بایكۆتكرنا پارتى یه‌ كو بێته‌كرن داكو ل ڤى راده‌یێ خوه‌ راوه‌ستیت.. هه‌كه‌ نه‌ پارتى هه‌رده‌م حزبا پیشه‌نگه‌ د هه‌مى هه‌لبژارتنان دا و مله‌ت د گه‌ل دا د خۆشى و نه‌خۆشیان دا و هه‌روه‌سا مه‌رجه‌عێ چاره‌سه‌ركرنا هه‌مى ئالۆزی و ئاریشه‌یێن سیاسى یێن ئیراقێ یه‌.

0

شێرزاد نایف
سه‌ربۆر ماكا سه‌ركه‌فتنێ یه‌، ئه‌ڤه‌ ژى سه‌ربۆره‌كا دیتر ژى ب سه‌رێ مه‌ هات و بۆ من به‌رسڤه‌كا پسیاره‌كێ هاته‌ ئاشكراكرن، كو هه‌رده‌م ئه‌ز د ده‌روونا خوه‌ دا دكه‌م و دهه‌لسه‌نگینم، ئه‌رێ گه‌لۆ كیش دوژمنێ گه‌لێ مه‌ یێن كو ئه‌م دۆرپێچكرین باشتره‌؟ ـ بلا دوژمنێ سیاسى بیت نه‌ك یێ گه‌لان ـ هه‌لبه‌ت ژبلى لایه‌نێ (كوردى ـ كوردى) ب خوه‌. وه‌سا دیاره‌ كو هه‌مى ئێكن و كه‌س ژ كه‌سێ باشتر نینه‌، ئه‌ڤجا بۆ ڤى دۆخێ نها و فاكته‌رێن ژیوارى، كو دونیا هاته‌ گوهارتن ب قه‌نجییا ته‌كنه‌لۆژیایێ و ئه‌و گه‌نجین بیانى یێن بۆ مه‌ بیاڤێن میدیایى و سۆشیال میدیایى ئافراندین ئێدى ده‌نگێ مه‌ دگه‌هیت، نه‌ تنێ ده‌نگ به‌لێ یا بوویه‌ ده‌نگ و ره‌نگ.. هه‌روه‌سا ژ ده‌نگ و ره‌نگان ژى ده‌ربازبوویه‌، ئه‌م دكارین راسته‌وخوه‌ خه‌لكێ بیانى ببینین روى ب روى ده‌ستێ وان بگرین خودانێن بریارێ و چاره‌نڤیسى بێژینێ كو وه‌رن ببنه‌ حاكم و راستیان ببینن و پشته‌ڤانیا دۆزا مه‌ بكه‌ن. راسته‌ گه‌له‌ك وه‌لاتان ژى تێرا خوه‌ بۆ مه‌ كریه‌، به‌لێ دوژمن یێ مه‌زن و گه‌له‌ك و هزر و ئایدیێن وى د رۆژهه‌لاتینه‌، بۆ ڤێ چه‌ندێ ژى دڤێت دو تشتێن گرنگ بهێنه‌كرن، ئێك ئه‌و داخواز و لاڤایێن هه‌ركورده‌كى كو (ئێكرێزى) یه‌، و یا دى چاكسازیا ده‌ستپاكیێ پتر دلێَ تاكى خۆش بكه‌ت و دگه‌ل دا ژى تاك ب خوه‌ ژى خوه‌ بگوهۆریت حه‌زژ به‌رژه‌وه‌ندیا گشتى بكه‌ت و پاشى یا كه‌سى.. هینگى ره‌ڤه‌ندا كوردى ژى ل ده‌رڤه‌ى وه‌لاتى دێ دلێ وان خۆش بیت و یێ هاریكار بیت ب دل و جان كو خوه‌ بكه‌ته‌ لۆبیه‌ك و ده‌رگه‌هێن هه‌میان بقوتیت كو هارى مه‌ بكه‌ن نه‌ ب هێز ب تنێ، به‌لكو ب داخۆیانیان ژى هه‌ڤكێشه‌ دهێنه‌ گوهارتن. ره‌ڤه‌ندا مه‌ ژى یا دلسۆزه‌ و دلێ وان ل دویڤ مه‌ ڕایه‌ مینا دبێژن (ده‌نگێ دهۆلێ ژ دوورڤه‌ یێ خۆشه‌) لێ نه‌ ب رامانا (دهۆلا ڤالا) لێ خه‌ریبیا ل دوورى وه‌لاتى!.. پێشنیار دكه‌م حوكمه‌تا مه‌ یا ره‌شید خوه‌ ل پرۆژه‌كێ په‌یداكرنا لۆبیه‌كێ كوردى یێ ب هێز بكه‌ته‌ خودان ب. بۆ میناك مه‌ دیت ل كۆنگره‌یێ جیهانى یێ (داڤۆس) جه‌نابێ سه‌رۆكێ حوكمه‌تێ چه‌ند بزاڤێن هه‌ژى ئه‌نجامدان.. وه‌كهه‌ڤه‌ بۆ ڤى پرۆژه‌یێ ئه‌م باس لێ دگه‌ین؟. ڤێجا باشه‌ ب هه‌مى ره‌نگان ب هێز بێخیت تایبه‌ت ب زێده‌كرنا مرۆڤان.. دیراسه‌ بكه‌ت و ل ئه‌ورۆپا بنگه‌هه‌كێ ب هێز بۆ ڤێ ئێكێ دابنیت و بلا خه‌لكه‌كى نه‌یێ نه‌ته‌وه‌ كورد ژى ل خوه‌ كۆم بكه‌ت تایبه‌ت عه‌ره‌ب و فارس و توركان یێن كو د دۆزا مه‌ دگه‌هن، چونكو پشتى چووینه‌ ده‌رڤه‌ وه‌لاتى چاڤ و ده‌ف و دلێن وان ڤه‌بووینه‌ و یێن دبینن، به‌س دڤێت ئه‌م ژى خوه‌ چێكه‌ین..

11

شێرزاد نایف
من دڤێت ئه‌ڤى زاراڤێ به‌ربه‌لاڤ ل ئیراقا جاران بگه‌هینمه‌ ئه‌ڤى نفشێ مه‌ یێ نازك و نازدار ل به‌ر دلێ مه‌، كو مه‌ بۆ خوه‌ نازاندیه‌ وه‌كو كاردانه‌ڤه‌یا نفشێن مه‌ و باب و باپیرێن مه‌ یێن نه‌هاتینه‌ نه‌نازاندن و نه‌ خۆشیه‌ك بربیت، وه‌كو ئه‌و ب خوه‌ ژى نها ستریكا و ڤیدیۆیان ل سه‌ر مه‌ دورست دكه‌ن؛ دبێژن ده‌مێ باب و باپیرێن مه‌ دچوونه‌ قوتابخانێ ب رێسك و قاره‌مانى دچوون ب رێڤه‌ هرچا و شێر و گورگان هێرش دكرنێ.. ئه‌ڤجا ئه‌ڤه‌ زاراڤه‌ د كۆكا خوه‌ دا ژ زمان و دیارده‌یێن فره‌نسى ده‌ركه‌فتیه‌، به‌لێ ل ئیراقێ جهێ خوه‌ دیتیه‌، چه‌ندى هه‌وێن حوكمداركرنا خه‌لكێ مه‌ یێ كوردپه‌روه‌رد ب گوله‌بارانكرنێ دكرن، سه‌ده‌م ژى كوردینى و هه‌لوه‌ستێن نه‌ته‌وه‌یى بوون، كو ل داویێ پشتى (ره‌میكرنێ) وه‌ختێ گه‌نجێن مه‌ دكه‌فتنه‌ ئه‌ردى سه‌ربازێن وان یێن كو دگۆتنێ (ئینزیبات) دا هێنه‌ هنداڤ سه‌رێن وان ته‌رمان یێن كه‌فتین و فیشه‌كه‌كێ به‌رده‌نه‌ سه‌رێ وان یێ نه‌رم و نیان؛ داكو پشتراست ببن كو ژیان ب جه هێلان و بوونه‌ شه‌هید.. ڤێجا من دڤێت بێژم كو ئه‌وان نه‌ك ژ به‌ر دلۆڤانیێ بوو به‌لێ دڤیان مه‌ ته‌مام بكه‌ن دلێ وان ب مه‌ڤه‌ بوو.. به‌لێ ژ به‌ر هندێ بوو كو زویكا ئه‌ركێ خوه‌ بجهبینن و بالا مه‌ ژ خوه‌ ڤه‌كه‌ن.. ببینه‌ وانه‌ بۆ كه‌س و كارێن خوه‌ كو كوردینێ نه‌كه‌ن و خوه‌ ده‌ستبه‌ردایى نه‌ته‌وه‌بوونا خوه‌ بكه‌ن. به‌لێ باش بزانن كو ئه‌ڤا مه‌ كری و ئه‌م دكه‌ین بۆ سه‌ربه‌خوه‌یا وه‌لاتێ خوه‌یه‌، ژبه‌ر وان هه‌لوه‌ست و تاوانان. كو گه‌له‌ك و گه‌له‌ك ب سه‌رێ مه‌ كوردان هاتیه‌ ژبه‌ر نه‌بوونا ده‌ستهه‌لاته‌كا كوردى و كیانه‌كێ سه‌ربه‌خوه‌.. ب سه‌دان د زیندانان دا بێ چو فیشه‌كێن ره‌حمێ هاتینه‌ كوشتن. له‌ورا ژى مه‌ ریفراندۆم كربوو و ئه‌م نه‌ دپه‌شێمانین حه‌تا ئه‌ڤێ چركه‌یێ ژى، مه‌ یا دروست بۆ هه‌وه‌كر و بلا ل بیرا هه‌وه‌ ژى بیت كو تنێ ب سه‌ربه‌خوه‌یێ ئه‌م دێ گه‌هینمه‌ مافێن خوه‌ كو وه‌ك مرۆڤ بژین.. ئه‌ڤا دهێته‌كرن ژى ل دژى مله‌تێ مه‌ ژ بڕینا قووت و مووچه‌یێ مه‌ ژى هه‌ر ئه‌گه‌ر ئه‌ون و ئه‌م بۆ هندێ ئاراسته‌كرینه‌ كو كراسه‌كێ قرێژى بكه‌نه‌ به‌ر مه‌ و سه‌رانێن مه‌ و دلێ مه‌ ژ كوردینیێ ره‌ش بكه‌ن و شیان ژى بكه‌ن ژى هه‌تا راده‌كى ب گرۆڤه‌یا هندێ گه‌له‌ك كۆمێنتێن ره‌خنه‌یى دێ بۆ ڤێ گۆتارا من هێن.. دبێژم ژى راسته‌ جۆره‌كێ گه‌نده‌لیێ هه‌یه‌.. به‌لێ یێ خرابیێ بكه‌ت هه‌ر دێ سه‌رێ خوه‌ تێ به‌ت، به‌لێ كه‌س نابیت فیشه‌كه‌كا ره‌حمێ لێبده‌ت و دێ د عه‌زابا خوه‌ دا گه‌ڤزیت و دێ هه‌ر بێژین هه‌ر كوردین و هه‌ر دێ كورد بین.

23

ب نێرینــەكا بێالیەنــی هەروەكــو ئــەڤ شەڕێ ل غەززەیێ هاتیەكرن، ب رەهەندەكێ خــوە چ راســتەوخوە یــان نــە راســتەوخوە، جۆرەكــێ شــەڕی یــە د بیاڤــێ ســەربازی دا دبێژنـێ (توجـس)، گەلەك كارتێـن تێكهەلی ئێك ژێكڤاڤارتن و گەلەك تشـتێن ڤەشـارتی ئاشــكرا كــرن و مینــا ب زارێ مللــی دبێــژن (هەمـی ژ كۆنجێ دەرئێخسـتن)!. ئەڤ گوتارا عەرەبـی و ئیسـامی (نەك ئیسـاما راسـت) كـو سـالەها سـالە ئـەم دبهیسـین كـو ئـەو پرسا فەلەسـتینێ بۆ وان هێال سۆرە و چوویە د ناخـێ وان دا و ئـەو ژ دایكوبابێـن خـوە پتر گرنگیـێ ددەنـە فەلسـتینێ و جهـێ پیـرۆزێ ئیسرائا پێغەمبەرێ خودێنە و ئەون وەكیلێن وی ل سـەر ئەردی و.. ئیسـام و فلسـتین بۆ خـوە كربوونـە درووشـم و مەرەمـا دلـێ خوە، حەتـا وی رادەی هـەر كەسـێ هەڤالینـی ژی ل گەل ئیسـرائیلێ هەیـی ئـەوان دابڕینا وان كریـە ـ هـەر چەندە ئەو هەمی دۆسـتێن وانە و پسـمامێن وانـە ژی ب نـەژادا خـوە ـ خـوە ئـەم كـورد ژی تاوانباركرینە كو ئـەم هەڤالێن واینـە، هـەر چەنـدە هەرێمێ و سـەرانێن وێ چــو بایەخــەك ب ڤــان تۆمەتــان نەداینــە و مینـا جەنابـێ سـەرۆك بارزانـی گۆتـی هەكە مـە پەیوەنـدی هەبـن ژی ئەم نە دترسـین و نـە شـەرم دكەیـن ژ كەسـەكێ. دیسـا ئەڤێن هەنـێ هەردەم رۆندك بۆ فلسـتینیان دئینانە خـار و گەلـەك موزایـەدە دكـرن كـو ئـەو دێ دونیایــێ خــراب كــەن هەكــە ئیســرائیل نێزیكــی فلســتینێ ببیــت، ڤێجــا ژ وان 22 وەالتێـن عەرەبـی بگـرە و حەتـا 57 وەالتێـن موسـلمانان، یـا مـە هـزر ژ بانگێـن وان دكـر كـو دێ بـەری ل سـەر بـەری ناهێلـن، بەلـێ راسـتی دیاربـوو كـو كـەس نەشـیا خـوە نـە بلڤینیت و نـە داخۆیانیەكێ بدەت ل هەمبەر دەولەتـەكا بچویك یـا وەكو ئیسـرائیلێ، هەر جـار گۆپیتكێـن عەرەبی یێـن مـەزن دهاتنە دانـان و سـروودێن ب كـۆم دگۆتـن و وژدانـا عەرەبــی دهێنــە زمــان و ئێــك رۆندكێــن دەســتكرد ژی ببارینــن، هــەژی گۆتنــێ یــە كـو ئـەڤ دەسـتەواژەیا رۆندكێن تیمسـاحان شـێوازەكە تیمسـاح بكاردئینـن خـوە مەلیل دكـەن ب تنـێ داكو نێچیـرا خوە پێ دسـەردا ببـەت، ب ڤـی رەنگـی هاتیـە بەالڤكـرن. ل دوماهیــێ دبێژیــن هــەر كــەس یــێ ئــازادە الیەنگیــرێ كــێ بیــت و كــێ نەبیــت، بەلــێ كوشــتنا ســڤیالن و شــەڕ تونــدرەوی ژی ب دلـێ چـو مرۆڤـان نینـە و ئـەم ژی ژ وان!

8

شێرزاد نایف

حه‌تا ڤێ كێله‌كا نڤیسنا ڤێ گوتارێ دیرۆكا مه‌ كوردان و نفشێ مه‌ یا تووشى ڤه‌شارتنێ و بنپێكرنێ دبیت، ژ لایه‌كێ دی ژی ڤه‌ كاودانێن گه‌له‌ك دژوار ب سه‌ر مه‌ دا هاتینه‌ و هه‌رده‌م كه‌فتیه‌ به‌ر به‌رزه‌بوونێ و گه‌فێن دوژمنان، ده‌رفه‌ت نه‌كه‌فتیێ ئه‌و په‌ڕێن شانازیێ بۆ خوه‌ ژ بنێن به‌حران دا بینینه‌ ده‌ر، رۆژ بۆ رۆژێ ژی چیرۆك و سه‌رهاتیێن جوداتر بۆ مه‌ دیاردبن، د بیاڤێ خه‌بات و تێكۆشانا خه‌لكێ شه‌ڕفمه‌ندێ مه‌ دا چیرۆكێن فیداكاریێ و دلسۆزیێ ب جۆراتیا خوه‌ ڤه‌ ناهێنه‌ هه‌ژمارتن چه‌ندى دزۆرن. ل ڤان رۆژان دو چیرۆكێن گه‌له‌ك شاناز و ب تراژیدی مه‌ بهیسین و پشتی نێزیكی یۆبیله‌كا زێرین ل سه‌ر شانازیا شهاده‌تێ پێخه‌مه‌ت به‌رگریكرنا وه‌لاتی ژ دوژمن و زوحاكان دیاربوون، ئێك ژ وان یا شه‌هید (حه‌سه‌ن سه‌برى كێسته‌ی) یه‌، كو د به‌رنامه‌كێ تلفزیۆنی دا هاته‌ ئازراندن و هه‌روه‌سا ژ ره‌نج و ئه‌ركێ پیرۆز سه‌نته‌رێ كۆماته‌ یێ دیاركرنا راستیان و پاراستنا دیرۆكا پێشمه‌رگه‌ى و رۆلێ پێشمه‌رگێ قاره‌مان (رزگار كێسته‌ى)، چیرۆكا قاره‌مانانه‌ و خه‌مگینانه‌ یا ڤى شه‌هیدى دیاربوو، لێ ئه‌ز هند ناچمه‌ د ناڤ هووركاتیێن ڤى بابه‌تی دا، به‌لكو بلا بۆ راپۆرته‌كا به‌فره‌هتر بیت د ڤێ رۆژنامێ دا، به‌لێ چونكو گرێدای چیرۆكا دیتره‌ یا ڤێ گوتارێ كو دبیته‌ شه‌هیده‌كا سه‌ربه‌رز.. شه‌هید (به‌یان خان)، ئه‌و كچا كورد ئاكنجیا ده‌ڤه‌را ئاكرێ یه‌، چیرۆكا وێ د به‌رنامه‌یێ (تاڤه‌هه‌یڤ ـ یێ كاك ـ سه‌بری سلێڤانه‌ی) دا دهێته‌ دیاركرن ل سه‌ر زارێ پێشمه‌رگێ دێرین (حاجی خدر)، كو ئه‌ڤێ چیرۆكێ و چیرۆكا شه‌هید حه‌سه‌ن سه‌برى ئه‌م ڤه‌جنقاندین، رۆلێ وێ خیشكا شه‌هید دیاردكه‌ت.. رۆلێ شێره‌ژنا كورد وه‌ختێ پێشمه‌رگه‌ی ره‌وانه‌ دكه‌ت ب چه‌كی و خوارنێ و پشكداریكرن د بزاڤێن پراكتیكی دا، ئاماژه‌ دكه‌ت ده‌مێ دچیته‌ مالا وان و به‌یان خانم وه‌كو سه‌ركرده‌یه‌كا خه‌مخۆر و دلسۆز بۆ وه‌لاتێ خوه‌، زكێ وى یێ برسى ب برنجا ب شیر تێردكه‌ت و ته‌قه‌مه‌نیه‌كێ 1000 فیشه‌كان دبه‌خشیت و دبێژیتێ ئه‌و هه‌ردو پێشمه‌رگه‌یێن به‌رییا ته‌ ژى هاتینه‌ مه‌ ره‌وانه‌كرینه‌، و پاشى ئه‌و ب خوه‌ ژی دچیت و پشكداریێ د خاكسپاردنا شه‌هید حه‌سه‌ن دا دكه‌ت. كو ئه‌و ب خوه‌ رێكخستنا ناڤخوه‌ی و نهێنی بوو، پشتی هینگى ب مخابنی ڤه‌ ل سه‌ر ده‌ستێن رژێما داگیركه‌ر و سته‌مكارا به‌عس دهێته‌ سێداره‌دان و لاپه‌ڕه‌كێ شانازێ دیرۆكا تێكۆشانێ تۆمار دكه‌ت، ب مخابنی ڤه‌ حه‌تا ئه‌ڤرۆ كو دبینه‌ نێزیكى 45 سالان ژنیكا ئه‌ڤ چیرۆكه‌ هاته‌ ئاشكراكرن، ژ ڤێ گۆتارێ ده‌سپێدكه‌م و چریسكه‌كه‌ كو ئه‌ڤ چیرۆكه‌ و چیرۆكا حه‌سه‌ن سه‌برى ب ئاشكرای ب بلنداهیا چیایێ پیرسى و زنارا كێسته‌ دیرۆكا وه‌لاتێ مه‌ بخه‌ملینن. هه‌ر چه‌نده‌ من گه‌له‌ك ب سه‌رڤه‌سه‌رڤه‌ پێزانین دیاركرن به‌لێ ده‌لیڤه‌كه‌ بۆ مه‌زنكرنا هه‌ردو بابه‌تان ب ئاسۆیه‌كێ گه‌شتر.. به‌لێ بۆچى جه‌ختیا من كه‌فته‌ سه‌ر رۆلێ ژنا كورد و پشكداریكرنا وێ د بزاڤا رزگاریخوازى دا، چونكو بیرا مه‌ دهێت وه‌ختێ ژیێ ده‌ه سالیێ چاوا دایكێن مه‌ ئه‌م ل سه‌ر ڤێ رێبازا پیرۆز په‌روه‌رده‌كرین و نان و خوارن و مۆرالا پێشمه‌رگه‌ى دكرن، بیرا من دهێت وه‌ختێ كه‌سوكارێن مه‌ یێن پێشمه‌رگه‌ خوه‌ ژ چیاى دخشاندنه‌ ناڤ باژارى وب به‌رزه‌ی ڤه‌ دهاتنه‌ مالێن مه‌ و چه‌ند ب كه‌یف و خوشی چانتكا وان پڕى نانی و هه‌ر تشته‌كێ خۆش بۆ دابین دكر، هه‌روه‌كو فریشته‌ك بۆ مه‌ ژ ئه‌سمانى هاتیه‌ خار و پشتی دچوون ژی دلێ مه‌ ل دویڤ را دچوو، ل ده‌مه‌كى كو به‌عسیان ب زۆری جلكێن زه‌یتوونی دكرنه‌ به‌ر خه‌لكێ مه‌، دكرنه‌ جه‌یش شه‌عبی. پشتى ژ نه‌فیكرنێ و راگوهاستنێ هاتین، به‌لێ دایكێن مه‌ ئه‌و په‌روه‌ده‌یا فیداكاریێ یا د ناڤ ناخێ مه‌ دا چاندی و حه‌تا ئه‌ڤرۆ مایه‌، كێم ملله‌تان ئه‌ڤ جۆره‌ شێره‌ژنه‌ هه‌نه‌، گیانێ شه‌هید به‌یانێ شاد بین و هزار سلاڤ ل سه‌ر گیانێ هه‌می شه‌هیدێن رێبازا كوردینیێ بت.

69

((به‌ر ب كۆنگره‌یێ پارتى))
فۆبیا كۆنگرێ پارتی!
شێرزاد نایف
ل دووڤ وێ په‌ندا كوردى یا دبێژیت، یێ مار دیتی ژ وه‌ریسى دترسیت!! ئه‌ز دوور نابینم گه‌له‌ك لایه‌نێن نێڤده‌ولى و هه‌رێماتیك تایبه‌ت یێن هه‌ڤسوى چاوا فۆبیایا ده‌ستوورێ ئیراقێ و هه‌روه‌سا یا پرۆسا ریفراندۆمێ هه‌یین و ترس ژ پارتى دیمۆكراتى كوردستان و ژ سه‌ركردێ وێ سه‌رۆك مسعود بارزانى، ره‌هه‌نده‌كێ خرابناك نه‌بیت، چونكو ب ڤێ ئێكێ بۆ مه‌ خۆیا دبیت كو ئه‌وان ستێركا سه‌هما خوه‌ یا ل به‌ستنا كۆنگره‌یێ چاردێ یێ ڤێ حزبێ ژى گرتى و هه‌مان فۆبیا دێ هه‌ڤیرێ وێ ئاڤێ وێ ڤه‌خۆت! چونكو پارتى ب په‌یره‌وێ خوه‌ڤه‌ كه‌ته‌لۆكا دینامۆیا ده‌ستوورێ ئیراقێ و كوردستانێ یه‌ و له‌ورا چاڤێ ده‌روبه‌ران دێ ل ڤى كۆنگره‌ی بیت و ئه‌نجامێن وى، دبیت پترى هندێ بیت كو ژ چاڤێ گه‌له‌ك ژ كادرێن پارتى ب خوه‌ ب خوه‌ پتر بیت كو هند ل به‌ر دراوه‌ستییانه‌، كا چاوا خوێیا خوه‌ كرینه‌ ده‌ستوورێ ئیراقا فیدرال و شێواندینه‌ ل به‌ر به‌رزه‌ بوویه‌ ب چ رێ هه‌ڤڕكیا ده‌ستورى بكه‌ن.. ئه‌نجامێن ڤێ مایتێكرنێ ژى ددیار و ئاشكرانه‌ كا ئیرۆ چ دقه‌ومیت و چه‌ند شه‌ڕێ ڤى ده‌ستوورى دهێته‌كرن، و به‌رى هینگى ژى مژارا ریفراندۆمێ و ئه‌نجامێن وى و ره‌هه‌نێن كارڤه‌دایى و چاڤپێنه‌رابوونا سیاسى هه‌ما هه‌ر به‌حس لێ نه‌كه‌ جارێ… چونكو ژبلى پرسا ریفراندۆمێ، شوون په‌نجێن پارتى باش د ده‌ستوورێ ئیراقێ دا ددیار و ئاشكرانه‌ و تایبه‌ت ژى رۆلێ هه‌رى كاریگه‌رێ سه‌رۆك مسعود بارزانى چونكو وى ده‌مى و هه‌تا نوكه‌ ژى پارتى بهێزترین هێزا سیاسى و له‌شكرى بوو ل ئیراقێ، هینگى وه‌كو نوكه‌ نه‌بوو كو ده‌ستێن ده‌ره‌كى هند هاتینه‌ دناڤ دا، هینگى برینا ئیراقێ یا گه‌رم بوو و ئه‌مریكا و هه‌ڤپه‌یمان د زال بوون، له‌ورا یا دیاره‌ ب ته‌كه‌هون و ب بیركرن كو ئه‌و ل به‌رن هه‌مان سه‌رده‌رى ل هه‌مبه‌رى ڤى كۆنگره‌یى بكه‌ن، ئه‌ڤجا تو هزر كه‌ى دێ ب چ رێك و شێواز بیت؟! كو به‌ربه‌رست و پێئالینكان دابننه‌ به‌ر پارتى.. زۆرا یا هه‌ستیاره‌ دڤێت پارتى هه‌مى ئۆپشنێن ڤێ پرسێ دابنیته‌ پێش چاڤێن خوه‌ ل به‌راهیا وان تشتێن دى دیتر یێن نێزیكى رۆتینێ!!. چونكو په‌سه‌ندكرنا هنده‌ك په‌یره‌وان بۆ دوژمنان گه‌له‌كا گرنكه‌. دڤێت پارتى بزانیت ره‌هه‌ند و ئیفرازاتێن بریارێن كۆنگره‌یى دێ چ بن و ماسته‌ر پلانه‌ك هه‌بیت بۆ رووب رووبوونا هه‌مى هه‌ڤركیان، و ئه‌و سپیرایزه‌رێن نێگه‌تیڤ گه‌ر بهێنه‌ روودان. دێ چ بن؟.. چ به‌رهه‌ڤیان بگرنه‌ به‌ر.. پارتى یا مه‌زنه‌ و دوژمن ژى یێ مه‌زنه‌، دڤێت پارتى شه‌عبیه‌تا خوه‌ بڤه‌گه‌رینته‌ ڤه‌ مینا شۆرشێن ئیلۆن و گولان و سه‌رهلدانێ ب رێكێن دارایى، و دوپاتیێ ب كریار و ب له‌زكرن ل ئێكرێزیا ناڤمالا كوردى بكه‌ت. كارێن دیتر دوور نابینم به‌رهه‌ڤیه‌كا نه‌باش بۆ هاتبیته‌كرن.

22

شێرزاد نایف
جاره‌كێ گۆتاره‌ك ب مانشێتێ (حه‌لاوه‌ ل به‌رامبه‌ر نعال) مه‌ نڤیسابوو، بیرا من لێ هات ده‌مێ من ده‌ست بنڤیسنا ڤێ گوتارێ كری، به‌لێ ئه‌ڤ بازارێ دوماهیێ نووتره‌ ژ یێ كه‌ڤن، دیارده‌كا جوان د وارێ مه‌ دا په‌یدابوویه‌ ل ڤان دوماهیان دوور ژ كریارێن رێكخستى یێن ڤاڤارتنا گلێش یێن كو لایه‌نێن فه‌رمى پێ رادبن و پرۆتۆكۆلێن وه‌سا هاتبه‌ راگه‌هاندن، لێ هنده‌ك كه‌س رادبن ب كۆمكرنا كارتۆنان (مقاوه‌) یێن به‌ر كه‌لوپه‌لێن بكارئیناندى ڤه‌ دمینن، خڕڤه‌دكه‌ن و دفرۆشن، ژ سه‌رێ باژارى هه‌تا بنى نیڤا شه‌ڤێ ڤێڕا دچن و مینا دبێژن (گێسكى دده‌نێ) و وى گلێشێ خڕڤه‌بووى ل به‌ر ده‌رگه‌هێن بازار و ماركێت و مۆلان، ڤه‌دشكێنن و دهاڤێژنه‌ د پشتا لۆریێن دو تۆنى دا، كو بۆدیێن وان به‌رهه‌ڤكرینه‌ بۆ ڤى كارى، تشته‌كێ ئه‌كیتیڤه‌ ژلایه‌كى ڤه‌ باژار پێ پاك دبیت و ژینگه‌ه دهێته‌ پاراستن هه‌تا راده‌یه‌كى، پرۆسا پاككرنا باژێرڤانیێ ل سه‌ر ملێن وان سست دكه‌ت، بیاڤێ ئابوورى بلۆكه‌كى ل سه‌ر زێده‌ دكه‌ت، چه‌ندین كرێكارێن بێكار پێ ب دكار دكه‌ڤن، كاره‌كێ ب ساناهى و پاكه‌ ژى، خه‌لكه‌كى فێرى كارى دكه‌ت، یا ژ هه‌میێ گرنگتر ئه‌وه‌ هاندان به‌ر ب پتر وان كریارێن دیتر یێن وه‌كو ئه‌ڤێ تایبه‌ت به‌لخشه‌یێن مه‌زن ژ ئامیره‌یێن كه‌هربایێ و ئه‌لكترۆنى، كو ل جیهانێ هه‌میى ئه‌ڤ سامانێ به‌رزه‌ دبیت ب دروستى ناهێته‌ مفاوه‌رگرتن، دبێژن بهایێ وان كانزایێن د ناڤ ڤى گلێشى دا دگه‌هیته‌ 57 ملیار دۆلاران، مینا كانزایێن زێر، زیڤ، سفر، پلاتین .. ڤه‌كۆلین دیار دكه‌ن سالا 2019 قه‌بارێ وان ئامیره‌یان گه‌هشتیه‌ 50 ملیۆن ته‌نان! كو زێده‌بوونا وێ دیار دكه‌ت ل ناڤا هه‌ر پێنچ سالێن پێشیا وێ ب رێژه‌یا 21%. ئه‌ڤ زێده‌بوونه‌ سێجارى ته‌مه‌تى زێده‌بوونا مرۆڤان دبیت ل سه‌ر ئه‌ردى!. ئاریشه‌ ژى د هندێ دایه‌ كو كێم وه‌لاتێن دونیایێ گلێشێ دزڤریننه‌ ڤه‌ و مه‌زاختنه‌كا زۆر ل پرۆسا هاڤێتنا گلێشى دچیت، ب تنێ 17% ژ گلێشێ جیهانێ دهێته‌ ڤه‌گه‌راندن. ژبلى مفانه‌وه‌رگرتن ژ ڤێ ڤه‌گه‌راندنێ كو شێوه‌كێ (چڵ) یاتى یان ژخوه‌نه‌گرتنێ ل جڤاكا مه‌ بخوه‌ دگریت، به‌لێ سۆتن و بنئاخكرنا ڤى قه‌بارێ زۆرێ گلشی گه‌له‌ك ژینگه‌هێ تێكدده‌ت و دبیته‌ ئه‌گه‌رێ به‌ندبوونا گه‌رمێ! ئه‌ڤ زیبه‌ق و رساسێ د ناڤ گلێشى دا دهێته‌ سۆتن زیانه‌كا راسته‌وخوه‌ دگه‌هیتنه‌ كۆئه‌ندامێ مێشكى و سیهێن مرۆڤى، د ئارا دایه‌ 120 ملیۆن تون ل 30 سالێن داهاتى دا زێده‌ ببیت هه‌كه‌ نه‌هێته‌ چاره‌سه‌ركرن.. له‌ورا جهێ خۆشخالیێ بوو ده‌مێ من دیتى كرێكاره‌كى ب خركرنا ڤى گلیشى ل ڤى باژاى رسته‌كه‌كا زێرى بۆ خێزانا خوه‌ كری..

49

شێرزاد نایف
گه‌له‌ك جاران كاره‌سات ب سه‌ر مه‌ دا دهێن چونكو به‌رى هینگى مه‌ هزر تێدا نه‌كریه‌ و مه‌ چ تشت ب كریار ئه‌نجام نه‌داینه‌، دبیت مه‌ هزر تێدا كربیت یان ل جڤینه‌كێ سوحبه‌ته‌ك پێ شاراندبیت، به‌لێ كه‌سێ خوه‌ لێ نه‌كریه‌ خودان، و پشتى قه‌ومى ژنیكا مه‌ ئاخینك ل دووڤدا راهێلاینه‌ و گۆتیه‌ خۆزى مه‌ هۆكربا!!. بابه‌تێ من ژى شیرهه‌یێن چیایانه‌ نه‌مازه‌ ل باژارێ مه‌ دهۆكێ یا كو ل به‌ر چیایان دكه‌ڤیت و هێدى هێدى یا خوه‌ ل ره‌خێن چیایی دده‌ت و ره‌خێن وێ دهڕییێن و گه‌له‌ك جاران كه‌ڤرێن مه‌زن دهێنه‌ خار و دكه‌ڤنه‌ سه‌ر جاده‌یان و رێیێن خه‌لكى و ب سه‌ر مالان دا دهێنه‌ خار، تایبه‌ت ژى ل جهێن گه‌لیان هه‌كه‌ میناكه‌كان دیار بكه‌ین، گه‌لیێ زاۆیته‌ پارسال هه‌ڕفت بوو، پارچه‌یێن مه‌زن ژ چیایى و كه‌ڤرێن مه‌زن كه‌فتبوونه‌ سه‌ر خوارنگه‌هێن براژتنا ماسیان، ب خۆش حالی ڤه‌ دره‌نگى شه‌ڤێ بوو و ئه‌و جهێ هنده‌ یێ پڕ ژ مرۆڤان ڤێجا خێزان و زارۆك و ژن و پیر ب كۆم قه‌ستا وێرێ دكه‌ن، هه‌كه‌ وه‌خته‌كێ دیتر با دا بیته‌ كاره‌سات، هه‌ر وه‌سا گه‌لیێ بێسرێَ ده‌رازینكا باژارێ دهۆكێ، یان گه‌لیێ ئه‌ڤیكێ ئه‌و چیایێ هندێ بلند شیرهه‌كا مه‌ترسیداره‌، گه‌لیێ دهۆكێ، گه‌لیێ دێركێ، ره‌شانكێ، بێدویل، سرتا چیاێى زاوا ب درێژیا دهۆكێ، رێیا ژ ئه‌ره‌دنا به‌ر ب گوندێن ده‌ڤه‌را مزیریان و حه‌تا دگه‌هیته‌ ده‌ڤه‌را گوندێن دۆسكیان، گه‌لیێ زه‌نته‌ ل ئاكرێ حه‌تا دگه‌هیته‌ دینارتێ و گه‌له‌ك جهێن دیتر … هتد. دبیت رێڤه‌به‌ریا رێكوپرا پێزانینێن باش هه‌بن و من بهیستیه‌ ژى كو ئه‌وان ب خوه‌ گه‌له‌ك كه‌ڤر شكاندینه‌ كو نه‌كه‌ڤنه‌ خارێ!! به‌لێ بۆ یه‌ده‌گ و لبه‌ر چاڤوه‌رگرتنا هه‌ر بۆیه‌ركا ب ڤى ره‌نگى دكارن وان جهێن ب گومان بنخێڤن ب تۆڕێن سیمى هه‌كه‌ هاتو كه‌ڤر بهه‌ڕفرن دێ مه‌ترسیێ راگریت، ئه‌ڤ پلانه‌ من دیت ل توركیا گه‌له‌ك چیا یێن ب ڤى ره‌نگى ب رووبه‌رێن درێژ گرێدابوون، تشته‌كێ سه‌ركه‌فتى بوو، چونكو هڕینا كه‌ڤران یا به‌رده‌وامه‌، و لایه‌نێ په‌یوه‌ندیدار گه‌له‌ك پلان هه‌نه‌ بۆ چاره‌كرنا ڤێ ئاریشه‌یێ، یا ژ هه‌میان گرنگتر شكاندن و په‌لخاندنا كه‌ڤرێن مه‌زنه‌ كو مه‌ترسیا كه‌فتنێ ل سه‌ر بیت، پاشى ئه‌ڤ پلانێن دیتر د دووڤدا دهێن، یا دى ژى كونترۆلكرنا هنده‌ك تاخێن سه‌رپێچى باژێرڤانیێ، هه‌ر جهێ بوو خانى لێ هاتنه‌ ئاڤكرن ب شێوه‌كێ نه‌قانوونى، ئه‌و مال یێن د مه‌ترسیێ دا، تایبه‌ت ل بنارا چیایێ زاوا گه‌له‌ك مال لێ هاتینه‌ ئاڤاكرن و حسێبا هه‌ڕفینا كه‌ڤران نه‌كریه‌، بارینا بارانێ و باهۆزێن ب هێز هه‌مى جۆرێن به‌ر و كه‌ڤران دئیننه‌ خارێ، ژ به‌ر ڤان ئه‌گه‌ران حوكمه‌تێ و ئۆفیسا پلانا باژێرى (عمرانى) ئه‌ڤ جهه‌ قه‌ده‌غه‌ كرینه‌ بۆ ئاڤاكرنێ، ڤێجا گه‌له‌ك جاران وه‌لاتى دێ خوه‌ عاجز كه‌ن گه‌ر نه‌هێلن ڤان جهان ئاڤ بكه‌ن، و ده‌مێ له‌هى و كاره‌ساتێن ب ڤى ره‌نگى ب سه‌ر وان دا دهێن دێ گازندان ژ حوكمه‌تێ كه‌ن، هه‌ر وه‌كو وان خانیێن ل سه‌ر لێڤا رویباران هاتینه‌ ئاڤاكرن چه‌ند خوه‌ خستینه‌ د مه‌ترسیێ دا.! ڤێجا دا بگه‌هینه‌ خوه‌ پاراستنێ باشتره‌ ژ هندێ بچین ل مه‌زاختنه‌كا بیست جاركى ل چاره‌سه‌ریێ بده‌ین و لێقه‌ومیان قه‌ره‌بۆ بكه‌ین پشتى كو بار دكه‌ڤیته‌ سه‌ر شاخێن گایی!!.

website security
WP Facebook Auto Publish Powered By : XYZScripts.com