شێرزاد نایف
هه‌ر هێزه‌كێ ل دونیایێ ژێده‌رێ خوه و ده‌ینامۆیا خوه یا به‌رده‌وام هه‌یه، ل دووماهیێ ژى هه‌ر ئه‌و هێز وه‌رارێ دده‌ته وێ ده‌ینامۆیێ و دپارێزیت، وه‌كو بازنه‌كا سروشتى یه دیاره‌كا ته‌مامكه‌ره، ئه‌ڤجا ده‌رباره‌ى وێ هێزا كوردستانێ یا هندا ب ناڤوده‌نگ و ب شانازى، كو ل به‌رامبه‌ر هه‌ر تاكه‌كێ كوردستانێ وه‌كو هێله‌كا سۆر و پیرۆزیێن نه‌گوهۆر (پێشمه‌رگه) دهێته ناسین. هه‌كه ل دووڤ وى ژێده‌رى و پشته‌ڤانیێ بچى، هه‌موو
زانن كى بوو و چاوا ئه‌و هێزا وه‌كو چیایى ئاڤاكرى و تۆڤێ وێ چاندى، مه‌لا مسته‌فا بارزانى هه‌له‌به‌ت ب وێ حیكمه‌تێ و رۆلێ وى یێ ئاینى بوویه، هند باوه‌ریا مه‌زن ل گه‌ل ملله‌تێ خوه لێكگوهارتى و ژ جه‌رگێ دلۆڤانیا ره‌وشتى پێشمه‌رگه ئاڤاكرى هه‌تا ئه‌ڤرۆ ژى مایه ب هێزترین كیانێ سه‌ربازى كو ل سه‌رانسه‌رى جیهانێ ده‌نگڤه‌دای و ئه‌و سه‌خبێریا بارزانیزمێ مایه ب خۆراگرى و ده‌ستى راده‌ستى ده‌ستى كرى ژ بارزانیێ نه‌مر و بۆ شه‌هید ئدریس و سه‌رۆك بارزانى و نها ژى نێچیرڤان بارزانى وه‌كو سه‌رۆكێ حوكمه‌تێ كو نه‌هێلایى ئه‌و هێزا بڤه‌مریت و به‌لكو چرایێ وى هێلایه گه‌ش و گه‌شتر، ب پشته‌ڤانى و تێكۆشان بریه سه‌ر. له‌ورا ژى نها و بۆ ره‌وشا ئه‌ڤرۆ ژى ب تایبه‌ت ئێكه ژ مه‌زنترین ده‌سكه‌فتێن هه‌رێما كوردستانێ نه‌مازه ئه‌و رۆل و ئه‌نجامێ پشتى پرۆسا ریفراندۆما سالا بۆرى هاتیه ئه‌نجامدان و ره‌نگڤه‌دانا دژوار یا ژ بال وه‌لات و لایه‌نێن زلهێزێن جیهانێ، مرۆڤ دكاریت پۆخته بكه‌ت ب هه‌بوونا پێشمه‌رگه‌ى و ئه‌و به‌رگریا وى ئه‌داكرى، هه‌ژى هندێ یه كو هه‌ر كورده‌ك شانازیێ پێ ببه‌ت، بۆچى، ئه‌و ژى ژ به‌ر گه‌له‌ك ئه‌گه‌ران، وه‌كو ئه‌و ئیراده‌یا پوولایى یا كێموێنه ل سه‌رانسه‌رى جیهانێ و ب درێژیا دیرۆكێ، ب خوه‌به‌خشى و بێ به‌رامبه‌ر بلڤینا غیره‌تا به‌رز بۆ بلند راگرتنا هه‌مى رامانێن شه‌ره‌ف و نامووسا ڤى ملله‌تێ خوه، ئه‌وێ پشكدا ریا كاریگه‌ر یا ل دژى شه‌رێ تیرۆرستێن داعش كرى و باوه‌رى بوون ب وێ هێزى و تاوانایێن هه‌یین، هه‌ر ئه‌و قاره‌مانن یێن ده‌رچوویى خویندنگه‌ها ره‌وشت و ره‌وشتبه‌رزیێ نه، خێزانێن كورده‌واى و تێگه‌هشتنا جڤاكێ كوردستانێ نه بۆ په‌یاما ئاشتیانه‌یا ئایینى. بیرا من دهێت ئه‌ز وه‌كو ئێك ژ پشكدارێن شه‌ڕێ دژى داعشێ دا وه‌كو ئه‌فسه‌ره‌كێ پێشمه‌رگه، رۆلێ گه‌له‌ك مامۆستایێن ئاینى یێ پێشچاڤ بوو، ده‌ما مه گوه ل دوعایێن وان دبوون و سه‌رادانێن وان بۆ سه‌نگه‌ران و به‌رگریكرنا وان دبیت ل به‌رامبه‌ر گه‌له‌ك ته‌خێن مه‌زن یێن ملله‌تى، هینگى من زانى ده‌مێ سه‌چمه‌یێن تۆپ و هاونان ل ناڤ ده‌ستوپێن مه دا ئه‌م دماینه ساخ ژ وان دوعایان و پشته‌ڤانیا گیانى و مۆرالى یا وانه و ئه‌و هێزا وره‌یى یا ددایه مه حنێرا وێ گه‌له‌ك بوو، هه‌تا نها ژى ده‌مێ ناڤێ پێشمه‌رگه‌ى ل سه‌ر مینبه‌ران دئینن، دلۆڤانیا ملله‌تى دكه‌ته هێزه‌كا مه‌زن كو هه‌مى تاكێن ملله‌تى ل بن سیبه‌را وێ ب حه‌ویێن و ئێدى چو گه‌فێن مه‌ترسیدار یێن تیرۆرێ و ل پشت تیرۆرێ نه‌هێنه دوباره‌كرن.
نووترين نووچه
- نێچیرڤان بارزانی و نوونەرێ تایبەت یێ سكرتێرێ گشتی UN دوپاتیێ ل گرنگییا پاراستنا سەقامگیریێ ل ئیراقێ دكەن
- سەرۆكێ هەرێمێ و فەرماندەیێ هەڤپەیمانییا نێڤدەولەتی ئێكگرتنا هێزێن پێشمەرگەی گەنگەشەكر
- خزمەتكرنا كەرتێ ساخلەمیێ ئەركێ بەراهیێ یێ حوكمەتێ یە
- مەسرور بارزانی و محەمەد ئەلحەسان د هەڤڕابوون ل سەر گرنگییا رێزگرتنێ ل مافێن خەلكێ كوردستانێ
- كوردێن ئێزدی پشتەڤانییا بڕیارا ڕاگرتنا قانوونا لێبۆرینا گشتی دكەن
- دڤێت ئالیێن سەركەفتی د هەلبژارتناندا ب پێكئینانا حوكمەتا نوو دلێ گەلێ كوردستانێ خوەش بكەن
- هیڤی یە قـانوونا بودجـەیێ ببیتـە ئەگـەرێ چـارەسەركـرنا كێشەیێن هـەلاویستی
- گرنگییا ڤەكرنا قونسلخانەیا عومانێ ل كوردستانێ گەنگەشەكر
- دوپاتی ل پێشڤەبرنا پەیوەندیێن هەرێمێ و ئیرانێ هاتە کرن
- سەرۆكێ حوكمەتێ دوپاتیێ ل پێكڤەژیانا ئاشتییانە دكەت
شیرزاد نایف
یابان و كوردستان د باوه‌شا كه‌هره‌بێ دا
شێرزاد نایف
د ناڤ خه‌لكێ كوردستانێ دا، ده‌ما به‌حسێ پێشكه‌فتنێ دهێته‌كرن، ئێكسه‌ر به‌حسێ وه‌لاتێ یابانێ دكه‌ن و میناكا هه‌ری به‌رزی یێ وه‌رارێ و پێشكه‌فتنێ یه، مینا خه‌ونه‌ه‌كی َ یه كو وه‌لاتێ مه ژی وه‌كو یابانێ و سیسته‌مێن وێ برێڤه‌بچیت، هه‌ر وه‌سا ژی جۆره‌كێ وه‌كهه‌ڤیێ هه‌یه د ناڤبه‌را مه‌دا، ئه‌و ژی وه‌لاتێن سته‌ملێكرینه، مه هه‌ردو ملله‌تان ئێكه‌مین جۆرێن چه‌كێن قه‌ده‌غه‌كری دناڤ مرۆڤاتیێ دا دیتینه، هه‌كه بیرا خوه ل سترانا تراژیدیك یا هونه‌رمه‌ند حه‌سه‌ن شه‌ریف بینینه ڤه، كاغه‌زه‌ك ژ هێرۆشیما بینینه ڤه، رویێ وه‌كهه‌ڤیێ یه، سه‌ربۆرا وان ژی ب خوه‌پێشخستنێ بوو، دمینیت وه‌كهه‌ڤیكرن د بیاڤێن دیتر دا، ئه‌و خه‌ونا هه‌نێ یا هه‌ڤنێزیككرنێ ژی، مه هیڤیی یه بهێته دی، سه‌كته‌رێ ژ هه‌میان گرنگتر شتی هه‌بوونا ئاڤێ، یێ ئه‌لكتریكێ یه، ل سه‌ر ده‌ستێ كۆمپانی و ئاژانسێن یابانی، ب هه‌ولێن سه‌رۆكێ حوكمه‌تا هه‌رێمێ و كه‌سێ نێچیرڤان بارزانی بوونه، وه‌كو ل حه‌فتیا بۆری ئاماژی دایه ڤێ هه‌ماهنگیێ دناڤبه‌را هه‌ردو وه‌لاتان دا، ه سۆزێن رۆژه‌كا گه‌ش دانه خه‌لكێ هه‌رێما كوردستانێ، پێنه‌ڤێت بیاڤێ ده‌ولی یێ مه‌زن ل پشتا وه‌لاتێ مه‌نه.
ئه‌و تاقیكرنێن ڤان هه‌ر چار سالێن دووماهیێ كو هه‌ر نێچیرڤان بارزانی ژی گۆتارا خوه دا دیاركرن، كا چه‌ند هێرش و هه‌ره‌شه بۆ گه‌لێ كورد هاتینه، كو تنێ هه‌وا مایه ژ مه نه‌دابڕی.
له‌ورا ئێدی پشتی مه‌شق و راهێنانێن ته‌كنه‌لۆژیا یابانی دێ بنه ناڤۆكا مه‌زنبوونا هزرا پێشكه‌فتی یا كو ئه‌م دێ پتر پێدڤبینێ بۆ ده‌مێن داهاتی. دڤێت ئه‌وا سه‌رۆكێ حوكمه‌تێ دكه‌ت، هه‌مان ئه‌و گیان ل ده‌ف ملله‌تی ژی هه‌بیت كو خه‌مخۆری و نه راده‌ستبوون بۆ وان هه‌ره‌شه‌یێن بۆ مه دهێن، هینگی دێ هێزه‌كا موكمتر په‌یدابیت، ئێك ژ وان ره‌فتاران سه‌رده‌ریكرنه‌كا شارستیانه ل گه‌ل مه‌زاختنا كه‌هربێ و بكارئانینا دروست یا وی سیته‌مێ دێ هێته بكارئانین. له‌ورا چه‌ندی باوه‌شا یابانی ـ كوردستانی گه‌رمتر بیت، هینگی ژی دێ ئه‌ڤ سه‌كته‌ره بیته پیشه‌نگێ هه‌می سه‌كته‌ر و بیاڤێن دیتر د پێشكه‌فتنا وه‌لاتی دا. هه‌كه هاتو پرۆتۆكۆلێن ته‌كنیكی یێن ب ڤێ ره‌نگی هاتنه كرن، هینگی دێ هه‌رێما كوردستانێ هێته پاراستن ب ره‌نگه‌كێ نه‌راسته‌خوه، هه‌ر هه‌ره‌شه‌كا وه‌كو یا تیرۆرستێن داعش یان لایه‌نه‌كێ بیانی هه‌بیت، دی ئه‌و وه‌لات و خوه‌دیێن پرۆژه‌یێن خوه ب هه‌ر ره‌نگه‌كی دێ به‌رگریێ ژ خوه و ئاخا كوردستانێ كه‌ن، یان هه‌ر چو نه‌بیت ب كێماسی هه‌ما دێ ده‌نگێ مه گه‌هیننه جڤاكێ ده‌ولی كو زویتر د هاوارا گه‌لێ سته‌ملێكری كه‌ن. پێنه‌ڤێت ئه‌ڤ هزره د ناڤ ئه‌جینده‌یێن سه‌رۆكاتیا حوكمه‌تا هه‌رێما كوردستانێ دا هه‌یه، گرۆڤه ژی ئه‌و به‌رێ بنیاتێ مه‌زنترین كونسلخانه‌یا ئه‌مریكی ل هه‌ولێرێ بوو یێ به‌ری چه‌نده‌كا نه یا دوور هاتیه دانان بۆ پتر كومكرنا په‌یوه‌ندیان ل گه‌ل به‌هرا شێری ل سه‌ر ئاستێ جیهانێ..
چه‌كێ چاكسازیێ..
شێرزاد نایف
كۆمه‌كا پرسێن گرنگ د بیاڤێ سیاسی دا، په‌یامه‌كا رۆهن و ئاشكرا بوو د ناڤ گۆتارا سه‌رۆكێ حوكمه‌تا هه‌رێما كوردستانێ نێچیرڤان بارزانی دا كو ل چارشه‌مبیا بۆری د هه‌لكه‌فته‌كا ته‌كنیكی دا یا بۆ ڤه‌كرنا مه‌شق و راهێنانا وه‌زاره‌تا كه‌هربێ هاتبوو ئه‌نجامدان، هه‌ردو نوونه‌راتیێن حوكمه‌تا وه‌لاتێ یابانا گه‌ور لێ د به‌رهه‌ڤبوون ب بالیۆز و كونسل و ئاژانسا (جایكا) ڤه، زێده‌باری كۆمپانیا ئه‌لمانی (لۆت هارد) و (یۆ ئێن دی پی) …..هتد. هه‌ر وه‌كو ئه‌و وه‌لاتێن هه‌ڤدژیا هه‌رێما كوردستانێ دكرن و ب تایبه‌تی حوكمه‌تا وێ و سه‌ركێشێن ڤى ملله‌تێ كورد، ب هه‌ر رێیه‌كێ هاتن نه‌شیان ژناڤببه‌ن و ئه‌و خه‌ونێن نه‌خۆش یێن پێڤه ددیتن سه‌رنه‌گرتن، رابوون بۆ خوه سه‌نته‌كا ناڤخوه‌یی گرتن و هه‌می ئه‌جینده‌یێن خوه ب وێ رێكێ داگرتن، ئه‌وان لایه‌نێن سیاسی یێن ناڤخوه‌یی ژی به‌هانه‌یێن جۆراوجۆر هه‌لبژارتن، كو ژ هه‌میان گرنگتر هه‌بوونا گه‌نده‌لێی یه!. به‌لێ حوكمه‌تا هه‌رێمێ ژی هه‌روه‌كو ل دووڤ وه‌ریسێ وان به‌ردا و ب نه‌رمی و ئارامی ره‌نگڤه‌دان و به‌رسڤدانێن خوه خستنه هۆلێ، و رابوون ب چه‌كێ (چاكسازیێ) به‌رسینگێ ڤێ ململانا ڤه‌شارتی گرت، كو به‌رسڤا هه‌می پسیاران بهێته دان، هه‌لبه‌ت ئه‌ڤ بزاڤێن هه‌نێ ژی سه‌ركێشێ خوه دڤێت، كو ب ره‌هێن سار و ته‌نا بچیته د ناڤ هه‌ڤسه‌نگیه‌كا ئالۆز دا و ب حیكمه‌ت و ئه‌قل وی شه‌رێ سیاسی و میدیایی چاره‌سه‌ربكه‌ت، نێچیرڤان بارزانی سنگێ خوه كره مه‌تال وه‌كو ئه‌ركه‌كێ پێشمه‌رگاتی و هه‌ڤنشتیمانی و ئه‌و ب تنێ ل ره‌خه‌كی و جیهان هه‌می ل ره‌خه‌كی، شیا وێ بارۆڤه‌یا مه‌زن ب سه‌لامه‌تی و ب ده‌مه‌كێ كورت ده‌رباز بكه‌ت، هه‌ر ما كه‌سێ خوازیار د دلێ وه‌لاتیان دا، حه‌ز و تاگیریا ملله‌تی ژ ده‌ست نه‌دا، به‌لكو پتر زێده‌بوو. ئه‌ز ڤێ داخۆیانیێ ژ ڤالاهیه‌كێ نابیژم، به‌لێ به‌رێ خوه بده‌نه ئه‌نجامێن هه‌لبژارتنان و ره‌وشا حزبا وی ل چ ئاسته د وژدانا خه‌لكێ كوردستانێ دا؟!، ئها ئه‌و پیڤه‌ره، چونكو دینه‌یامۆیا وێ باوه‌ری بخوه‌بوونێ و هێزا ڤه‌شارتی ( ئیراده‌یا ملله‌تی) یه، چونكو میراتێ كارێزماتیێ یه، نه‌ڤێی مه‌لا مسته‌فا یێ بارزانی یه، خوه‌دیێ هزاران شه‌هید و قوربانیانه!. ئه‌م دۆخه‌كێ بێزاریێ به‌ر ب ڤان مه‌حفه‌لێن ده‌ولی یێن مه‌زن برین. هه‌ر هه‌یام هه‌یام بزاڤه‌كا گه‌شتر و ئۆمێده‌وارتر پێشكێشی وه‌لاتی دكه‌ت.. ژ بلی وێ ئه‌ندازیاریا ئاڤه‌دانیێ، ڤێ جارێ یا ئاڤاكرنا مرۆڤی یه و ل سه‌ر ده‌ستێن كێ؟!، یابان ـ ژاپۆن ـ بۆ كه‌یسا مفاوه‌رگرتن ژ ڤی سامانێ هنده گرنگ یێ ئه‌لیكتریك ب بێ سیسته‌می و نه‌زانین دهێته مه‌زاختن، دێ هێته سیسته‌مكرن وه‌كو دلێ مه بخوازیت، ما چێدبیت خێزانه‌كا هه‌ژار و ئێكا ده‌وله‌مه‌ند ب هه‌مان پیڤه‌ر بهێنه پیڤان بۆ مه‌زاختنا ئه‌لكتریكێ؟!. هه‌ر وه‌كو یا بایۆمه‌تریكرنا مووچه‌یان و ڤه‌كرنا به‌رنامێ چاكسازیێ، به‌لێ ڤێ جارێ سۆزێن گه‌شتر و ب هیڤیبوونتر، دانه خه‌لكێ خوه، ب دیتنا من ل به‌ر سه‌ركێشیا له‌شكره‌كێ نه‌زیهـ و قاره‌مان بكه‌ت ئه‌و ژی ڤه‌كێشانا وه‌لاتیان بۆ هه‌لگرتنا چه‌كێ چاكسازیێ بۆ به‌رسینگگرتنا شه‌رێ دژوار یێ ل سه‌ر مه دا دهێته سه‌پاندن. ئه‌ڤ ستایلێ سه‌ره‌ده‌ریكرنێ نه‌یێ دوور ژ یێ سه‌رۆك مسعود بارزانی ده‌مێ گۆتی: (گیانێ تۆلڤه‌كرنێ نه كه‌ن، یێ ب لێبۆرین به به‌لكو خوه پێشبێخه)، له‌ورا ئه‌ڤرۆ ژی سه‌رۆكێ حوكمه‌تێ ژی یێ دخوازیت مرۆڤێ كوردستانی ئاڤا بكه‌ت، ل سه‌ر ده‌ستێ شاره‌زایێن خوه‌پێشخستنێ!!. كو هه‌ر وه‌كو گه‌لێ كورد جۆرێن سته‌مێ و جینۆسایدێ دیتین، دێ وان ده‌رده‌سه‌ریێن مه حه‌بینن و حه‌لبجه ژی نه‌یا دووره ژ یا ب سه‌رێ وان ژی هاتی ل دیرۆكا رابری.
كوردپه‌وه‌رێن بیانی
شیرزاد نایف
من خواست گه‌له‌ك ب هوورى د ناڤا ڤێ مژارێ دا بچمه خار و رۆناهیه‌كا به‌رفره‌ه به‌رده‌مه سه‌ر، چونكو ئه‌م وه‌ك ملله‌تێ كورد هه‌رده‌م ره‌خنێ ل خوه گرین و خوه دكه‌ینه ئه‌گه‌رێ ته‌په‌سه‌رى و بنده‌سیا خوه، گونه‌ها مه‌زن دئێخینه ستوویێ خوه!!. كو ئاگرێ مه هه‌ر ژ ده‌همه‌نا مه به‌ردبیته مه، زێده‌بارى ئاگرێ دوژمنى و سته‌ما وى، هه‌ر دیسا كه‌سێن دلسۆز و ل دگه‌ل راستیا دۆزا مه راوه‌ستیاین دبینم دكێمن ب هه‌ژمارێ یانژى ب كۆمێن مه‌زن، ئه‌ڤجا هه‌كه هه‌بن ژى گه‌له‌ك حه‌زا مه لێ هه‌یه و دخوازین راستى و هه‌لویستێن بیانیان ببینی ل هه‌مبه‌ر دۆزا خوه، كه‌سێن راستیێ دبێژن و خۆ دتێۆشن بۆگۆتن و سه‌رخستنا راستیێ دكێمن ڤى سه‌رده‌مى، ئه‌وكه‌سێن بووینه دۆستێن كوردان، ژ نه‌ته‌وێن دیتر بتایبه‌ت ژى یێن ل ده‌ردۆرى كوردستانێ كو ژ به‌رێ وه‌ره وه‌ك دوژمنێن كوردستانێ دهێنه ناسین، حنێر و قه‌نجیا وان گه‌له‌كه، هه‌لبه‌ت ئه‌ڤ چه‌نده ژى وێ ناگه‌هینیت كو ئه‌و بۆ نه‌ته‌وه و وه‌لاتێن خوه دخرابن یان دخائینن، به‌لێ هه‌مى ئایین و شه‌رایعێن ئه‌سمانى ته‌كه‌زیێ ل سه‌ر دیاركرنا راستیێ دكه‌ن، خوه هه‌كه ل سه‌ر مرۆڤى بخوه بیت ژى.
ئه‌ڤ كه‌سێن هه‌نێ د فه‌لسه‌فا هه‌بوونێ دا دیارده‌نه و هه‌بوونا وان گرنگه، له‌ورا ئه‌وێن بووینه پشته‌ڤان و لایه‌نگرێن راستیا دۆزا گه‌لێ كورد یێ سته‌ملێكرى، ب راستى گه‌هشتینه وى راده‌یى كو ژ كورده‌كى دلسۆزتر و كوردپه‌وه‌رتر بن. كه‌سه‌كێ وه‌كو ئیسماعیل بێشكچى ژ نه‌ته‌وا تورك و خوه بۆ سه‌رخستنا دۆزا كوردى شه‌قى كرى و ماندى كرى هه‌ر كوره‌ك شه‌رم ژ وێ تێكۆشانێ دكه‌ت و چه‌ندى مه‌دحێن وى بكه‌ین هه‌ر كێمه، كو كه‌فتیه بسالان كه‌فتیه دزینادانان دا سه‌را كوردان، هه‌ژى هندێ یه ببیته په‌یكه‌ره‌كێ زێرین، ئه‌ڤ بابه‌ته به‌رى پێنچ سالان ب تێر و ته‌سل مه ل سه‌ر نڤیسیه و وه‌كو غالیلۆیى من وه‌كهه‌ڤكریه.. دیسا كه‌سێن مینا هه‌لبه‌ستڤانێ نه‌ژاد عه‌ره‌ب محه‌مه‌د مه‌هدى یێ جه‌واهرى ب دروستى جه‌واهره و رستكه‌كا زێرینه ب ستویێ مه كوردان ڤه كو ئه‌م كورد هند مه‌زن دیتین ب سه‌ركردێ خوه یێ رۆحى ڤه كو چیایه‌كێ بلندین و گه‌لێ قوربانیان دونیایێ دێ خراب بیت و ئه‌و خراب نابن. ئه‌ڤجا ب دیتنا من نابیت هه‌ر كه‌سێ ژ نه‌ژاد و نه‌ته‌وه كورد بیت ئه‌م سنۆرداش بكه‌ین هه‌مى پیڤه‌رێن چاكیێ و دلسۆزیێ و خرابیێ، كوو بێژین هه‌مى كورد دخرابن یان دباشن.
رێژه‌یى ژى ناهێته گشتاندن.
ب تنێ دێ سێ میناكێن خوه یێن كه‌سایه‌تى ئینم ده‌رباره‌ى كه‌سێن بیانى ژ نه‌ته‌وا كورد نه‌بن، من هه‌لویست و سه‌ره‌ده‌ریێن وان یێن جامێرانه دیتین دێ بۆ دیرۆكێ دیاركه‌م، هه‌ر ئێك ژنه‌ته‌وه‌كێ،
ده‌مێ ل كۆچا ملیۆنى بۆ توخیبێن ئیرانێ و توركیا ل سالا 1990 ئه‌م ئێك ژ وان خێزانان بووین یێن مه قه‌ستا ئیرانێ كری، (حاج ئومه‌ران)، ل وێرێ خه‌لك خرڤه‌بوون و ده‌رده‌سه‌رى و نه‌خۆشى و ئێش و ژان ب هه‌مى جۆرێن خوه ڤه مه ب چاڤێ سه‌رێ خوه دیتن، برس، ترس سه‌هم، سه‌رما، سۆتن، نه‌ساخى، ئێش و ژان، تراژیدیا كۆڤانان، مرن.. چیایه‌كێ رووت بوو ئێك دار ژى نه‌بوو بسۆژینیى، كو خوه پێ گه‌رمكه‌ى، هه‌مى چوول بوو چو سیڤانده نه‌بوون ژ به‌ر شلبوونا بارانێ خوه ده‌نه به‌ر، زارۆیێن بچووك تووشى نه‌خۆشیان دبوون چو نه‌خۆشخانه بوون ل وى سنۆرى، رێك ژى یا گرتى بوو سایده‌ك بوو و رێزێن ترومبێلان رێك گرتبوو، ره‌خێن جادێ ژى ته‌قن بوو چو تورمبێل نه‌دشیا بوورن، من ئه‌فسه‌ره‌كێ ئیرانى دیت ل گه‌ل سه‌ربازێن خوه ل وێرێ بوو ئه‌ركداربوو، هندێ خه‌مبار بوو ژ به‌ر خه‌لكى ب هه‌ردو چاڤان دگریاند، وه‌كو بچووكا بۆ ڤى خه‌لكى و زارۆیان دكره گرى و چو ژێ نه‌دهات و رۆندكێن وى هه‌تا نها ل پێش چاڤێن منن، هاری هه‌میان دكر بچووك گه‌رم دكرن و یێ برسى با بۆ ل نانێ دگه‌ریا ب ده‌ستێ خوه هاری وان دكر.. مه ژى زارۆیێن نه‌خۆش د ده‌ست دا هه‌بوون، مه خوه گه‌هاندێ كو دێ بڤێ ره‌نگى مرن هه‌كه نه‌به‌نه‌نه‌خۆشخانێ، ب هه‌مى زمانا و لڤینا مه ل گه‌ل ئاخفت، رابوو ترومبێلا خوه یا (مه‌جاهدا) لاندرۆڤه‌ر، ته‌رخان كر وخوه هێلا بێ ترومبێل و گۆت هه‌مى نه‌خۆشان بكه‌نه تێدا، ئه‌م ژى هه‌مى پێكڤه لێ سیاربووین و دا رێكا ته‌نشتا ل هه‌ریێ و قورێ دا، چه‌ندین جاران وه‌رگه‌ریا هه‌تا ئه‌م گه‌هاندینه جهێ ئوتوبیسان.. ئه‌و مرۆڤ چ جارا ژبیرا من ناچیت و هه‌لویستێ وێ یێ مرۆڤاتى.. هه‌ر چه‌نده فارس بوو..!
هه‌لویسته‌كێ دى بێژم یێ دو ئه‌فسه‌رێن تورك ل شه‌رێ براكوژیێ ـ ب مخابنى ڤه ـ ل گه‌ل مه بوون بۆ ئه‌ركێن له‌شكرى ل میحوه‌رێ ئامێدیێ سالا 1997، ئێك ژ وان (ئویس ته‌یمه‌ن، هه‌جى شه‌وكه‌ت) ده‌مێ جه‌نازه‌یێن قوربانیێن شه‌ڕى ددیتین هند بۆ خه‌مبار دبوو، نه‌وه‌كو یێن مه ب خوه بخوه، سێ رۆژان ژ قه‌هران دا خوارن نه‌دخار، دگۆتی ئه‌م هه‌مى برایێن ئێكین و تورك و كورد ئه‌ڤ شه‌ره نه مفایێ مه دانه، ب به‌راوردى ل گه‌ل هنده‌كێن مه ب خوه كو نه‌زه‌لام ژى بوون، ژن بوون و سڤكاتى ب ته‌رمێن وان دكرن!!.ئه‌ڤه راستیه‌ك بوو من خواست دیاربكه‌م، هه‌روه‌سا هه‌ڤالێ وى ژى كو پشتى وى هاته ئه‌ركى جاره‌كێ ب هوورى ئه‌م ل سه‌ر مژارا كوردینیێ په‌یڤین، زۆر ب ئه‌كتیڤى بۆ من ئاخفت و دلسۆزیا خوه بۆ كوردینیێ دیار كر، كو ئه‌م د نه‌حه‌قین شه‌رى دكه‌ین و گۆته من نه‌مه‌رجه ئه‌ز یێ تورك بم وحه‌زژ كوردان نه‌كه‌م پتر ژ كوردان. و گه‌له‌ك تشتێن دیتر گۆتن بل بمینن.!!
ل ڤێ شه‌رێ دووماهیێ هنده‌ك كه‌سێن عه‌ره‌ب هاتن و مه دیتن و هه‌لویستێن وان بۆ كوردان ب چ ئاوایێ بوو، مامۆستایه‌كێ عه‌ره‌ب ل دهۆكێ (د. ریاز برهاوى) هه‌سته‌كا كوردینیێ بۆ دورستبوو ب خێزان ڤه پشته‌ڤانیا پێشمه‌رگه‌ى دكر، كو هه‌مى مالا وان دكتوربوون، كورێ وى (د. عه‌لى برهاوى) كلینیكا خوه یا ئه‌هلى و تایبه‌ت بۆ پێشمه‌رگه‌ى بێ به‌رامبه‌ر ڤه‌كربوو و ب كه‌یفخۆشى ڤه چاره‌سه‌ر دكرن و ل سه‌ر كیستێ خوه ، بۆ ب هه‌مى ره‌نگان، زێده‌بارى هند دكاندارێن عه‌ره‌ب ل زمار شه‌رم پاره‌ى ژ پێشمه‌رگه‌ى وه‌ربگرن و دگۆتن دكان و مالێن مه یێن هه‌وه‌نه،.. و گه‌له‌ك و گه‌له‌كێن دیتر .. هه‌لبه‌ت ئه‌ز به‌حسا كه‌سێن ئه‌ورۆپى و یێن رۆژئاڤى و عه‌ره‌ب ناكه‌م. تایبه‌ت وه‌كو یێن ئامازیغ (ملیكه مه‌زان) سه‌را سه‌رختنا دۆزا كوردى هاتیه زیندان كرن ل مه‌غرب و هه‌ر وه‌سا نڤیسه‌رێن مینا ئه‌بۆ یه‌حیا یێ ئه‌مازیغى و گه‌له‌كێن دیتر.
ریفراندۆم بسه‌ركه‌فت!
شێرزاد نایف
سه‌ركه‌فتنا پارتى دیمۆكراتى كوردستان ل پله‌یا ئێكێ ل هه‌رێما كوردستانێ و یا پێنجێ ل سه‌ر ئاستێ عیراقێ، گه‌له‌ك ره‌هه‌ندان دگه‌هینیت، هه‌كه ل سه‌ر ئاستێ عیراقێ بیت وه‌كو حزبه‌كا ب تنێ بێ هه‌ڤپه‌یمان، و ب تنێ ب دوپارێزگه‌هان دهۆك هه‌ولێر كو دكه‌ڤنه سنۆرێ هه‌رێمێ و مووسل ژى نه دكه‌ڤته ل ژێر ده‌سهه‌لاتا وى ، كو ژ ده‌ڤه‌رێن ماددێ 140 دهێته هه‌ژمارتن، زێده‌بارى كورسیه‌ك ژى ل سلێمانیێ كو ل بن بێهنا چه‌ندین حزب و بزاڤێن جۆره و جۆر دگه‌ڤزیت، هند ده‌ستتێوه‌ردان تێدا هه‌نه، ژبلى یێن كۆتا. ئه‌و رێژه‌یا هندا مه‌زن بده‌ستڤه دئینیت، ئه‌ڤه ب خوه گه‌له‌ك راستیان دگه‌هینیت بۆ هه‌مى جیهانێ ژ مه‌زنه ده‌وله‌تێن زلهێز و ده‌وروبه‌ر و هه‌ر وه‌سا بۆ ئوپوزسیۆنا هه‌رێما كوردستانێ، كو حزبه‌ك خوه‌دى ده‌ستهه‌لاته‌كا موكمه دكاریت كاروبارێن خوه كونترۆل بكه‌ت، ل ڤێره ژى رۆلێ سه‌رۆكێ حوكمه‌تا هه‌رێما كوردستانێ نێچیرڤان بارزانى رۆله‌كێ ب حنێر و ته‌حه‌مول تێدا دیاربوو و خوه ل به‌ر هه‌مى نه‌هامه‌تى و بارێن گران گرتبوو، ل ده‌مه‌كى كو ئاژاو ل ڤێ پارچێ یا سه‌رێ خوه دخۆت، هه‌میان ب هه‌ڤرا وه‌كو گورگان خریچكرنه‌بوونه ل سه‌ر پارتى و تۆمه‌تبار كرنه ب تێكدانا ره‌وشا خه‌لكى و ئه‌نجامێن ریفراندۆمێ یێن كوژه‌ك بوون ل سه‌ر مله‌تێ كوردستانێ، هه‌ر چه‌نده ل وى ئاستى بوو یێ هند مه‌زن كرى، چونكو چو هێرشێن كیمیاوى نه‌ئینانه سه‌ر گه‌لێ و چو ئه‌نفال نه‌هاتنه كرن ل سه‌ر مه، راسته گه‌له‌ك گه‌ف هاتن و كه‌سێ خوه لمه نه‌كره خودان!. یا ژ هه‌میێ نه‌خۆشتر هنده حزبێن نێزیك خوه ژ به‌ر وى هه‌لویستى هاڤێت بوو و ملێ خوه نه‌دانه به‌ر، هه‌ر وه‌كو كاندیدێ ئێكێ ل دهۆكێ یێ ڤێ جارێ ئارام باله‌ته‌ى دبه‌رنامه‌كێ روودا دا، گۆتبوو كو پارتى ما بتنێ باجا ریفراندۆمێ ددا، به‌لێ ئه‌وێن ب هه‌لویست نه‌راوه‌ستیاین دێ ل 12/ 5 باجا وێ ده‌ن!. هیڤیى ئه‌و حزبێن وه‌سا خوه‌دى پیكه‌هێ جه‌ماوه‌رى و ناڤوده‌نگیه‌كا پاقژ هه‌یین زویا بزڤرنه هه‌مبێزا ملله‌تى و جاره‌كا دى عافیه‌تا خوه بزڤریننه‌ڤه. به‌لێ دبێژن راستى رێكا خودێ یه!، راستى و راستیا دۆزا گه‌لێ كورد باره‌كێ گران بوویه، ل سه‌ر ملێ سه‌ركێشێن ڤێ پارتێ، هه‌ر ژ رۆژا سه‌ركه‌فتنا ریفراندۆما سه‌ربه‌خوه‌یا هه‌رێما كوردستانێ، دو ئاراسته‌یێن تیژ یێن ئیراده‌یه‌كا ئێكگرتى ته‌ڤلى هه‌ڤ بوون و بریارا چاره‌نڤیسێ خوه بوون، ئه‌و بوو ده‌مێ ئه‌نجامه‌كێ رێژه‌یا زۆرا مه‌زن. ئیرادا ملله‌تى بریارا خوه دابوو، سه‌ره‌راى وان هه‌ره‌شه و تێكدانا هاتیه كرن ژ لایێ هه‌میان ڤه، به‌لێ ئه‌و ئیراده نه‌شكه‌ستیه و ملله‌ت و پارتى ل خۆشى و نه‌خۆشیان ل گه‌ل هه‌ڤبووینه، راستى ژى وكو نێچیرڤان بارزانى ل ئاهه‌نگا بانگه‌شا پارتى ل دهۆكێ كه‌رمكرى كو ئه‌وێن پیلان بۆ پارتى دارێتین دێ ب چیایێن پارتى كه‌ڤن، مه ژى دیت چاوا چیا نا هژیێن و ناكه‌ڤن. ئه‌ڤ سه‌ركه‌فتنه شۆره‌شه‌كا سه‌رده‌مى بوو كو ب هه‌مى ره‌نگان پارتى خودانا ڤى ملله‌تى یه.
هه‌لبژارتن بۆ ئێكرێزیێ یان ململانێ؟!
شێرزاد نایف
به‌ری چه‌نده‌كێ سه‌رۆكێ حوكمه‌تا هه‌رێما كوردستانێ بۆ به‌رنامه‌یێ (چی دكه‌ن)، هنده‌ك خالێن فه‌ر دانانه سه‌ر په‌یڤان، ده‌مێ گۆتی كو ئه‌وێن شاش د ڤان هه‌لبژارتنان دگه‌هن، كو ب وی شێوه‌یێ هه‌لبژارتنێن په‌رله‌مانێ كوردستانێ هزر لێدكه‌ن. به‌لێ یا دروست ئه‌وه هه‌می هێزێن كوردی ل به‌غدا ئێكرێز بن، ل به‌رامبه‌ری هێزێن دیتر یین عیراقێ وه‌كو ره‌وتێن زۆرینه‌یێن شیعه‌یان و سونه‌یان بۆ پتر بده‌ستڤه‌ئینانا ده‌ستكه‌فتێن مه‌زن و دیرۆكی و چاره‌نیڤساز نه‌مازه ددستوورێ عیراقێ دا، هه‌روه‌كو ل ده‌سپێكێ هه‌تا راده‌یه‌كی ئێكرێزیا كوردی و هێزا وێ شیا گه‌له‌ك ده‌ستكه‌فتان بده‌ستڤه بینیت، مینا مادێ 140 كره مال ل سه‌ر عیراقێ كو پێگیر ببیت، هینگی كیانێ كوردی یێ ب هێز بوون، به‌غدا یا لاوازبوو، سه‌رۆك مه‌سعود بارزانی هینگی وه‌كوسه‌رپه‌رشتێ گشتی یێ پرۆسا سیاسی بوو ل عیراقێ شیا گه‌له‌ك وه‌رچه‌رخانه‌یێن مه‌زن ل ڤی وه‌لاتی بینیته دی، كو هنده‌ك ژ مافێن مه یێن دستووری هه‌تا نها ماینه هه‌لاویستی، دڤێت هه‌می هێز ب ئێك ده‌ست و دل بزڤریننه‌ڤه. ژلایه‌كێ دی ڤه و د هه‌مان مژارا هه‌لبژارتنان نێچیرڤان ژی ئاماژه‌یێن ئاشكرا دیاركربوون، ده‌رباره‌ی وێ هه‌ڤدوژیا گشتپرسیا رابۆری و هه‌لبژارتنێن نها كو پارتی نیازا بایكۆتا وێ هه‌بوو، به‌لێ پارتی ل ڤێ دخوازیت هه‌یبه‌تا خوه بۆ هه‌میان دیار بكه‌ت كو ئه‌وه هێزا ئێكێ ل هه‌رێمێ و پێگه‌هێ وێ ژی جه‌ماوه‌رێ كوردستانێ یه. ئه‌ڤجا یا پارتی خۆیادكه‌ت ل سه‌ر ژردیا وێ ل ڤان هه‌لبژارتنان ئه‌وه، كو هه‌رژ سه‌ری وه‌ره دخوازیت ب رێیا به‌غدا بگه‌هیته ئه‌نجامه‌كی، هه‌روه‌سا ژی، هه‌كه ره‌نگه خه‌لك ژی و پارتی ژی ئه‌و گێولێ بده‌ستڤه‌ئنینانا كورسیێن جڤاتا نوونه‌ران نه‌بیت، به‌لێ هه‌ر بۆ هندێ یه كو سه‌نگا وێ هه‌رده‌م هێزا ئێكێ بیت، دیسا ژی ئه‌ڤ ئێكه نیچیرڤان بارزانی ل ده‌سپێكا ئاهه‌نگا بانگه‌شیا كاندیدێن پارتی دیمۆكراتی كوردستان ل هه‌ولێر خۆیاكربوو، وه‌كو دی پارتی ب جه‌ماوه‌رێ كوردستانێ ڤه، یا مفاداره ب هه‌بوونا وی ده‌ستكه‌فتێ مه‌زنێ دیرۆكی یێ ریفراندۆمێ و خه‌لكی هه‌میێ ده‌نگ ب ئه‌كتیڤ ل سه‌ر دایی. چو یا خساره نینه، به‌لێ هندی بارودۆخ یێن بهێز بوون و ژ هێزا پارتی مه‌زنتر بوو، حه‌تا راده‌یه‌كی هاته هه‌نگافتن، به‌لێ زۆرنه‌كێشا و به‌ره به‌ره ئاریشه‌یێن به‌ر چاره‌بوونێ ڤه‌دچن. هه‌می ژی هه‌لویستێ به‌غدا دزانن كا هه‌مبه‌ری كوردستانێ یێ چاوایه كو به‌ری ده‌مه‌كێ نه‌یێ كێم خوه دانوستاندن ژی قه‌بوول نه‌دكر ل گه‌ل هه‌رێمێ و جاران دانپێدان ژی ب حه‌كمه‌تا وێ نه‌دكر, هه‌لبه‌ت ژ به‌ر چ هاته خار ژ هنده‌ك هه‌لویستێن خوه،؟! پێنه‌ڤێت ژبه‌ر بانگه‌شه‌یا خوه و ریكلاما خوه یا هه‌لبژارتنێ!. پێنه‌ڤێت پشتی هه‌لبژارتنان دێ هه‌روه‌كو بیته (په‌رێ وه‌كی به‌رێ)!. له‌ورا ژی حوكمه‌تا هه‌رێما كوردستانێ و سه‌رۆكێ وی ژی ئه‌نجامێ ڤێ ئێكێ دزانن، له‌ورا دخوازیت پێكه‌یێ خوه ل به‌غدا بسه‌پینیت و بهێز بێخیت، هه‌ر وه‌سا په‌یوه‌ندیێن خوه ل گه‌ل ئه‌مریكا ب هێزبێخیت و وی لایه‌نی ب ره‌نگه‌كێ سیاسی ژ خوه رازی بكه‌ت، چو به‌هانه‌یان نه‌هلێت ك وئێدی مافێن ڤی ولاه‌تی و هه‌ڤوه‌لاتیان ژده‌ست بده‌ت. خه‌لكێ كوردستانێ ژی ڤێ چه‌ندێ دحه‌بینیت و دزانیت به‌لێ هه‌می تشتێن ل سه‌ر شاشه‌یێن تلفزیۆنان دهێنه گۆتن نه دراستن به‌لكو ئه‌جینده‌یێن وه‌لاتێن هه‌ڤدوژن و دوروبه‌ر. بلا خوه نه‌خاپینین و بلا ڤێ جارێ ژی ب هێز بچینه ده‌نگدانێ و ئێكرێزیا كوردی ل به‌غدا بهێز بكه‌ڤیت، بۆ به‌رسنگگرتنا هه‌می پیلانان و لاوازكرنا شانێ كوردی.
دێ بینه هه‌رێما كوردستانا ئه‌مریكا!
شێرزاد نایف
دۆگلاس سیلیمان باڵیۆزی وه‌لاتێن ئێكگرتى یێن ئه‌مه‌ریكا، به‌رى دو رۆژان مێهڤانێ سه‌رۆكێ وه‌زیرێن هه‌رێما كوردستانێ نێچیرڤان بارزانى بوو، مه ژى ئه‌و ڕێوڕه‌سمێن زێندى یێن ل هه‌ولێرێ هاتینه كرن ب چاڤێن خوه دیتن ل سه‌ر كه‌نالێن میدیایى.
ئه‌و ب خوه راگه‌هاندنا پرۆژێ ده‌ستپێكرنا پڕۆژێ بنیاتنانا كۆمه‌ڵگه‌هه‌كا نوو یا كونسولخانه‌یا گشتیى یا ئه‌مه‌ریكا ل هه‌رێما كوردستانێ بوو. هه‌كه خوه ب ژیوارانه تێبگه‌هینین، ئه‌ڤه نووچه‌یه‌كێ مه‌زنتره ژ نووچه‌یى، به‌لێ خوه هه‌ما پشتگوه بهاڤێین وه‌كو نووچه‌كێ نۆرمال، دبیت ژى چه‌نده‌كى خه‌لكه‌ك یێ نه‌حه‌ق نه‌بیت بێزار ببیت ژ هنده‌ك په‌یامێن میدیایى، ژ به‌ر وان دۆرپێچیێن به‌غدا و یێن هه‌رێماتیك ل سه‌ر هه‌رێمێ، به‌لێ وه‌كو به‌رى نها ژى د چه‌ندین گۆتاران دا من بخوه، ئاماژه دایه وێ سیاسه‌تا نه‌رم و ب ئه‌نجامیا سه‌رۆكاتیا هه‌رێما كوردستانێ و بڕینا هه‌مى بهانه‌یێن به‌غدا ل سه‌ر هه‌رێمێ، پێ نه‌ڤێت دێ ئه‌ڤرۆ وى به‌رهه‌مى چنین. دبیت ژى خوانده‌ڤانه‌ك هزربكه‌ت كو نڤیسینا گۆتاره‌كا ب ڤى ره‌نگى نه‌كو خۆشخۆشك بن و گه‌شبینه‌یه‌كا ب مه‌ره‌مه، به‌لێ خۆشیا گۆتارێ ژى د راستیا وێ دایه و دوجدانێ دایه، نه‌كو مرۆڤ بۆ سه‌رخستنا گۆتاره‌كێ و كێشانا سرنجا خوانده‌ڤانان مێشێ بكه‌ته كامێش!!. و دارێ ژ بنى ببڕیت. ئاخر ئه‌ڤه دۆگلاسه و به‌رى وى ژى بریت مه‌كگۆرك بوو، ئه‌وێ وه‌ختى ل مه ئاسێ بووى، به‌لێ ئه‌وان سه‌رده‌رى ئێدى ل گه‌ل ژیوارى و كر و پێدڤیا بۆ هه‌رێما كوردستانێ گرنگیا وێ ل ڤێ ده‌ڤه‌رێ بۆ بارۆدۆخێ سیاسى یێ ئه‌مریكى، زێده‌بارى پێدڤیا وان بۆ هێزێن پێشمه‌رگه‌ى نه‌مازه شانه‌یێن داعشا تیرۆرست یێن ژ خوه رادبن ل ڤێره و وێراهه‌نێ، و …هتد. له‌ورا دانان پرۆژه‌كێ ئه‌مریكى یێ هۆسا مه‌زن، دڤێت سه‌قایه‌كێ ئارام و خۆش و خۆشگوزارن ژى بۆ هه‌ر بۆ خۆ ژى دابنیت، هینگى ئه‌مریكا دێ كاریت سه‌رێ وه‌یرسى گریت كو هه‌ر ب وى وه‌ریسى ژى ده‌ست حه‌فكا گه‌له‌ك وه‌لاتان دابنیت، چونكو هه‌رێم دێ بیته مینا ویلایه‌ته‌كا ئه‌مریكى ل ده‌ڤه‌رێ و تنێ گه‌فه‌كا ئه‌مریك به‌سه بۆ وه‌لاته‌كێ مینا ئیرانێ و توركیا، هه‌روه‌كو به‌رى هه‌یامه‌كێ گه‌ف ل توركیا كربوون هه‌كه ده‌ستتێوه‌ردانان بكه‌ته سووریى ل گه‌ل دانپێدانێ كو راسته توركیا دوویه‌مین هه‌ڤپه‌یمانه ل قولپا ناتۆ، به‌لێ د چه‌ند خۆله‌كه‌كان دا دكاریت له‌شكرێ توركیا هه‌میێ ببرینیت. ئه‌ڤجا ئه‌مریكا یا رژده ل گه‌ل مه و دێ كه‌ت، یان ژى دێ بۆ خۆ كه‌ت، هه‌كه كر ژى ئه‌و پێدڤى ب فۆرماتكرنه‌كێ یه ل ده‌ڤه‌رێ، هه‌كه فۆرماتكر ژى ئه‌ڤه گه‌له‌ك عه‌ته‌ل و ژ كارخستنێن ده‌ڤه‌رێ دێ ل گه‌ل خوه چاره‌سه‌ر كه‌ت، ئه‌ڤه كۆمه‌لگه‌هه ژى یێ كۆنسلخانه‌یێن خوه دێ سه‌نته‌رێ هه‌مى برێڤه‌برنا ئه‌جینده‌یێن خۆ یێن سه‌رانسه‌رى بیت. هه‌كه ته مه‌حره‌سه‌ك بۆ خوه دانا دێ تو پێدڤى ب حاره‌سه‌كێ ژى بیت (پاسه‌وان)، ئه‌و پاسه‌وان ژى ل دووڤ مه‌رجێن وێ و ل دووڤ دلێ وێ یه، چونكو ئه‌و پاسه‌وان شێوازێ زێره‌ڤانیكرنێ دزانیت یێ شاره‌زایه ل ده‌ڤه‌رێ و حه‌زژ مێهڤانێ خوه دكه‌ت، دلسۆزه چونكو مه‌زلۆمیه‌ت دیتى یه، ب چاڤێن زل ته‌ماشه‌ى ده‌ڤه‌رێ و ئارامیا وێ دكه‌ت!!. دزانیت كیژ خالێن لاواز هه‌نه كو دوژمن لێ هه‌ول بده‌ن قه‌ستا هێرشان بكه‌ت، خوه پێ دوراندنێ بده‌ستڤه بینن، ئه‌ڤ پاسه‌وانه ژى خه‌لكێ هه‌رێما كوردستانێ یه و پێگیریا وى ب ده‌سهه‌لات ڤه بۆوه‌لاتێ ئه‌مریكا وه‌كو مه‌زنترین وه‌لات ل سه‌ر گۆیا زه‌ڤى و دێ گۆتیه و هه‌ر دبێژیت ژى “ل به‌ر سیبه‌را شێرى به، بلا شێر ته بخۆت”!!.
دیمۆكراسیكرنا دكتاتۆریێ
شێرزاد نایف
ب دیتنا من ژینگه‌ها مرۆڤى باندۆره‌كا مه‌زن هه‌یه دبریاركرنا ده‌روونا مرۆڤى دا، ئه‌ڤ باندۆره دبیت پشكا شێرى بیت و سه‌رپشكا ئه‌گه‌رێن بابه‌تیانه بیت. مه زۆر حه‌زكر كو ئه‌م د دیمۆكراسخواز بین و مه خوه ددانا وه‌كو ویلایه‌ته‌كا ڤه‌قه‌تیایى ژ ئه‌مریكا، به‌لێ هه‌ر وه‌كو ژینگه و نه‌خشه‌یێ جوگرافى ناهێلیت، ئه‌م هه‌ر یێن خوه هزرڤه‌كرى دهێلین و ئازاد سه‌رده‌ریێ بكه‌ین، ژینگه‌ها مه ژى یا پاك و فێنكه، به‌لێ هه‌ر وه‌كو ئه‌و یێن عه‌ورێن ده‌ستكرد بۆ هنداڤى مه‌ڤه دئینن و ب زۆرى مه دكه‌نه دك راسێ رۆژهه‌لاتی دا، حه‌ز ناكه‌ن ئه‌م ژى د دیمۆكراسخوازبین، چونكو ل ده‌سپیكێ و حه‌تا نها ژى سه‌ربۆرا مه ب ناڤێ دیمۆكراسیێ بسه‌ركه‌ڤت، حه‌تا كو گه‌هشتیه لۆته‌كیا خوه و مه خواستى كیانێ خوه یێ ب هێز راگه‌هینین، ب هه‌مى رێیان هاتنه مه كو مه بشكێنن، نه‌شیان و ئه‌و خالا لاواز بكارئینا و ده‌ڤێ مه گرێدان ب هۆیێ خیانه‌تێ، هه‌كه نه كیانێ هه‌رێمێ زۆرێ ب هێزبوو و دا پتر ب هێزكه‌ڤیت هه‌كه كرمێ دارێ نه‌با!!. هێشتا ژى یا مایى و دێ مینیت ژى. چونكو ئه‌م ب زۆرى نه‌چارى ژیانا دیكتاتۆریانه كرینه، مه نه ڤێت ل گه‌ل عیراقا جودا بژین، هه‌ر یێن مه پالڤه‌دده‌ن، بریارا سیاسی یا كوردى ل هه‌رێمێ دخوازیت سه‌ربخوه‌یا خوه هه‌بیت و ملكه‌چى چو ئه‌جینه‌دیێن دى نه‌بیت، به‌لێ عیراقا ـ نه‌یا خوه ـ یا كریه به‌ربه‌سته‌ك ل به‌رامبه‌رى ئه‌ڤێ بریارێ. ئه‌رێ ئه‌و چو ده‌وله‌ته سه‌رۆكێ وێ نه‌یێ ب ده‌ستێ خوه و د ده‌ستێن وه‌لاتیێن دى دابیت؟!. هزر و ره‌فتارێن كوردستانیان گه‌له‌ك د پێشكه‌فتى و ئازاد و دیمۆكراسى بوون، ژ هه‌مى لایه‌كى ڤه، ده‌رگه‌هێن وێ دڤه‌كرى بوون، ژ به‌ر ساخیا دلى، به‌لێ یا دیاره كیژ لایه‌ن دخوازیت هه‌ر دگرتى بین و وه‌كو وان بین، بۆ نموونه هه‌ره سوشیال میدیا و سنابیێن وه‌لاتێن ده‌وربه‌ر ڤه‌كه، كیژ وه‌لاته ب ره‌خ مه‌ڤه یێ ڤه‌قه‌تیایه ژ دونیایێ؟! هه‌ما دێ دیار بیت، ڤێجا بگره ژ هه‌مى ته‌ماكاریێن دى كو دخوازیت ده‌ستێ خوه بدانیته سه‌ر و وه‌كو كۆمارا كوردستانا ئێكێ لێبكه‌ت!. ته‌ماكاریێن هه‌ڤبرى ئێك، ئه‌و هزرا دكتاتۆر یا د سه‌رێن مه دا چاندین یا دوور و درێژبوو، له‌ورا زووبزوو ناهێته ڤه‌مراندن، له‌ورا یا ب زه‌حمه‌ته دیمۆكراسى جهێ وێ بگریت، كو نها خه‌له‌ك یێ خۆزیێن دكتاتۆریێ رادهێلن، یا دروست ل به‌ر بوویه خه‌له‌ت، چونكو سیسته‌مێ دیمۆكراسى ده‌ردێ دلێ مه‌یه و ئه‌م ب وێ دێ گه‌هینه ئارمانج و خواسته‌كێن خوه، له‌ورا ژى بارزانیێ نه‌مر به‌رى ده‌هان سالان بزاڤا خوه ب دیمۆكراسیێ دامه‌زراند، هینگى ئه‌و دزانى بها و رامانا دیمۆكراسیێ چه‌نده. نها ژى شه‌ره د ناڤبه‌را دكتاتۆریێ و دیمۆكراسیێ دا ل نیڤا هزرا مه دا، چونكو سه‌روبه‌رێ مه یێ دیمۆكراسى یه و هزر یا دكتاتۆره، هه‌ر وه‌كو دووماهى چه‌كێ وان ئه‌و بوو ب برسێ هاتنه مه وهه‌ر نه‌شیانه مه!..
ده‌نگدان ل سه‌ر ده‌نگدانێ!!
شێرزاد نایف
(ده‌سهه‌لات هه‌مى رێیا دبه‌ته ئاشى ژبۆ مسۆگه‌ركرنا تۆماركرنا ده‌نگێن فه‌رمى یێن هه‌ڤوه‌لاتیان)
پشتى ڤان بۆیه‌ر و بارۆڤه‌یێن ب سه‌ر مه دا هاتین و ئه‌م وه‌سا گوهشاندین، كو هه‌تا وى راده‌یى سه‌رێن رێكا ل به‌ر مه به‌رزه‌كرین، ئێدى هزرا مه ژى هاتێه تێشێلاندن، هه‌ر ژ ده‌سپێكا ئه‌و دۆرپێچێن نوورى مالكى سه‌رۆك وه‌زیرێ عیراقێ یێ كه‌ڤن و پاشى هێرشێن داعش و گرتنا په‌رسیڤێ سووریێ بۆ سه‌ر ده‌ڤه‌رێن مه و شه‌رێن مه ل گه‌ل تیرۆرستان و پاشى ده‌سپَیكرنا پرۆسا تۆمارا بایۆمه‌ترى یا كۆسیۆنا هه‌لبژارتنێن عیراقێ و پاشى ئه‌نجامدانا پرۆسا گشتپرسیا كوردستانێ یا سه‌ركه‌فتیانه ـ وه‌كو ده‌سكه‌فته‌كێ دیرۆكى ـ به‌لێ، ره‌نگڤه‌دانا وێ یا دژوار ل سه‌ر كوردستانێ و یا ژ هه‌میێ جه‌رگبرتر خیانه‌تا بوویه ماركه ـ مسجه‌له ـ بۆ خرابیێ!! پشتى وه‌غه‌را مام جه‌لال و به‌رده‌وامبوونا ڤێ چیرۆكێ هه‌تا ل شه‌رێ به‌رگریا پێشمه‌رگه‌ى ل دژى هێرشێن حه‌شدا شه‌عبی ب سپۆنه‌سه‌ریا ئه‌مریكا و توركیا و سووریى و هه‌میان، و گه‌فێن حه‌یده‌رێ عه‌بادى، كوردستان شیا خوه ل به‌ر ڤان هه‌مى پێلان گرتى. ئێدى هه‌سته‌كا بێزاریێ بۆ خه‌لكى په‌یدابوو و گوهشین، ب باشیا شه‌نسى لۆتكه‌یا هه‌دارا هه‌ڤوه‌لاتیان گه‌هشته
گوپیتكێ، هه‌ڤده‌م بوو ل گه‌ل بانگه‌شه‌یا هه‌لبژارتنێن سه‌رانسه‌رى ل عیراقێ. خه‌لكى دگۆتن هه‌ما هه‌ر ناچیته ده‌نگدانێ و وه‌لێهات هه‌كه ته به‌حسا ده‌نگدانێ كربا دا حه‌نه‌كان ب ته كه‌ن!!. به‌رپرسه‌كێ به‌رز جاره‌كى ل ده‌ف من وه‌كو ته‌به‌كێ ئینا خوه وه‌ختێ من بابه‌تێ تۆمارا بایۆمه‌ترى بۆ كری، به‌لێ ئه‌ڤرۆ ئه‌و ب خوه یێ هاندانا خه‌لكى بۆ ده‌نگدانێ دكه‌ت!!. مه‌ره‌م پێ ئه‌وه كو ل عیراقێ و كوردستانێ چو تشت نینن ل سه‌ر ده‌سهه‌لاتێ ده‌رباز بكه‌ن، مینا ب كولانكى و مللى دبێژن: حوكمه‌ت كێڤریشكێ ب عه‌ره‌بانێ گریت.
ده‌سهه‌لاتا عیراقێ ژى ره‌هێن سه‌رى َوێ دساڕن و یا بێمنه‌ته كو هه‌ڤوه‌لاتى بچن و ده‌نگێ تۆماربكه‌ن و كارتێن خوه یێن ده‌نگده‌ریێ ببه‌ن و ببنه ده‌نگده‌رێن پله ئێك ب سیسته‌مێ ئیسپانى و ئه‌و سیسته‌م ددله‌كى دا به‌رهه‌ڤكرینه كو هه‌مى تشت ل سه‌ر سه‌خته‌كاریێ دابن ل ده‌مێ پرۆسا ده‌نگدانێ.
دشێن بێژین كو ده‌سهه‌لاتێ ل سه‌ر هه‌ڤوه‌لاتیان سه‌پاندیه كو خوه تۆرمار بكه‌ن، هه‌كه نه گه‌فێن نه‌راسته‌وخوه هه‌نه بۆ برنا كارتێن خوه، چو ئه‌ڤ كریاره یا قانوونى بیت یان یا قانوونى نه‌بیت، گرنگ حوكمه‌ته و ده‌سهه‌لاته و یا ب دلێ خوه‌یه، دبێژیت، دڤێت هه‌ر كه‌سى كارتا ده‌نگدانێ هه‌بیت و یێ تۆماركریى بیت، به‌لێ تو یێ ئازادى بچى ده‌نگى بده‌ى یان نه‌ده‌یى. به‌لێ هه‌ڤوه‌لاتى هینگى دێ گه‌هنه وى ئه‌نجامى كو بچن و ده‌نگى بده‌ن و ب مۆراله‌كا ب هێز، نها حزب و عه‌شیره‌ت وه‌كو كو ئاراسته‌یێن هه‌ڤته‌ریب ئێكودو ته‌مام دكه‌ن، ئێك ده‌ستێ یا دى دگریت و عه‌قلێ عه‌شیره‌تێ ژ كیستێ حزبایه، رێكه‌كا نێزیكه بۆ رازیكرنا ژیبوون و پیگریكرنا هه‌ڤوه‌لاتیان بێى زه‌حمه‌ته یان زكئێشاندنه‌ك، كو وێ پێگیریا هه‌ڤوه‌لاتیان بۆ خوه راكێشن و نا ژى به‌ره به‌ره هه‌ردو ده‌سهه‌لات یا عیراقێ و یا هه‌رێمێ به‌ره به‌ره یێن ژیانا هه‌لكى باشتر لێدكه‌ن، ئاریشه‌یێن وان به‌ر ب باشترڤه دچن به‌ره‌ڤاژى ده‌سپێكا شۆلێ كو ره‌نگه ته ده‌نگدان كربا ل سه‌ر ده‌نگدانێ به‌هرا پتر خه‌لكى ب نه‌وه‌یێ به‌رسڤ دابا، به‌لێ ئه‌م یێن دبینین (ماشالا)، خه‌لكى یێن ب هه‌ردو ملان دچن و یێنن شه‌رى سه‌را ئینانا كارتێن خوه یێن ده‌نگده‌ریێ دكه‌ن و یێن ل سه‌ر دیواران را دچن كو به‌س ده‌نگێ خوه دابین بكه‌ن.. و ل داویێ دبێژم ده‌نگدان ده‌نگڤه‌دانه.!! به‌لێ بۆ ده‌نگدانێ ..
به‌رهه‌مێ مه‌زلۆمیه‌تێ!
شێرزاد نایف
دبێژن ماف ناهێنه وه‌رگرتن، به‌لێ دهێنه ستاندن، خودانێ حه‌قى ژى هه‌رده‌م پشتا وى ل كه‌ڤرى یه و یێ ژ خوه پشتراسته، ئه‌ڤه ژى ملله‌تێ مه یێ كورد یێ فێرى نسكۆیان بووین هه‌ر ژ كه‌ڤندا و هه‌رده‌م پتر ژ دوسى دوژمنێن زلهێز هه‌بوویه ژ بلى جوگرافیا وى و ژبلى ـ كرمێ دارا وى ـ له‌ورا ژى ئه‌ڤێ سالێ پتر ژ هه‌ر ساله‌كێ ژ دیرۆكا خوه تووشى نه‌خۆشیێن پیلانگێریێ بوویه، ل چه‌رخه‌كى كو نیفاق و زكره‌شیى یا سه‌رێ خوه دخۆت، به‌لكو رێكێن ته‌كنۆلۆجیایێ ب ساناهیكریه كو ئاسته‌نگ پتر بكه‌ڤنه ل به‌ر رێیا پێشڤه‌چوونێ. ب دیتنا من ژى ئه‌ڤا مه ل ڤان مه‌هێن بۆری ئه‌نجامدای و ده‌نگێ خوه دایى بۆ سه‌ربخوه‌یا كوردستانێ په‌یامه‌كا دیرۆكى و گرنگ بوو مه گه‌هانده جیهانێ ب به‌ردكه‌فت كو باجا وێ ته‌نها یا ئابوورى بیت ل گه‌ل رێتنا خینێ و چه‌ند تێكۆشانه‌كا چه‌كدارى كو ب وێ چه‌ندێ ژى پتر هێزا خوه یا خۆراگر نیشا زلهێزان دا، چونكو ل ڤان دووماهیان و پشتى قه‌یرانا دارایى و هه‌مى جۆرێن هێرشان هاتینه سه‌پاندن، دووماهى چه‌ك ژى ئه‌ڤان بۆدجه و مووچه‌یان بوویه، ئه‌ڤ بارێ گران كه‌فتبوو ل سه‌ر شانێ سه‌رۆكێ حوكمه‌تا هه‌رێمێ كه‌سێ نێچیرڤان بارزانى، ب وێ هه‌مى كه‌ربێ و پیلانا مه‌زن دوژمن ب هه‌ڤرا راوه‌ستاین ب راستى چه‌كێ وى ژى نه‌رمترین چه‌ك بوویه و ته‌حمول و خوه‌راگرتن بوویه ل هه‌مبه‌رى هه‌مى هه‌ولێن شكه‌تن ئینای، چونكو چه‌ندى دوژمنان گه‌ف ل سه‌ر وى دشداندن و ب گه‌رمى دهاتن، به‌لێ ئه‌وى نه‌رمتر سیاسه‌ت ل گه‌ل بكارئینایه و هه‌مى گه‌هاندنه وێ چه‌ندێ كو ته‌نازولێ ژ وان سۆزێن ڤه‌بڕى و نه‌خۆش بكه‌ن، نێچیرڤان بارزان ل گۆتارا خوه یا ڤان دووماهیان دا دلرحه‌تیه‌ك بۆ خه‌لكێ كوردستانێ په‌یداكر هه‌ر وه‌كو هه‌رده‌م جه‌ختى كرى كو ئه‌ڤ قه‌یرانه بهێنه چاره‌سه‌ركرن و ب دروستاهى ژى ئه‌و داخۆیانى بوونه ژیوار و رۆژ بۆ رۆژێ یێن دهێنه دى، هه‌لبه‌ت ژى گه‌نجینه‌یا ڤێ هێزێ ژى ئه‌و مه‌زلومیه‌ته و ئیراده‌یا ڤى ملله‌تێ بنده‌ست و نه‌خۆشى برینه سه‌ر. ئه‌و مه‌زلۆمیه‌ت هێزا خوه ژ پێشمه‌رگێ كوردستانێ دبه‌ت ئه‌ولایه‌نێ هه‌رده‌م هه‌مى نه‌چار كرین دانپێدانێ بكه‌ن ب كیانێ وى یێ سه‌ربخوه و خودان نه‌ژاد، له‌ورا ژى هه‌رده‌م ئه‌ڤ پیلانێن هه‌نێ ژى ئه‌و بوون كو ل سه‌ر ناڤخوه‌یا كوردستانێ كاربكه‌ن ب ڤان حزبێن هه‌رده‌م سست د نشتیمانبوون و ژیبوونا خوه دا، خواستن ل سه‌ر تێلا نازك كاربكه‌ن ته‌خێن هه‌ژار برسی بكه‌ن و به‌رده‌نه حوكمه‌تا وان، ئیرادا پۆلایى هێشتا یاماى و پتریا وێ ژى نه‌هاتیه چه‌ماندن. یا من ب گۆتارا نێچیرڤان بارزانى خواندى كو گوهۆرێن ئه‌كتیڤ دێ هه‌بن چونكو هه‌ولێن خرابناك هه‌تا راده‌كێ ڤه‌برى گه‌هشتنه پاشڤه‌زڤرینێ و ده‌ست به‌ردان ژ وێ گه‌فوگۆرا هه‌یى. مه هیڤیى یه وه‌كو یا وى خۆیاكرى كو هه‌ڤوه‌لاتیێن هه‌رێمێ دلخۆش بین و مافێن وان بهێنه ستاندن ژ به‌غدا ب هه‌ر رێیه‌كا هه‌بیت، به‌لێ یا گرنگ ئه‌وه نه‌كه‌ڤینه داڤێن نه‌حه‌ز و دوژمنان و پیلان و ئه‌جینده‌یێن ده‌ره‌كى.
نيشاندان
WP Facebook Auto Publish Powered By : XYZScripts.com