غیاس خالد زێبارى
خۆشبه‌ختانه سه‌ره‌راى نه‌بوونا چ باوه‌رنامه‌یان، ژبلى كو ل ڤان دووماهیا پشتى ژیێ 45 سالى، د رێیا خواندنا ده‌ره‌كى من شیا بگه‌همه ئاستێ ده‌رچوونا قووناغا ناڤه‌ندى، پشتى هه‌ول و ماندیبوونه‌كا به‌رده‌وام، خودایێ مه‌زن به‌هرا نڤیسیێ بمن به‌خشى و هه‌تا راده‌یه‌كى من شیایه هه‌بوونا خوه دیار بكه‌م د وارێن گۆتارنڤیسینێ و رۆژنامه‌ڤانیێ دا.
چونكى وه‌ك كادره‌كێ مه‌زنترین و كه‌ڤترین و پڕ خزمه‌تترین پارتیا كوردستانى كو پارتى دیمۆكراسى كوردستانه، خوه‌ره‌وشه‌نبیركرن من ب ئه‌ركێ خوه زانى یه.
لێ ل ده‌مێ نڤیسنێ دا رۆژانه چه‌ندین پسیار ئاراسته‌ى من دهێنه كرن، چ ژلایێ هه‌ڤالێن كارى یان هه‌ڤالێن دیتر.
ژ وان تۆ بۆچى دنڤیسى.؟ ئه‌رى كى ئاگه‌ه ژ ته‌هه‌یه؟ ما چ دگه‌هیته ته…؟ كى دخوینیت …؟ چ مفا تێدا هه‌یه …؟ ته چاڤ ل خوه كۆره‌كرن…؟
هه‌ره بۆ خوه كاره‌كێ باشتر ربكه ..؟ چه‌ندین ساله كارێ ته ئه‌ڤه، هێشتا تو یێ قه‌ردار…؟ ئه‌رێ پارتیا ته ڤێ خزمه‌تێ لبه‌رچاڤ دگریت؟ تو هه‌ر بنڤیسه و خه‌لكه‌كێ دى بهێته پله بلندكرن؟ خه‌لكه‌ك ل پله‌دارێن پارتیا ته، ته ب خه‌شیم دزانیت و چه‌ندین پسیارێن دیتر.
ژ لایه‌كێ دیتر خه‌لكه‌كێ ده‌رڤه‌ى پارتیا من ب تایبه‌ت ئه‌وێن ژ نێزیك من ناسنه‌كه‌ن، وه‌سا هزر دكه‌ن پارتیا من ئه‌زێ ب ڤى ئه‌ركى راسپاردى و به‌رامبه‌ر ڤێ چه‌ندێ، به‌رده‌وام دهێمه پاداشت كرن و رێز ل من دهێته‌گرتن و داخوازیێن من ئێكسه‌ر دهێنه بجهئینان، ره‌خنێن دژوار ل من دگرن و زۆر جاران كۆمێنت و گۆتنێن بێ رێز ژى دگه‌هیننه مه.
ئه‌ز باوه‌رم زۆربه‌ریا هه‌ره زۆرا وان هه‌ڤالێن د ڤى وارى دا كاردكه‌ن، ب تایبه‌ت كادر رۆژانه پێشوازیێ ل ڤان پسیار و ره‌خنه‌یان دكه‌ن.
پشتى رێز و سلاڤ و سۆپاسیا من دڤێت بێژمه هه‌ڤال و خانده‌ڤانێن وان سازیێن گۆتار لێ دهێنه به‌ڵاڤكرن، یان تۆرێن جڤاكى.
پسیارێن وه د جهێ خوه‌دانه، لێ هه‌لبژارتنان من بۆ ڤى وارى، نه ژ به‌ر ده‌سكه‌فتێن مادى و پله بلندكرنێ یه، نه ژى بۆ رێزداركرنێ یه، تنێ خوه ره‌وشه‌نبیركرن ئه‌ركه‌كه ل سه‌ر هه‌ر تاكه‌كى، نه‌خسامه بۆ كادران، بۆ پتر خزمه‌تكرنا جڤاكى و مرۆڤاتیێ و جه‌ماوه‌رتر كرنا پارتیا خوه و چاڤكرنا كار و چالاكی و ده‌سكه‌فتێن نه‌ته‌وى و نشتیمانى و كارگێرى یێن سه‌رۆك و سه‌ركردایه‌تیا پارتیا خوه و وێ حوكمه‌تێ نه ئه‌وا ل سه‌ر ده‌ستێ وێ پارتیێ، گه‌ل و وه‌لات ل پیلان و مه‌ترسیێن دژوار پاراستى و به‌رڤ ده‌سكه‌فتێن مه‌زنتر دچیت.
ژ لایه‌كێ دیتر دبێژینه به‌رپرس و پله‌دارێن پارتى، پلان و به‌رنامێن باشتر یێن ره‌وشه‌نبیرى دابرێژن و خۆره‌شه‌نبیركرن ل سه‌ر بهێته سه‌پاندن، چونكى ده‌م ده‌مێ ره‌وشه‌نبیرى و راگه‌هاندنێ یه، كادرێ نه ره‌وشه‌نبیرى نه‌شێت د ناڤ خه‌لكى به‌ره‌ڤانیێ ل پارتیا خوه بكه‌ت و په‌یاما وێ ب دروستى بگه‌هینیت.
هه‌ر وه‌سا خزمه‌تا كادرێن ره‌وشه‌نبیر و نڤیسه‌ر بهێته ل به‌رچاڤگرتن و سازیێن راگه‌هاندنا پارتى ژى باشتر بهێنه ئه‌گتیڤكرن و پشته‌ڤانی لێكرن.
دبێژینه وان كه‌سێن ده‌رڤه‌ى پارتیا مه ئه‌وێن وان هزرا ژمه دكه‌ن و ره‌خنا لمه دگرن. پارتى خودان رێبازه‌كا تایبه‌تا كوردایه‌تیێ یه كو رێبازا پیرۆزا بارزانى نه‌مره و پێشه‌نگا بزاڤا رزگاریخوازیا كوردستانى یه و تاكه به‌ره‌ڤانكاره ل ماف و ئارمانجێن نه‌ته‌وى و نشتیمانى و هه‌مى ده‌سكه‌فتێن كوردستانێ ل سه‌ر ده‌سێ بۆ بده‌ستڤه هاتینه. وه‌ك تاكه‌كێ جڤاكێ كوردستانێ دوور ژ ئایدیۆلۆژیا سیاسى، ب ئه‌ركێ خوه دزانین به‌رڤانیێ ل ڤان راستیان بكه‌ین، نه‌ك بۆ ده‌سكه‌فتێن مادى، یان به‌رژه‌وه‌ندیێن تایبه‌ت و پێدڤى یه هه‌ر ره‌وشه‌نبیره‌ك و نڤیسه‌ره‌ك ب ڤى ره‌نگى هزر بكه‌ت، چونكى دیاركرنا راستیان به‌رى هه‌ر كه‌سه‌كى ئه‌ركێ وانه، راسته كێماسى هه‌نه، لێ ئه‌ڤ كێماسیه، نه تنێ گۆنه‌ها ده‌سهه‌لاتێ یان پارتى ب تنێ نه، به‌لكى گونه‌ها هه‌مى ئالیێن سیاسى و جڤاكى ژى یه.
نه جڤاكێ مه گه‌هشتیه وى ئاستى كو داخوازا مافێن نه هه‌ژى بكه‌ت، نه‌ژى پارتیێن كوردستانى ژبه‌ر ژده‌ستدانا جه‌ماوه‌رى دشێن قانوونه‌كا دادوه‌را بچه‌سپینن.
دیسا دبێژمه وان لایه‌نان، بلا دوور نه‌چین، تنێ ئه‌وا نێچیرڤان بارزانى سه‌ۆكێ حوكمه‌تا هه‌رێما كوردستانێ، پشتى خیانه‌تا 16 ێ ئكتۆبه‌را سالا بوورى كرى، بۆ شكاندنا گه‌ماروویێن سیاسى و ئابوورى و چاره‌سه‌ركرنا قه‌یرانا دارایى و شكۆداركرنه‌ڤا پێگه‌هێ هه‌رێما كوردستانێ، ئه‌وا ب پشته‌ڤانیا خیانه‌تكار بسه‌ر مه‌دا هاتى، هوون دا چه‌ند ده‌ستێن دهۆل و زرنایان بۆ لێده‌ن ..! .
ژبلى وان هه‌مى ده‌سكه‌فتێن ئاڤه‌دانى و ئێمناهى و له‌شكرى و ….هتد.
دبێژمه هه‌ڤالێن نڤیسه‌ر ژى، به‌ده‌وام بن ل سه‌ر ڤى ئه‌ركێ جڤاكى و نشتیمانى، په‌یاما وه زۆر پیرۆزتره ل هنده‌ك ده‌سكه‌فتێن مادى یا رێزلێنانه‌كا بچیت، ئه‌م بۆ خوه و ته‌ناكرنا وژدانا خوه و دیاركرنا راستیان دنڤیسین و ب گرنژین پێشوازیێ ل ره‌خنێن هه‌ڤالا و نه‌یارا بكه‌ن.
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
غياس خالد زێبارى
به‌رێز نێچیرڤان بارزانى رۆله‌كێ مه‌زن گێرا بۆ باشتركرنا په‌یوه‌ندیا ل گه‌ل ژماره‌كا وه‌لاتان
رۆژنامه‌ڤان و تایبه‌تمه‌ندێ كاروبارێن توركیا، شه‌ریف سه‌ید، بۆ رۆژناما ئه‌ڤرۆ “به‌رێز نێچیرڤان بارزانى رۆله‌كێ مه‌زن گێرا بۆ باشتركرنا په‌یوه‌ندیا ل گه‌ل ژماره‌كا وه‌لاتان.
دیدار: غیاس خالد زێبارى
پ 1: ـ هه‌لسه‌نگاندنا وى بۆ سیاسه‌تا ناڤخوه یا توركیا ..؟
ـ سیاسه‌تا ناڤخوه‌یى یا سه‌رۆك ره‌جه‌ب ته‌یب ئه‌ردوگان ئێكه ژ سیاسه‌تا سه‌پێنه‌ر ل ده‌ڤه‌رێ، ب تایبه‌ت پشتى هه‌ولا كۆده‌تایا نه‌سه‌ركه‌فتى ل سالا 2016، پشتێ وێ هه‌وا ده‌سته‌سه‌ركرنێ هه‌تا نهو یا به‌رده‌وامه، كو ب هزاران ژه‌نه‌ال و كاۆمه‌ندێن ده‌وله‌تێ ل دادوه‌ر و مامۆستا و داواكارێن گشتى و فه‌رمانبه‌رێن دیتر هاتینه گرتن و ل كارلادان ب هزارانێن دیتر، ب به‌هانه‌یا پشته‌ڤانیا رێكخستنا فه‌تحوللا گۆله‌ن كو ب پلان دانه‌را كۆده‌تایێ تاوانبار كریه، ژلایه‌كێ ئابوورى سیاسه‌تا ئه‌رۆگانى دلده‌مێن بوورى ده‌وله‌ت تووشى قه‌یرانێ بوویه، ژبه‌ر كۆنترۆلكرنێ ل سه‌ر بانكا ناڤه‌ندى و هه‌مى بریارێن بانكێ كرینه ئێكستینه دده‌ستێ خوه‌دا، دامه‌زراندنا بزاڤا خوه ( البرا‌و و البیرق) وه‌ك وه‌زیرێ دارایى، ئه‌و كه‌سێ نه‌شاره‌زا د ڤى وارى دا.
پ 2/ په‌یوه‌ندیێن توركى ئیرانى تو چاوا دبینى و ئه‌رێ ل سه‌ر كیستێ كوردایه..؟
ـ ئه‌ز دبینم ب زوێنه‌را په‌یوه‌ندیێن توركیا و ئیرانێ یێن بوورى و نهو سووریا یه، توركیا دڤێن كۆنترۆلێ ل سه‌ر ڕه‌وشێ بكه‌ت ل وێرێ، داكو ده‌سته‌كێ باڵا ل بریارێن سیاسى لێ هه‌بیت و ره‌نگه ئیران یاریكه‌سێ سه‌ره‌كى بیت ل روودانێ، سووریا، توركیا زۆر جاران هه‌ول دایه رژێما ئیرانێ كه‌سب بكه‌ت ژ پێخه‌مه‌ت كه‌سبكرنا هاریكاریا رۆسیا، لێ ل ده‌مێن بوورى ناكۆكیێن به‌رچاڤ د ناڤبه‌را توركیا ئیرانێ دا دیار بوون، یا دووماهیێ ل ده‌مێ كۆمبوونا سێ قولى د ناڤبه‌را سه‌رۆكێن (رۆسى و توركیا و ئیرانێ)، پشتى وێ رێكه‌فتنا سوتشى ده‌رباره‌ى ئیدلب د ناڤبه‌را رۆسیا و توركیا و ئیران ل هه‌لویستى هاته دووركرن.
و ده‌رباره‌ى كاریگه‌ریا ل سه‌ر كوردان، ئه‌ز دبینم ئه‌ردۆگان یێ به‌رهه‌ڤه هایكاریێ دگه‌ل هه‌ر كه‌سه‌كى بكه‌ت ل سه‌رانسه‌رێ جیهانێ، ژبوورى نه‌هێلانا هه‌بوونا كوردان ل سووریا و د ناڤ سنۆرێن خوه‌دا و ئه‌ز باوه‌رم ڤێ هاریكاریێ دێ بكارئینیت ژبۆ بجه ئینانا ڤێ مه‌ره‌مێ.
پ 3/ په‌یوه‌ندیێن توركیا و ئه‌مریكا تۆ چاوا دبینى ب تایبه‌ت پشتى رزگاركرنا قه‌شه ئه‌ندرۆ برونسۆن و ئه‌گه‌رێن به‌ردانێ چ بوون..؟
ـ ئه‌ز دبێژم ئه‌گه‌رێ سه‌ره‌كیێ رزگاركۆنا قه‌شه ئه‌ندرۆ برونسۆن، هه‌ولێن باشكرنه‌ڤا په‌یوه‌ندیێن توركیا بوون دگه‌ل ئه‌مریكا ژ پێخه‌مه‌ت قورتالكرنا ئابوورێ خوه یێ كو تووشى شكه‌ستنه‌كا مه‌زن بووى و د ناڤ وێ چه‌ندێ دا كێشا كوشتنا رۆژنامه‌ڤانێ سعوودى د ناڤ كونسلخانه‌یا سعوودیێ ل ئسته‌مۆل (جمال خاشقچى) هاته سه‌ر هێلێ، داكو هه‌ول بده‌ت سۆزا ئه‌مریكا بۆ خوه راكێشیت، ل ده‌مێ رزگاركرنا ڤى قه‌شه‌ى په‌یوه‌ندیێن توركیا ئه‌مریكا زۆر ده‌م پێدڤى بوو، لێ پشتى كێشا خاشقچى ڕه‌وش هاته گۆرین، نیشانێن هه‌ڤكاریێن ئه‌مریكا و توركیا ژبۆ گه‌هشتن ب چاره‌سه‌ریا دووماهیا كێشى به‌رچاڤ بوونه و پشتێ وى دیدارێن د ناڤبه‌را ئه‌ردۆگانى و به‌رپرسێن ئه‌مریكا په‌یدا بوون و په‌یوه‌ندیێن به‌رده‌وام دگه‌ل هه‌ڤ كووفێ خوه دۆنالد ترامپ. ئه‌ز دبینم په‌یوه‌ندیێن وان دێ وه‌كى به‌رێ لێ هێن، لێ هه‌رده‌م ل سه‌ر گاڤێ نه دوباره ئاڵوز ببنه‌ڤه.
پ 4 ـ ئه‌رێ توركیا د مایتێكرنێن سووریا دێ سه‌ركه‌ڤیت و ئارمانجێن وێ چنه ..؟
پلانا توركیا بۆ ناڤخوه‌ى سووریا بسه‌ركه‌فتى ده‌سپێكر، ئه‌و مه‌به‌ستا پشتى رێكه‌فتنا سۆتشى ده‌رباره‌ى ئیلدب و كۆمبوونێن سه‌ركردێن جیهانێ یێن ل دووڤرا دیار بوون، كو مانه‌ڤا هێزێن توركیا ل سووریا گره‌نتیكر، و مه‌به‌ستا سه‌ره‌كیا توركیا ل سووریا نه‌هێلانا هه‌بوونا كوردا یه ل وێرێ، ئه‌ڤه‌ژى تاوانه‌كا مه‌زنه ل همبه‌رى وى خه‌لكێ به‌رامبه‌ر بهرفرهه و بهێزبوونا رێخستنا تیرۆرستیا داعش ل وێرێ راوه‌ستیاى ب پشته‌ڤانیا ئه‌مریكا و مایتێكرن ل سووریا كر، سه‌ره‌راى مه‌به‌ستا توركیا ل مانه‌ڤا ڤێ رێكخستنا تیرۆرستى ئه‌وا توركیا ب ئاشكرا پشتگیریێ لێ دكه‌ت ، هه‌ر وه‌كى ئه‌ڤ چه‌نده به‌رى نهو رۆژنامێن توركیا به‌لاڤبووى.
پ 5:ـ ئه‌رێ سیسته‌مێ سه‌رۆكاتى ل توركیا دێ بیته ئه‌گه‌رێ به‌رفره‌هتربوونا دیمۆكراسیه‌تێ ل وێرێ..؟
مه‌به‌ستێن ده‌سهه‌لاتداریا سه‌رۆكایه‌تى ل توركیا پشتى رۆژه‌كێ ل ئه‌نجامێن هه‌لبژارتنان دیار بوون، كو ئه‌ردۆگانى پشتى ڤێ گرتنا ب هزاران فه‌رمانبه‌ر و ژه‌نه‌ڕالێن له‌شكرى و فه‌سلكرنا ژماره‌كا دیتر راگه‌هاندى، ژبلى كۆ كۆنترۆل ل سه‌ر پێگه‌هێن ده‌وله‌تى كرى، وه‌ك له‌شكر و پۆلیس و ته‌له‌فزیۆن و بانكا ناڤه‌ندى و هه‌تا شانۆ ژى لێ قورتال نه‌بوو و ل دووڤرا بریارێن تاكه كه‌سى هاتنه‌دان، ئه‌ڤێ رژێما ده‌سهه‌لاتدارای توركیا به‌ر ب كاتۆریه‌كا ڤه‌بڕ بر و رژێما ده‌سهه‌لاتدایا توركیا گۆریِى بۆ رژێما كه‌سێ ئێكێ.
پ6: ئه‌ندامه‌تیا توركیا ل ئێكه‌تیا ئه‌ورۆپا گه‌هشته كیڤه..؟
ـ ئه‌ز دبینم هه‌ردو لا ڤێ مه‌به‌ستێ بۆ هنده‌ك ئارمانجێن دیتر بكاردئینن، چه‌ندین ساله ئه‌ردۆگان خه‌ونا ب ئه‌ندامه‌تیا ئێكه‌تیا ئه‌ورۆپا دبینیت و ئه‌ز ڤێ چه‌ندێ ب هیڤیه كا زۆر دوور دبینم، لێ ئه‌و هنده‌ك كێشا بۆ ڤێ مه‌به‌ستێ بكار دئینیت داكو نێزیكى ڤان وه‌لاتان ببیت، هه‌ر وه‌كى كێشا په‌نابه‌را كو داهاته‌كێ زۆر ده‌سكه‌فت و نێزیكى وه‌لاتێن ئه‌ورۆپى بوو ژ پێخه‌مه‌ت واژووكرنا رێكه‌فتنا لدوور په‌نابه‌را، لێ ئه‌ڤ چه‌نده درێژ نه‌بوو و پشتى راپرسیا سالا 2017 ناكۆكیى د ناڤبه‌را توركیا و وه‌لاتێن ئه‌ورۆپا دروست بوون. لایه‌نێ ئه‌ورۆپى ژى خه‌ونا توركیا بۆ ئه‌ندامه‌تیێ بۆ بجه ئینانا هنده‌ك حه‌زێن خوه بكار دئینت و به‌رى هه‌میان كێشا په‌نابه‌را و ل دووڤرا ئاكنجیكرنا ژماره‌كا وان د ناڤ توركیا دا.
پ 7:ـ ئه‌رێ ئه‌ردۆگان خه‌ونا ب ئمبراتۆریا ئۆسمانى دبینیت ..؟
ئه‌ڤه یا روون و ئاشكرایه و پشتى دیمه‌نێ ناڤ و ده‌نگێ ئه‌ردۆگانى ل ده‌مێ راوه‌ستانێ ل سه‌ر پێسركه‌كا بچویك د ناڤ كه‌سێن ب جل و به‌رگێن له‌شكرێ ئۆسمانیا، ئه‌ڤه دیده‌ڤانه‌كێ ڤه‌بره، ل سه‌ر حه‌زا وى بۆ زڤراندنا ده‌وله‌تا ئۆسمانى و كۆنترۆكرنێ ل سه‌ر وه‌لاتێن ده‌ڤه‌رێ و هه‌تا ئه‌فریقیا و دانانا ژماره‌كا بنگه‌هێن له‌شكرى ل وان وه‌لاتان.
پ 8:ـ ئه‌رێ حوكمه‌تا داهاتى یا عیراقێ، دێ رێكێ ل مایتێكرنێن توركیا گریت..؟
ـ ڕه‌وشا ناڤخوه یا عیراقێ پێدڤى ب زۆر هه‌ولا و ئێكگرتنێ و دووركه‌فتن ل تائیفه‌گه‌ریێ هه‌یه، به‌رى ئه‌م بریارێ ل سه‌ر شیانێن حوكمه‌تێ بده‌ین بۆ بجه ئینانا ئارمانجا، جادا عیراقى پێدڤى ب ئێمناهیه‌كا زێده‌تر هه‌یه و ده‌ركرنا ئیرانێ و ئه‌مریكا و توركیا و وه‌لاتێن دى هه‌یه ل وێرێ،
ڤى كاره‌ى ژى چ حوكمه‌ت نه‌شێن بجه بینن ژبلى نه‌هێلانا تائیفه‌گه‌ریێ و ئێكبوونكرنا هه‌مى شیانێن ناڤخوه‌یى.
پ 9 :ـ پرۆژێ ئاشته‌وایا توركیا و كوردێن توركیا چاوا دبینى..؟
ـ ئه‌ز دبینم ل سه‌ر ده‌مێ ره‌جه‌ب ته‌یب ئه‌ردۆگانى ئه‌ڤ پرۆژه سه‌رناگریت، چونكى كه‌فتیه د شه‌ره‌كێ دژوار دا هه‌ر كورده‌كێ ل سه‌رانسه‌رێ جیهانى.
پ 10 :ـ چ ئارمانجێن هه‌ڤپشك د ناڤبه‌را هه‌رێما كوردستانێ و توركیا هه‌نه و ئه‌رێ سیاسى نه یان ئابوورى..؟
ـ ب دیتنا من به‌رژه‌وه‌ندیێن ئه‌ردۆگانى ل دووڤ پێدڤیێ دهێنه گوهۆرین و ئه‌ڤه ل هێرشا دژوارا وى دیار بۆ بۆ سه‌ر هه‌رێما كوردستانێ پشتى راپرسیا سه‌رخوه‌بوونێ و پاشى چاڤپێكه‌فتن ل گه‌ل كه‌سایه‌تیێن مه‌زنێن كوردان كرن، ئه‌ڤه ته‌كه‌زیه كۆ ئه‌ردۆگان ل داخۆیانی و بریارێَن خۆ ده‌ركه‌ڤیت ل دووڤ به‌رژه‌وه‌ندیان و به‌رژه‌وه‌ندى ژى د ئابوورى و سیاسى نه.
پ 11 :- هه‌لسه‌نگاندنا ته چیه بۆ رۆلێ به‌رێز نێچیرڤان بارزانى سه‌رۆكێ حوكمه‌تا هه‌رێما كوردستانێ، بۆ ئاسایكرنا په‌یوه‌ندیان دگه‌ل توركیا پشتى راپرسیا سه‌رخوه‌بوونێ و بۆ كوردان ڤان په‌یوه‌ندیا چ گرنگى هه‌یه..؟
ـ ئه‌ز دبینم به‌رێز نێچیرڤان بارزانى رۆله‌كێ مه‌زن گێرا بۆ باشتركرنا په‌یوه‌ندیان دگه‌ل زۆر وه‌لاتان و به‌رى هه‌میا توركیا، لێ پێدڤى یه چاڤخشاندنه‌ك لێ بێته‌كرن ژبه‌ركۆ توركیا ژلایه‌كێ دى شه‌رێ رێكخستنێ، كوردى ل سووریا دكه‌ت و ل ناڤخوه ژى توركیا هۆیێن گرتنا كوردان ده‌سپێكریه.
پ 12 :ـ ئه‌رێ كۆده‌تایا سه‌رنه‌گرتیا 15 ته‌مۆزا سالا 2016 ل توركیا یاریه‌كا سیاسى بۆ، یان ژلایێ گرۆپێ فه‌تحوللا گۆیله‌ن هاتبوو رێكخستن ..؟
ـ گرۆپێ فه‌تحوللا گویله‌ن چ ده‌ست د ناڤ وێ كۆده‌تایێ نه‌بوون، كو رێكرنا روودانان و ره‌وشا نهو و داخۆیانیێن زۆر به‌رپرسێن نهو یێن توركیا ل سه‌ر وێ رۆژى به‌لگه‌هێن ڤه‌برَن كۆ ئه‌و رۆژ ب رۆنى یا چێكرى بوو، فه‌تحوللا گویله‌ن و گرۆپێ وى چ په‌یوه‌ندى تێدا نه‌بوون.
پ 13 :ـ پێشنیارێن ته بۆ سه‌ركردێن كوردان چنه ..؟
داخوازێ ل سه‌ركردێن كورد یێن هه‌رێما كوردستانێ دكه‌م دگه‌ل پێكهاتێن دیتر هه‌ڤبگرن و پێكڤه دژى مایتێكرنێن توركیا و ئیران و ئه‌مریكا راوه‌ستن ژ پێخه‌مه‌ت ئاڤاكرنا وه‌لاتى و سه‌ر ژنوو ل سه‌ر پێن خوه راوه‌ستن، ئێك بگرن یان ئێك نه‌گرن مه هه‌ر وه‌لاتێ وه دڤێت.
ل دووماهیێ زۆر سۆپاس بۆ ڤێ دیدارێ و كۆ زۆر خالێن گرنگ هاتنه به‌حسكرن و پێخۆشخالم و ب ئانه‌هیا خودێ ل داهاتى دا هه‌ڤكاریه‌كا باشتر د ناڤبه‌را مه‌دا هه‌بیت.
پێنجه‌میا هه‌ولێرێ نیشانا سه‌ركه‌فتنا ئه‌زموونا حوكمه‌تا هه‌رێمێ یه
غیاس خالد زێبارى
نۆمبیۆ مه‌زنترین داتابه‌یسا وه‌رگرتنا بۆچوونێن گه‌شیاران ل سه‌ر ئاستێ جیهانێ بۆ دیاركرنا ئێمناهى تیرین باژار، هه‌ولێرا پایته‌خێ هه‌رێما كوردستانێ د رێزا پێنجێ دا هاتیه، ده‌ستنیشانكرنا ئارامترین باژار ل سه‌ر به‌رچاڤكرنا ڕه‌وش و ئاستێ (تاوان، ژینگه‌ه، خه‌رجیێن ژیانێ، ساخله‌مى و رێك و پر) یه و ده‌ه ئارامترین باژار هاتینه ده‌ستنیشانكرن و
پشتى باژارێن، ئه‌بۆ زه‌بى ـ ئیمارات، ده‌وحه ـ قه‌ته‌ر، ئێوساكا ـ ژاپۆن
كوبێك ـ كه‌نه‌دا، هه‌ولێرا پایته‌ختێ كوردستانێ د رێزبه‌ندا پێنجێ دایه. ره‌نگه ئه‌ڤ ئاماره یان ڕاپرسیه چالاكیه‌كا جڤاكى یان ئابوورى بیت و چ په‌یوه‌ندى ب سیاسه‌تێ نه‌بیت. لێ بۆ حوكمه‌تا هه‌رێما كوردستانێ و هه‌رێمێ ب گشتى ئه‌ڤه ده‌سكه‌فته‌كێ مه‌زنه و چه‌ندین ڕامانان دده‌ت و پسیارا درۆست دكه‌ت، ژوان. بۆچى د ناڤ عیراقه‌كا وێران و ئێك ل مه‌ترسیدارترین وه‌لاتێن جیهانێ، باژارێ هه‌ولێرێ، د ڤێ رێزبه‌ندێ دایه..؟!
ئه‌رێ عیراق ل ڤان وه‌لاتێن دیتر یێن رۆژهه‌تا ناڤین و عه‌ره‌بى ئارامتره..؟!.
ئه‌ڤه به‌لگه‌ه و دیده‌ڤانه كۆ هه‌رێما كوردستانێ و حوكمه‌تا هه‌رێما ب رێبه‌ریا پارتى دیمۆكراتى كوردستانى پێگه‌هێ خوه ل سه‌ر ئاستێ جیهانێ مه‌زن كریه و سازیێن وێ یێن ئێمناهى د ئاستێ هه‌ره پێدڤى دانه و ل سازیێن وه‌لاتێن دیتر ئه‌كتیڤتر و شاره‌زاترن، ب تایبه‌ت كو پشكه‌كه یان ده‌ڤه‌ره‌كه د ناڤ ڤۆلكانه‌كا دژوار و پڕ مه‌ترسى و ململانێن ئه‌تنى و مه‌زهه‌بى د بێژنێ عیراق.
ژلایێ خزمه‌تێن گشتى و جڤاكى ژى دیاره به‌رۆڤاژى عیراقێ یه و بۆ گه‌شتیاران خزمه‌ت و جهێَن پێدڤى به‌رهه‌ڤ كرینه وه‌ك پارك و باغچه و ئۆتێل و مۆزه‌خانه و پێشوازی و سه‌ره‌ده‌ریه‌كا مرۆڤدۆستانه و خودان پلانه‌كا سه‌ركه‌فتى بوویه بۆ كه‌رتێ گه‌شتیارى.
خه‌مل و ئاڤه‌دانیا هه‌ولێرێ جهێ سرنج راكێشانا خه‌لكه‌كێ بیانى بوویه. ئه‌ڤ چه‌نده بۆ پلان و به‌رنامێ نێچیرڤان بارزانى سه‌رۆكێ حوكمه‌تا هه‌رێما كوردستانێ دزڤریت كو ل سه‌ر ده‌ستێ وى هه‌رێما كوردستانێ، د ڤان واران دا ركه‌به‌ریێ دگه‌ل وه‌لاتێن خوادن سه‌روه‌رى و پڕ داهات بكه‌ت و پێش بكه‌ڤیت.
یا ژ هه‌میێ گرنگتر، ئه‌ڤ ده‌سكه‌فتێ هه‌رێما كوردستانێ ل ده‌مه‌كى دایه كو بۆدجێ هه‌رێمێ ژلایێ حوكمه‌تا ناڤه‌ندى هاتیه بڕین و ئه‌ڤ پێشكه‌فتنه ب داهاتێن سنووردار هاتینه ئه‌نجامدان.
دیاره حوكمه‌تا هه‌رێما كوردستانێ د ڤان سالان دا كارێن هه‌ره باش د وارێن ئاڤه‌دانیێ و گه‌شتیاریێ و خزمه‌تگۆزاریێن گشتى گاڤێن باش و سه‌ركه‌فتى هاڤێتینه و كه‌س و حوكمه‌ته‌كا سه‌ركه‌فتى بوویه.
ئه‌ڤ ڕه‌نگه هه‌لسه‌نگانده بۆ حوكمه‌تا هه‌رێما كوردستانێ ژلایێ داتابه‌یسا نۆبیۆ كۆ ل رۆژناما جیهانى یا ده‌لى مه‌یل یا بریتانى هاتینه به‌ڵاڤكرن دزڤریت و دیده‌ڤانه‌كه كو سیاسه‌تا هه‌رێما كوردستانێ وه‌ك هه‌رێمه‌كا بچووك ژلایێ قه‌بارێ ل سه‌ر ئاستێ جیهانێ ب رێبه‌ریا پارتى دیمۆكراتى كوردستان و ده‌وله‌تداریا نێچیرڤان بارزانى سه‌رۆكێ حوكمه‌تێ سیاسه‌ت و به‌رنامێن سه‌ركه‌فتى بوونه ژلایێ سیاسى و كارگێرى و ئیدارى و ئه‌ڤ هه‌رێما بچووك ژلایێ قه‌بارێ كریه هه‌رێمه‌كا مه‌زن و ب هێز ژلایێ سیاسى و كارگێرى و گه‌شتیارى و ئاڤه‌دانى و ئێمناهى ل سه‌ر ئاستێ جیهانێ و پارتى و سه‌رۆكێ حوكمه‌تا هه‌رێمێ دشێن پێشڤه‌چوون مه‌زنتر ژى بۆ كوردستانێ تۆمار بكه‌ن، هه‌ر وه‌كى ل ڤان سالێن ده‌سهه‌لاتداریێ شیاى هه‌رێما كوردستانێ ل چه‌ندین پلان و كاره‌ساتا رزگار بكه‌ن و ره‌ئیا جیهانى بۆ هه‌رێمێ راكێشن، هه‌ر وه‌كى شیاى كونسلخانه و نوونه‌راتیێن زێده‌تر سیه وه‌لاتان ل هه‌رێما كوردستانێ ڤه‌كه‌ن.
ره‌نگه پسیار بهێته‌كرن، ئه‌رێ نێچیرڤان بارزانى چ كریه هه‌تا كو هه‌رێم بگه‌هیته ڤى ئاستى..؟
هه‌ر هیچ نه‌بیت، نێچیرڤان بارزانى سه‌رۆكێ حوكمه‌تا هه‌رێما كوردستانێ، ب پشته‌ڤانیا سه‌ركردایه‌یتا پارتى دیموكراتى كوردستان، نه تنێ شیانه هه‌رێما كوردستانێ بپارێزن، به‌لكى ل مه‌زنترین پیلانێن نیڤده‌وله‌تى و خیانه‌تا ناڤخوه‌یى پاراستن و ب شیانێن كێم هه‌رێم ل هه‌مى لایه‌كى ڤه پێشبێخستن و به‌رى نهو هه‌ولێر بوویه پارته‌ختێ گه‌شتیاریێن وه‌لاتێن عه‌ربى و ئه‌ڤرۆ ژى هه‌ولێرا پایته‌خت بوویه پێنجه‌م باژارێ جیهانێ ژلایێ ئێمناهیێ.
ژبلى كۆ ئه‌ڤه شانازیه‌كه بۆ خه‌لكێ كوردستانێ بۆ عیراقێ ژى ده‌سكه‌فته چونكى ب فه‌رمى و ده‌ستوورى هه‌رێم پشكه‌كا عیراقێ و زۆر وه‌لاتێن دێ حیبه‌تى مینن، چاوا باژاره‌كێ عیراقێ د ناڤ ده‌ریایێن خوینێ و دوبه‌ره‌كیێ و نه‌ئارامیێ و خودان ئێك ژ نه‌ئارامترین پارته‌ختێن جیهانێ دبیته پێنجه‌م باژارێ ئارام ..!
پێدڤى یه سه‌ركرده و ده‌سهه‌لاتدارێن عیراقێ شانازیێ پێ ببه‌ن و مفاى ل ئه‌زموونا ده‌وله‌تداریا سه‌رۆكێ حوكمه‌تا هه‌رێما كوردستانێ ببینن، بۆ ڤه‌گۆهاتنا ئه‌زمۆنا سه‌ركه‌فتیا هه‌رێمێ بۆ به‌شێن دی یێن عیراقێ.
رێزدار نێچیرڤان بارزانى كه‌سایه‌تیه‌كێ خۆشته‌ڤى و كاریزمایى یه
دیدار و وه‌رگێران: غیاس خالد زێبارى
رۆژنامه‌ڤان و چاڤدێرێ سیاسى علا‌و السعید خه‌لكێ مسرێ یه و ڤه‌كۆله‌ره ل كاروبارێن شیعى و ئیرانى شاره‌زا ل كۆربه‌رندێ عه‌ره‌بى بۆ ڤه‌كۆلینێن سیاسه‌تا ئیرانى (افایب)، راگه‌هاندكارێ به‌رنیاسێ مسرى چه‌ندین دیدار و هه‌ڤدیتن ل چه‌ندین كه‌نالێن ناڤخوه‌یى و عه‌ره‌بى رێڤه‌برنه و پێشكێشكار بوویه و مامۆستایێ وانه‌بێژێ سیاسه‌تا نیڤده‌وله‌تى تایبه‌ت یێن رۆژهه‌لاتا ناڤین ل زانكۆیا بیكۆكا ل میلانۆ و نڤیسه‌ره ل رۆژناما ئه‌لریاز و ئه‌لریاز ده‌لى یێن سعوودی و چه‌ندین رۆژنامێن دیتر. د دیداره‌كا رۆژناما ئه‌ڤرۆ دا ل دۆر رۆلێ ئیرانێ و مایتێكرنێن وێ ل ده‌ڤه‌رێ هاته ئاخفتن.
ئه‌ڤرۆ – ئه‌گه‌رێن مایتێكرنێن ئیرانێ ل ده‌ڤه‌رێ چنه، ب تایبه‌ت عیراقێ؟
علا‌و السعید: ده‌وله‌تا ئیرانێ پێكهاتیه ل سه‌ر بنه‌مایێ باوه‌ریا ئایینى و كۆمه‌كا مه‌لایا ده‌سهه‌لاتداریێ لێ دكه‌ن و ئایین كریه په‌ناگه‌ه ژپێخه‌مه‌ت به‌رفره‌هبوونێ و ب دیتنا وان هنارده‌كرنا شۆره‌شێ و باوه‌ریا ئایینێ وان پرنسیپێن ئاڤاكرنا ده‌وله‌ته‌كا دادوه‌ریا خودایى یه و سنوورێن وێ هه‌مى جیهانێ ڤه‌بگرن و مه‌هدیێ مونته‌زر ده‌سهه‌لاتداریێ لێ بكه. ئه‌ڤه ڤاكته‌رێ ئایینیێ ئه‌ڤ مه‌لایه ب یاریكرنێ ب لایه‌نگرێن خوه یێن باوه‌رى ب ویلایه‌تا راستیا فه‌قیهى هه‌ى. ب راستى ژى ئه‌ڤه خه‌ونێن فارسێن كه‌ڤنه ڤه‌دگه‌رێته‌ڤه بۆ ئمبراتۆریه‌تا فارسى، ده‌مێ دگۆت نهو ده‌مێ رۆلێ زالبوونا فارسایه نه‌ك زاڵبوونا رۆژئاڤا ل سه‌ر ئیرانێ. داكو ب داهاتێ وه‌لاتێن دى بژین، هه‌ر وه‌كى ل سالا 1925 ده‌وله‌تا ئه‌حوازا عه‌ره‌بى داگیركرى و ده‌ست دانایه سه‌ر سامانێن وێ یێن نه‌فتێ و ئاڤێ.
پرنسیپێ به‌رفره‌هبوونێ یێ ده‌سهه‌لاتێن ئیرانێ ل سه‌ر داگیركرنێ هاتیه ئاڤاكرن ژبووى كۆنترۆلكرنێ ل سه‌ر سامانى كو ب وى سامانى دشێن بریارێن د به‌رژه‌وه‌ندیا خوه‌دا بده‌ن، ب دیتنا وان ئه‌گه‌ر عه‌لیێ كورێ ئه‌بى تالبى مافێ فاتیمایێ رازیبوونێن خودێ ل سه‌ر بن هه‌لگرتبا دا ئمبراتۆریه‌ته‌كا مه‌زن پێكئینن و پێشه‌وایێن وان دا ده‌سهه‌لاتدار بن.
ئیران كاردكه‌ن ژبووى كونترۆلكرنێ ل سه‌ر سامانى، ل داگیركانا وه‌لاتێن جیران ل نه‌ته‌وه‌یێن نه فارس ده‌سپێكر و یا دیتر ژى عیراقێ، كو ل ده‌سپێكێ مه‌لایێن وان هه‌ول دا ب هێزا چه‌كى كۆنترۆل بكه‌ن و عیراقێ نه‌چار بكه‌ن بكه‌ڤیته بن فه‌رمانا وان شه‌رێ هه‌شت سالى سه‌ره‌تا بوو لێ سه‌رنه‌كه‌فت. پاشى هه‌ڤپه‌یمانى ل گه‌ل ئه‌مریكا كر كۆ دگۆتێ شه‌یتانێ مه‌زن بۆ هه‌رفاندنا رژێما عیراقێ و پاشان پۆل برێمه‌رى عیراق وه‌ك پارچه‌كا زێرى راده‌ستى ئیرانێ كر و پشتى چه‌ند رێكه‌فتنا سه‌روه‌رت و سامانێ عیراقێ د ناڤبه‌را خوه‌دا دابه‌شكر.
ئه‌ڤرۆ:- ئه‌رێ ئه‌ڤ مایتێكرنێن ئیرانێ سیاسى نه یان ئه‌تنى؟
علا‌و السعید:- پشكا پترا وان سیاسینه، لێ ب پشته‌ڤانیا پۆلایینى یا وێ ئه‌تنى یه، هه‌بوونا شیعه‌گه‌ریا سه‌وه‌ى ل عیراقێ، بۆ نمۆنه ئه‌گه‌ر ئیران كۆنترۆل ل سه‌ر كر ب هه‌بوونا لایه‌نگرێن خوه د ده‌سهه‌لاتێ دا دێ كۆنترۆلێ ل سه‌ر سامانى كه‌ن، ل وان هه‌مى وه‌لاتێن ئیران مایتێكرنێ لێ دكه‌ت، ب ڤى ره‌نگى یه، د رێیا شیعه‌كرنێ دا هه‌بوونا خوه بهرفرهه دكه‌ن و پاشى پشته‌ڤانیا ماددى و له‌شكرى و راگه‌هاندنێ و ئیران دبیته ژێده‌رێ ئێكێ یێ پشته‌ڤانیێ وێ بنه لایه‌نگرێن بن فه‌رمانا وان ژلایێ دل و ده‌روونى و كار دگه‌ته هه‌رگرتنا چه‌كى دژى وه‌لاتێ خوه ژپێخه‌مه‌ت وه‌لاتێ ئیرانێ، هه‌ر وه‌كى حوسیێن یه‌مه‌ن و ئاژاوه‌چیێن به‌حره‌ین.
ئه‌ڤرۆ:- ئه‌رێ حوكمه‌تا داهاتى یا عیراقێ دێ شێت ژبن ئه‌جندایێن ئیرانێ ده‌ركه‌ڤیت..؟
علا‌و السعید:- هیچ حوكمه‌ته‌كا عیراقێ یێن كو ل بالیۆزخانه‌یا ئیرانێ ل عیراقێ دهێنه پێكئینان بن ئه‌جندایێن ئیرانێ ده‌رناكه‌ڤیت، به‌رده‌وامیا ل عیراقێ دهێته كرن بتایبه‌ت ده‌رباره‌ى پێكئینانا حوكمه‌تا داهاتى، گه‌هشتیه ئاستێ ته‌كه‌زیێ كو هه‌مى حوكمه‌تێن عیراقێ رۆژه‌ك ژ رۆژان سه‌ربازێن له‌شكرێ فارسا بوون ده‌مێ شه‌رێ هه‌شت سالان شه‌رێ عیراقێ كرى و هه‌مى زمانێ فارسى دزانن و نابیت رۆلێ حه‌شدا شه‌عبى ژى ژبیر بكه‌ین كۆ نه تنێ لایه‌نگرێن ئیرانێ پێكهاتیه، به‌لكى توند ڕه‌وێن هزریێن پشته‌ڤانیا هزرا ده‌سهه‌لاتیا مه‌لایى و كو شه‌ڕێ پیرۆزه دژى دوژمنێن خودێ، هه‌ر وه‌كى عیراق پارێزگه‌هه‌كا ئیرانى یه عه‌ره‌ب، لێ دئاكنجى و خوه به‌رهه‌ڤكرنه‌كا كو داویێ پێ بینن و پاشى نوونه‌رێ سامیێ ئیرانێ ببیته ده‌سهه‌لاتدار، هه‌ر وه‌كى پۆل برێمه‌رى پشتى سالا 2003، ئه‌ز بێژم ئه‌ڤه خه‌ونا دوورا ئیرانێ یه.
ئه‌ڤرۆ :- ئه‌رێ ئیران بۆ سه‌پاندنا خوه ل سه‌ر وه‌لاتێن ده‌ڤه‌رێ دێ سه‌ركه‌ڤیت؟ یان وه‌لاتێن عه‌ره‌بى دێ به‌رسڤ بۆ هه‌بیت؟
علا‌و السعید:- ب راستى بره‌نگه‌كێ ده‌مه‌كى ئیران سه‌ركه‌فتى یه ل سه‌ر وه‌لاتێن عیراق و ئیران و لبنان و سووریا و د رێیا سه‌ركه‌فتنێ بوون ل به‌حره‌ین ژى ئه‌گه‌ر هێزا مه‌تالێ جزیرێ نه‌با بۆ راوستانا پیلانا وان كۆ كۆمه‌لا ویفاقا لایه‌نگرێن ئیرانێ رێبه‌رى دكر، هه‌ر وه‌سا ل ڕه‌وشا یه‌مه‌ن ژى ئه‌گه‌ر مایتێكرنێن هێزێن هه‌ڤپه‌یمانا عه‌ره‌بیا ئیسلامى یا هه‌ڤپشك نه كو ب ره‌نگه‌كێ ده‌مكى هه‌ولا كۆنترۆلكرنا یه‌مه‌ن ژ لایێ ئیرانێ راوه‌ستاندنه، دیسان ڤه‌مراندنا ئاژاوێ ل ده‌ڤه‌را رۆژهه‌لاتا سعوودیێ ب تایبه‌ت ل عه‌وامیێ كو ب ده‌ستێن ئاسنى لێداى
ئه‌ڤرۆ:- تۆ په‌یوه‌ندیێن ئه‌مریكا و ئیرانێ چاوا دبینى..؟
علا‌و السعید:- په‌یوه‌ندیێن د ناڤبه‌را وان دا ئه‌و نینه ئه‌وێن ل راگه‌هاندنێ دهێنه وێنه‌كرن، كو هه‌ردوو وه‌لاتان كۆنترۆل ل سه‌ر پشكه‌كا زۆر كریه، به‌رده‌وام گوهدارى مرن بۆ ئه‌مریكا و شه‌یتانێ مه‌زن دبین و ژلایه‌كێ دى په‌یوه‌ندیێن موكوم یێ، هه‌ردو وه‌لاتان ئاشكرا دبن، پشتى كارێن وان ئاشكرا دبن هه‌روه‌كى ل (ئیران كۆنترا) بۆ نمۆنه، یان دانپێدانێن به‌رپرسێن ئیرانێ بۆ هاریكاریا ئه‌مریكا بۆ ناڤبرنا تالیبان یان راده‌ستكرنا عیراقێ ب ئیرانێ ژلایێ ئه‌مریكاڤه، هه‌ر وه‌سا رێكه‌فتنا وان ل سه‌ر دابه‌شكرنا سه‌روه‌ت و سامانێ عیراقێ. په‌یوه‌ندیێن د ناڤبه‌را واندا به‌ر ب دو هێلى نه، هه‌ڤسه‌نگن ب ڤێككه‌فتنێ ل ده‌مێ هه‌ولا ده‌ركه‌فتنا ئێك ژ وان ل وان رێكه‌فتنا. لێ ل ڤان دووماهیان سعوودى وه‌ك یاریكه‌ره‌كێ سه‌ره‌كى چوویه د ناڤ دا د رێیا ئاستێ ئالۆگۆریێ و زێده‌كرنا به‌رهه‌م ئینانێ ل ئه‌مریكا و كرینا چه‌كه‌كێ زۆر شیایه ئاڵوزیێ د ناڤبه‌را وان دا په‌یدا بكه‌ت، تره‌مپێ بازرگان ئه‌ڤه ب ده‌لیڤه زانى بۆ گه‌شه‌كرنا ئابوورێ ئه‌مریكا ل سه‌ر كیستێ ئیرانێ، چونكى ئه‌مریكا گلۆپێ كه‌سك بۆ ئیرانێ هه‌لكر بوو بۆ مایتێكنێ ل وه‌لاتێن ده‌وروبه‌ر درێیا پشتگیریا میلیشیاتێن خوه ل وان وه‌لاتا ل سه‌ر كیستێ ملله‌تێ خوه، ئیران كه‌فته داڤا تره‌مپى و ل رێكه‌فتنا نه‌وه‌ى ده‌ركه‌فت و گه‌ماروویێن زێده‌تر سه‌ر ئیرانێ سه‌پاندن.
ئه‌ڤرۆ:- بۆچى وه‌ڵاتێن عه‌ره‌بى ل ده‌مێ هێرشێن میلیشیایێن حه‌شدا شه‌عبى ب سپۆنسه‌ریا ئیرانێ بۆ سه‌ر هه‌رێما كوردستانێ ل سالا بێ ده‌نگ بوون؟
علا‌و السعید:- ئه‌ڤ یاریا ئیران پێ رابووى، چونه‌نا ناڤا حه‌شدا شیعى وه‌ك پێكهاته‌كا له‌شكرێ عیراقێ بن به‌ندا مایتێنه‌كرنا كاروبارێن ناڤخوه‌یى وه‌لاتێن عه‌ره‌ب بێ ده‌نگكرن.
ب دیتنا من یا تایبه‌ت بێده‌نگیه‌كا بێ به‌لگه‌بوو، هه‌رێما كوردستانێ پشكه‌كه ژ نه‌ته‌وا ئیسلامى و پێدڤى بوو ئه‌ڤ بێده‌نگیه نه‌هاتبا قه‌بوولكرن ل سه‌ر كارێن میلیشیایێن تیرۆرستیێن سه‌ر ب ده‌وله‌تا ملحد ب ناڤێ ئیرانێ.
ئه‌ڤرۆ:ـ هه‌لسه‌نگاندنا ته چیه بۆ رۆلێ رێزدار نێچیرڤان بارزانى بۆ شكاندنا گه‌مارۆیێن سیاسى و ئابوورى ل سه‌ر هه‌رێمێ و روودانێن پشتى 16 ئكتۆبه‌رێ.؟
علا‌و السعید:- رێزدار نێچیرڤان بارزانى كه‌سایه‌تیه‌كێ خۆشته‌ڤى و كاریزمایى یه، ژبه‌ركو گه‌نجه و ژ مالباته‌كا سیاسى هه‌لكه‌فتى یه و ل خێزانه‌كێ یه كو ژبه‌ر زۆردایێ عیراقى بجه هێلایه و خێزانه‌كا سیاسه‌تمه‌دارن و ب ره‌نگه‌كێ دروست چاڤدێری و سه‌ره‌ده‌یێ دگه‌ل روودانان دكه‌ن، ئه‌ڤ پێرابوونێن رێزدار نێچیرڤان بارزانى كرى چ كێماسى نه‌بوون تنێ پشته‌ڤانیا پێدڤى یا راگه‌هاندنێ نه‌بیت، مخابن ده‌نگێ كوردستانێ ناگه‌هیته وه‌لاتێن عه‌ره‌بى، پا چاوا دێ گه‌هیته مه‌حافلێن نیڤده‌وله‌تى .!، فه‌ره ل سه‌ر حوكمه‌تا كوردستانێ هه‌ول بده‌ت ده‌نگێ كوردستانێ بگه‌هینته جادا عه‌ره‌بى، داكو د كێشا وان بگه‌هیت، ب تایبه‌ت ئاماده‌بوونا راگه‌هاندنێ و هه‌ول بهێته‌دان بۆ هه‌بوونا ده‌نگێ راگه‌هاندنێ ل هه‌مى وه‌لاتێن عه‌ره‌بى، داكو ده‌نگێ هه‌رێمێ ل هه‌مى ده‌وله‌تان هه‌بن و رۆل و داخوازیێن حوكمه‌تا هه‌رێمێ ل به‌رچاڤ ببن، دبیت پێدڤى ب هه‌بوونا شاره‌زایێن عه‌ره‌ب هه‌بیت كو د سروشتێ ملله‌تێ، عه‌ره‌ب بگه‌هن و بزانن دێ چاوا دگه‌ل ئاخفن.
هه‌ر وه‌كى كێشا ئه‌هوازا عه‌ره‌بى، كو به‌رى دو سالا ئه‌گه‌ر ئێك عه‌ره‌ب ل سه‌ر ئه‌هواز ئاخفتبا دابێژن ئه‌ڤه دكه‌ڤیته كیڤه، لێ هه‌بوونا بزاڤێن راگه‌هاندنكارا و رۆژنامه‌ڤانێن عه‌ره‌ب ل زۆربه‌رى وه‌لاتێن عه‌ره‌بى ل زۆر به‌رنامێ مه‌زن ده‌نگێ كێشا ئه‌هواز گه‌هشتیه هه‌مى مله‌تێ عه‌ره‌ب. ئه‌و بزاڤێن دبلۆماسیێن رێزدار نێچیرڤان بارزانى پێ رابووى ل زۆر وه‌لاتێن جیهانێ كاریگه‌ریه‌كا زۆر هه‌بوویه ل شكاندنا گه‌مارۆیان و دیسا سیاسه‌تا خۆراگریێ و هه‌داریێ ئه‌وا حوكمه‌تا هه‌رێمێ گرتیه به‌ر كاریگه‌ریه‌كا زۆر هه‌بوو پاراستنا هه‌رێمێ و كوردان ل وى ده‌مى.
ئه‌ڤرۆ :- پاشه‌رۆژا كوردستانێ تۆ چاوا دبینى، ئه‌رێ هه‌رێما كوردستانێ دێ شێت به‌رامبه‌ر مایتێكرنێن ئیرانێ راوه‌ستیت.؟
علا‌و السعید:- هه‌ر وه‌كى من به‌رى نهو دیاركرى بێ به‌رهه‌ڤبوونا راگه‌هاندنێ دۆزا هه‌رێمێ دێ دوزه‌كا ناڤخوه‌یى مینیت و عه‌ره‌ب به‌رێ خوه ناده‌نێ و خه‌ونا ده‌وله‌تبوونێ دێ دچارچۆڤێ سنوورى دا مینیت بێ پشته‌ڤان، و ژبه‌ر تێنه‌گه‌هشتنا عه‌ره‌با ل سروشتێ كێشا كوردى ل هه‌مى وه‌لاتێن عه‌ره‌ب دێ دژبه‌ر هه‌بن. له‌وما ئامۆژگاریا من ئه‌وه راگه‌هاندنا دیتنێ بكاربینن و شاندێن مللى ره‌وانه‌ى وه‌لاتێن عه‌ره‌ب بكه‌ن داكو ب درستى كوردا بناسن، ژلایه‌كێ دى راوه‌ستان به‌رامبه‌ر مایتێكرنێن ئیرانێ ل هه‌رێمێ، ئه‌ڤه واقعه ئه‌گه‌ر د ناڤ هه‌رێمێ پشته‌ڤانێن ئیرانێ نه‌بن، ئه‌ڤه دێ بیته رێگر به‌رامبه‌ر ئیرانێ. مایتێكرن دێ ب رێیا میلیشیایێن حه‌شدا شه‌عبى بیت و ئه‌ز باوه‌ر چه‌ندین جارا دێ ڤان هه‌ولا ده‌ت، هه‌تا كو پشته‌ڤانان بۆ خوه په‌یدا بكه‌ت، لێ سه‌ركه‌فتنا وێ بۆ ئیرانێ دێ زۆر ب زه‌حمه‌ت بیت.
ئه‌ڤرۆ:- ئه‌رێ په‌یوه‌ندى د ناڤبه‌را ئیرانێ تیرۆرستێن داعش دا هه‌یه؟
علا‌و السعید:- ب جیتنا من باشتره بێژین بۆچى ئیرانێ داعش دروستكر..؟ هه‌مى نیشان دیاردكه‌ن كو ئه‌ڤ رێكخستنه خزمه‌تا كه‌سى ناكه‌ت، ژ بلى ئیرانێ، ئه‌گه‌ر رێكخستنا تیرۆرستیا داعش نه‌با میلیشیایێن حه‌شدا ئه‌تنى نه‌تهاته پێكئینان، ئه‌گه‌ر داعش نه‌با ئیران نه دچو سووریا، ئه‌گه‌ر داعش نه‌با شیعه‌كرن ل ده‌ڤه‌رێن پێكهاتێن سنى یێن عیراقێ نه‌دهاته كرن. ئه‌ڤ رێكخستنا تیرۆرستى هاتیه دامه‌زراندن بۆ هاریكاریا ئیرانێ كو بگه‌هیته ئارمانجێن خوه ل ده‌ڤه‌رێ، به‌لگه ژى ل سه‌ر ڤێ چه‌ندێ دزۆرن ژوانا پشته‌ڤانیا ئیرانێ بۆ رێكخستنا قاعیده و دابینكرنا پێدڤیێن تیرۆرستان ئه‌گه‌ر دژى عه‌قیدا وان ژى بن، ژبیرنه‌كه‌ین نه‌خشته‌كێشێ ناڤێ داعش ئێكه‌م جار مه ل كه‌نالێ مه‌یادین گه‌ه لێ بوو كو ئیران پێشته‌ڤانیێ لێ دكه‌ت، ئالیه‌تا راگه‌هاندنا ئیرانێ ب ئه‌نقه‌ست هێزا رێكخستنا تیرۆرستى به‌رچاڤدكر، داكو به‌هانه‌یان بۆ مایتێكرنێ ل ده‌ڤه‌رێن هه‌بوونا داعش، تیبینیه‌كا دیتر، داعشێ ل هه‌مى وه‌لاتان كارێن تیرۆرستى ئه‌نجامدان ژبلى ئیرانێ.
پشتى به‌رگریا ئه‌هواز ب چالاكیێن به‌رچاڤ رابووى هه‌ول دان ب كارێن داعشێ گرێبده‌ن، لێ سه‌رنه‌گرت و پشتى ڤان هه‌مى سالێن شه‌رێ دژى داعش ئێك تیرۆرست نه‌هاتیه گرتن و ب ئاشكرایى دیار نه‌كریه، ئه‌گه‌ر ئێكێ غه‌ریب نه‌با .؟
ئه‌ڤرۆ:- په‌یوه‌ندیێن هه‌رێمێ و وه‌لاتێن عه‌ره‌بى تو چاوا دبینى؟
علا‌و السعید:- ل سه‌ر ئاستێ حكومى باشتره بێژین ل سه‌ر ئاستێ دبلۆماسى په‌یوه‌ندیێن هه‌رێمێ و وه‌لاتێن عه‌ره‌بى د موكومن، لێ مخابن ل دووڤ زانیاریێن من نه‌زانى یه ئێك وه‌لاتێ عه‌ره‌بى ل هه‌لكه‌فتا ئالایێ كوردستانێ بلند كربیت، دیسا مخابنه ملله‌تێن عه‌ره‌ب هێشتا د هه‌رێمێ و سروشت و ره‌وشا كوردستانێ نه‌گه‌هشتیه. بۆ ڤێ چه‌ندێ ژى پێدڤى ب هه‌وله‌كا رژد یا راگه‌هاندنا كوردستانى و شاندێن مللى یێن به‌رده‌وام هه‌یه. خه‌لك ب رێیا راگه‌هاندنێ دێ ب ره‌وش و ره‌وشتێ كوردستانێ ئاشنا بیت و پێدڤى ب پلانه‌كا رێكخستى و كه‌سانێن شاره‌زا هه‌یه ل راگه‌هاندكارێن عه‌ره‌ب و په‌یڤا من یا دووماهیێ بۆ سه‌ركردێن كورد و حوكمه‌تا هه‌رێمێ و دوبه‌ره‌كیێ نه‌هێلن ژ پێخه‌مه‌ت به‌خته‌وه‌ریا هه‌رێمێ و گه‌هشتن ب ئارمانجێن خوه و فه‌رتركرنا به‌رژه‌وه‌ندێن كوردستانێ ب سه‌ر به‌رژه‌وه‌ندێن تایبه‌ت.
غیاس خالد زێباری
نۆشدار پارێزه‌رێن خه‌لكی و گیاندارانه ل نه‌ساخیانه، له‌وما كار و پیشه‌یا نۆشداریێ كار و پیشه‌یه‌كا جڤاكی یه، هه‌ر چه‌وتیێن وان دبنه ئه‌گه‌رێن تێكدانا جڤاكی و ژناڤبرنا مرۆڤ و گیانداران.
له‌وما گرنگه ل هه‌ر وه‌لاته‌كی ل یسته‌مه‌كێ هه‌ره سه‌رده‌م و ساخله‌مێ ساخله‌میێ هه‌بیت بۆ پاراستنا ئاسایشا ساخله‌می و جڤاكی.
هه‌رچه‌نده ده‌مه‌كێ درێژه خه‌لكی گازنده و تبینی ل سه‌ر سیسته‌مێ ساخله‌می ل هه‌رێما كوردستانێ و ره‌فتار و سه‌ره‌ده‌ریێن ژماره‌كا نۆشداران، لێ پشتی به‌رنامێ دگه‌ل ره‌نجی ل شاشێ كه‌نالێ روودار، بۆ خه‌لكێ كوردستانێ دیار بوو كۆ حوكمه‌تا هه‌رێما كوردستانێ خودان سیسته‌مه‌كێ بێ سه‌رووبه‌رێ ساخله‌می یه. ل جهێ خه‌لكی ل نه‌ساخیا بپارێزن پیشه‌یا نۆشداری ل پیشه‌یه‌كا جڤاكی و ئه‌خلاقی بوویه پیشه‌یه‌كا بازرگانی و ژه‌هراویكرنا جڤاكی بۆ به‌رژه‌وه‌ندێن ماددی یێن تایبه‌ت.
زۆر جاران هاتیه دیاركرن كۆ نشته‌رگه‌ریی تنێ بۆ پاره‌ی هاتیه كرن، یان كه‌لوپه‌لێن نشته‌رگه‌یێ د هناڤێن نه‌ساخی دا هێلانه!.
یان بۆ تایبه‌تمه‌ندیا نۆشداری ل سڕكرنێ بۆ تایبه‌تمه‌ندیه‌كا دیتر هاتیه گۆرین ..!
ژلایێ كووالیتی و بهایێ ده‌رمانان ژی چاڤدێری و سانسۆر ل سه‌ر نیه و ده‌رمانێن بێ كوالیتی و قاچاغ ب ئاشكرایی ل ده‌رمانخانێن كوردستانێ دهێنه دیتن و بكارئینان.
ژلایێ بهایێ وانژی ب ب بهایه‌كێ خه‌یالی دهێنه فرۆتن و دیسا چاڤدێری لسه‌ر نیه . ب تایبه‌ت ل خه‌سته‌خان و سه‌نته‌رێن تایبه‌ت، بۆ نموونه بۆ دیاركرنا گرۆپێ خوینێ ل تاقیگه‌هێن بچیك یێن گوندا ب سێ هزار دیناران دهێته كرن ، لێ ل خه‌سته‌خانه‌كا تایبه‌ت ل پایته‌ختێ كوردستانێ ب كۆژمێ چل هزار دینارا هاتیه كرن و ده‌رزی یێن ب 6000 شه‌ش هزار دیناران ب بیست و پێنج هزار دیناران هاته فرۆتن، ژبلی نشته‌رگه‌ریێن ب چه‌ندین ملیۆن دیناران دهێنه كرن و نڤستنا ئێك شه‌ڤ ب چه‌ند سه‌ر هزاران.
ئه‌گه‌ر سیسته‌مێ ساخله‌می و ره‌فتارێن نۆشداران ب ڤی ره‌نگی د به‌رده‌وام بن و ئه‌ڤ پیشه‌یا مرۆڤایه‌تی بمینیت بازرگانیكرن. ئه‌ڤه جه‌نگه‌كێ هه‌ره دژوار و مه‌ترسیداره ب مرۆڤێ كورد و جڤاكێ كوردستانێ. ئه‌گه‌ر هه‌تا نهو كوردستانێ پێدڤی ب پێشمه‌رگه‌هی هه‌بیت بۆ پاراستنێ ل هێز و مه‌ترسیێن داگیركه‌ر و تیرۆرستان، بۆ ڤێ قووناغێ مه پێدڤی ب له‌شكره‌كێ وه‌یێ پێشمه‌رگه‌ی هه‌یه چاوا كوردستان بسه‌ر داگیركه‌ر و تیرۆرستێن داعش پاراستی و سه‌رئێخستی، كوردستانێ ل شه‌رێ دگه‌ل نۆشدارێن بازرگان و به‌رژه‌وه‌ند پارێز ب پارێزیت.
خوشبه‌ختانه جه‌نابێ سه‌رۆكێ حكومه‌تا هه‌رێما كوردستانێ نێچیرڤان بارزانی ژی د گه‌ل ره‌نجی دایه ئانكۆ پشته‌ڤانێ خه‌لكێ كوردستانێ بۆ ڤێ پاراستنێ و چاكسازیێن سیسته‌مێ ساخله‌می و پێتڤی یه حوكمه‌تا هه‌رێما كوردستانێ گاڤێن ب له‌ز و گرنگ بهاڤێژیت بۆ دارشتنا سیسته‌مه‌كێ سه‌رده‌مێ ساخله‌می كۆ ب پراكتیك ببیته سیسته‌مێ ساخله‌می و پاراستنا خه‌لكێ كوردستانێ ل هه‌می نه‌ساخیا و ب بهایه‌كێ گۆنجایی. ئه‌ز باوه‌رم سه‌رۆكێ حكومه‌تا هه‌رێما كوردستانێ دێ گاڤێن ب ڤی ره‌نگی هاڤێت، چونكی ل ده‌مێن بووری ژی جه‌نابێ وی ژلایێ ساخله‌می و چاره‌سه‌ركرنا خه‌لكێ كوردستانێ لسه‌ر كیستێ خوه هاریكاریا خه‌لكه‌كێ زۆر كریه و چاره‌سه‌ر كرنه . چونكی سیسته‌مێ ساخله‌میێ باش و سه‌رده‌م دناڤ جڤاكی دا، پاراستنا جڤاكی یه ل مه‌ترسیان و ساخله‌مكرنا جڤاكی. حوكمه‌تا هه‌رێما كوردستانێ بۆ پاراستن و ساخله‌مكرنا خه‌لكی یه.
ژ مه‌كته‌با سه‌رۆك بۆ باره‌گایێ بارزانی
غیاس خالد زێباری
د ڤان رۆژان دا پارتی دیمۆكراتی كوردستان و سه‌رۆك بارزانی بریار دایه ناڤێ مه‌كته‌با جه‌نابێ سه‌رۆك بارزانی بهێته گوهۆرین بۆ باره‌گایێ بارزانی،
ڕه‌نگه ل به‌رچاڤ ب بریاره‌كا ساده و ساكار و نۆرمان بهێته دیتن، لێ ئه‌گه‌ر ب دووربینی ته‌ماشه‌ی ڤێ بریارێ بكه‌ین بخوینن، ئه‌ڤه بریاره‌كا زۆرا گرنگه بۆ ناڤخۆی پارتی و خه‌لكێ كوردستانێ. هه‌ر چه‌نده ب ناڤێ مه‌كته‌با سه‌رۆك ژی خزمه‌ته‌كا زۆرا خه‌لكێ كوردستانێ هاتیه كرن ژ هه‌ر روویه‌كیڤه، لێ ئه‌ز دبینم گوهۆرینا وێ بۆ باره‌گایی بارزانی، بریاره‌كا گرنگا پارتی دیمۆكراتی كوردستان و سه‌رۆك بارزانی یه بۆ باشتر زڤراندنا پارتی ب سیاسه‌تا ناڤخۆیی و چاوانیا سه‌ره‌ده‌ریكرنا پارتی دگه‌ل خه‌لكێ كوردستانێ بۆ پراكتیزه‌كرنا بنه‌مایێن فه‌لسه‌ر و رێبازا پیرۆزا بارزانیێ نه‌مر، چونكی ل سه‌ر ده‌مێ شۆره‌شێن بارزان یێن ئێكێ و دوویێ و ئیلۆنێ و گۆلانێ، باره‌گایێ بارزانی چادر و په‌ناگه‌هه‌كا مه‌زنا هه‌می خه‌لكێ كوردستانێ بوویه بێ جوداهیێن هزری و ئایینی و نه‌ته‌وی و مه‌زهه‌بی. هه‌رده‌م باره‌گایێ بارزانی بۆ هه‌ر خه‌لكه‌كی یێ ڤه‌كری بوویه بۆ گه‌هشتنا گله و گازنده و ئاریشه و داخوازیێن خه‌لكێ كوردستانێ و چاره‌سه‌ركرنا وان ب ره‌نگه‌كێ دادوه‌رانه، نه‌خاسمه بۆ چینا هه‌ژار و دلسۆز و وه‌فادارێن ڤێ رێبازا پیرۆز.
دیاره پارتی و سه‌رۆك بارزانی بریار دایه ب سیاسه‌تا خوه یا نافخۆیی بچیته‌ڤه، كو ده‌مه‌كه جه‌ماوه‌ر و دلسۆزێن پارتی ب نه‌بوونا هه‌لسه‌نگاندنه‌كا راست و دروست و وه‌ك پێدڤی نه‌چه‌سپاندنا بنه‌مایێن رێبازا بارزانی نه‌خاسمه ژلایێ دادوه‌ریێ ره‌خنێن به‌رده‌وام دگرن و دڤێت بن سیبه‌را باره‌گایی بارزانی دادوه‌رێ و دادوه‌ریا جڤاكی و هه‌لسه‌نگاندنه‌كا راست دروست بچه‌سپینیت و ده‌رگه‌هێ باره‌گای بارزانی ژی مینا سه‌رده‌مێ بارزانی نه‌مر بۆ خه‌لكێ كوردستانێ یێ ڤه‌كری بیت و ئاریشێن وان چاره‌سه‌ر بكه‌ت.
دڤێت ئه‌و ڤالاهیا د ناڤبه‌را پارتی و خه‌لكێ كوردستانێ ئه‌وا پشتی سه‌رهه‌لدانێ و بتایبه‌ت پشتی سالا 2003 دروست بووری دا نه‌مینیت و مینا سه‌رده‌مێ شۆره‌شێن به‌رێ یێن مه دیاركری ئه‌ڤ په‌یوه‌ندیه خورت ببن و هه‌می خه‌لكێ كوردستانێ پارتی و باره‌گایێ بارزانی ب مالا خوه و دادوه‌رترین دادگه‌ه هژمار بكه‌ن.
ژبۆی كادر و ئه‌ندام و جه‌ماوه‌رێ پارتی، ئه‌وێن هه‌تا نها وه‌كی پێدڤی ده‌نگێ وان نه‌دگه‌هشته مه‌كته‌با سه‌رۆك، ئه‌ڤه بریاره‌كا مژده به‌خشه كو داخوازی و گازندێن وان ل ده‌مێ خوه بگه‌هن و چاره‌سه‌ر ببن.
گرنگه پشتی ڤێ بریارێ پارتی دیمۆكراتی كوردستان و باره‌گای بارزانی، رێكارێن هه‌ژی و ب ساناهی دروست بكه‌ن كو ده‌نگ و داخوازی و ره‌خنه و پێشنیارێن خه‌لكێ دلسۆزێ كوردستانێ مینا سه‌رده‌مێ بارزانی نه‌مر بێ گیرۆبوون بگه‌هن و بهێنه به‌رسڤدان و ئاریشه ب دادوه‌رانه بهێنه چاره‌سه‌ركرن. نه‌خاسمه ل ڤی سه‌رده‌مێ ته‌كنه‌لۆژیا یا گه‌هاندنێ دێ شێن ب ساناهی و ل ده‌مه‌كێ كورت دا پێشوازیا داخوازی و پێشنیار و ره‌خنه‌یێن خه‌لكی كه‌ن و هێنه به‌رسڤدان.
ب ره‌نگه‌كێ گشتی ڤه‌كرنا باره‌گایێ بارزانی، ڤه‌كرنا ده‌رگه‌هه‌كێ به‌رفره‌هه بۆ گه‌شبینیتربوونا خه‌لكێ دلسۆز و كوردپه‌روه‌ر ب پارتی دیمۆكراتی كوردستان و پاشه‌رۆژا وێ و خرڤه‌بوونا پرانیا خه‌لكێ كوردستانێ بن سیبه‌را رێبازا پیرۆزا بارزانی نه‌مر، كو كورتترین رێیا راست و دروستا كوردایه‌تیێ یه و رێبازا ئاشتیێ و ئازادیێ و دادپه‌روه‌ریێ و وه‌كهه‌ڤیێ یه. چه‌ندین ساله كادر و خه‌لكێ دلسۆزێ پارتی چاڤه‌رێ بریاره‌كا ب ڤی ره‌نگی بۆ باشتر چه‌سپاندنا رێبازا بارزانی نه‌مر و هه‌لسه‌نگاندنه‌كا دادوه‌رانه.
پێدڤی یه كادرین پارتی ب توندی و ویره‌كانه پارێزڤانیێ ل رێبازا پیرۆزا بارزانی نه‌مر بكه‌ن
غیاس خالد زیباری
چ جاران نه ل گه‌ل چ جۆرین توندیێ بوویمه و نه ژی ل دێ گه‌ل بم، چونكی توندی توندوتیژیێ ل دووڤ خۆرا دئینیت، لی بۆ ره‌وشا نها یا كوردستانی و پارتی تیدا، پارتی ب گرۆپه‌كی چالاكین كادرین توند و وێره‌ك هه‌یه، ژبۆی ڕیگریكری ل سه‌رپیچی و لادانا هنده‌ك پله‌دارێن پارتی و هنده‌ك كه‌سایه‌تین ل سه‌ر پارتی دهینه هژمارتن ل رێیا راست و درستا كوردایه‌تی و پارتایه‌تیا راسته‌قینه، كو رێبازا پیرۆزا بارزانیێ نه‌مره، هه‌ر كورده‌كێ وه‌لاتپاریز و پارتیه‌كێ راست و درست و ب بیر و باوه‌ر، دزانیت كو رێبازا پیرۆزا بارزانیێ نه‌مر، دادوه‌ری و راستگۆیی و وه‌ك هه‌ڤی و وه‌لاتپاریزی و خزمه‌تكرنا جڤاكی و وه‌لاتی یه و …هتد، ب تایبه‌ت به‌رامبه‌ر چینا هه‌ژار و به‌له‌نگاز و پیشكه‌فتنخواز، هه‌رده‌م بارزانی نه‌مر په‌ناگه‌ها ڤان چینا بوویه، رێبازا پیرۆزا بارزانیێ نه‌مر، زه‌والا زۆردار و زۆرداریی و گه‌نده‌ل و گه‌نده‌لكاران و خۆسه‌پاندنێ بوویه. جهێ پسیارێ یه، ئه‌رێ چه‌ند به‌رپرس و پله‌دارێن پارتی یێن نهو، یان ئه‌و كه‌سایه‌تیێن ل سه‌ر پارتی دهێنه هژمارتن؟، خودان ئه‌ڤ سالوخه‌ته‌نه و د ناڤ خه‌لكی و ل سه‌ر كه‌نالین راگه‌هاندنێ بناڤێ ڤێ رێبازا پیرۆز خوه‌نیشا خه‌لكی دده‌ن..؟! بێگومان هژماره‌كا زۆرا كیمه. ره‌فتار و سه‌ره‌ده‌ریێن ڤان كه‌سان فاكته‌رێن سه‌ره‌كی بوونه بۆ دروستكرنا ڤالاهیه‌كا به‌رین د ناڤبه‌را جه‌ماوه‌ری و پارتی دا و ڤی ره‌وشا نها یا ئابووری و جڤاكی و كارگیری ل كوردستانی و لاوازكرنا پیگه‌هی جه‌ماوه‌ریی پارتى.
نه رامانا ڤی لاوازكرنی ئه‌وه پارتی ل حزب و قه‌وارین دی لاوازتره، سه‌ره‌رای ڤی چه‌ندی سه‌نگ و پیگه‌هی پارتی به‌رامبه‌ر وان ناهیته به‌راووردكرن و پارتی د كۆپیتكا بهێزبوونێ دایه.
لێ ئه‌ڤ ئاستی نهو یێ هیزا جه‌ماوه‌ری یا پارتی، به‌راوورد كرن ل گه‌ل خه‌بات و قوربانیدانا پارتی و ڤێ رێبازی، دڵوپه‌كه ژ ده‌ریایی. ئه‌گه‌ر پارتی ل ڤان سالێن دووماهی 80% رێبازا پیرۆزا بارزانی نه‌مر په‌یره‌و كربا، ل چ هه‌لبژارتنان رێژا ده‌نگێن پارتی ب كێمی ڤه 70% كێمتر نه دبوو.
كادرێن سازیێن خواری یێن پارتی ژی ل بانگه‌شین هه‌لبژارتنان دا شه‌پرزه و ماندی نه‌دبوون و ل رۆژین ئاسایی ژی به‌رده‌وام تووشی ره‌خنه‌یێن ئاڤاكه‌ر و پسیارێن بێ به‌رسڤێن جه‌ماوه‌ری خوه نه دبوون.
ده‌مێ هاتی كادر و دلسۆزێن پارتی ئه‌ڤرۆ به‌ری سوباهی، ب رێكه‌كێ بكێشن و بێژنه سه‌ركردایه‌تیا پارتی، مه ئه‌و پارتی دڤێت ئه‌وا رێبازا پیرۆزا بارزانیێ نه‌مر پراكتیك دكه‌ت، ده‌می هاتی دز و گه‌نده‌لكارێن بن سیبه‌را پارتی و ڤێ رێبازا پیرۆز به‌رده‌وامیێ ب ڤی ره‌وشتێ به‌روڤاژی ڕه‌وشتی كوردایه‌تیێ و پارتایه‌تیێ و ڤێ رێبازی دده‌ن و رۆژانه خه‌لكی ژ پارتی دوور دكه‌ن، ب ره‌نگه‌كی دادوه‌رانه بهێنه سزادان و پرۆژی چاكسازیێ سه‌رۆك بارزانی ب دادوه‌رانه و ل ده‌مه‌كێ زوی بهێته بجهئینان. به‌ری ل چارچووڤێ چاكسازیێن سه‌رۆكێ حوكمه‌تا هه‌رێمێ بهێنه سزادان و دادگه‌هكرن و پاشى كاریگه‌ریه‌كا نیگه‌تیڤ ل سه‌ر جه‌ماوه‌ر و ئه‌ندامێن پارتی بكه‌ت. ده‌مێ هاتی كادر و ئه‌ندامێن وه‌فادارین رێبازا پیرۆزا بارزانی نه‌مر، ب وێره‌كانه و ب ده‌نگه‌كێ بلند بێژن ئه‌م رازی نابین، ڤایرۆسین كوشنده، د ناڤ پاكی و بژوینی و كوردایه‌تیا ساخله‌ما پارتی و رێبازا پیرۆزا بارزانی نه‌مر، جهێ خوه وه‌سا فره‌ه بكه‌ت كو ل داهاتی چاره‌سه‌ری نه‌بیت و ببیته شیرپه‌نجه . ژبۆی به‌رده‌وام سه‌قاكرنه‌ڤا رێبازا پیرۆزا بارزانیێ نه‌مر، پێدڤی یه كادر و ره‌وشه‌نبیرێن دلسۆزێن پارتی و بارزانی چاڤدێر و زێره‌ڤانین به‌رده‌وامێن پاراستنا ڤێ رێبازا پیرۆز بن، چونكی ئه‌ڤ رێبازه ڤاكته‌ر و هێڤینێ مانه‌ڤا پارتی دیمۆكراتی كوردستانه وه‌ك پارتیه‌كێ ب هێز و بێ ركابه‌ر ژ لایێ سامانێ مرۆڤی. هێزبوونا پارتی ژی، فاكته‌ر و هێڤینێ، كوردستانه‌كا ب هیز و ئازاد و خودان سه‌رده‌وه‌ری و بده‌ستڤه‌ئینانا ماف و ئارمانجێن خه‌لكێ كوردستانێ یێن نه‌ته‌وی و نشتیمانی نه، كو چه‌ندین ساله خه‌باتێ بۆ دكه‌ن و قوربانیان ژپیخه‌مه‌ت دده‌ن. به‌رۆڤاژی ژی خودی نه‌كه‌ت، دژوارتین مه‌ترسیه ل سه‌ر ئاسایشا نه‌ته‌وی و نشتیمانی و جڤاكیا كوردستانێ. نه تنێ ل سه‌ر ئاستێ هه‌رێما كوردستانێ، به‌لكی ل سه‌ر ئاستێ هه‌می كوردستانێ، له‌وما پێدڤی یه خوه ل رێبازا پیرۆزا بارزانی نه‌مر بكه‌ینه خودان و ده‌سكه‌فتێن خوه نه‌كه‌ینه قوربانی به‌رژه‌وه‌ندێن هنده‌ك كه‌سان.
پێشمه‌رگه ب خیانه‌تكاران نازڤریته‌ڤ كه‌ركووكێ
غیاس خالد زێباری
پشتی ب هاریكاری و پالپشتیا گرۆپێ خیانه‌تكارێن هنده‌ك سه‌ركرده و فه‌رماندێن ئێكه‌تیێ باژارێ كه‌ركووك و ده‌ڤه‌رێن دیتر یێن كوردستان یێن ده‌رڤه‌ی ئیدارا هه‌رێما كوردستانێ كو سنوورێ ماددێ سه‌د و چلێ ده‌ستوورنه، ژ لایێ حه‌شدا شه‌عبی ب پشكداریا پاسدارێن ئیرانێ ل پیلانا خیانه‌تكاریا شازدێ ئكتۆبه‌را سالا 2017 هاتینه داگیركرن. سه‌ره‌رای شه‌هیدبوونا و ده‌ربده‌ركرنا ب هزارا خه‌لكێ كوردستانێ یێن وان ده‌ڤه‌ران و تێكچوونا ره‌وشا ئارامیا كه‌ركووكێ و ده‌سپێكرنه‌كا قووناغه‌كا دیترا ب عه‌ره‌بكرنا رێكخستی، سازیێن راگه‌هاندنا یێن بن سێبه‌را فه‌رمانێن وان خیانه‌تكاران، دیار دكر كو كه‌ركووك باژاره‌كێ ئارامه و چ مه‌ترسی ل سه‌ر خه‌لكێ وێ نینه. نهو پشتی هه‌می پیلان و دره‌وێن وان هاتینه سه‌ر به‌ركێ و هه‌می خه‌لكێ كوردپه‌روه پێ هایدار بووی. ڤێ گرۆپێ خیانه‌تكار ده‌ست ب هه‌وه‌كا بهرفرهه كریه ل سازیێن خوه یێن راگه‌هاندنێ كو وان گاڤێن باش هاڤێتینه بۆ زڤراندنا پێشمه‌رگه‌هی بۆ كه‌ركووكێ و ل ڤان نێزیكان دێ به‌رنامێ وان سه‌رگریت و پێشمه‌رگه زڤریته كه‌ركووكێ. ب راستی جهێ حێبه‌تیێ یه ئه‌ڤ خیانه‌تكارێن بووینه ئه‌گه‌رێن داگیركرنا پشكه‌كا زۆرا ئاخا پیرۆزا كوردستانێ و بووینه رێ نیشاده‌ر بۆ داگیركاران، ئه‌ڤرۆ هێزێن داگیركه‌ر ده‌ربكه‌نه‌ڤه!… چونكی هه‌ر ئه‌و خیانه‌تكار بوون ئه‌وێن شانازی ب داگیركرنا كه‌ركووكێ دكر و ب ڤێ هه‌لكه‌فتێ باشترین جۆرێن شرینیا ل باژارێ سلێمانێ دبره كه‌ركووكێ و ب سه‌ر فه‌رمانده و سیاسیێن داگیركه‌را دابه‌شكر!.. هه‌ر ئه‌و سه‌رانێن خائینێن دناڤ ئێكه‌تیێ دا بوون داخواز ل فه‌رماندێن حه‌شدا شه‌عبی و له‌شكرێ عیراقێ دكر ، به‌رده‌وامیێ بده‌نه داگیركرنا كوردستانێ هه‌تا دگه‌هنه ئیبراهیم خه‌لیل..! ئانكۆ هه‌رێما كوردستانێ ب ته‌مامی داگیر بكه‌ن و بكه‌ڤیته بن ده‌سهه‌لاتا حه‌شدا شیعی و هه‌یمه‌نه‌تا ئیرانێ و قه‌وارێ هه‌رێما كوردستانێ نه‌مینی ..! بۆچی هه‌تا ئیبراهیم خه‌لیل، بۆچی به‌ر ب سلێمانیێ نه، چونكی ده‌ڤه‌رێن بن ده‌سهه‌لاتا وان بخۆ د داگیركرینه نه ژلایێ هزری!.. ئه‌رێ چاوا ئه‌ڤ خیانه‌تكاره دێ شێن كه‌ركووكێ و ده‌ڤه‌رێن دیتر رزگار كه‌نه‌ڤه و پێشمه‌رگه‌هی زڤرینن!. هه‌می خه‌لكێ نه‌ته‌وه په‌روه‌رێن كورد و دوست و دوژمنێن كوردان ژی دزانن، هه‌ر گاڤه‌كا زڤراندنا پێشمه‌رگه‌هی بۆ كه‌ركووكێ و زڤراندنا ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ ب پارتی دیمۆكراتی كوردستان و سه‌رۆك مه‌سعود بارزانی و سه‌رۆكێ حوكمه‌تا هه‌رێما كوردستانێ دێ سه‌رگریت، چونكی پارتی دیمۆكراتی كوردستان و سه‌رۆك بارزانی و سه‌رۆكێ حوكمه‌تا هه‌رێما كوردستانێ كاك نێچیرڤان بارزانی بوون ، به‌رسینگێ له‌شكرێن داگیركه‌را گریتی و داستانێن هه‌ره مه‌زن تۆماركرین و دوژمن نه‌چاركری بخوه‌دا بچیته‌ڤه و ل راده‌یه‌كى راوه‌ستیت. چونكی زانی ئیرادا پارتی و پێشمه‌رگه‌هێن وێ ل هێزا وان یا چه‌كداری و دیڤه‌لانكێن وان بهێزتره و نه‌شێن مه‌رامێن خۆ بجه بئینن ، چونكی پرانیا خه‌لكێ كوردستانێ د گه‌ل سه‌رۆك بارزانی و پارتی دایه، یێن به‌رهه‌ڤن خۆ بكه‌نه قوربانی ، لێ د به‌رهه‌ڤ نینه خۆ بۆ دوژمنان بچه‌مینن و بن سێبه‌را ئالایێ داگیركاریێ بمینن و ده‌رسكه‌فتێن نشتیمانی و سیاسی و ئیداری ئه‌وێن خه‌لكێ كوردستانێ چه‌ندین ساله قوربانیان بۆ دده‌ت ژناڤبچن. پارتی دیمۆكراتی كوردستان و سه‌رۆك بارزانی و حوكمه‌تا هه‌رێما كوردستانێ، هه‌می كانالێن له‌شكری و سیاسی و دبلۆماسی بكارئیناینه و بكاردئینیت بۆ رزگاركرنه‌ڤا كه‌ركووكێ و ده‌ڤه‌رێن دیتر یێن داگیركری چ دگه‌ل حوكمه‌تا عیراقێ یا هێزێن هه‌ڤپه‌یمان و سازیێن نیڤده‌وله‌تێ ب ئاشتیانه و دیالۆگێ. هه‌ر سه‌رۆك بارزانی و پارتی بوو دگۆت ب ڤی داگیكرنێ و بێ پێشمه‌رگه و هێزێن ئێمناهیێن كوردستانێ ره‌وشا وان ده‌ڤه‌ران یا د مه‌ترسیێ دا و داعش یا رێكخستنێن دیترێن تیرۆرستی دێ سه‌رهه‌لده‌نه‌ڤه و هێزێن داگیركه‌را و تائیفه‌گه‌ری شیانێن پاراستنێ نینه. هه‌ر گاڤه‌كا بهێته هاڤێتن بۆ زڤراندنا كه‌ركووكێ و ده‌ڤه‌رێن دیتر بۆ سه‌رده‌مێ پێش خیانه‌تا شازدێ ئیكتۆبه‌را سالا ٢٠١٧ دێ ب پارتی و حوكمه‌تا هه‌رێما كوردستانێ بیت، نه‌ك سه‌رانێن خیانه‌تكارێن د ناڤ ئێكه‌تیێ دا ئه‌وێن ئه‌ڤ كاره‌ساته ب سه‌رێ خه‌لكێ كوردستانێ ئینای و دۆزا سیاسی و قه‌وارێ هه‌رێما كوردستانێ ئێخستیه د مه‌ترسیێ دا . حوكمه‌تا عیراقێ و هه‌ڤپه‌یمان و سازیێن نیڤده‌وله‌تی ژی ڤێ راستیێ دزانن، بۆ هه‌ر گاڤه‌كا زڤراندنا پێشمه‌رگه‌ی بۆ وان ده‌ڤه‌رێن كوردستانی ئه‌وێن ژبه‌ر خیانه‌تا شازدێ ئكتۆبه‌رێ هاتینه داگیركرن و ڤه‌گه‌راندنا ره‌وشا وان ده‌ڤه‌را بۆ به‌ری وان روودانا دێ دانۆستاندنا دگه‌ل پارتی و حوكمه‌تا هه‌رێما كوردستانێ كه‌ن، به‌ری هه‌میان سه‌رۆك مه‌سعود بارزانی و سه‌رۆكێ حوكمه‌تا هه‌رێما كوردستانێ نه‌ك وی گرۆپێ خیانه‌تكار هه‌ر وه‌كی ئه‌و بانگه‌شێ بۆ دكه‌ن.
پارتى رێبازه..
غیاس زێبارى
بۆ سه‌ركه‌فتنا شۆره‌ش و بزاڤێن رزگاریخوازی بۆ رزگارى و ئازادیا ملله‌تان پێدڤى ب رێك و رێبازه‌كا بهرفرهه و هه‌مى لایه‌نى هه‌یه، بۆ رێخستنا رێزێن ملله‌تى و په‌روه‌رده‌كرنه‌كا ساخله‌م ل سه‌ر بنه‌مایێن نه‌ته‌وى و نشتیمانى، رێبه‌رێ مه‌زن و دیرۆكى و كنیاتیێ نه‌ته‌وا كورد و دامه‌زرێنه‌رێ پارتى دیمۆكراتى كوردستان مه‌لا مسته‌فا بارزانى، ب خه‌باتا خوه یا پڕ سه‌روه‌رى یا زێده‌تر پێنجى سالان رێبارزا كوردایه‌تیێ ل سه‌ر بنه‌مایه‌كێ مۆكۆم و پۆلایین دامه‌زراند. رێبازه‌كه هه‌مى وارێن ژیانا سیاسى و جڤاكى و ئابوورى و دادپه‌روه‌رى و …هتد هه‌مبێز كرنه. له‌وما ڤێ رێبازێ د ڕه‌وشه‌كا تایبه‌ت دا و كاودانێن زۆر جودا ل ئه‌ڤرۆ، جڤاكه‌كێ لێكدووركه‌تى و پڕى كێشه‌و ململانێن عه‌شیره‌تى و بنه‌مالاتى و ئاستنزمیا ڕه‌وشه‌نبیرى، دبن سه‌یوانا كوردایه‌تیێ كۆم بكه‌ت و ب گیانێ شۆره‌شگێریێ و پابه‌ندیا نه‌ته‌وى و نشتیمانى په‌روه‌رده بكه‌ت و پێبگه‌هینیت، ب دادپه‌روه‌رانه و دووربینى سه‌ره‌ده‌ریێ دگه‌ل بوویه‌ر و روودانێن جڤاكى و ژیانا رۆژانه بكه‌ت.
رێبازا بارزانى ئه‌ته‌كێتێن شۆره‌ش و بزاڤێن كوردى یێن به‌رى خوه كو د چارچووڤێ ده‌ڤه‌ره‌كێ دا بوون شكاندن و بزاڤا رزگاریخوازیا كوردستانى كره بزاڤه‌كا سه‌رتاسه‌ریا كوردستانى یا رێكخستى بۆ هه‌مى پێكهاتێن ئایینى و ئه‌تنى و جڤاكى، ژلایێ ناساندنێ ژى رێبازا بارزانى داخوازى و بزاڤێن خه‌لكێ كوردستانێ د چارچووڤێ كوردستانێ و عیراقێ دا نه‌هێلان و ل سه‌ر ئاستێ جیهانێ ده‌نگ ڤه‌دان.
رێبازا بارزانى سنوورێن ده‌ستكردێن داگیركه‌را یێن كوردستان ل سه‌ر پارچه‌كرى هه‌لوه‌شاندن و ئێك پارچه‌یا كوردستانێ و ئێكرێزیا خه‌لكێ كوردستانێ ب ته‌ڤنه‌كێ مۆكۆم ڤه‌هاند.
ده‌ما پشته‌ڤانیا بزاڤ و شۆره‌شێن كوردستانى یێن باكۆر و رۆژهه‌لات كرى به‌رى زێده‌تر ل هه‌فتێ سالان ئه‌ڤ چه‌نده خۆیا كریه ، هه‌ر وه‌سا پشكداریا خه‌لكێ پارچێن دیتر یێن كوردستانێ د شۆره‌شێن باشوورێ كوردستانێ به‌ڵگه‌هه‌كێ دیتره. ب كورت و كرمانجى پارتى و رێبازا پیرۆزا بارزانى یا گرێدایى یه ب ئاخ و خه‌لكێ كوردستانێ و رێبازا راست و ره‌وایا كوردایه‌تیێ یه بۆ ئازادى و رزگاریا كورد و كوردستانێ ل سه‌ر بنه‌مایێ ئاشتى و دیمۆكراسیێ و دادپه‌روه‌ریێ و رێزگرتنێ. شۆره‌شێن چه‌كدارى ژى بۆ به‌ره‌ڤانیكرنێ بوونه. هه‌ر وه‌كى بارزانى نه‌مر كه‌ره‌مكرى (ئه‌م شه‌رى دكه‌ین ژ پێخه‌مه‌ت نه‌مانا شه‌ر). ده‌نگێ خه‌لكێ كوردستانێ بۆ پارتى دیمۆكراتى كوردستان و كاندیدێن وێنه، چونكو پارتى خودان رێبازا بارزانى یه و خه‌لكێ كوردستانێ راستیا ڤێ رێبازێ دزانیت و داینه‌مۆیا به‌رده‌وامى و گه‌شه‌بوون و نووبوونه‌ڤانا رێبازا بارزانى یه.
بۆچى دێ ده‌نگى دهینه پارتى؟
غیاس خالد زێبارى
پێشه‌كى ..
پرۆسا ده‌نگدانێ پشكه‌كا گرنگا سیسته‌مێ دیمۆكراسیێ یه، ژ بۆ ده‌ستنیشانكرنا نوونه‌رێن ملله‌تى یان نوونه‌رێ ملله‌تى ل ده‌ستهه‌لاتێ ب ره‌نگه‌كێ ئازاد، لێ ره‌وشا سیاسى و جڤاكى یا ملله‌تى و وه‌لاتى بنه‌مایێن هه‌لبژارتنا لایه‌نێ سیاسى یان كه‌سایه‌تیا ژ لایێ خه‌لكێ مه‌رجدار دكه‌ت و وه‌لات بۆ وه‌لاتى جوداهى هه‌نه، خه‌لكێ كوردستانێ ل سه‌ر ڤان بنه‌مایان دێ ده‌نگى ده‌ته پارتى دیمۆكراتى كوردستان.
ئێك : پارتى دیرۆكه
هه‌ر ملله‌ته‌كى، وه‌لاته‌كى، پارتیه‌كێ، رێكخراوه‌كێ، هه‌تا دگه‌هیته مرۆڤه‌كى دیرۆكا خوه هه‌یه، كۆ كار و خه‌بات و ره‌فتارا وان كۆم دكه‌ت و بۆ نفشێن داهاتى به‌رچاڤ دكه‌ت، داكو مفا ژێ لێ بهێته وه‌رگرتن، لێ پارتى دیمۆكراتى كوردستان، ئه‌ڤ قانوونه تێپه‌راندیه و تنێ دیرۆك بۆ خوه تۆمار نه‌كریه، به‌لكى دیرۆكا بزاڤا رزگاریخوازیا ملله‌ته‌كى تۆماركریه، ژ بزاڤه‌كا بێده‌نگ و سنۆردار د چارچووڤێ باژێره‌كێ یان ده‌ڤه‌ره‌كێ دا، كریه بزاڤه‌كا سیاسى یا سه‌رانسه‌ریا كوردستانێ و ده‌نگڤه‌دان و ره‌نگڤه‌دانێن وێ گه‌هشتیه سه‌رتاسه‌رێ جیهانێ، ژ لایێ په‌روه‌رده‌یا نه‌ته‌وى و نشتیمانى، پارتى شۆره‌شه‌ك به‌رپاكر، جڤاكێ كوردستانى یێ خێله‌كى و عه‌شیركى، كره جڤاكه‌كێ حه‌زژێكه‌رێن وه‌لاتى و ملله‌تى، تاكێن كورد فێركرن حه‌ز و ڤیانا ملله‌تى و وه‌لاتى و به‌ره‌ڤانى لێكرن چه‌ندا گرنگ و پیرۆزه، په‌روه‌رده‌یا گیانێ شۆره‌شگێریێ د ناڤ جڤاكێ كوردستانێ دا ژى شۆره‌شه‌ك بوو.
دادوه‌ریا د ناڤ بزاڤا رزگاریخوازیا گه‌لێ كورد دا، ل سه‌ر ده‌ستێ پارتى كو پاشمایى یێ رێبازا پیرۆزا بارزانى نه‌مر، دیرۆكه. به‌ره‌ڤانیكرن ژ ماف و ئارمانجێن نه‌ته‌وى و نشتیمانى د هه‌مى كاودانان دا، دیرۆكه . مساومه نه‌كرن ل سه‌ر ئاخا پیرۆزا كوردستانێ، دیرۆكه. پاراستنا بریارا خۆ یا تایبه‌ت و نه‌كه‌فتنه بن ئه‌جنده‌یێن هیچ وه‌ڵاته‌كى، دیرۆكه. دامه‌زراندنا له‌شكرێ پێشمه‌رگه‌هێ كوردستانێ ل سه‌ر بنه‌مایێ پابه‌ندیا نشتیمانى دوور ل ئه‌جندایێن پارتایه‌تى، دیرۆكه.
به‌ڵاڤكرنا هزرا دیمۆكراسى و ئازادیا دید و بۆچوونا، دیرۆكه.
دامه‌زراندن و پشته‌ڤانیا رێكخراوێن جه‌ماوه‌رى و پیشه‌یى، دیرۆكه.
زانینا زمانێ دیالۆگێ و دانوستاندنان ل گه‌ل دۆست و دۆژمنان، بۆ به‌رژه‌وه‌ندیا گشتى، دیرۆكه. زاڵبوون ب سه‌ر پیلان و داڤێن دوژمنان بۆ خولقاندنا دوبه‌ره‌كیێ د ناڤ رێزێن بزاڤا رزگاریخوازیا كوردستانى و پارتى دا، دیرۆكه. بێ ئۆمێد نه‌بوون ل ده‌مێ شكه‌ستن و پشتى كاره‌ساتان، دیرۆكه. پێگه‌هاندنا سه‌ركردێن ب هه‌لویست و خودان بریار، دیرۆكه. پارتى رێبازه، د كار و خه‌باتا خودا پارتى ب پلان و به‌رنامێن دارشتى كاركریه، ل سه‌ر رێبازا پیرۆزا بارزانى نه‌مر بوویه، ئه‌و رێبازا هه‌مى وارێن ژیانێ بخۆڤه گرتى و مینا دستووره‌كى بوویه. د هه‌مى بوارێن سیاسى و نه‌ته‌وى و نشتیمانى و جڤاكى و ئیدارى و جه‌ماوه‌رى دا و… هتد. پارتى دیمۆكراتى كوردستان دیرۆكه‌كا گه‌ش و پڕ سه‌روه‌رى دروست كریه، له‌وما ده‌نگێ كوردستانیا بۆ پارتى دیمۆكراتى كوردستانه.
نيشاندان
WP Facebook Auto Publish Powered By : XYZScripts.com