ئه‌ڤرۆ نيوز:
مريام كلينيك، نمايشكه‌را جلكان يا لوبنانى راگه‌هاند كو ژ ئه‌گه‌رێ هه‌بوونا حه‌سه‌ن نه‌سرۆلا، سه‌رۆكێ حزبولا دشێت ب مايۆ و شۆرتى بگه‌ريێت.
دوهى رۆژا ئێكشه‌مبى رێكه‌فتى 8ى شوباتا 2016ێ د دووماهى پۆست دا، وه‌كو جار ده‌نگويه‌كێ مه‌زن ب دووڤ خوه دا هێنا ده‌ما گۆت: “هه‌كه سه‌يد حه‌سه‌ن نه‌سرۆلا نه‌بايه، ئه‌ڤرۆ نه‌دشيام مايۆى بكه‌مه به‌ر خوه، به‌لكو داعش دا گه‌هيته سه‌ر مه و دڤيابا نوكه جلكێن ره‌ش ل به‌ر بكه‌م”.
د وى پۆستى دا چه‌ند جاران ترانا ب سۆپايێ لوبنانێ دكه‌ت كو نه‌شێت ب پارێزيت، به‌لێ ئه‌و وه‌كو مريام دبێژيت ژ ئه‌گه‌رێ حزبۆلايه ئه‌و دشێن ب سلامه‌تى ل لوبنانێ بژين و شۆرت و مايۆيان بكه‌نه به‌ر خوه.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ژ ئه‌نجامێ ئێكگرتنا هه‌ردو فشارێن ده‌ريا ناڤه‌راست و ده‌ريا سۆر بۆ سه‌ر هه‌رێما كوردستانێ د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێمێ رێژێن جودا يێن باران بارينێ هاتينه تۆماركرن و ب ڤى ره‌نگێ ل خوارێ:
ئه‌ڤرۆ نیوز:
بشار كیكى د هه‌ڤدینه‌كێ دا ل گه‌ل سكرتێرێ لقا نه‌ینه‌وا یا رۆژنامه‌ڤانێن كوردستانێ راگه‌هاند، ده‌رگه‌هێن جڤاتا نه‌ینه‌وا هه‌مبه‌رى رۆژنامه‌ڤانێن ئاواره‌یێن نه‌ینه‌وا دڤه‌كرینه.
ئه‌ڤرۆ رێككه‌فتى 7/2/ 2016 ل باره‌گایێ به‌روه‌ختێ جڤاتا پارێزگه‌ها نه‌ینه‌وا سكرتێرێ رۆژنامه‌ڤانێن لقا نه‌ینه‌وا یا كوردستانێ ئه‌كره‌م سلێمان هاته پێشوازیكرن، دروونشته‌كێ دا ل گه‌ل سه‌رۆكێ جڤاتا پارێزگه‌هێ به‌حسێ وان رۆژنامه‌ڤانان هاته كرن یێن تووشى كوشتن و گرتن و ژناڤبرنێ بووین ل سه‌ر ده‌ستێن تیرۆرستێن داعشێ .
ئه‌كره‌م سلێمانى دیاركر، 420 رۆژنامه‌ڤان یێن سه‌ر ب سه‌ندیكایا رۆژنامه‌ڤانێن كوردستانێ و سه‌ندیكا رۆژنامه‌ڤانێن عیراقێ ئاواره‌یى پارێزگه‌هێن هه‌رێما كوردستانێ بووینه، هه‌روه‌سا ئاشكراكر پتر ژ 22 رۆژنامه‌ڤانان ژى ل سه‌ر ده‌ستێن داعشێ هاتینه كوشتن و 12 رۆژنامه‌ڤانێن دى دبێ سه‌رو شوونن و چاره‌نڤیسێ وان یێ دیار نینه.
ل داوی دیدارا ئالیێن سیاسی ل هه‌رێما كوردستانێ ل گه‌ل سه‌روَكێ هه‌رێمێ ژ ئالیان هاته خواستن كو به‌رهه‌ڤیان ژبوَ ئه‌نجامدانا ریفراندوَما چاڤه‌رێكری را بكن، ئه‌ڤێ یه‌كێژی داخویانیێن جودا جودا ل په‌ی خوه ئانین لێ داخویانیێن نافخوه‌یا هه‌رێمێ ئانكو لوكال دێ ڤه‌دینه ره‌خه‌كی و هێنه سه‌ر دیتن و هه‌لویستێ ئوروَپا و ده‌وله‌تێن رۆژئاڤا به‌ری دوو رۆژان(31-01-2016) و د چارچوَڤێ وان پێكولێن تێنه‌كرن ژبوَ لهه‌ڤئانینا ئالیێن سیاسی ل هه‌رێما كوردستانێ كونسلێن چه‌ندین وه‌لاتێن ئوروَپی رابین ب سه‌رادانا پارتیێن كوردی و یه‌كه‌م ئالی سه‌ره‌داناوی كرین كومه‌لائیسلامیا كوردستانێ بوو پشتی ل هه‌ڤ گوهوَڕینا دیتن و بوَچوونان پاشێ د پرێسكونفرانسه‌كێدا رێزدار علی باپیر میرئَ كومه‌لا ئیسلامی بوَ ده‌زگه‌هێن راگه‌هاندنێ گوت: كونسلان گوتنه مه ئه‌م نها ل گه‌ل ئه‌نجامدانا ریفراندوَمێ نینین و دبت كو ل پاشه‌رۆژێ دیتنا مه وه‌ره گوهوَڕین و ئه‌م دخوازین عێراقه‌كا یه‌كگرتی هه‌بت و درێكا وێدا ئه‌م ئالیكاریا وه بكین.
هه‌ر ئه‌ینی رۆژێ و ئه‌ینی كونسلان سه‌ره‌دانا پیلوَتبیروَیا پارتی دیموكراتی كوردستان كرن و ل گه‌ل مه‌زنه به‌رپرسێن وێ پارتیێ جڤیان و ره‌وشا نازكا هه‌رێمێ و ئه‌و ئاسته‌نگ و هه‌ڤڕكیێن هه‌رێم دووچار بووی ئێخستن به‌ر باس و ڤه‌كوَلینێ و دیتن و بوَچوون ل هه‌ڤ گوهارتن، ل گه‌ل ب داوی هاتنا جڤینێ به‌رێز فازل میرانی سكرتێرێ پیلوَتبیروَیا پارتی بوَ رۆژنامه‌ڤانان گوت: دجڤینێدا كونسلان نه‌گوتیه ئه‌م دژی ئه‌نجامدانا ریفراندومێنه هه‌ردوو به‌رێز ژی راست دبێژن چنكو وه‌لاتێن رۆژئاڤا قه‌ت هه‌لویسته‌ك زه‌لال نه‌بوویه ژ هه‌رێما كوردستانێ چنكو به‌ری نهاژی بدروستی ل 06/01/2016 رێزدار مه‌سعود بارزانی سه‌روَكێ هه‌رێما كوردستانێ ل هاڤینگه‌ها پیرمام ل گه‌ل سه‌روَكێن نوێنه‌راتی و كونسولێن وه‌لاتێن بیانی ل هه‌ولێرێ كوَمبوو كو وه‌كو ئه‌ته‌كێته‌ك سالانه ژبوَ ئاشكراكرنا سیاسه‌تا گشتی یا هه‌رێمێ ب ڤان كونسلان و پیروَزكرنا سالا نوو ل وان؛ سه‌روَكێ هه‌رێما كوردستانێ ب وان راگه‌هاندیه كو ئه‌و رژده ل سه‌ر ئه‌نجامدانا ریفراندۆمێ داكو جیهان بزانت كورد چی دخوازن و چه‌وا دێ بریارێ ل سه‌ر چاره‌نڤیسێ خوه ده‌ن و ب شێوه‌یه‌ك ئاشتیانه. ژ وێ به‌روارێ و هه‌تانی ئیروَ هه‌لویسته‌ك زه‌لال و ئه‌رێنی ژ یه‌ك ژ وه‌لاتێن یه‌كه‌تیا ئوروَپا و نه ژی ئه‌مه‌ریكا ده‌رنه‌كه‌فتیه تنێ وه‌لاتێن ب زه‌لالی هه‌لویستێ خوه ئێكلا كرینه وه‌لاتێ هنگاریا و وه‌لاتێ ئیسرائیله ب دیتنا من ئه‌ڤه‌ژی بێ ئه‌مه‌كیه‌كی مه‌زنه ل هه‌مه‌بر گه‌لێ كورد تێ كرن و رۆژانه به‌رپرسێن ئوروَپی دبێژن ئه‌م حێبه‌تی ماینه ژ قه‌هره‌مانیا پێشمه‌رگه‌ی و پێشمه‌رگه پێش هه‌موو جیهانێڤه شه‌رێ تیرورێ دكه‌ت. به‌لێ وه‌سا خوَیایه تنێ ئه‌ڤێن هه‌نێ سه‌رێ مه گه‌رم دكن و دبێژنه مه هون ژبوَ مرنێ باشن به‌لێ نابت هون مافێ ره‌وایێ خوه بخوازن و ئه‌م وه ناسناكین وئه‌م وه‌لاته‌كێ ناس دكین و دانپێدانێ پێ دكین كو ئه‌وژی عێراقه ل ڤێره چی دكه‌ڤه سه‌رملێ حوكمه‌تا هه‌رێما كوردستانێ ل هه‌مبه‌ر ڤێ بێ وه‌فیای وبێ ئه‌مه‌كی و نانكوَریێ. گه‌ره‌كه چ پێنگاڤ بهێنه هاڤێتن وه‌كو به‌رسڤدانه‌ك ل سه‌ر نه‌زه‌لالیا هه‌لویستێن وان: یه‌كه‌م ب ره‌نگه‌ك فه‌رمی هه‌رێما كوردستانێ ژ ئه‌مه‌ریكا و ئوروَپا بخوازت كو هه‌لویستێ وان یێ زه‌لال ژ ریفۆاندوَمێ و پێنگاڤێن پشتی ریفراندوَمێ چیه؟ دووه‌م دڤیا بله‌ز و گه‌له‌ك بله‌ز لوَبیه‌ك كوردی بهێز وه‌ره ئاڤا كرن ژكه‌سانێن ره‌ڤه‌ندا كوردی ل ئه‌مه‌ریكا و ئوروَپا و ئوسترالیا كو ب روَلێ خوه بله‌یزن و بكارن جهێن بریارێ ئاشنابكن ب دیروَك و خه‌باتا گه‌لێ كورد و ئه‌و قوَربانێن ڤی گه‌لی داین, سێ یه‌م كورد دكارن پشكداریا پێشمه‌رگه‌ی د رزگاركرنا میسلێ دا وه‌كو كارته‌ك بكاربینن و ب ریفراندومێڤه گرێبدن، چنكو وه‌كو خوَیایه وه‌لاتێن رۆژئاڤا و عێراقێ ژی ل به‌ره پشتی كو پێشمه‌رگه ب شه‌هید و قوَربانیێن خوه ده‌وله‌تا خیلافه‌تا ئیسلامی ژناڤ دببه بێن و بێژنه كوردان سوپاس بوَ هه‌وه و نوكه هون وه‌لاتیێن عێراقێنه و هه‌ڤدو بگرن و ئه‌وێ نه‌رازیه ئه‌و تیروَرسته گه‌ره‌كه بمرت. چاره‌م ئیروَ رۆژ نه‌تنی َ رۆژئاڤا و ئه‌مه‌ریكا د ده‌ڤه‌رێ ده‌نه ئیروَ هرچا روسی ژی یا هاتیه ده‌ڤه‌رێ ب هێزه‌كا بوَكه‌ڤه(مه‌زن) بێی كو حه‌سابێ بوَ هیچ هێزه‌كێ بكه‌ت، ئه‌ڤه ژی مرۆڤ دكارت بێژت ئه‌لترناتیڤه‌كه ژبوَ كوردان و دكارن ل هه‌مبه‌ر وان ئالیێن دژی ریفراندوَمێ و هه‌لگرێن هزرا عێراقا عه‌ره‌بی یا هه‌ڤگرتی بكاربینت و بێژته وان گه‌لێ كورد خوه‌دی مافه‌كی ره‌وایه و هه‌موو رێكان وێ بگرته به‌ر ژبوَ سه‌رخوه‌بوونا كوردستانێ چنكو كوردان ب سه‌ربلندیڤه تێرا هندێ قوَربانی داینه.
ئه‌ڤرۆ نيوز:
ل دووڤ ئامارێن دەست ب بەرپەرێ ھونەری یێ رۆژناما ئەڤرۆ کەفتین بتنێ ل باژێرێ زاخۆ ھەتا نوکە نەە ھونەرمەندێن چووینە ژ دەرڤە و کوردستان بجە ھێلاینە.
دلخواز موسا رێڤەبەرێ رەوشەنبیری و ھونەری ل زاخۆ دیارکر دۆ ژوان ھونەرمەندان فەرمانبەرن سەر ب رێڤەبەریا مەڤەنە، گرێبەستا ئێکێ ژوان ھاتیە ھەلوەشاندن و یێ دی ژی مولەتا بێ مووچە وەرگرتیە، گۆت: ب سەدان ھونەرمەند ھەنە لەرا ھونەر ب چوونا وان لاواز نابیت، لێ ڤالاھیا جھێن وان ھەر ئێک ژوان شوونتبلێن وی دیارن.
سترانبێژ زێرەڤان لەزگین ئەڤە ماوەکە چوویە دەرڤەی وەلاتی ل ئەلمانیا ئاکنجیبوویە، گۆت: کوردستان ژلایێ مادی و مەعنەوی ڤە چ کارێن ھونەری یێ ناھێنە ئەنجامدان و و پتر ئەگەرێچوونا مە ڤەدگەریت بۆ کاودانێن خێزانی.
ھەڤدەم مەھدی منیر بەرپرسێ سەندیکا ھونەرمەندێن کوردستانێ ل زاخۆ دیارکر سێ ژ ھونەرمەندێن پەنابەر بووین ئەندامێن سەندیکایێ یێن کارانە، گۆت: بابەتەکێ تاکە کەسی یە، مە چو رێنما نینن رێگریێ ل ئازادی یا چو ھونەرمەندان بکەن، ھیچ ھاریکاری و ئاسانکاری بۆ چ ھونەرمەندان نەھاتیەکرن بۆ مەرەمێن پەنابەریێ.
ئه‌ڤرۆ نیۆز، قائید میرۆ
ب تۆمه‌تا نه‌بوونا مۆله‌تێ بۆ ئه‌نجامدانا خۆنیشاندانه‌كێ لدۆر گیرۆبوونا موچه‌ی هێزێن ئه‌منیێن هه‌ولێرێ هژماره‌كا چالاكڤانێن مه‌ده‌نی ده‌سته‌سه‌ركرن.
لیوا عه‌بدولخالق ته‌لعه‌ت، رێڤه‌به‌رێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئه‌ڤرۆ هژماره‌كا چالاكڤانێن مه‌ده‌نی دخواست خۆنیشاندانه‌كێ ئه‌نجامبده‌ن، به‌لێ ژبه‌ر نه‌بوونا مۆهله‌تا خۆنیشاندانێ ژلایێ هێزێن ئه‌منی پێنج ژوان كه‌سان هاتینه ده‌سته‌سه‌ركرن و هاتینه هنارتن بۆ هه‌مبه‌ر دادوه‌ری ب تۆمه‌تا نه‌بوونا مۆهله‌تا قانوونی.
ژلایه‌كێ دیڤه ژێده‌ره‌كێ ئاگه‌هدار ل روویدانێ ب ئه‌ڤرۆ نیۆز راگه‌هاند” هژمارا چالاكڤانێن هاتینه گرتن ژلایێ هێزێن پۆلیسان ڤه هه‌شت كه‌سن و ل نێزیك پاركێ سامی عه‌بدولڕه‌حمان هاتینه ده‌سته‌سه‌ركرن، به‌لێ چو نیه‌ت نینه بۆ ئازادكرنا هه‌تا نه‌هێنه دادگه‌هیكرن.
نيشاندان