ئه‌ڤرۆ نيوز:

هه‌ڤپه‌یمانی یا عه‌ره‌بی ب پشتگیری یا حكومه‌تا یه‌مه‌نێ د داخویانیه‌كێ ده‌ راگه‌هاند هێزێن به‌رگری یا ئه‌سمانی یا سعودیه‌ موشه‌كه‌كه‌ بالیستی یا حووسی یێن یه‌مه‌نێ كو ل پارێزگه‌ها عومران ڤه‌ ژبۆ باژێرێ نه‌جران یا سعودیه‌ هاتبوو ئاڤێتن ل باشوورێ رۆژئاڤایێ سعودیه‌ تێكشكاندنه‌.

هه‌ڤپه‌یمانی یا عه‌ره‌بی د داخویانیێ ده‌ بالكشاندیه‌ سه‌ر وێ یه‌كێ ژی كو موشه‌ك ب ئاوایه‌ك هاتبوو ئاڤێتن كو زیانێ بگه‌هینه‌ ناڤچه‌یێن بجیهـ بوونێ .

زه‌لال ژی كرییه‌ كو هێزێن به‌رگری یا ئه‌سمانی یا سعودیه‌ موشه‌ك تێكشكاندنه‌ به‌رێ كو تو زیانان بگه‌هینه‌. د داخویانیێ ده‌ هاتیه‌ ژی كو به‌روڤاژی بریارا جڤاتا ئه‌وله‌هی یا نه‌ته‌وه‌یێن یه‌كگرتی ئارمانجا حوسیان گه‌ف كرنه‌ ل ئه‌وله‌هی یا سعودیه‌ و ده‌ڤه‌ریێ.

ئه‌ڤرۆ نيوز:

نه‌ته‌وێن یه‌كگرتی بیست و چار بارهه‌لگرێن ئالیكاریێن مروڤی ژبۆ پارێزگه‌ها ئیدلب ل باكورێ سوریێ شاند.

د ڤێ ده‌ربارێ دا ئاژانسێن نوچه‌یان به‌لاڤ كرن 24 بارهه‌لگرێن كو ئالیكاریێن نه‌ته‌وێن یه‌كگرتی هه‌لگرتبوو ل ده‌روازه‌یا سینوری یا جیلڤه‌گوزو ل باژێركێ رێحانلی یا سه‌ر ب پارێزگه‌ها هاتای ل باشورێ توركیێ چونه ناڤا خاكا سوریێ.

جهێ ئاماژه پێ دانیه ئه‌و بارهه‌لگر چارسه‌د و هه‌شتێ تون ئالیكاریێن مروڤی هه‌لگرتیه و بریاره ب سه‌ر وان كه‌سێن كو ل باژارێ ئیدلب و ناڤچه‌یێن ده‌روروبه‌ر یێن پێویستیان وان پێه دابه‌ش بكه‌ن.

ئه‌ڤرۆ نيوز:

میدیایێن ئیسرائیلێ راگه‌هاندن كو فه‌رمانبه‌رێن ته‌ڤایا بالیۆزخانه‌یێن ئیسرائیلێ ل وه‌لاتێن جیهانێ ژبۆنا ره‌وشا وان یا خرابا كاركرنێ و پاشكه‌تنا موچه‌یێن وان مانگرتنا گشتی راگه‌هاندنه‌ و تێ پێشبینی كرن كو نێزیكی 600 فه‌رمانبه‌ر تێده‌ به‌شدرا ببن.

میدیایێن ئیسرائیلێ به‌لاڤ ژی كرن كو تێ پێشبینی كرن مانگرتن ژ رۆژا ئینیێ ڤه‌ ده‌ستپێ بكه‌ت و كارێ دیپلۆماسی یا ئیسرائیلێ ل پرانیا وه‌لاتان بێ راوه‌ستاندن.

هه‌ر ژبۆ وێ مه‌ره‌مێ ژی كۆنسولخانه‌یێن ئیسرائیلێ پێشوازی یا وه‌لاتی یێن بیانی ناكن و هه‌ژماره‌كه‌ زێده‌ جڤین و چالاكی تێن هلوه‌شاندن و پرانی یا گفتوگۆ و جڤین و ئاریشه‌یێن كو ل نه‌ته‌وه‌یێن یه‌كگرتی و یه‌كێتی یا ئه‌وروپایێ تێن به‌هس كرن بێ به‌شداری یا نوونه‌رێ ئیسرائیلێ وێ بێن بڕیڤه‌چوون.

ژبال خوه‌ڤه‌ ژی لژنه‌یا فه‌رمانبه‌رێن دیپلۆماسی یا ئیسرائیلێ ژی راگه‌هاند، لدۆر چاره‌سه‌ركرنا ناكۆكیان و پرسا پاشكه‌تنا موچه‌یان ته‌ڤی حكومه‌تێ گفتوگۆ كرنه‌، لێ تو ئه‌نجام ل په‌ی خوه‌ نه‌ئانییه‌ و سه‌ده‌م ژی ناكۆكی یێن هه‌ردوو وه‌زاره‌تێن دارایی و ده‌رڤه‌ یه‌ .

ئه‌ڤرۆ نيوز:

ره‌جه‌ب ته‌یب ئه‌ردۆغان سه‌رۆك كۆمارێ تركیێ د رێوره‌سمه‌كه‌ تایبه‌ت ب 30ى ته‌باخێ گوتاره‌ك پێشكه‌ش كر و راگه‌هاند، ئه‌مێ ده‌ست ب گارانتیكرنا ئه‌وله‌كاریێ ل سینوور بكین تا به‌ر ب قه‌ندیلێ‌، گاڤ داڤێژین ژبۆ تێكدانا یارییه‌كه‌ 34 سالی.

ئه‌ردۆغان ته‌كه‌ز ژی كر كو وان پێداگری كرنه‌ داكو شنگال نه‌به‌ قه‌ندیلا دوویێ و گۆت ژی، ته‌ڤی ئه‌مه‌ریكایێ گوتۆبیژ ل دۆر منبجێ ل سووریی دكن، ته‌ڤی رووسیا و ئیرانێ ژی كار دكن داكو كاره‌ساتا حه‌له‌بێ ل ئیدلب ژی نه‌قه‌ومه‌.

ئه‌ڤرۆ نيوز:

هن چاڤكانی یێن نووژداری ل باژێرێ ته‌ڕابلۆس پایته‌ختا لیبیایێ راگه‌هاندن، د ده‌ما سێ رۆژێن شه‌رێ گروپێن چه‌كدار یێن ل دژی هه‌ڤدوو، 27 كه‌س هاتن‌ كوشتن و سه‌دێ دن ژی برینداربوونه‌.

گروپێن چه‌كدار هه‌ر ژ رۆژا دووشه‌میێ ‌ڤرده‌ ل تاخێن باشوورێ ته‌رابلۆسێ شه‌ڕ ل دژی هه‌ڤدوو ده‌ستپێكرنه‌، ته‌ڤی كو ئێڤارا رۆژا چارشه‌میێ ژی ئاگربه‌سته‌كه‌ كورت هاتبوو راگه‌هاندن، لێ تو ئالیه‌كی پێگیری ب پێ نه‌كرن.

د ڤی واری ده‌ كومیته‌یا ناڤنه‌ته‌وه‌یی یا خاچا سۆر د داخویانیه‌كێ ده‌ خویاكر كو ئالۆزی یێن ده‌ستپێكا ڤێ هه‌فتیێ ل باژێرێ ته‌ڕابلۆسێ بوویه‌ سه‌ده‌ما شه‌ر و په‌ڤچوونان دناڤبه‌را گروپێن چه‌كدار كو د ئه‌نجامێ ده‌ ب ده‌هان كه‌سێن سڤیل هاتن‌ كووشتن و برینداربوون

د هه‌مان ده‌مێ ده‌ كومیتێ داخواز ژ چه‌كداران كر‌ خه‌لكێ سڤیل د شه‌رێ خوه‌ ده‌ بپارێزن و خوه‌ ژ جھ و وارێن وه‌لاتیان دوور بخن.

ئه‌ڤرۆ نيوز:

ل مۆسكۆیێ دپرێس كونفرانسه‌كێ ده‌ وه‌زیرێ ده‌رڤه‌ یێ رووسیایێ سێرگی لاڤرۆڤ هه‌ڤبه‌ش دگه‌ل وه‌زیرێ ده‌رڤه‌ یێ رژێما سوریا وه‌لید موعه‌لیم راگه‌هاند كو وه‌لاتێ وان ئاماده‌یه‌ د ئاڤاكرنا سوریێ ده‌ به‌شداریه‌‌ كارا بكه‌‌.

د هه‌مان ده‌مێ ده‌ داخواز ژ جڤاكا ناڤنه‌ته‌وه‌یی و وه‌لاتێن ئه‌وروپی و یێن عه‌ره‌بی و ئه‌مه‌ریكایێ كر ڤه‌گه‌رادنا په‌نابه‌ران و ئاڤاكرنا سوریێ ده‌ به‌شدار بن. ل دور پرسا پارێزگه‌ها ئیدلبێ ژی لاڤرۆڤ بالكشاند سه‌ر وێ یه‌كێ كو نابه‌ ئه‌نیا نووسره‌ پارێزگه‌ها ئیدلبێ ژبۆ ئێریشان ل دژی ئارتێشا رژێمێ و بنگه‌هێن له‌شكه‌ری یێن حمێمی بكاربینه‌.

هه‌ڤده‌م گۆت ژی روسیا هوشداری دایه‌ وه‌لاتێن ئه‌وروپی ژ ئه‌گه‌رێ شه‌ر فرۆتنا ب به‌هانه‌یا ئێریشێن نوو یێن كیماوی ل ئیدلبێ. ژبال خوه‌ ڤه‌ وه‌لید موعه‌لیم گۆت كو ئارتێشا سووریێ سه‌ركه‌فتنێن مه‌زن د شه‌ر ده‌ بده‌ست خستنه‌ و نێزیك ‌بویا شه‌رێ ل دژی ته‌رۆرێ ل سوریا بداوی بینه‌.

ئه‌ڤرۆ نيوز:

شاندیێ نه‌ته‌وه‌ێن یه‌كگرتی ژبۆ سووریێ راگه‌هاند ئه‌و ئاماده‌یه‌ ژبۆنا رزگاركرنا وه‌لاتی یێن سڤیل ل ئیدلبێ ئه‌و بخوه‌ بچه‌ وێ ده‌ڤه‌رێ.

ستیڤان دی میستورا شاندیێ نه‌ته‌وێن یه‌كگرتی ژبۆ سووریێ راگه‌هاند كو ژبۆنا ڤه‌كرنا ده‌ریه‌كه‌ مرۆڤانتی دناڤا وێ ره‌وشا بترس یا ژ ئه‌گه‌را پێكانینا ئێرشه‌كێ ژبال ئارتێشا سووریێ ڤه‌ ل سه‌ر باژێرێ ئیدلبێ چێبوویه‌ كو د ده‌ستێ چه‌كدارێن ئۆزسیۆنێ ده‌یه‌، ئه‌و بخوه‌ بچه‌ ئیدلبێ داكو گارانتی یا پاراستنا وه‌لاتی یێن سڤیل بكه‌ و ئالیكاری یێن پێویست ژی پێشكێش وان بكه‌.

د داخویانیه‌كێ ده ژبۆ رۆژنامه‌ڤانان شاندیێ نه‌ته‌وه‌ێن یه‌كگرتی ژبۆ سوریێ خویاكر كو ئه‌و ئاماده‌یه‌ بخوه‌ بچه‌ ئیدلبێ داكو سه‌رپه‌رشتیا ڤه‌گه‌را وه‌لاتیان ژبۆنا ناڤا جھ و وارێن خوه، پشتی كو ره‌وش نورمال دبه‌. تێ زانین ئه‌ڤ داخویانی یێن ستیڤان دی میستورا شاندیێ نه‌ته‌وه‌ێن یه‌كگرتی ژبۆ سووریێ پشتی وێ ره‌وشا ئالۆز هاتن، كو دگه‌ل ئاماده‌كاری یێن هوكوومه‌تا سووریێ خوه‌ ژبۆ پێكانینا ئێرشه‌كێ ل سه‌ر باژێرێ ئیدلبێ چێبوویه‌.

باژێرێ ئیدلبێ كو دكه‌ڤه‌ سه‌ر سینوورێ تركیێ بێتری سێ ملیون كه‌س تێده‌ دژین، كو نیڤا وان وه‌لاتی یێن سڤیلن، نیڤا دن ژی چه‌كدارن، د نها ده‌ ل بن كونترولا هێزێن ئۆزسیۆنێ ده‌یه‌، پێكانینا ئێرشا ڤه‌گه‌راندنا وی باژێری ژی ژبال ئارتێشا سووریێ ڤه‌، دكاره‌ كاره‌ساتێن مرۆڤانتی ل وێ ده‌رێ چێ بكه‌، ژبه‌ر كو تو ده‌ڤه‌رێن نێز ژ ئیدلبێ نینه‌ كو د ده‌ستێ هێزێن ئوپۆزسیۆنێ ده‌بن، داكو وه‌لاتی یێن سڤیل په‌نا خوه‌ ژێره‌ ببن. ‌

ئەڤرۆ نیوز، رەزوان رۆژبەیانی:

کۆمیسەر حازم محەمەد ژ راگەھاندنا ھاتنوچوونا قەزا بەردەڕەش بۆ ئەڤرۆ نیوز خویاکر ئەڤرۆ پێنجشەمبی 30ى ته‌باخا 2018 ماتۆرسکلەک تووشی روودانەکا ھاتنوچوونێ بوویە ل سەر رێیا گشتی یا د ناڤبەرا قەزا بەردەڕەش و ناحیە روڤیا ل نزیک گوندێ ئامیان، شوفێر ب دژواری بریندار بوویە و ھاتیە رەوانەکرن بۆ نەخۆشخانا تەنگاڤیا ل ئاکرێ.

ئەڤرۆ نیوز،باسم قاسم شنگالی:

ل شەڤا دەربازبووی ل کەمپا ئێسیان ل سنۆرێ قەزا شێخان ژنەکێ خوە سوت و ئەڤرۆ گیانێ خوە ژ دەست دا.

چالاکڤانێ ئێزدی ئەلیاس شنگالی ژناڤە کەمپێ بۆ ئەڤرۆ نیوز گۆت، ل شەڤا دەربازبوی لدۆرێن دەمژمێر 02:00 نیڤا شەڤێ ژنەکێ، خوە سۆت لێ د ئەوی دەمی گیانی خوە ژ دەست نەدا و هاتە رەوانەکرن بۆ نەخوشخانێ ل باژێرێ دهۆکێ لێ ژبه‌ر دژواريا برينێن وێ، گیانێ خوە ژ دەست دا.