سوپایێ قودسێ یا كۆمارا ئیسلامی یا ئیرانێ راگه‌هاند, كو ئەو ئاماده‌ یه‌ چوونووهاتنا كه‌شتیێن هه‌موو وه‌لاتان د ناڤ ته‌نگه‌ئاڤا هورمزێ ده‌ راوه‌ستینن, هه‌گه‌ر رێ ل به‌ر ئیران بێ گرتن كو وێ ته‌نگه‌ئاڤێ بكار بینه‌.

ل گۆری مالپه‌را سپوتنیك یا رووسی, فه‌رماندارێ هێزا ده‌ریایی یا سوپایا قودسێ (عه‌لی ره‌زا ته‌نگسیری) راگه هاند, كو ته‌ڤاهیا كه‌نداڤێ و ته‌نگه‌ئاڤا هورمزێ د بن كۆنترۆلا ئیرانێ ده‌ یه‌. عه‌لی ره‌زا ته‌نگسیری گۆت: گه‌ر ئه‌مه‌ریكا بكارئانینا وێ ته‌نگهئ‌اڤا هورمزێ ل ئیران قه‌ده‌خه‌ بكه‌, وێ تاران وێ ته‌نگه ئاڤێ ب ته‌مامی بگره‌.بریاره‌ د مژدارا داهاتی ده‌, ئه‌مریكا به‌شێ دوه‌م ژ سزایێن ل سه‌ر ئیرانێ بخه‌ وارێ بجیكرنێ ده‌ و هه‌ر كۆمپانیه‌كه‌ په‌ترۆلێ پشتی سه‌پاندنا وان سزایان ل گه‌ل ئیرانێ كار بكه‌, وێ ژ ئالیێ ئامه‌ریكا ڤه‌ بێ سزادان.

وه‌ك كارڤه‌دان ل سه‌ر وێ یه‌كێ, تاران رژدە كو به‌رامبه‌ری وان سزایان, ته‌نگهئ‌اڤا هورمزێ بگره‌.ته‌نگه‌اڤا هورمزێ دكه‌ڤه‌ ناڤبه‌را هه‌ردو كه‌نداڤێن فارس و عومانێ ده‌ و ئەو تاكه‌ ریا ده‌ریایی یه‌, كو كه‌شتیێن په‌ترۆلا كوێت, به‌حرێن, ئیران, ئیراق و ئیمارات تێ ره‌ ده‌رباسی ده‌ریا هندی دبن

ئه‌ڤرۆ نيوز:

دگه‌ل ئەگه‌را ده‌ستپێكرنا ئوپه‌راسیۆنا حوكوومه‌تا سووریه‌یێ یا ل دژی ئیدلبێ, ئارته‌شا تركیێ ژی هێزێن خوه‌ یێن ل ئیدلب و حه‌مایێ زێده‌تر دكه‌.

ژ بۆ بهێزكرنا خالێن چاڤده‌ریێ یێن ل ئیدلب و حه‌مایێ ئارتێشا تركیێ ب ده‌هان وه‌سایتێن زریپپۆش ئێن له‌شكه‌ری ل وان هه‌ر دو پارێزگه‌هان بجھ كرن.دگه‌ل وه‌سایتێن زریپۆش, هه‌ژماره‌ك له‌شكه‌رێن تركیێ و چه‌كدارێن گرووپێن چه‌كدار ئێن ئوپۆزیسیۆنا سووریێ ژی ل خالێن چاڤدێریا تركیێ هاتن بجهكرن.

ئه‌ڤ شاندنا هێزێ ژ ئالیێ تركیێ د ده‌مه‌كێ ده‌ یه‌, ئارتێشا سووریێ ده‌مه‌كە هێزێن خوه‌ ل نێزیكی ئیدلبێ زێده‌ دكه‌ و ئاماده‌كاریا ده‌ستپێكرنا ئوپه‌راسیۆنه‌كه‌ له‌شكه‌ری ل دژی ئیدلبێ بكه‌.رووسیا و تركیێ و ئیرانێ د گولانا سالا 2017ان ده‌ ل ئاستانایێ ل سه‌ر ئاڤاكرنا “ناڤچه‌یێن كێمكرنا ئالۆزیان” ل هه‌ڤ كربوون, د مه‌ها جۆتمه‌ها بووری ده‌ ژی تركیێ ده‌ست ب ئاڤاكرنا خالێن چاڤدێریێ ل پارێزگه‌ها ئیدلبێ كربوو

ئه‌ڤرۆ نيوز:

دادگه‌ها بلندا فه‌ده‌رال یا ئیراقێ نێرینا شارازایه‌كی ئیراقێ یا ده‌ربارێ ده‌رخستن و فرۆتنا نه‌فتێ یا ب ئاوایێ سه‌ربخوه‌ یا هه‌رێما كوردستانێ ره‌د كر.

سكرتئرێ ئەنجوومه‌نا وه‌زیرێن هه‌رێما كوردستانێ ئامانج ره‌هیم د تۆرا خوه‌ یا جڤاكی فه‌یسبوكێ ده‌‌ راگه‌هاند, ئیرۆ 29.08.2018ێ دادگه‌ها بلندا فه‌ده‌رال یا ئیراقێ هه‌فته‌مین روونشتنا خوه‌ یا ده‌ربارێ دۆزا وه‌زاره‌تا نه‌فتا ئیراقێ یا ل دژی سه‌ربخوه‌ فرۆتنا نه‌فتێ ژ ئالیێ هه‌رێما كوردستانێ ڤه‌ پێكهات.به‌ری ناها دادگه‌هێ بریار دابوو نێرینا شارازایه‌كی نه‌فتێ ده‌ربارێ ڤێ دۆسیایێ ده‌ وه‌ربگره‌.

لێ ژ به‌ر ئالیگریا وی شارازایی یا ژ بۆ وه‌زاره‌تا نه‌فتا ئیراقێ, نێرینا وی هات ره‌د كرن و دادگه‌هێ بریار دا داخواز ژ سه‌ندیكایا جیۆلۆجیا ئیراقێ بكه‌, ناڤێن چه‌ند شارازایه‌ك رێبكه‌ كو دادگه‌ه سێ كه‌سان ژ وان هه‌لبژێره‌.ره‌دكرنا نێرینا وی شارازایێ ئیراقێ, پشتی داخوازه‌كه‌ نوونه‌رێ سه‌رۆكێ حكوومه‌تا هه‌رێما كوردستانێ و نوونه‌رێ وه‌زیرێ ده‌وله‌مه‌ندیێن خوه‌زایی پێكهات, كو ب داخوازه‌كێ راگه‌هاندبوون پێویسته‌ نێرینا كه‌سێن تایبه‌ت و پسپۆر ئێن د ڤێ ده‌ربارێ ده‌ بێ وه‌رگرتن.

دادگه‌ها بلندا فه‌ده‌رال یا ئیراقێ روونشتن بۆ رۆژا 09.09.2018ێ هات پاشخستن.

ئەڤرۆ نیوز:

سەرپەرشتێ تیمێ حەجیێن هەرێما کوردستانێ ل وەلاتێ سعودیێ د داخۆیڵنیەکێ دا بۆ ئەڤرۆ نیوز راگەهاند کو سوبەهی ب شەڤ کاروانێ ئێکێ یێ حەجیان دێ گەهیتە هەولێر و ژمارا وان 418 کەسن.

نەبەز ئیسماعیل کەمال، سەرپەرشتێ تیمێ حەجیێن هەرێما کوردستانێ ل وەلاتێ سعودیێ گۆت: “سوبەهی 28ی تەباخا 2018 و ل دەمژمێر 10:30 دەقیقە کاروانێ ئێکێ یێ حەجیان دێ ب ‌رێ کەڤیت و دەمژمێر 1:00 دێ گەهیتە هەولێر و ژمارا وان 418 حەجی نە ژ پارێزگەها هەولێر.

ئه‌ڤرۆ نيوز:

د یه‌كه‌مین دانپێدانا فه‌رمی ده‌، ل دوور باندۆرا ئاریشه‌یێن ناڤخۆ ل سه‌ر ئابورییا ئیرانێ نه‌ك سزا و پیلانێن ده‌رڤه.

 ئایه‌توڵڵا عه‌لی خامه‌نه‌ئی رێبه‌رێ كۆمارا ئیسلامی یا ئیرانێ، راگه‌هاند كو ئاریشه‌یێن ئابووریێن وڵاتێ وی ب سه‌ده‌ما خراب برێڤه‌برنا وڵاتێ وانه‌. ربێبه‌رێ پایه‌ بلندێ كۆمارا ئیسلامی یا ئیرانێ د گوتاره‌كێ ده‌، ل تارانێ راگه‌هاند كو ئابوریناس و هه‌ژماره‌كه‌ زۆر ژ به‌رپرسان د وێ باوه‌ریێ دانه‌ كو سه‌ده‌ما ڤێ ئاریشه‌یێ ده‌ره‌كی نییه‌، به‌لكو ناڤخۆییه‌.

زه‌لال ترژی كر و گوت لێ ئه‌و ژی ناهێ وێ واتایێ كو دورپێچێ باندۆرا خۆه‌ نه‌بووه‌، لێ سه‌ده‌ما سه‌ره‌كه‌ د وێ دایه‌ كو چاوا سه‌ره‌ده‌ریێ دگه‌ل بكه‌ین.

هه‌ڤده‌م بال كشانده‌ سه‌ر وێ یه‌كێ كو خراپ برێڤه‌برنا كاروبارێن ئابووری گڤاشێ دكه‌ سه‌ر ئیرانیێن ئاسایی.

گوت ژی ئه‌ز ڤێ ب خیانه‌ت ناڤناكه‌م، لێ شاشتییه‌كه‌ كوژه‌كه‌ ژ برێڤه‌برنا وڵات دا.

ته‌كه‌ژی كر كو ب سه‌ده‌ما برێڤه‌برن و پلانێن باشتر دكارن رووبروویێ ڤان دورپێچان ببین و بسه‌ر وان ده‌ زال ببین. جهێ ئاماژه‌ كرنێ یه‌ ژبه‌ر سزایێن ئه‌مه‌ریكایێ ل سه‌ر ئیرانێ دراڤێ ئیرانێ رێژه‌یه‌كه‌ زۆر ژ به‌هایێ خۆه‌ ژ ده‌ست دایه‌ و باندۆرا خۆه‌ ژی ل سه‌ر ره‌وشا وڵاتیان كریه‌.

ئه‌ڤرۆ نيوز:

ڕه‌جه‌ب ته‌یب ئه‌ردۆغان سه‌رۆك كۆمارێ توركیا، د گوتاره‌كێ ده‌، ل هه‌مبه‌ر بالیۆزخانه‌یا توركیا ل ئه‌نقه‌رێ ئه‌مه‌ریكا ب پیلانگێرێن دژی توركیا تومه‌تباركر، هه‌ر ل دوور داكه‌تنا به‌هایێ لیره‌یێ توركی گوت ئه‌مه‌ریكا هه‌ول دده‌ پشترا چه‌قویێ ل مه‌ بده‌.

ئه‌ردۆغان ب ئه‌مه‌ریكایێ راگه‌هاند ل ئالیه‌كی هون د هه‌ڤپه‌یمانی یا ناتۆ دگه‌ل مه‌نه‌ و ل ئالیه‌كێ دن هه‌ول دده‌ن ژپشتڕا چه‌قۆیێ ل هه‌ڤبه‌شێن ستراتیژیێن خۆه‌ بده‌ن. ئایا ئه‌ڤ یه‌ك دروسته‌؟ ئه‌ردوغان بال كشانده‌ سه‌ر وێ یه‌كێ كو توركیا ب سه‌ر وێ ئێرشێ سه‌ردكه‌ڤیت.

پێداگری ل سه‌ر وێ یه‌كێ ژی كر كو توركیا هێشتا بهێزه‌ و د ڤان نیزیكان ده‌، به‌هایێ لیره‌یێ توركی د باشترین ئاست دا سه‌قامگیر دبیت.

گوت ژی جهێ ئاماژه‌ كرنێ یه‌ كو رۆژا دوشه‌مبیێ بانكا ناڤه‌ندیا توركیێ چه‌ند بریاره‌ك ژبو به‌رنگاربوونا داكه‌تنا به‌هایێ لیره‌یێ توركی ده‌ركر و به‌ریا وێ ژی ئه‌ردوغان رۆژا یه‌كشه‌مبیێ د گوتاره‌كێ ده‌، راگه‌هاند ژبۆ ئالیكاری كرنا حكومه‌تێ دۆلاری نه‌كڕن نه‌كو نه‌چار دبن كو پلانا ب یان جی جیبجی بكه‌ن.

ئەڤرۆ نیوز ، زنار تۆڤی:

یوێفایێ ب فەرمی لیستا بەربژارێن خەلاتێ باشترین پێکهاتێ وەرزی بوری یێ چامپیۆنزلیگێ ئاشکراکر، کو ژ سەرجەمێ 12 یاریزانان 7 یاریزان ژ ریال مەدریدێ نە.

یوێفایێ ژ هەر هێلەکێ 10 یاریزان دەستنیشانکربوون بۆ هندێ سەردانیکارێن مالپەرێ فەرمی یێ فیدراسیۆنا تەپا پێ یا ئورۆپا باشترین سێ یاریزان ژ هەر هێلەکێ دەستنیشان بکەن، بۆ هندێ رکابەریێ ل سەر خەلاتێ باشترین یاریزانێن وان هێلان بکەن، ل دووماهیێ دا ژ هەر چار هێلان 12 یاریزانان زۆرترین دەنگ ب دەستڤە ئینان و بەربژێرن بۆ هندی خەلاتێ باشترین یاریزانێن وان هێلان ب دەستڤە بینن، کو ل رۆژا 30 ڤێ هەیڤێ دێ هێنە ئاشکرا کرن و ژ سەرجەژێ وان 12 یاریزانان 7 یاریزانان ل ریال مەدرید یاری کریە، کو وەرزێ بوری میرنگێ بۆ سێیەمجار ل سەر ئێک بوویە قارەمانا چامپیۆنزلیگێ.

گۆلپارێز: ئالیسۆن بێکەر ژ رۆما، جیانلویجی بۆفۆن ژ یۆڤێنتۆس، کەیلۆر ناڤاس ژ ریال مەدرید.
بەرگریکار: مارسیلۆ و رافایل ڤاران و سێرخیۆ رامۆس ژ ریال مەدرید.

ناڤەراست: کیڤن دی برۆین ژ مانچێستەر سیتی، تۆنی کروس و لۆکا مۆدریچ ژ ریال مەدرید.
هێرشبەر: لیۆنێل مێسی ژ بارسێلۆنا، محەمەد سەلاح ژ لیڤەرپوول، کریستیانۆ رۆنالدۆ ژ ریال مەدرید.

ئه‌ڤرۆ نیوز، نه‌وزاد هلۆرى
جڤاتا ئاسایشا هه‌رێما كوردستانێ دانپێدانانا گرۆپه‌كێ تیرورستى به‌لاڤكر كو تاوانبارن ب هێرشا تیرورستى یا سه‌ر پارێزگه‌ها هه‌ولێر و به‌یعه‌تدان ب ئه‌بوبه‌كر به‌غدادى خه‌لیفه‌یێ ده‌وله‌تا ئیسلامى ل عیراق و شامێ ناسیار ب داعش، كو ئێك ژ وان مه‌لا ئیسماعیل سوسه‌یى یه‌.

ئه‌ڤا ل خوارێ ده‌قا دانپێدانانا وایه‌.

ئەڤرۆ نيوز:
وەزیرێ بەرێ یێ کاروبارێن ھەرێم وپارێزگەھان ل عیراقێ ‏کو رێکخەرێ ئێکەمین ھەوا ھەرێمبوونا بەسرا بوو ل سالا ‏‏2008 راگەھاند، خوەنیشادانێن بەسرا ئەم ب دو قۆناغان ‏بەر ب ئەنجامدانا ریفراندۆمێ برین ل دۆر ھەرێمبوونا ‏بەسرا و رۆژانە چار ملیۆن بەرمیل ژ پەترۆلا بەسرا دھێنە ‏فرۆتن وھەرێمبوونا وێ یا رەوایە.‏
وائیل عەبدولەتیف، وەزیرێ کاروبارێن بەرێ یێ کاروبارێن ‏ھەرێم وپارێزگەھان وپارێزگەرێ بەرێ یێ بەسرا بۆ ئەڤرۆ ‏گۆت” ئەڤە جارا پێنجێ یە ئەم داخوازا ھەرێمبوونا بەسرا ‏دکەین، بۆ جارا ئێکێ ل سالا 2008 بوو ودووبارە ل سالێن ‏‏2012و 2013 ل دووڤ داخوازیا جڤاتا پاریزگەھا بەسرا و ‏ل سالا 2014 ژی جارەکادی ئەو داخوازیە ژلایێ دکتۆر ‏محەمەد ئەلتائی ھاتە دووبارەکرن ونوکە ل 2018 ژلایێ ‏‏15 ئەندامێن جڤاتا پارێزگەھا بەسرا ژ سەرجەمێ 35 ‏ئەندامان ھاتە دوبارە کرن ڤە”.‏
وائیلی دیارکر” ھەموو ئەو داخوازیێن بەری نوکە ھاتینە ‏کرن بۆ ھەرێمبوونا بەسرا ژلایێ حوکمەتا ناڤەندی ڤە ل ‏بەغدا ھاتنە رەتکرن، نوکە پشتی بەرفرەھبوونا ‏خوەنیشادانان ل باشوورێ عیراقێ ب گشتی وب تایبەتی ل ‏پارێزگەھا بەسرا ل دۆر نەبوونا خزمەتگوزاریان، دو ‏قۆناغان کارێ مە بەر ب پێش دبەت ل دۆر داخوازیا ‏ھەرێمبوونێ، ئەوژی ل دووڤ دستووی پێدڤیە 2% ژ خەلکێ ‏پارێزگەھێ وێ داخوازیێ پێشکێش بکەت ب ئیمزا وقۆناغا ‏دویێ ژی ھەر ل دووڤ دستووری رێژا 10% ژ دەنگدەران وێ ‏داخوازیێ بکەت، کو ئەڤ چەندە ب رێیا خوەنیشادانێن بەسرا ‏یا ھاتیە کرن وسەلماندن، ئانکو ئەم پێدڤی ب کۆمکرنا ‏ئیمزایان نابین، ژبەر کو ئەو خوەنیشادانێن بەرفرھە خوە ب ‏خوە پرۆسەکا مەزن یا کۆمکرنا ئیمزایان بوو بۆ ئەنجامدانا ‏ریفراندۆما ھەرێمبوونا بەسرا بۆ بدەستڤەئینانا 50 +1 ‏دەنگێن پێدڤی بۆ راگەھاندنا ھەرێمبوونێ ئانکو 51% ژ ‏دەنگان”. ‏
ئاماژە دا ژی کو داخوازیا ھەرێمبوونا بەسرا یا رەوایە ل ‏دووڤ مادێ 119 ژ دستوورێ عیراقێ وقانوونا پێرابوونێن ‏بجھئینانا پێکئینانا ھەرێمان یا ھژمار 13 ل سالا 2008 ‏وئەو درووشمێن ھاتینە بلندکرن ژی ل خوەنیشادانێن بەسرا ‏ب تایبەتی ( پەترۆلا بەسرا بۆ بەسرایە) دجھێ خوە دا ‏نەبوو، ژبەرکو سامانێن پەترۆلێ وغازێ ل ھەر جھەکێ ‏عیراقێ مولکێ ھەموو گەلێ عیراقێ یە ل ھەموو ھەرێم ‏وپارێزگەھان، لەوما نابیت ئەو رێژەیا مەزن یا پەترۆلێ ل ‏بەسرا کو پترە ژ 50% ژ پەترۆلا عیراقێ تنێ بۆ پارێزگەھا ‏بەسرا بیت، بەلێ پرۆسێن وەبەرھێنانێ دپەترۆلێ دا ‏ودەرئینان وڤەگۆھاستنا وێ دڤێت دمفایێ بەسرا دابیت”.‏
دیارکر ژی” میکانیزما ئەنجامدانا پرۆسا ریفراندۆمێ ل دۆر ‏ھەرێمبوونا بەسرا ل دووڤ قانوونا پێرابوونێن تایبەت ب ‏پێکئینانا ھەرێمان، داخوازا ھەرێمبوونێ بۆ جڤاتا ‏کۆمسیاران ل کۆمسیۆنا بلند یا ھەلبژارتنان دھێتە بلندکرن ‏وژلایێ خوەڤە جڤاتا کۆمسیاران داخوازێ ژ جڤاتا وەزیران ‏دکەت پارێ پێدڤی بۆ ئەنجامدانا ریفراندۆما ھەرێمبوونێ ‏دابین بکەت وھەکە جڤاتا وەزیران ئەو پارێ پێدڤی بۆ ‏کۆمسیۆنێ دابین نەکر، وی دەمی ریفراندۆم ناھێتە کرن”.‏
ب دیتنا ناڤبری” بەسرا نە تنێ پەترۆل یا ھەی، بەلکو ‏بەسرا دکەڤیتە ل سەر کەنداڤی و تاکە بەندەر ل عیراقێ ‏وەکو ئەم ھەموو دزانین یا ل بەسرا، دیسا پیشەسازیێن ‏پترۆکیمیاویاتان یا ل بەسرا ھەی وسامانێ ماسیان ژی یێ ل ‏بەسرا ھەی وچەندین دەرگەھێن سنوری یێن گرنگ ژی یێن ‏ل بەسرا ھەین وەکو سەفوان ل گەل کوێتێ وشەلامجە ل گەل ‏ئیرانێ، زێدەباری ھەبوونا چاندنێ ل سەفوان وزوبێر”. ‏
دیسا گۆت” چار ملیۆن بەرمیلێن پەترۆلێ رۆژانە ژ بەسرا ‏دھێنە فرۆتن بۆ دەرڤەی عیراقێ وئەڤرێژا پترە ژ بەرھەمێ ‏پەترۆلێ ئیران وکوێت رۆژانە دفرۆشن، ھەتاکو بەندەرێن ل ‏بەسرا ھەین بەری ڤەدیتنا پەترۆلێ ل عیراقێ، بودجا گشتی ‏یا دەولەتا عیراقێ دابین دکر، ئانکو ئەم دشێین بێژین ب ‏ھەبوونا ڤان ھەموو ژێدەرێن گرنگ، ئابوورێ پارێزگەھا ‏بەسرا گەلەک یێ باشە”.‏