ئه‌ڤرۆ نيوز:

ئەڤرو نیوز : هلورى
ب مەرەما ھەڤکاریکرنا زاروکێن توشبو ب نەخۆشیا پەنجەشێرێ پارێزگارێ دھوکێ ل گەل چەند سازیەکێن ژێکجودا کومبوو و بریارھاتەدان کو سندوقەک بو کومکرنا ھاریکاریێن دارایی بھێتەدانان.

ئەڤرو ١١/٦/٢٠١٧ بەرێز فەرھاد ئەمین ئەتروشی پارێزگەرێ دھوکێ دگەل ھژمارەکا دەولەمەند و سەرمایەدار و بەلێندەرێن پارێزگەھا دھوکێ کوم بو دکومبونێ دا کو نوێنەرێ رێڤەبەریا گشتی یا ساخلەمیا پارێزگەھا دھوکێ و رێڤەبەرێ سەنتەرێ پەنجەشێرا زاروکان ل نەخوشخانا ھیڤی و رێڤەبەرێ ئەوقافا دھوکێ و سەروکێ ژورا بازرگانی و بەرپرسێ لقێ دھوک یێ بەلێندەران بەرھەگ ببون .
بەراھیێ بەرپرسێ سەنتەرێ پەنجەشێرا زاروکان کورتیەک دا سەر چاوانیا دامەزراندنا ڤی سەنتەری و ئەو پێنگاڤێن ھاتینە ھاڤێتن بو دانانا ڤی سەنتەری ل دھوکێ و دیار کر کو ل سالا ٢٠٠٧ ێ ھاتیە دامەزراندن و تا ٢٠١٣ ێ حکومەتا ھەرێمێ ھەمی پێدڤیێن ڤی سەنتەری دابین دکرن لێ پشتی قەیرانا دارایی و نەبونا بودجێ کێماسی کەفتنە دسەنتەری و دەرومانێن سەنتەری دا , و دیار کر نەخوشترین سال بو سەنتەری سالا ٢٠١٦ و ٢٠١٧ ێ نە لەوما داخاز کر کو پێدڤیە ھاریکاری و پشتەڤانی ل ڤی سەنتەری بھێتە کرن داکو خەلکەکێ ھەژار و دەست کورت بھێتە چارەسەر کرن ژبەر کو ھەر نەخوشە پێدڤی ب زێدەتر ژ ٧٠٠٠٠ حەفتی ھزار دولارایە بو چارەکرنێ و دابینکرنا دەرمانێن پێدڤی ,
ژلایێ خوڤە پارێزگەرێ دھوکێ‌دەست خوشی ل رێڤەبەریا گشتی یا ساخلەمیا دھوکێ کر بو وی کارێ ژ ھەژی بو خزمەتکرنا ڤان نەساخا دکەن و سوپاسیا بەرھەڤبویا کر کو ل دیف کازیا وان ھاتین بو پشتەڤانی کرنا نەخوشێن ڤێ ئیشا گران و دیار کر کو ل ھەمی دونیایێ ئەف سندوقێن تایبەت دھێنە دانان بو کومکرنا ھاریکاریا بو ڤان رەنگە نەخوشیان و داکوکی ل سەر رێکخستنا ئالیەتەکا باش کر بو کومکرنا پارەکێ باش بو ڤان نەخوشا و پشتەڤانیا کارگێریا پارێزگەھێ بو ڤێ سندوقی دوپاتکر و بەری ھەمیا ب کوژمەکا باش پشتەڤان بیت ,
ھەروەسا داخازی ژ زانایێن ئاینی کر کو وەکو ئەرکەکێ ئاینی خەلکەکێ ھاندەن بو پشتەڤانی کرنا ڤی کارێ پیروز ,
ژلایێ خوڤە رێڤەبەرێ ئەوقافا دھوکێ ئاماژە کرە وێ چەندێ کو پشتەڤانی کرنا ڤێ سندوقێ ئەرکەکێ ئاینی یە و خودێ دقورئانا پیروزدا ئاماژە کرە ھندێ کو ببیتە ئەگەر بو ساخ بونا کەسەکی ھەروەکی تە ھەمی مروڤ ساخکرین و گوت ئەف کارە ژ گەلەک کارێن دی فەرترە کو مروڤێن زەنگین خو لێ بکەنە خودان تایبەت مالێ خودێ بو ڤان کارا بھێتە مەزاختن . دیڤدا بەرھەڤبویا بوچونێن خو ل دور چاوانیا دانانا سندوقا ل جھین تایبەت بو کومکرنا ھاریکاریێ بو نەخوشێن زاروک یێن توشی ئیشا پەنجەشیرێ بوین دیار کرن ,
ھەژی گوتنێ یە کو ل سالا ٢٠٠٧ سەنتەرێ پەنجەشێرا زاروکا ل نەخوشخانا ھیڤی ھاتیە دانان و تا نوکە ٨٦ کەسا ژبەر ڤێ ئیشێ گیانێ خو ژدەست دایە و ١١٠ نەخوش ھاتینە چارە کرن و نوکە ١١٠ نەخوشێن دی لبن چارەسەریێ نە و پێدڤی ب چارەسەریا بەردەوام و چاڤدێریا نوژدارا و دەرمانێن تایبەتن .

ئەڤرۆ نیۆز،زنار تۆڤی:
ژ ئەنجامێ کۆنترولکرنا تاخێ زەنجیلی ل رۆژئاڤایێ مۆسلێ 49 نیشانشکێنێن داعش هاتینە کوشتن و 40 ترۆمبێلێن بۆمبڕێژکری ژی هاتینە تەقاندن.
فەریق رائید شاکر جەودەت، فەرماندێ هێزێن پۆلیسێن فیدراڵی یێن عێراقێ د راگەهاندنەکێ دا گۆتیە،ژ ئەنجامێ کۆنترۆڵکرنا تاخێ زەنجیلی ل رۆژئاڤایێ مۆسلێ ب دەهان چەکدارێن داعش هاتینە کوشتن،کو دناڤدا 49 نیشانشکێن و 22 چەکدارێن خۆکوژ هەنە.
گوت ژی، هێزێن مە 40 ترۆمبێلێن بۆمبڕێژکری تەقاندینە و 40 ماتۆرسکل ژی تێکشکاندینە، سەرەڕای تەقاندنا 150 بۆمبێن چاندی.
دوهی 10 خزیرانا 2017 هێزێن پۆلیسێن فیدرالی یێن عێراقێ کۆنترۆڵکرنا تاخێ زەنجیلی ل رۆژئاڤا مۆسلێ ل ژێر دەستێ داعشێ راگەهاند.

ئەڤرو نیوز، نەوزاد ھلوری:
وەلاتیەکێ قەزا ئاکرێ ئێک ژ مەزنترین جورێن گیانەوەرێن خشوک ل سنورێ قەزا ئاکرێ ب دەست گرت و ددەتن دیارکرن کو ئەڤ جورێ خشوکا ل دەڤەرێن دن زور بچوکن.
دڤی واریدا ” ھوشمەند ئاکرەی” ئەو کەسە کو ئەو خشوکە گرتی بۆ ئەڤرو نیوز گۆت: (ئەز و ھەڤالەک بوین ل رۆژھەلاتا قەزا ئاکرێ بوین ل سنوورێ گوندەکێ دەڤەرا سورچیان یا سەر ب قەزا ئاکرێ ڤە مە جورە خشوکەک بناڤێ “بزن مژە” دیت و پاشان ب برینداری گرت ، ب رەنگەکێ ئەڤ جورە خشوکە زوری َمەزن بوو ، کو ھەمان جورە خشوک ل دەڤەرێن دن زور بچوکن)
زێدەتر گۆت: (ھەموو سالان ل دەەستپێکا وەرزێ ھاڤینێ جورە خشوک ل دەڤەرا ئاکرێ دەردکەڤن و ھندەک جاران مەترسیێ لسەر ژیانا وەلاتی و ئاژەلان درۆست دکەن )
ل گورەی ئاخفتنێن ھوشمەندی ئەڤ خشوکە زێدتری میترەکێ یی َدرێژ بو و سەنگا وی ژی ژ پێنج کیلویان پتر بوو ، و پێشتر ژی ھندەکێن ژ ڤی مەزنتر ل ھەمان جھی ھاتینە دیتن ، بەلێ ھەمان جورە خشوک ل دەڤەرێن دن ژ ١٥سم نابوریت و سەنگا وان ژی ناگەھیتە چارێک کیلوگرام)

دھێتە زانین ھندەک دەڤەرێن دن ئەڤی جورە خشوکی ب حەمەگوری یان کم کمە یان ژی ب جورەكێ بەق ماریشکا ددەن نیاسین

ئه‌ڤرۆ نيوز:

كۆمبوونا مه‌سعود بارزانى، سه‌رۆكێ هه‌رێما كوردستانێ ل گه‌ل حزب و لايه‌نێن هه‌رێما كوردستانێ ب دووماهى هات و بڕيار دا 25ى ئيلۆنا 2017ێ ريفراندۆم بهێته‌ ئه‌نجام دان.

هه‌ر ديسا د كۆمبوونێ دا بڕيار دا هه‌لبژارتن ژى د ده‌مێ خوه‌ دا ل رۆژا 6ى چريا دويێ 2017 هه‌لبژارتنێن په‌رله‌مانێ كوردستانێ و سه‌رۆكاتيا هه‌رێما كوردستانێ بهێنه‌ ئه‌نجام دان.

ئه‌ڤرۆ نيوز:

ترارێ زه‌لاتێ ژ نانى ئێك ژ وان خوارنايه‌ يێن جوانيه‌كا گه‌له‌ك زێده‌تر د ده‌ته‌ خوارنێن ته‌ و بۆ ئه‌ڤرۆ رۆژا ئه‌ينى مه‌ هزر ل هندێ كريه‌ سفرا ته‌ يا جودا بيت ژ رۆژێن دى. ل گه‌ل مه‌ به‌ دا بزانى دێ چاوان ترارێ نانى بۆ زه‌لاتێ به‌رهه‌ڤ كه‌ى.

دێ نانێ ته‌نك ل بازارى كرى يان ژى تو دشێى دوركێن نانێ ته‌نك ژى چێكه‌ى و پاشان ژى بكه‌يه‌ د تراره‌كى دا كو ته‌حه‌مولا فرنێ بكه‌ت و ل دووڤ حه‌زا خوه‌ نه‌خشێ وێ دانى يان ژى تو دشێى بكه‌يه‌ د سێنيێن كێك كاپ دا به‌لێ دێ د بچووك بن، ئانكو دشيان دايه‌ ل دووڤ حه‌زا خوه‌ قه‌باره‌ى هه‌لبژێرى.

به‌رهه‌ڤكرن: دايكا ئاشنايێ

ئەڤرۆ نیۆز،زنار تۆڤی:
عەبدولغەنی ئەسەدی فەرماندێ دژە تیرۆرا عێراقێ دیارکریە کو ئەڤرۆ رۆژا شەمبی 27.5.2017 هێزێن عێراقێ ل دەمژمێر 6 سپێدێ هێرش بۆ سەر چەپەرێن داعشێ دەستپێکریه و شیاینە ب چنە دناڤ چەندین گەرەکان دا و هەروەسا هێزێن عێراقێ و فرۆکێن شەرکەر ب دژواری مۆسلا کەڤن یێ بوردۆمان دکەن،ئەو ژی گۆتیە،نوکە داعش د خرابترین رەوشدایه و هێزێن مە یێ پێش رەویێ دکەن و هێزێن مە دێ وان هەموو دەڤەرێن ماینە ل ژێر دەستێ داعشێ رزگارکەن،هەر چەندە هەتاکو نوکە داعشێ 5 ترۆمبێلێن تی ئێن تی کری ب هێزێن مەڤە پەقاندینە.

ئەڤرو نیوز :

ل ئێک ژ نەخۆشخانەیێن بەریتانیا زەلامەکێ پشتی چەندین سالێن ئەڤینێ ل داویێ لسەر لێڤا مرنێ ھەڤژینی پێکئینا.

رۆژناما دەیلی مەیلی یا بەریتانی راگەند کو ل ئێک ژ نەخۆشخانەیێن بەریتانیا بناڤێ “سبرینگ ھێل بروچیلی “رێورسمەکێ ھەڤژینیێ بو ئێک ژ نەخۆشێن وان ھاتە درۆستکرن کو لسەر لێڤا مرنێ بو ، و ئەڤە د دەمەکێ دا ھاتەکرن کو زەلامەک بناڤێ ” رای کیشاو ” بو دەما چەندین سالان حەژ کچەکێ دکر بناڤێ ” تراسی بروکس ” بەلێ ژبەر تێکچونا رەوشا ساخلەمیا وی نەشیا ھەڤژینێ پێکبینیت.

لگورەی زانیاریێن دەیلی مەیلی ژیێ رای کیشاو ٦٣ سالە و ژیێ تراسی بروکس ژی ٤٥ سالە و ھیڤی و ئومێدێن وان ئەوبوون کو روژەکێ پێکڤە ل گزریتا تینیریفی ھەڤژینیێ پێکبینن ، بەلێ ژبەرکو رای کیشاو یێ نەخوش بوو ھەموو ھیڤێن وان تێکچوون.

د راپورتا رۆژناما ناڤبری دا زێدەتر ھاتیە: (رای کیرشاو لسەر لێڤا گوری یە و ڤیایە بەری بمریت رۆژێن خوەیێن دوماھیێ ل گەل تراسی بروکس ببورینیت ژبەرڤێ رابوو ب ئەنجامدانا رێورسمەکێ رومانسی ھەر ل نەخوشخانا ناڤبری ب بەرھەڤبوونا کومەکا کەسان ھەردووان ھەڤژینی پێکئینا )

ئەڤرۆ نیۆز،زنار تۆڤی:
کومەڵا نۆشدارێن نشتەرگەرێن گشتی ل کوردستانێ ھاتە دامەزراندن و دەستەیەک ژ 5 کەسان وەک نوونەرێن باژێرێ دھوکێ ژی ھاتنە دەست نیشانکرن.
دکتۆر دلدار حاجی موسا ئێک ژدامەزرێنەرێن کومەڵا نۆشدارێن نشتەرگەرێن گشتی یە ل کوردستانێ بۆ دواڕۆژ گۆتیە،پشتی پێکوڵ و ماندیبوونەکا زێدە ل رێکەفتی ٢٠١٧/٥/١١ کومەڵا نۆشدارێن نیشتەرگەرێن گشتی یێن کوردستانێ هاتە دامەزراندن.
دیارکر ژی: دەستەیەک ژ 5 کەسان وەک نوونەرێن باژێرێ دھوکێ ھاتنە دەست نیشانکرن و دھەمان دەمدا یەکەم دیدارا خو یا زانستی ئەنجام دا.
دکتۆر دلدار دیارکر:ب ئامادە بوونا راگرێ کولیژا پزیشکی و سەروکێ بوردا عیراقی و سەروکێ بوردا کوردستانێ ل دھۆکێ دگەل دەستەیا باڵا یا کومەڵا نیشتەرگەرێن گشتی ل ھەولێرێ کومەڵا نوژدارێن نشتەرگەرێن گشتی ل کوردستانێ ھاتە دامەزراندن.
گۆت ژی:ئارمانجا مە ژ دامەزراندنا ڤێ کومەلێ بۆ رێکخستنا کارێن نۆشدارێن نشتەگەرێن گشتی ل کوردستانێ یە و ئە دێ ھەموو نۆشدارێن نشتەرگەریێ کوم کەین داکو ل بن سیبەرا ئێک کومەلە و مافێن وان و نەخۆشان بھێنە پاراستن.
هەروەسا گۆتیە،ئەم دێ گۆڤارەکێ دەرێخین،بناڤێ نۆشدارێن نشتەرگەرێن کوردستانێ.