ئهڤرۆ نيوز:
ئهڤرۆ رۆژا ئهينى رێكهفتى 22ى كانوونا دويێ 2016 و ل دهمژمێر 3:00ى ئێڤارى ل سهر جادا سهرهكيا باتيفا بۆ زاخۆ ل نێزيك گۆندێ خهندهكێ روودانهكا ترافيكێ ژ جۆرێ لێكدان روودا.
ئهڤ روودانه د ناڤبهرا ترۆمبێلهكا تايبهت ئۆمێگا سپى و ترۆمبێلهكا لێگزز تايبهت رساسى دا بوو و د ئهنجام دا زيانێن گيانى نهبوون، بهلێ زيانێن مادى ب ههردۆ ترۆمێبلان كهفتن.
ژێدهر و وێنه: بنگههێ هاتنوچوونێ ل باتيفا
ئهڤرۆ نيوز:
سترا ناڤدارا تورك نۆرگۆل بهشليجاى كو د درامايا پارچه پارچه بوون دا رۆلێ گۆلسهرهن دبينيت كو ئێك ژ رۆلێن سهرهكى يێن وێ زنجيرێ يه، بڕيارا خوه ڤهكێشانێ ژ وهزرێ دويێ يێ وێ زنجيرێ ددهت.
نۆرگۆل يهشليجا ژ ئهگهرێ پهيدابوونا كێشان ل گهل دهرهێنهرێ درامايا پارچه پارچه بوون، بڕيار دايه گرێبهستێ بۆ وهرزێ دويێ يێ درامايێ نوو نهكهت، ژ بهر وێ چهندێ كو دێ ئهكتهرهكێ دى پشكدارى درامايێ كهت.
مالپهرێ حوريهت يێ توركى ئاماژه ب وێ چهندێ ژى كره كو يهشليجاى ههست كريه كو رۆلێ وێ د وهرزێ دويێ يێ درامايێ دا دێ لاوازتر بيت ژ وهرزێ ئێكێ، ژ بهر هندێ ژى داخوازا گورانكاريان كريه، بهلێ دهرهێنهرى چو گوهرين ئهنجام نهداينه، ژ بهر هندێ ژى بڕيارا خوه ڤهكێشانێ دايه.
سهبارهى وێ چهندێ كا كى دێ رۆلێ گۆلسهرهنێ گێريت كو 52 خهلهك ژێ هاتينه ئامادهكرن، مالپهرى بهحس ل وێ چهندێ كريه كو ل سهر پێشنيازا ئهركان پيتك كايا كو رۆلێ جيهان دگێريت، سترانبێژا بهرنياس شوكران ئۆڤالى دێ بۆ گێرانا رۆلێ وێ هێته دياركرن و ژ خهلهكا 53ێ و وێڤه ئهو خانم دێ رۆلێ گۆلسهرهنێ گێريت كو 31 ساله و ئێكه ژ ئهكتهرێن بهرنياسێن توركيا.
ئهڤ زنجيره يا كو ل كوردستانێ ژى ل كهنالێ كوردماكس هاتيه بهخشكرن ل خهلهكا 31 هاتيه راوهستاندن وهكو ب دووماهى هاتنا وهرزێ ئێكێ يێ ڤێ زنجيرێ، بهلێ ژ بهر كو سيستهمێ پهخشكرنێ ل ههردو كهنالان يێ ژێك جودايه ل وێرێ ژ 100 خهلهكان ژى بۆريه.
چهند وێنهكێن نۆرگۆل بهشليجاى ئێك ژ قارهمانێن زنجيره درامايا پارچه پارچه بوون
.jpg)
ئهڤه ژى چهند وێنهكێن شوكران ئۆڤالى ئهوا دێ جهێ وێ گريت
ئهڤرۆ نيوز:
رێڤهبهريا پۆليسێن پارێزگهها دهۆكێ راگههاند كو ئهڤرۆ سپێدێ ل ناحيا شێلادزێ تهقه ل ترۆمبێلهكێ هاته كرن و د ئهنجام دا كهسهك هاته كوشتن و دو ژى بريندار بوون.
نهقيبێ مافپهروهر، هێمن سلێمان، بهرپرسێ راگههاندێ ل رێڤهبهريا پۆليسێن پارێزگهها دهۆكێ د داخۆيانيهكێ دا بۆ ئهڤرۆ نيوز گۆت: “سپێدههيا ئهڤرۆ رۆژا چارشهمبى رێكهفتى 20ى كانوونا دويێ 2016 و ل دهمژمێر 10:30 دهقيقه ل ناحيا شێلادزێ سهر ب قهزا ئامێديێ ڤه تهقه ل ترۆمبێلا خێزانهكێ هاته كرن”.
نهقيبێ مافپهروهر زێدهتر گۆت: “د ئهنجامێ ڤێ روودانێ دا، زهلامهكێ 45 سالى هاته كوشتن و ههڤژينا وى و زارۆيهكێ سێ سالێ ب گرانى د بريندارن”.
بهرپرسێ راگههاندێ ل رێڤهبهريا پۆليسێن پارێزگهها دهۆكێ ل دۆر ئهگهرێن روودانێ ژى گۆت: “ل دووڤ ڤهكۆلينێن دهسپێكى روودان ژ ئهگهرێ كێشهكا جڤاكى يه د ناڤبهرا دو خێزانان دا”.
ئهڤرۆ نیۆز، قائید میرۆ
بڕیاره عێراقێ كارهبێ بۆ پارێزگهها سلێمانیێ دابین بكهت وبهرپرسهكێ پارتیژی دبێژیت، كارهكێ باش نینه ژلایێ سیاسی ڤه تنێ كارهب بۆ پارێزگههێ ژ عێراقێ بهێته وهرگرتن.
كهنعان خهیلانی، سهرۆكێ فڕاكسیۆنا پارتی ل جڤاتا پارێزگهها ههولێرێ ب ئهڤرۆ نیۆز راگههاند” سهرهدانا پارێزگهرێ سلێمانیێ بۆ بهغدا د جهێ خوهدا نهبوو، بهلكۆ گورهی قانوونێ دڤێت ب رێیا وهزیرێ نافخۆبیت، بهغدا هندهك سۆزداینه پارێزگهرێ سلێمانیێ ژوانا دابینكرنا كارهبێ و سهخبێركرنا كارهبا پارێزگههێ، ئهڤه ددهمهكیدایه بهحسێ پارێزگههێن ههولێر و دهۆكێ نهكریه.
خهیلانی گۆتژی” ئهف جۆداهیا ناڤبهرا پارێزگههێن ههرێما كوردستانێ ژلایێ بهغداڤه مهرهمێن سیاسی لپشت ههنه، چونكو وهزیرێ كارهبا عێراقێ تنێ وهزیرێ پارێزگهها سلێمانیێ نینه، راسته دێ كارهب گههیته وهلاتیان، بهلێ ژلایێ سیاسی ڤه كارهكێ باش نینه تنێ پارێزگهههكا ههرێمێ كارهبێ ژ عێراقێ وهربگریت.
ئهڤرۆ نیۆز، قائید میرۆ
ئهندامهكێ پهرلهمانێ كوردستانێ یێ گهشبینه ب چارهسهركرنا ئاریشهیێن ناڤبهرا لایهنێن سیاسی و رادگههینه، نابیت دڤێ قۆناغێ بهحسێ ههلوهشاندنا پهرلهمانی بهێتهكرن.
خهلهف ئهحمهد، ئهندامێ پهرلهمانێ كوردستانێ ب ئهڤرۆ نیۆز راگههاند” لایهنێن سیاسی رژدن لسهر چارهسهركرنا ئاریشهیان دهربازكرنا ڤێ قۆناغێ ب رێكهفتن، لهوڕا ئهز یێ گهشبینم بزاڤێن تێنهكرن دێ سهرگرن بۆ چارهسهركرنا پرسێن سیاسی بتایبهتی لدۆر كارا كرنا پهرلهمانێ كوردستانێ.
خهلهفی گۆتژی” نابیت دڤێ قۆناغێ دا بهحسێ ههلوهشاندنا پهرلهمانی بهێتهكرن، ژبهركو ئهم بخوه یێ د قهیرانێ دا ، ئهگهر حوكمهتا بهروهخت ژی بهێته پێك ئینان، ههر دێ حزبێن سیاسی بن یێ، نوكه د حوكمهتێ دا، لهوڕا ب دیتنامن حوكمهت و پهرلهمان ههر بمینن باشتره.
ئهڤرۆ نیوز:
رێكخراوهكا تایبهت بۆ جینۆسایدا مهسیحیان ل ههرێما كوردستانێ هاتیه دامهرزاندن و سكرتێرێ رێكخراوا شلومو یا جینۆسایدا مهسیحیان ئاماژه ب ڤێ چهندێ دكهت، كو پشتی ئازادكرنا عیراقێ 1300 مهسیحی شههید بووینه و نێزیكی 150 جهێن ئاینی ژی هاتینه تێكدان.
نهوزاد پۆلس، سكرتێرێ رێكخراوا شلومو یا تایبهتا جینۆسایدا مهسیحیان بۆ رۆژناما ئهڤرۆ گۆت “پشتی كارهساتێن ڤان سالێن دووماهیێ ب سهرێ گهلێ مهسیحی هاتی ل عیراقێ تووشی جینۆسایدێ بووینه، مه ب پێدڤی زانی رێكخراوهكێ ب ناڤێ شلومو یا تایبهت ب جینۆسایدا مهسیحیان دابمهزرینین و حهفتیا بهێت دێ بارهگههێ وێ ب فهرمی ل باژێڕكێ عهنكاوه هێته ڤهكرن”.
سكرتێرێ رێكخراوا شلومو یا جینۆسایدا مهسیحیان خویا ژی كر كو رێكخراوا شلومو دێ بهلگهنامێن كارهساتا ب سهرێ مهسیحیان هاتی چ ل نهینهوا و چ ل بهغدا و دهڤهرێن دی یێن عیراقێ بیت دێ كۆم كهت و نوكه شاندهكێ رابیتا جینۆسایدا نێڤدهولهتی ل ههرێما كوردستانێ یه و سهرهدانا پارێزگهها دهۆكێ كریه و گۆت “ئهڤ شانده دێ ڤهكۆلینان ل دۆر رهوشا جینۆسایدكرنا ههموو وهلاتیێن دهستێ تیرۆرێ ل عیراقێ ب ههموو پێكهاتێن كورد و مهسیحی و ئێزدی كهت”.
ئهڤرۆ نيوز:
شیرهتكارێ ئهنجوومهنێ ئاسایشا ههرێما كوردستانێ د چارچوڤێ پێشوازیكرنێ دا ل ماركۆ كارنێلۆس بالیۆزێ ئیتالیا ل عیراقێ ئاماژه ب وێ چهندێ كر كو دوورپێچا دارایى رۆژ بۆ رۆژێ ل سهر ههرێما كوردستانێ زێدهتر دبیت و پشتى وان ههموو قهیرانێن بهرۆكێن ههرێمێ گرتین، ب تایبهت پشتى حهواندنا نێزیكى دو ملیۆن ئاواره و پهنابهران و ئهڤ چهنده ژى ئهركێ ههرێمێ د شهرێ دژى تیرۆرێ دا و بڕیڤهبرنا هزار و پێنجى كیلۆمهترێن بهرۆكێن شهرى دژوارتر و گرانتر لێ دهێت.
نيشاندان