ئه‌ڤرو نیوز ، نه‌وزاد زاده‌ هلورى:

ڤیان عه‌باس په‌رله‌مانتارا كوردستانێ لسه‌ر فراكسیونا پارتى دیموكراتى كوردستانێ دێ پشكه‌ك ژ قه‌ره‌بووكرنا سیواجێ خانیێ وى شه‌هیدى ب ستویێ خوڤه‌ گریت كو به‌رى چه‌ند رۆژان هاتیه‌ خرابكرن.
دڤى واریدا ڤیان عه‌باس بو ئه‌ڤرو نیوز گۆت : ( پشتى كو من سه‌ره‌دانا ئه‌وێ خێزانێ كرى و ژ نێزیك هایدارێ ره‌وشا ئه‌وان بویم من بریار دا كو پشكه‌ك ژ قه‌ره‌بوویا خانیێ ئه‌وێ دایكا شه‌هیدى و خوشكێن وى ب ستویێ خوڤه‌ بگرم )
گۆت ژى : ( بوو ڤێ مه‌ره‌مێ دێ دگه‌ل ئه‌وێ خێزانێ رونین خوارێ و چه‌ند پێدڤى یه‌ و شیانێن مه‌ چه‌ندن دێ كوژمه‌كێ پاره‌ى وه‌كو قه‌ره‌بوو ژلایى َمن ڤه‌ بوو وان هێته‌ مه‌زاختن )
سێ روژ به‌ریا نها ژلایێ لیژنا نه‌هێلانا زێده‌گاڤیان سیواجێ خانیێ شه‌هیده‌كێ خوبه‌خشێ بناڤێ ( موراد فه‌ریق به‌رگاره‌ى ) ل دهوكێ هاته‌خرابكرن و دوڤدا ئه‌ڤ یه‌ك بوویه‌ جهێ نه‌رازیبوونا وه‌لاتیان ب تایه‌بتى لسه‌ر تورا فه‌یسبوكێ.

ئه‌ڤرۆ نیوز:
شیره‌تكارێ جڤاتا ئاسایشا هه‌رێما كوردستانێ دوهى پێشوازى ل خالد عوبێدى وه‌زیرێ به‌ڕه‌ڤانیا عیراقێ و فه‌ریق ئه‌نوه‌ر حه‌مه‌ده‌مین فه‌رماندێ هێزا ئه‌سمانى یا عیراقێ كر.
د دیداره‌كێ دا، رۆناهى به‌ردانه‌ سه‌ر بابه‌تێ رزگاركرنا مووسل و وه‌زیرێ به‌ڕه‌ڤانیا عیراقێ ئۆپه‌راسیۆنا رزگاركرنا شنگالێ ب سه‌ركه‌فتنه‌كا مه‌زن ل قه‌له‌م دا، كو دێ كاریگه‌ریه‌كا مه‌زن ل سه‌ر پرۆسا رزگاركرنا مووسل هه‌بیت.
مه‌سرور بارزانى راگه‌هاند، كو هه‌رێم ب تنێ سه‌ره‌ده‌ریێ ل گه‌ل هێزێن فه‌رمى و دستوورى یێن عیراقێ دكه‌ت و گۆت:(پێشمه‌رگه‌ هێزه‌كا كاریگه‌ره‌ ل سه‌ر ئه‌ردى بۆ روو ب رووبوونا تیرۆرستان، له‌ورا دێ هاریكار بیت بۆ ژناڤبرا تیرۆرستان ل هه‌ر ده‌ڤه‌ره‌كا پێدڤى بیت).
شیره‌تكارێ جڤاتا ئاسایشا هه‌رێما كوردستانێ دیا ژى كر، كو قوناغا پشتى رزگاركرنا مووسل بۆ هه‌رێمێ یا گرنگه‌ و دڤێت ل ده‌ستپێكێ یا رۆهن بیت و رێككه‌فتن هه‌بیت كا پێشمه‌رگه‌ دێ ل چ ده‌ڤه‌ر و هێله‌كێ بنه‌جه بیت و چاوا ئیداره‌كا هه‌ڤسه‌نگ بۆ ڤێ پارێزگه‌هێ دێ هێته‌ دانان، ب ره‌نگه‌كى كو شاشیێن بۆرى ل هه‌مبه‌ر پێكهاتێن جودا یێن ڤێ پارێزگه‌هێ دوباره‌ نه‌بنه‌ڤه‌.
وه‌زیرێ به‌ڕه‌ڤانیا عیراقێ شیان و قاره‌مانیا پێشمه‌رگه‌ى بلند هه‌لسه‌نگاند و ئاماژه‌ ب وێ یه‌كێ دا كو هاریكاریا به‌غدا بۆ پێشمه‌رگه‌ى ل ئاستێ پێدڤى نه‌بوویه‌ و هیڤى خواست ئاسته‌نگێن سیاسى یێن ل هه‌مبه‌ر هاریكاریا پێشمه‌رگه‌ى بهێنه‌ راكرن.

ئه‌ڤرۆ نیوز:

سەرۆكاتیا زانكۆیا دهۆك، د رێورەسمەكی دا مێڤانداریا ڤەكۆلەر و نڤیسەرێ‌ ناڤدارێ‌ تورك ئیسماعیل بێشكچی كر و سەنتەرەك ب ناڤێ‌ (سەنتەرێ‌ بێشكچی یێ‌ ڤەكۆلینێن جڤاكی و نەتەوەی) ل زانكۆیا دهۆك دامەزراند.
د ڤان رێورەسمان دا كو ل سەنتەرێ‌ رەوشەنبیری و جڤاكی یێ‌ زانكۆیا دهۆك ب رێڤەچووی، سەرۆكێ‌ زانكۆیا دهۆك پرۆفیسۆر د. مسلح دهۆكی د پەیڤەكی دا بخێرهاتنا بێشكچی كر و دیاركر كو ئەم وەكو ئەرك دزانین ڤێ‌ پێشوازیێ‌ ل ناڤدارەكێ‌ وەكو بێشكچی بكەین، چونكو مە دڤێت خەلكێ‌ مە ئاگەهداری بۆچوون و هزرێن وی ببن، چونكو زانكۆ نە بتنێ‌ جهێ‌ خواندن و وانە گۆتنێ‌ یە بەلكو ناڤەندێن دیاركرن و ل هەڤگەهەشتنایە و گۆت ژی وەكو رێزگرتن بێشكچی مە ل زانكۆیا دهۆك ئەڤ سەنتەرە ب ناڤێ‌ وی راگەهاند.
هەر د ڤان رێورەسمان دا ئیسماعیل بێشكچی د پەیڤەكی دا بەحسێ‌ هندەك گوهۆرینێن دیرۆكی و هندەك قووناغێن د ڤان گوهۆرینان دا ب سەر مللەتێ‌ كورد داهاتین كر و دیاركر كو ل سالێن بیستان گوهۆرینێن مەزن ل جیهانێ‌ و رۆژهەلاتا ناڤین ژی روودان بەلێ‌ مخابن بۆ گەلێ‌ كورد چ پێكهاتە تێدا نەبوو.
ئیسماعیل بێشكچی دیسا بەحسێ‌ حكومەتا هەرێما كوردستانێ‌ كر و گۆت نوكە ل ناڤەندێن ناڤنەتەوەی سەنگ و جهێ‌ خۆ یێ‌ هەی، و د ڤێ‌ پێگەها خۆ دا حكومەتا هەرێمێ‌ قووناغەك بەر ب دەولەتێ‌ هاڤێتیە، د ڤێ‌ قووناغێ‌ دا دڤێت كارێن ڤەكۆلین و زانستی بهێنە كرن، هەروەسا دیاركر كو خەباتێن رەوشەنبیری و شوونواری هەر بەر ب پێشڤە دچن كو ئەڤە جهێ‌ شانازیێ‌ یە.
بێشكچی ئەو ژی دیاركر كو دێ‌ ئوفیسەكا دەزگەهێ‌ خێرخوازی یێ‌ ئیسماعیل بێشكچی ل هەولێرێ‌ ڤەكەن بۆ هندێ‌ رۆلەكێ‌ ئەرێنی ل هەرێمێ‌ ببینن.
د ڤان رێورەسمان دا هەروەسا بەرپرسێ‌ دەزگەهێ‌ خێرخوازی یێ‌ ئیسماعیل بێشكچی د پەیڤەكی دا گۆت دەزگەهێ‌ بێشكچی یێ‌ خێرخوازی ل سالا 2012 هاتیە دامەزراندن بۆ پێشكێش كرنا كارێن خێرخوازی، چونكو بێشكچی بالیوزێ‌ راستیێ‌ یە و ل سەر گۆتێن خۆ یێن راست بەرامبەر گەلێ‌ كورد چوویە د زیندانێ‌ ڤە و حەزەكا مەزن یا هەی بەرامبەر گەلێ‌ كورد و ب سمبولا ئازادیێ‌ دهێتە نیاسین.

ئه‌ڤرۆ نیوز:
هوزانڤان و نڤیسه‌ر هشیار رێكانى د یه‌یجێ خوه‌ یێ كومه‌لایه‌تى دا، چه‌ند شاشیێن رێنڤیسى د پرتوكێن بابه‌تێن كومه‌لایه‌تى یێن پۆلا پێنجێ بنه‌ره‌ت دا دیتى نه‌ و راستڤه‌كرن ب ڤى ئاوایى پێشنیاز كریه‌ كو بهێنه‌ چێكرن”
چه‌وتی ل گه‌ل راستڤه‌کرنێ ب ده‌ڤۆکا ئه‌م ل دهۆکێ پێ دنڤیسین:
دھۆک:
باژێرەکێ گرنگە و جھەکێ جوگرافیێ باش ھەی (جوگرافییێ باش ھەیە)، ژ بەرکو یا ل نێزیکی سنورێ تورکیا یه‌ (ژ بەرکو دھۆك نێزیکی سنۆرێ تورکیایە)، یا بۆیه‌ دەرگەھێ ھەرێمێ و یێ عێراقێ بۆ بازرگانیێ دگەل وەڵاتێت دەرڤە ، ب دەڤەرەکا گەشتیاریێ یا گرنگ تێ ھه‌ژمارتن (له‌ورا یا بوویە دەرگەھێ ھەرێما کوردستانێ و ته‌ڤایا عێراقێ ژ بۆ بازرگانیکرنێ ل گەل وەلاتێن دەرڤە، دھۆك ب دەڤەرەکا سه‌یرانگه‌ها پڕ گرنگ دھێته‌ ھژمار) و سالانە ژمارەیەکا زوور(زۆر) یا گەشتیاران سەرادانا وێ دکەن (و هه‌رسال گه‌له‌ك سه‌یرانی سەره‌دانا وێ دکەن) ، و ژ ئالیێ کشتوکالیێ ڤە ب بەرھەم ئینانا فێقیێ هه‌می جۆر (و ژ ئالیێ چاندنێڤه‌ژی ب به‌رهه‌مئینانا هه‌می ره‌نگێن میوه‌ی) یا ب ناڤ و دەنگە.
یا راستڤه‌کری:
دھۆك:
دهۆك باژێرەکێ گرنگە و جھەکێ جوگرافییێ باش ھەیە، ژ بەرکو دھۆك نێزیکی سنۆرێ تورکیایە، له‌ورا یا بوویە دەرگەھێ ھەرێما کوردستانێ و ته‌ڤایا عێراقێ ژ بۆ بازرگانیکرنێ ل گەل وەلاتێن دەرڤە، دھۆك ب دەڤەرەکا سه‌یرانگه‌ها پڕ گرنگ دھێته‌ ھژمار و هه‌رسال گه‌له‌ك سه‌یرانی سەره‌دانا وێ دکەن، و ژ ئالیێ چاندنێڤه‌ژی ب به‌رهه‌مئینانا هه‌می ره‌نگێن میوه‌ی یا ب ناڤ و دەنگە.

ئه‌ڤرۆ نیوز:
ناڤه‌ندا ئامارا ئیرانێ راگه‌هاند كو 110 هزار كه‌س كو باوه‌رناما دكتورایێ هه‌نه‌ ل وه‌لاتێ ئیرانێ دبێ كارن وپرانیا بێكاریێ د ناڤ خودان باوه‌رنامان دا یێن وان كه‌سانه‌ یێن باوه‌رناما ماسته‌رێ هه‌ى.
ناڤه‌ندا ئامارا ئیرانێ راگه‌هاند راگه‌هاندیه‌ كو پرانیا وان كه‌سێن بێ كار یێن باوه‌رناما دكتورایێ هه‌ى ژ ره‌گه‌زێ نێرن.

ئه‌ڤرۆنیۆز، ئه‌یاد به‌رواری

ژێده‌ره‌كێ یه‌كینه‌یێن پاراستنا گه‌ل (هه‌په‌كه‌) دیاركر كو ب ده‌هان سه‌ربازێن ئه‌مریكی د چه‌ند ده‌مژمێرێن بۆری دا یێن گه‌هشتینه‌ باكوور و باكوورێ رۆژهه‌لاتا سووریێ ژبۆ مه‌شقكرنا كوردان و پشته‌ڤانیكرنا وان بۆ به‌رهه‌ڤیێن ئۆپه‌راسیۆنێن چاڤه‌ڕێكری دژی داعشێ ب تایبه‌تی ل پارێزگه‌ها ره‌قه‌ كو بنگه‌هێ وێ رێكخستیا تیرۆرستی یه‌.
وی ژێده‌رێ هه‌په‌كێ كو بالێ له‌شكریێ حزبا ئێكه‌تیا دیموكراتیا كوردی (په‌یه‌دێ) یه‌ بۆ ئاژانسا رۆژنامه‌ڤانیا فره‌نسی گوت” ئه‌و سه‌ربازێن ئه‌مریكی یێن گه‌هشتینه‌ كۆبانی ل پارێزگه‌ها حه‌له‌ب و ئه‌ركێ وان دانانا پلانێن شه‌ڕێن جه‌رابلوس و ره‌قه‌ یه‌ و هه‌ڤكاری ل گه‌ل فرۆكێن هه‌ڤپه‌یمانیا نێڤده‌وله‌تی ب سه‌ركێشیا ئه‌مریكا و هێزێن ل سه‌ر ئه‌ردی.
سه‌رۆكێ ئه‌مریكی (باراك ئۆباما) ی ل دووماهیا مه‌ها چریا ئێكێ یا بۆری رۆناهیا كه‌سك دابوو بۆ به‌لاڤكرنا 50 سه‌ربازێن ئه‌مریكی ژ هێزێن تایبه‌ت ل سووریێ كو ب ئه‌ركێ شیره‌تكاریێ رابن.
نوونه‌رێ سه‌رۆكێ ئه‌مریكی د هه‌ڤپه‌یمانیا نێڤده‌وله‌تی دا (بریت ماكگورد) ل 22 ڤێ مه‌هێ راگه‌هاندبوو” ئه‌و سه‌رباز دێ ل ده‌مه‌كێ نێزیك گه‌هن و پێدڤیه‌ ره‌قه‌ بهێته‌ دۆرپێچكرن”.
پشته‌ڤانیا ئه‌مریكی بۆ كوردێن سووریێ نه‌ تنێ ب ڕێیا مه‌شقا له‌شكری یه‌، واشنتۆنێ ل مه‌ها بۆری راگه‌هاندبوو كو ب ڕێیا فرۆكان چه‌ك و ته‌قه‌مه‌نی بۆ به‌هنگاریا سووری ئه‌وا شه‌ڕێ داعشێ دكه‌ت ل باكوورێ سووریێ هاڤێتینه‌ خوار، ئه‌وژی ئاماژه‌كه‌ بۆ (هێزێن سووریا دیموكراتی) كو ژ یه‌كینه‌یێن پاراستنا گه‌ل ( هه‌په‌كه‌) و هنده‌ك گرۆپێن چه‌كدارێن عه‌ره‌بی یێن هه‌ڤپه‌یمان ل گه‌ل هه‌په‌كێ.

ئه‌ڤرۆ نیوز:
هونه‌رمه‌ندێ به‌رنیاسێ كورد شڤان په‌روه‌ر ئاشكرا كر كو ئه‌و دێ داستانا شنگالێ نڤێسیت و گوت” ئه‌وا دشیانێن من دا بیت ژ ئالیێ هونه‌رى ڤه‌ دێ بۆ شنگالێ كه‌م، نوكه‌ ئه‌ز مژوولى نڤیسینا داستانا شنگالێ مه‌ و شنگالى و ئێزدى ل هه‌ر جهه‌كێ بن، ئه‌وێن سه‌باره‌ت ئێزدخان و ئێزدییه‌تێ پێزانین هه‌بن دشێن، پێزانینان بۆ ئێمێلێ من sivanname@hatmail .com بهنێرن.
شڤان په‌روه‌ر هه‌روه‌سا گوت” شنگال پارچه‌كه‌ ژ ئاخا كوردستانێ و ئێزدى كوردێن ره‌سه‌نن، وان گه‌له‌ك ده‌رده‌سه‌رى دیتن، هه‌موو خه‌لكێ جیهانێ ئاگه‌هدارى ئێشێن وانن”.
شڤان په‌روه‌ر گوت” ئه‌ز ئازادكرنا شنگال پیرۆز دكه‌م، به‌لێ شنگال نوكه‌ یێ كاڤل بووى، پێدڤیه‌ ئه‌م هه‌مى بزاڤا بۆ ئاڤه‌دانكرنا وێ بكه‌ین، هه‌تا كو خه‌لكێ وێ ڤه‌گه‌ریته‌ڤه‌ و ژیانا خوه‌ ده‌رباز بكه‌ن”.

ئه‌ڤرۆ نیوز:

ئه‌ڤرۆ د چارچوڤێ پشكداریكرنێ د مه‌راسیمێن هه‌شتێ یێن هه‌وا سالانه‌ یا به‌رهنگاربوونا توندوتیژیا دژى ژنان، ره‌نگێ ریباتا نێچیرڤان بارزانی و قوباد تاڵەبانی یا پرته‌قالى بوو.
كوسار كه‌ریم ئه‌نداما جڤاتا بلندا خانمان راگه‌هاند كو ره‌نگێ پرته‌قالى هێمایه‌كه‌ بۆ به‌رهنگاربوونا توندوتیژیا دژى ژنان و ل پرانیا پایته‌ختێن ولاتێن جیهانێ ل رۆژا جیهانیا ژنان ، د مه‌راسیمان دا ره‌نگێ پرته‌قالى هه‌لدبژێرن.