ئه‌ڤرو نیوز،بارزان مزوورى
ژێده‌ره‌ك ژ هێزێن پێشمه‌رگه‌ى ل میحوه‌رێ ناوه‌ران بو مالپه‌رێ ئه‌ڤرو نیوز ئاشكرا كر كو ئه‌و بارانا ل ئه‌ینیا بورى هاتى كو ماوه‌یه‌كێ درێژ یا به‌رده‌وام بو بویه‌ ئه‌گه‌رێ ئاشكرا كرنا بومبێن چه‌كدارێن تیرورستێن داعش چاندین ل ده‌ڤه‌را باشیك و ناوه‌ران و تسلقوف و ئاخا ل سه‌ر هاتیه‌ برن و ل سه‌ر ئاخ دیار دكه‌ن و بویه‌ مه‌ترسیه‌ك بو چه‌كدارێن تیرورستێن داعش چونكو ئه‌و كه‌سێن ده‌ست پێكێ ئه‌و بومب چاندین شه‌هره‌زا بون دبوارى چاندنا بومبا و گه‌له‌ك ژوان كه‌سا هاتینه‌ كوشتن و نه‌شێن ده‌ستكاریێ تێدا بكه‌ ن كو دوباره‌ ئاخێ یان دوباره‌ بچینه‌ڤه‌ .
ژێده‌رى دیاركر كو نها چه‌كدارێن تیرورستێن داعش رادبن ب بن ئاخكرنا وان بومبا و ب وان ڤه‌ دپه‌قن و لدوڤ ژێده‌رێن دناڤ باژێرێ مووسل دا دبێژن روژانه‌ بومب ب وان كه‌سێن بومبا بن ئاخ دكه‌ن دپه‌قن .

ئه‌ڤرۆ نیوز:

به‌رى چه‌نده‌كێ یانه‌یا به‌رشه‌لونه‌ لیستا یاریكه‌رێن خوه‌ بۆ یاریا سوبه‌هى به‌رامبه‌ر خیتاڤى به‌لاڤكر و ناڤێ ئنێستا د ناڤ لیستێ دا هته‌ دیتن.
پشتى كو بۆ چه‌ند حه‌فتیانه‌ ئنێستا تووشى هنگاڤتنێ بووى، ئه‌ڤرۆ ب فه‌رمى ئه‌و یاریكه‌ره‌ ژ هنگاڤتنێ درستبوو.

ئه‌ڤرۆ نیوز:
سه‌رۆكێ دادگه‌ها شێخان بۆ رۆژناما ئه‌ڤرۆ دیار كر كو رێژا ژێكڤه‌بوونا هه‌ڤژینان ل قه‌زا شێخان رۆژ بۆ رۆژ زێده‌ دبیت، ب ئاوایه‌كی ل ده‌ستپێكا سالا 2015 ل دووڤ ئامارا فه‌رمیا دادگه‌ها شێخان 200 حاله‌تێن ژێكڤه‌بوونا هه‌ڤژینان هاتینه‌ تۆماركرن.
محه‌مه‌د نه‌جم، سه‌رۆكێ دادگه‌ها شێخان دیار كر كو ل دووڤ ئامارا دادگه‌هێ هاتیه‌ تۆماركرن ئه‌ڤ ساله‌ 174 كه‌سان ژنا دویێ و شه‌ش كه‌سان ژنا سیێ و چار كه‌سان ژی ژنا چارێ ئینایه‌ و گۆت “رێژا ژێكڤه‌بوون و ژنا دویێ نێزیكی ئێك بوویه‌ و ئه‌گه‌رێ هه‌ره‌ سه‌ره‌كى بۆ تۆرا كۆمه‌لایه‌تى فێسبوكى دزڤریت، ئه‌گه‌رێ دووێ لێك تێنه‌گه‌هشتنه‌ كوڕ هێشتا یێ بچیكه‌ ژن بو ماره‌كریه‌ و د هه‌ڤدو ناگه‌هن و دبیته‌ ئه‌گه‌رێ ژێكڤه‌بوونێ و ئه‌گه‌رێ سیێ ره‌وشا داریى وه‌ل ژن و مێران كریه‌ كو بگه‌هیته‌ ژێك ڤه‌بوونا ژن و مێران”.
سه‌رۆكێ دادگه‌ها شێخان خویا ژی كر كو نها گه‌له‌ك كه‌س هه‌نه‌ خێزاندارن و ب رێیا فێسبوكێ گه‌هشتینه‌ ئێك و بوویه‌ ئه‌گه‌رێ به‌ردانا ژنا ئێكێ یان ئه‌گه‌ر ژنا رازى بیت یا كریه‌ دو ئه‌و ژى یا بسه‌ر ژنا ئێكێ ئینای و گۆت ” ئه‌گه‌ر ب ڤى شێوه‌یی بیت هه‌تا سه‌رێ سالێ دێ رێژا ژێكڤه‌بوونێ پتر ژ سالێن بۆرى بیت” .

ئه‌ڤرۆنیۆز، ئه‌یاد به‌روارى
سه‌رۆكێ هه‌والگیریا ئه‌مریكی ( CAI) راگه‌هاند، هنارتنا له‌شكری بۆ عیراقێ و سووریێ باشترین ڕێ نینه‌ بۆ چاره‌كرنا ره‌وشا عیراقێ و سووریێ و دووپاتكر كو چاره‌یا له‌شكری ل وان هه‌ردو وه‌لاتان یا ئه‌سته‌مه‌.
جون برینن سه‌رۆكێ هه‌والگیریا ئه‌مریكی د كونگره‌كێ رۆژنامه‌ڤانی دا ل گه‌ل هژماره‌كا به‌رپرسێن ئه‌منی یێن ئه‌مریكی ل واشنتۆن گوت” ل عیراقێ و سووریێ و یه‌مه‌نێ و لیبیا ب زه‌حمه‌ته‌ حوكمه‌تێن ناڤه‌ندی ببیته‌ ئالاڤه‌ك بۆ ڤه‌گه‌راندنا ده‌ستهه‌لاتێ و ئێمناهیێ بۆ وان وه‌لاتان”.
زێده‌تر گوت” چاره‌سه‌كرنا گرفتان ل وان وه‌لاتان دێ ب ڕێیا دروستكرنا باوه‌ریێ بیت د ناڤبه‌را حزبێن ده‌ستهه‌لاتدار دا” ئه‌ڤه‌ ژی ئاماژه‌كه‌ بۆ دوباره‌ ڤه‌ژاندنا ستراتیژیه‌تا ئه‌مریكی ئه‌وا ژلایێ ئۆبامای ڤه‌ هاتیه‌ په‌یره‌وكرن ئه‌وژی لێگه‌ریان ل هه‌ڤپه‌یمانان ل وان ده‌ڤه‌ران ب مه‌ره‌ما پشته‌ڤانیا وان كو دووماهیا وێ ستراتیژیه‌تێ ل ده‌مێ بۆری، شكه‌ستن بوو.

ئه‌ڤرۆ نیوز:
به‌رپرسه‌كێ ئیماراتێ ته‌ئكید كر بهایێ 80 دۆلار بۆ هه‌ر به‌رمیله‌كا پترۆلێ بهایێ میناك دزانن بۆ كه‌رتێ پترۆلێ و بها دبیته‌ باشترین ئه‌گه‌ر بۆ لڤینا ئابوورێ جیهانێ و ئاستێ بلندبوونێ و ڤه‌ژاندنێ.
سولتان بن سه‌عید مه‌نسور وه‌زیرێ ئابوورا ئیماراتێ راگه‌هاند:وه‌زیرێ ووزه‌ییێ باش دزانیت كو بهایێ به‌رمیلا پترۆلێ ل توخیبێ 80 دۆلاران ب میناك دزانیت و دوی كه‌ڤانی دا دشیێن بۆ قوناغێن ڤه‌گوهاستنێ پێنگاڤان بهاڤێژن و جیهان نه‌شێت رێكێ بده‌ته‌ پترۆلێ وه‌ك نها كو 50 دۆلار بۆ هه‌ر به‌رمیله‌كێ بمینیت، و پێشبینی دئێته‌كرن ل سێ هه‌یڤێن سالا 2016 ئابوورێ جیهانێ گه‌شه‌یێ بخوڤه‌ ب بینیت .
وه‌زیرێ وزه‌یا ئیماراتێ ئه‌و چه‌نده‌ ژی دیاركر ڤه‌ژاندنه‌كا بله‌ز ل چینێ و چه‌ند ده‌ڤه‌ره‌كێن دی یێن جیهانێ روو دده‌ن و داكه‌تنا بهایێن پترۆلێ ده‌لیڤه‌یه‌كه‌ بۆ ئابووری و ژبویی پێداچونێ ب سیاسه‌تێن خودا بكه‌ت و گرنگیێ زێده‌تر ب ڤه‌ژاندنێ بده‌ن.
وه‌زیرێ وزه‌یا ئیماراتێ دیاركر بهایێ نزمێ پترۆلێ كاریگه‌ری ل سه‌ر ئابوورێ ئیماراتێ نه‌كریه‌ و ئه‌گه‌ر ژی بۆ هه‌بوونا نه‌ختینه‌یه‌كێ مه‌زنێ به‌رهه‌م ئینانا وه‌لاتێ وی ڤه‌دگه‌ریت كو قه‌ره‌بوویا ئه‌وێ داكه‌تنا بهایێ پترۆلێ كریه‌ .

ئه‌ڤرۆ نیوز:
نوونه‌رێ حوكمه‌تا هه‌رێما كوردستانێ ل ئێكه‌تیا ئورۆپا دیار كر كو ل سه‌ر داخوازا په‌رله‌مانێ ئورۆپا شانده‌كێ بلندێ پێشمه‌رگه‌ى د گه‌ل لژنا ده‌رڤه‌ یا په‌رله‌مانێ ئورۆپا دێ كۆم بیت و كۆمبوون ژى دێ وه‌كو گڤاشتنه‌كێ بیت بۆ هندێ وه‌لاتێن ئه‌ندام د ئێكه‌تیا ئورۆپا دا پتر هاریكاریان و چه‌كى پێشكێشى هێزێن پێشمه‌رگه‌ى بكه‌ن.

ئه‌ڤرۆ نیۆز، قائید میرۆ
فه‌رمانده‌كێ كوردێن ئیزدی ئاشكراكر، هێشتا ده‌مژمێرا سفر بۆ ئۆپه‌ڕاسیۆنا رزگاركرنا شنگالێ نه‌هاتیه‌ دیاركرن.
عه‌قید به‌ره‌كات عیدۆ، فه‌رماندێ پێشمه‌رگه‌یێن ئێزدی ب ئه‌ڤرۆ نیۆز راگه‌هاند” هنده‌ك كاروبارێن سه‌ربازی بۆ رزگاركرنا شنگالێ هاتینه‌كرن و هێزه‌كا زۆرژی گه‌هشتیه‌ ده‌ڤه‌رێ، به‌لێ هێشتا ده‌مژمێرا سفر بۆ ئۆپه‌ڕاسیۆنا رزگاركرنا شنگالێ نه‌هاتیه‌ دیاركرن.
به‌ره‌كات عیدۆ دیاركر، هه‌ڤپه‌یمانان رۆژێن بۆری كاره‌سات بسه‌ر داعش ئیناینه‌ و داعش ژ ترسا هێزێن خوه‌ ڤه‌كێشاینه‌ ژ شنگالێ، له‌وڕا ئه‌گه‌ر هێرش بهێته‌ ده‌ستپێكرن دێ ده‌مه‌كێ زوو هێته‌ كۆنتڕۆلكرن.

ئه‌ڤرۆ نیوز:
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ راگه‌هاند كو سوز ب وان هاته‌ دان هه‌موو 30 رۆژا جاره‌كى، ماموستا مووچه‌ى وه‌ربگریت .
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ هیڤى خواست تاوه‌كو دووماهیا ڤى وه‌رزى، ئه‌گه‌ر حكومه‌تا هه‌رێما كوردستانێ نه‌شێن سێ مووچێن قه‌ر ل سه‌ر وێ ب دروستى بده‌ت، موچه‌كێ قه‌ر بۆ ماموستا و فه‌رمانبه‌ران دابین بكه‌ت و ب تنێ دو موچه‌ ل ده‌ف حكومه‌تێ بمینن.

ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتن وچونا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 1 نیڤرو 26/10/2015 ل سه‌ر جوت سایدێ سه‌ره‌كى شێخان بو به‌رده‌ره‌ش ل نێزیك دووریانا كومه‌لگه‌ها مه‌هه‌ت سه‌ر ب شێخان ڤه‌ ترومبێله‌ك ژ جورێ تانكه‌ر بارهه‌لگر یێ ڤه‌گوهاستنا نه‌فتا خام كونترول ژ ده‌ستا ده‌ردكه‌ڤیت و وه‌ردگه‌ریێت د ئه‌نجام دا زیانێن مه‌زن ب ترومبێلێ دكه‌ڤن .
ناڤبرى لدور وه‌رگه‌ریانا ترومبێلێ ئاشكرا كر كو لدوڤ زانیاریێن ده‌ستپێكێ وه‌سا دیار بو كو شوفێرێ ترومبێلا تانكه‌ر بارهه‌لگر نڤستى بو و كونترول ده‌ستا ده‌ردكه‌ڤیت و دبیته‌ ئه‌گه‌رێ وه‌رگه‌ریانا ترومبێلێ .
ناڤبرى دیار كر كو د هه‌مان ده‌مدا ل سه‌ر جوت سایدێ سه‌ره‌كیا شێخان بو به‌رده‌ره‌ش ل نێزیك گوندێ بێتنارێ سه‌ر ب شێخان ڤه‌ ترومبێله‌ك بارهه‌لگر یێن ڤه‌گوهاستنا چیمه‌نتوى وه‌ردگه‌ریێت و د ئه‌نجام دا زیانێن مه‌زن ب ترومبێلێ دكه‌ڤن .
ناڤبرى لدور ئه‌گه‌رێن وه‌رگه‌ریانێ گوت: دوى ده‌مى دا باران دباری رێ ته‌ردبیت و دبیته‌ ئه‌گه‌رێ نه‌كونترولكرنا ترومبێلێ.