ئه‌ڤرۆ نیۆز، قائید میرۆ
ده‌سته‌یا گشتیا مافێ مرۆڤی ل هه‌رێما كوردستانێ بهه‌لكه‌فتا سالڕۆژا داگیركرنا ده‌شتا نه‌ینه‌وا راگه‌هاند: ئاواره‌ د ره‌وشه‌كا ته‌نادا دژین لهه‌رێما كوردستانێ به‌لێ خزمه‌تگوزاری وه‌ك پێدڤی نینه‌.
مه‌حه‌مه‌د گومه‌شینی، په‌یڤدارێ ده‌سته‌یا مافێ مرۆڤی ب ئه‌ڤرۆ نیۆز راگه‌هاند” ئه‌ڤرۆ 6ی ته‌باخێ ساله‌ك بسه‌ر داگیركرنا ده‌شتا نه‌ینه‌وا ژلایێ گروپا تیرۆرستیا داعش ده‌ربازدبیت و هژماره‌كا زۆرا وه‌لاتیێن مه‌سیحی و شه‌به‌ك و كاكه‌یی بڤێ ئه‌گه‌رێ ئاواره‌بووینه‌ و هژماره‌كژی شه‌هید و به‌رزه‌نه‌.
گومه‌شینی گۆتژی” راسته‌ ئاواره‌یێن ده‌شتا نه‌ینه‌وا د ره‌وشه‌كا ته‌نادا دژین ل هه‌رێما كوردستانێ و پێدڤیێن مرۆڤی بۆهاتینه‌ دابینكرن، به‌لێ خزمه‌تگوزاری وه‌ك پێدڤی نینه‌ و ژیانا ئاواره‌یی زۆرا نه‌خۆشه‌، له‌وڕا ئه‌م دلگرانین ب ئاواره‌بوونا خه‌لكێ ده‌شتا نه‌ینه‌وا.

ئه‌ڤرۆ نیوز:

وه‌زاره‌تا دارایى و ئابوورى یا حكومه‌تا هه‌رێما كوردستانێ راگه‌هاند كو رۆژا 1 شه‌مبیا بهێت، وه‌زاره‌تا په‌روه‌ردێ دێ مووچێ هه‌یڤا 5 وه‌رگریت.

ئه‌ڤرو نیوز، بارزان مزوورى
عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیوز دیار كر كو ئه‌ڤرو ئیڤارى 28ته‌مموزێ 2015 لدوڤ ژێده‌رێن باوه‌رپێكرى ل نوژداریا داد ل پارێزگه‌ها مووسل 17 ته‌رمێن كارمه‌ندێن كومسیونا هه‌لبژارتنا یێن پارێزگه‌ها مووسل گه‌هشتینه‌ نوژداریا داد كو ژلایێ چه‌كدارێن تیرورستێن داعش سێداره‌دا بون .
ناڤبرى دیار كر كو هه‌ر دهه‌مان وه‌خت دا بومبه‌ك ل بن كاروانێ ترومبێلێن چه‌كدارێن تیرورستێن داعش ڤه‌ دپه‌قیت ل نێزیك ئاڤاهیێ پارێزگه‌ها مووسل و د ئه‌نجام دا شه‌ش چه‌كدار هاتینه‌ كوشتن .
ناڤبرى گوت ژى: د هه‌مان روژدا چه‌كدارێن تیرورستێن داعش سێ ئه‌فسه‌رێن پله‌ بلند یێن پولیسێن مووسل پشتى گرتنا وان سێداره‌دان ل سه‌ربازگه‌ها گه‌یاره‌ كو ناڤێن وان نه‌قیب محه‌مه‌د جاسم و راید سه‌عدون خه‌یات و نه‌قیب موهه‌نه‌د جبورى بوون .

ئەڤرۆ نیوز:

1 of 6

ئەفرۆ نیوز مەحمود نهێلی
ژ ئەنجامێ لێدانا بریسیێ ل دێرەلوکێ ئەڤرو ئێڤاری ئاگر ب دو دهێن گیای د کەڤیت و بتمامی دهێنە سوتن .
میلازم احسان سەنعان بەرپرسێ بنگەهێ بەرەڤانیا باژێری ل دێرەلوکێ بۆ ئەڤرۆ نیوز دیارکر کو ئەو هاتینە ئاگەهدارکرن ل سەر روودانکا ئاگربەربوونێ ل دێرەلوکێ وپشتی گەهشیە جهێ روودانێ و کونتڕوڵکرنا ئاگری و دووڤچون ل سەر ئەگه‌رێن دروست بوونا ئاگری کری دیار بوویە کو ژ ئەنجامێ لێدانا برسیێ ئەو ئاگر دروست بوویە و خەلکێ دەوروبەران ژی ئەف یەکە پشت راستکر کو لگەل دەنگێ بریسیێ ئەو ئاگر دروستبوو کو دەنگەکێ گەلەک بهێز بوو وئاشکرا کر ب دوورێن ملیونەکێ زیان گهشتینە خودانێن وان دهان

ئه‌ڤرۆ نیوز:

هێزێن سوپا و پولیس و حه‌شد شه‌عبى و چه‌كدارێن خوه‌به‌خش یێن سوونه‌ دێ پروسه‌كا نوى ل پارێزگه‌ها ئه‌نبار ده‌ست پێ كه‌ن ب ئامانجا كونترولكرنا چه‌ند ده‌ڤه‌رێن ژێر ده‌ستهه‌لاتا داعش.
ل دووڤ گوتنا فه‌رمانده‌كێ ئه‌منى، ئه‌و پروسه‌ دێ یا به‌رفره‌ه بیت ب مه‌ره‌ما كونترولكرنا زانكۆیا ئه‌نبار كو دكه‌ڤیته‌ باشوورێ رۆژئاڤایێ روومادى.
ژێده‌رێن ئاگه‌هدار دیار دكه‌ن كو ل ده‌ڤه‌را زانكۆیا ئه‌نبار شه‌ر و روى ب روى بوونێن دژوار د ناڤبه‌را هێزێن هه‌ڤپشكێن عیراقێ و تیرورستێن داعش برێڤه‌ دچن و هێزێن عیراقى درژدن ل سه‌ر كونترولكرنا چه‌ند ده‌ڤه‌ران ژ ده‌ستێ داعش ب تایبه‌ت زانكۆیا ئه‌نبار.

ئه‌ڤرو نیوز ،بارزان مزوورى
عصمت ره‌جه‌ب، به‌رپرسێ لقا 14 ل مووسل بو ئه‌ڤرو نیوز دیار كر كو ئه‌ڤرو نێزیك دانێ نیڤرو ل ناڤ باژێرێ ته‌له‌عفه‌ر شه‌ر د ناڤبه‌را رێكخستیێن داعش یێن بیانى و عێراقى په‌یدا بوو و ماوه‌یه‌كێ درێژ شه‌رى ڤه‌كێشا ب چه‌كێ گران به‌رامبه‌رى هه‌ڤدوو راوه‌ستیا بون د ئه‌نجام دا 50 چه‌كدارێن تیرورستێن داعش د هه‌ردوو لایان دا هاتن كوشتن ژ ئه‌گه‌رێ تێك چونا بارێ وان یێ ئابوورى.
هه‌روه‌ه‌سا ناڤبرى زێده‌تر گوت ” هه‌ر ئه‌ڤرۆ 19 ته‌مموزێ سه‌ركرده‌یه‌كێ رێكخستیێن چه‌كدارێن تیرورستێن داعش بناڤێ “ئه‌بو محه‌مه‌د العفرى ” دگه‌ل چه‌ند چه‌كدارێن خو د بوردومانێن فروكه‌یێن جه‌نگى دا د ئاڤاهیه‌كى دا ل تاخێ نه‌جار لایێ راستێ مووسل دهێنه‌ كوشتن.
ناڤبرى دیار كر كو د هه‌مان روژدا فروكه‌یێن هه‌ڤپه‌یمانا بوردومانا كاروانه‌كێ ترومبێلێن داعش ل ناحیا “الشوره‌” ل باكورێ پارێزگه‌ها مووسل دكه‌ن و د ئه‌نجام دا 28 چه‌كدارێن داعش هاتن كوشتن و 17 بریندار بوون و ژماره‌كا ترومبێلێن وان ب چه‌كێ گران ڤه‌ هاتن تێك شكاندن ب ئیكجارى.