ئه‌ڤرۆ نیۆز، قائید میرۆ
ژ ئه‌گه‌رێ بۆردومانا فڕۆكه‌یێن هه‌ڤپه‌یمانان بۆسه‌ر ده‌ڤه‌رێن نێزیك قه‌زا مه‌خموور هژماره‌ك چه‌كدارێن داعش هاتنه‌ كوشتن.
ئه‌حمه‌د جاف، په‌یڤدارێ میحوه‌رێ مه‌خموور ب ئه‌ڤرۆ نیۆز راگه‌هاند” سپێده‌هیا ئه‌ڤرۆ فڕۆكه‌یێن هه‌ڤپه‌یمانان هه‌ر ئێك ژ گوندێن تلشعێر و نه‌سرو حومیده‌ یێن میحوه‌رێ مه‌خموور بۆردومانكرن، هه‌روه‌سا هه‌ڤپه‌یمانان پاریزینگه‌هه‌كا به‌رهه‌م ئینا پانزینی ل نێزیك ناحیا گه‌یاره‌ بته‌مامی وێرانكرن.
ئه‌حمه‌دی گۆتژی” ژ ئه‌گه‌رێ ئه‌ڤێ بۆردومانێ زیانێ، مه‌زن گه‌هاندن تیرۆرستێن داعش و هژماره‌ك چه‌كدارێن داعش هاتنه‌ كوشتن، ئه‌ڤه‌ ژبلی زیانێن ماددی یێن به‌ر باره‌گایێن داعش كه‌فتین.

ئه‌ڤرۆ نیوز، مه‌حمود نهێلى:
د روودانه‌كى دا ل سه‌ر رووبارێ زێ ل ناحیا دێره‌لۆك ل ئێڤاریا ئه‌ڤرۆ پێج شه‌مبى 24/9/2015 سێ كه‌س دكه‌ڤنه‌ د ئاڤێ و دا، پشتى قورتال كرنا ئێك ژ وانا و ئێكێ دى ب خه‌ندقى د ئاڤێ دا دئیننه‌ ده‌ر و ئێكێ دن ژى تا نها یێ بێ سه‌رو شووینه‌.
ژێده‌ره‌كێ ژ بنگه‌هێ به‌ره‌ڤانیا با ژێرى ل شێلادزێ بۆ ئه‌ڤرۆ نیوز دیاركر، كو ئه‌و روودان ئێڤاریا ئه‌ڤرۆ دروست بوویه‌ و گۆت: ( دده‌مه‌كى دا كو ئه‌ڤان سنێله‌یان ل گه‌ل چه‌ند هه‌ڤاله‌كێن دى ل نێزیك كومه‌لگه‌ها هێتوتێ ل سه‌ر رووبارى زێ ب مه‌به‌ستا مه‌له‌ڤایا یارى دكرن و دیاره‌ یێن مه‌له‌ نه‌بووینه‌ و د ئاڤێ دا چووینه‌).
ناڤبرى دیاركر، ئێكێ ژ وانا هه‌ر زوو ب سلامه‌تى د ئاڤێ دا ئینایه‌ ده‌ر لى َ ب مخابنى ڤه‌ پشت نێزكى ئێك كیلومه‌تر ئێك ئاڤێ دا چوویى ته‌رمێ وى ژى ئینایه‌ ده‌رێ و ئێكێ دن ژى تا نها یێ بێ سه‌روشوونه‌.

ئه‌ڤرۆ نیوز:

ب هه‌لكه‌فتا هاتنا جه‌ژنا قوربانا پیرۆز، ئه‌ڤرۆ نیوز پیروزیێ ل هه‌موو خوانده‌ڤانێن خوه‌ دكه‌ت، ب تایبه‌ت جه‌ژنا پێشمه‌رگێن قاره‌مان پیرۆز دكه‌ین كو نوكه‌ د چه‌په‌رێن به‌ره‌ڤانیێ دا نه‌ به‌رامبه‌ر تیرورستان كو بێ گومانه‌ دوژمن دێ هه‌ر شكێت و سه‌ركه‌فتن هه‌ر بۆ ملله‌تێ كورده‌، دووباره‌ جه‌ژنا هه‌وه‌ پیرۆز، هیڤیخوازین حه‌جیێن مه‌ بسلامه‌تى ڤه‌گه‌رنه‌ڤه‌ و قه‌یرانێن ب سه‌ر ملله‌تێ كورد هاتى ب دووماهى بهێن، هه‌ر ئاڤه‌دان بیت كوردستان

ئه‌ڤرۆنیۆز، ئه‌یاد به‌روارى
حزبا نه‌ته‌وی یا ئوسكوتله‌ندی كو پشته‌ڤانیێ ل سه‌ربه‌خوه‌یێ ژ بریتانیا دكه‌ت، راگه‌هاند ئه‌و دێ بزاڤا ئه‌نجامدانا راپرسیا دویێ ژبۆ جودابوونێ ژ بریتانیا كه‌ت.
نیكولا ستورگون سه‌رۆكا وه‌زیرێن ئوسكوتله‌ندا، ل دووڤ ئاژانسا ئه‌سوشیتدپرێس، دیاركر كو به‌رنامێ حزبا ناڤبرى بۆ هه‌لبژارتنێن بهێت ل ئوسكوتله‌ندا دێ پتر هوورده‌كاریان ب خوه‌ڤه‌ گریت ل دۆر بارودۆخێ گونجای بۆ ئه‌نجامدانا راپرسیا دویێ.
خویاكر ژی” بریار بۆ وه‌لاتیێن ئوسكوتله‌ندی دزڤریت كا دێ ده‌نگی ل سه‌ر سه‌ربه‌خوه‌یێ ده‌ن، یان نه‌،و كه‌نگی ئه‌و راپرسی ژی بهێته‌ ئه‌نجامدان”.
ل مه‌ها ئه‌یلولا 2014 ێ، د راپرسیه‌كێ دا 55% ژ وه‌لاتیێن ئوسكوتله‌ندی ده‌نگ دژى سه‌ربه‌خوه‌یا ئوسكوتله‌ندا ژ بریتانیا دابوو، د به‌رامبه‌ر دا 45% ژ وه‌لاتیان ده‌نگ بۆ سه‌ربه‌خوه‌یا ئوسكوتله‌ندا دابوو، هه‌ر ژ وی ده‌می ژی جه‌ماوه‌ریا حزبا نه‌ته‌وی یا ئوسكوتله‌ندی یا پشته‌ڤان بۆ سه‌ربه‌خوه‌یا ئوسكوتله‌ندا به‌ر ب زێده‌بوونێ دچیت و د هه‌لبژارتنێن گۆلانا 2015 ێ دا 56 كورسی ژ سه‌رجه‌مێ 59 كورسیان د هه‌لبژاتنێن گشتی ل ئوسكوتله‌ندا ب ده‌ستڤه‌ئینابوون.

زاخۆ ,هشیار دوبانكى:
پشتى كه‌مپ ب دوماهی هاتى ویاریكه‌رێ پیشه‌كارێ رومانى فلورین یێ كو بۆ ماوى هه‌یڤه‌كێ نه‌شیا به‌رهه‌ڤیا دگه‌ل تیمێ بكه‌ت نوكه‌ زڤرى وه‌لاتى رومانى بۆ چاره‌سه‌ریه‌كا بله‌ز.
ل دۆر ڤێ چه‌ندێ عه‌لى وه‌هیب ریڤه‌به‌رێ تیما یانا زاخۆ ددیداره‌كێ دا بۆ ئه‌ڤرۆ نیوز دبێژیت : یاریكه‌ر یێ هنگافتیى ژ به‌ر هندێ زڤرى وه‌لاتى رومانیا مه‌ دڤیا ئه‌م پێگهوره‌كێ بۆ یاریكه‌رى ده‌ست نێشان بكه‌ن به‌لێ راهینه‌رێ رومانى ئیلیا ستان رازى نه‌بو ولدوف گوتنێن وى ئه‌وى پێدڤێ ب وى یاریكه‌رى هه‌یه‌ ژ به‌ر هندێ دێ ده‌لیڤێ ده‌نێ وئه‌گه‌ر ئاماده‌ ژى با ئه‌وى یارى به‌رامبه‌ر مینا یارى نه‌دكر چونكه‌ ئه‌ڤه‌ ماوێ هه‌یڤه‌كه‌ رونشتى وئه‌گه‌ر چاره‌سه‌رى بۆ نه‌هاته‌ كرن دێ گوژمێ پاره‌ێ زڤرینت ودێ پێگهوره‌كى بۆ تیمى ئينن.

ئه‌ڤرۆ نیوز:

سالح عارف جێگرێ سه‌رۆكێ فلمه‌ فیسته‌ڤالا دهۆك دیاركر كو فلمێ (بیرەوریێن سەر کەڤری) دێ ئێكه‌م فلم بیت كو ل ده‌مژمێر 6 ئێڤارى یا رۆژا ئێكێ یا فسته‌ڤالێ 9 ئیلونێ ل هولا گونگران بهێته‌ نیشادان كو به‌رهه‌مێ رێڤه‌به‌ریا هونه‌رێ سینه‌ما دهۆكه‌ و ئه‌ڤ فلمه‌ ب ناڤێ عیراقێ به‌ربژاره‌ بۆ خه‌لاتێ ئوسكار یێ 2016

ئه‌ڤرۆ نیوز،زنار تۆڤى:
ئێكه‌تیا ماموستایێن كوردستانێ هوشداریه‌كا تۆند دده‌ته‌ وه‌زاره‌تا دارایى و داخوازێ ژێ دكه‌ت پشتى وه‌زاره‌تا پێشمه‌رگه‌ى و ساخله‌میێ مووچێ وه‌زاره‌تا په‌روه‌ردێ بهێته‌ دابه‌شكرن.
لدووڤ زانیاریه‌كێ ل حه‌فتیا بهێت مووچێ ماموستایان دێ هێته‌ دابه‌شكرن.
ئه‌ڤرۆ ئه‌نجۆمه‌نێ ئێكه‌تیا ماموستایێن كوردستانێ كۆمبوونا خوه‌ یا ئاسایى ئه‌نجامدا و بریاردا ده‌ستپێكا حه‌فتیا بهێت،ب مه‌ره‌ما پێشخستنا مووچێ ماموستایان یاداشته‌كا تۆند ئاراسته‌ى وه‌زاره‌تا دارایى و ئابووریا حوكمه‌تا هه‌رێمێ بكه‌ن.
عه‌بدولواحد محه‌مه‌د سه‌رۆكێ ئێكه‌تیا ماموستایان دادیاركرن،وه‌زاره‌تا په‌روه‌رده‌یا هه‌رێمێ په‌یوه‌ندى ب وه‌زاره‌تا دارایى كریه‌،بۆهندێ مووچێ ماموستایان بهێته‌ رێكخستن و ئێدى نه‌هێته‌ گیروكرن. هه‌روه‌سا گۆت ژى:ده‌ستپێكا حه‌فتیا بهێت یاداشته‌كا تۆند دێ ده‌ینه‌ وه‌زاره‌تا دارایى،بۆ هندێ ب زووترین ده‌م مووچێ ماموستایان و كارمه‌ندێن وه‌زاره‌تا په‌روه‌ردێ بهێنه‌ دابه‌شكرن،پشتى هه‌ر ئێك ژ وه‌زاره‌تێن پێشمه‌رگه‌ى و ساخله‌میێ و هه‌ردو فه‌رمانده‌یێن زێره‌ڤانى و ئاماده‌،مووچێ ماموستایان بهێته‌ دابه‌شكرن.
سه‌رۆكێ ئێكه‌تیا ماموستایان دیاركر ژى:مه‌ پێخوشه‌ ل ده‌ستپێكا حه‌فتیا بهێت مووچێن مه‌ بهێنه‌دان و ئێك رۆژ ژى نه‌هێته‌ گیروكرن،لدووڤ زانیاریێن وه‌زاره‌تا په‌روه‌ردێ،بریاره‌ ل حه‌فتیا بهێت مووچێ هه‌مى فه‌رمانبه‌ر و ماموستایێن وه‌زاره‌تا په‌روه‌ردێ بهێته‌ دابه‌شكرن،به‌لێ هه‌تانوكه‌ ب فه‌رمى رۆژ نه‌هاتیه‌ دیاركرن.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ته‌باخا تيرمه‌ها 2015ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌: