ئه‌ڤرۆ نیوز ، نه‌وزاد زاده‌ هلۆرى:
د كۆمبوونا 10 ده‌مژمێرى یا رۆژا شه‌مبى یا بورى یا ئه‌نجومه‌نا وه‌زیران پێشنیارا وێ یه‌كێ هاته‌كرن كو هه‌یڤانه‌ حكومه‌ت چه‌ند داهات ده‌ستڤه‌ بهێت ب وى رێژه‌یێ ژى موچه‌یى بده‌ت.
رۆژا شه‌مبى یا بوورى ( 16/1/2016) چه‌ند وه‌زیره‌ك ل مالا نێچیرڤان بارزانى سه‌روكێ حكومه‌تێ كۆمبوون و دوڤدا راگه‌هاند كو كۆمبوون 10 ده‌مژمێران ڤه‌كێشایه‌ ، و پێشنیارا وێ یه‌كىچ هاتیه‌كرن كا حكومه‌تێ هه‌یڤانه‌ چه‌ند داهات ده‌ستخوڤه‌ ئینا ب هه‌ند موچه‌یێ فه‌رمانبه‌ران بده‌ت.
د كۆمبوونێ دا به‌حس ل وێ یه‌كێ هاتیه‌كرن هه‌ر چوو نه‌بیت حكومه‌ت هه‌یڤانه‌ پشكا ( 20% ) بیت ، دكاریت موچه‌یێ فه‌رمانبه‌ران دابین بكه‌ت و یا گرنگ ئه‌وه‌ بكاریت بده‌ت.
رۆژه‌كێ پشتى كومبوونێ وه‌زاره‌تا دارایى یا حكومه‌تا هه‌رێما كوردستانێ دیاركر كو دڤێ حه‌فتیێ دا نیڤا موچه‌یێ وه‌زاره‌تا په‌روه‌ردێ دابه‌ش بكه‌ت ، و ل ئاینده‌یه‌كێ نێزیك ( بێى كو ده‌مێ وێ بهێته‌ دیاركرن ) نیڤا دن دێ هێته‌ دابه‌شكرن.

ئه‌ڤرۆ نيوز:

ل ژێر دروشمێ (ژیان یا به‌رده‌وامه‌ ل شنگالێ)  رۆژا ئێك شه‌مبى رێكه‌فتى 2016/1/17 ئێكه‌مین پێشانگه‌هه‌كا شێوه‌كارى ل شنگالێ بۆ هونه‌رمه‌ند (عمار سالم)هاته‌ ڤه‌كرن كو ژ ئاليێ سه‌ندیكا هونه‌رمه‌ندێن كوردستانێ لقێ دهوك هاتبوو رێكخستن.

ئه‌ڤرۆ نيوز:

رائيدێ مافپه‌روه‌ر بێوار عه‌بدوله‌عه‌زيز به‌رپرسێ راگه‌هاندنا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: دریدانەکا ترافیکی دا دهى  ل لسەر رێکا گرشینی نێزیک گوندێ کلیکی ترومبێلەکا تیوتا له‌ندکروس ژبن کونترولا شوفێری دەردکەڤیت و د وەردگەرێت و ئەنجامدا سێ کەس بریندار دبن و کەسەکی جانێ خو ژ دەست دا.

ئه‌ڤرۆ نیوز ، نه‌وزاد زاده‌ هلۆرى:
دچارچوڤێ به‌رنامه‌یێ ترافیك ل رادیویا ترافیك ل دهوكێ مه‌لا جیهاد بێسفكى رێڤه‌به‌رێ ئه‌وقافا دهوكێ دیاركر كو چوو رودانێن هاتن و چوونێ قه‌زا و قه‌ده‌ر نینن و گۆت : ( هه‌ر شوفێره‌كێ خه‌مساریێ د هاژوتنا ترۆمبێلێ دا بكه‌ت و پێگریێ ب رێنمایێن هاتن و چوونى َنه‌كه‌ت و دوڤدا ئه‌ڤ یه‌ك ببیته‌ سه‌ده‌م كو هنده‌ك روحێن پیروزێن خه‌لكى پێ گیانى َخوه‌ ژ ده‌ست بده‌ن و سامان و مالێ خه‌لكى پوچ ببیت ئه‌ڤ یه‌ك نابیته‌ قه‌زا و قه‌ده‌ر به‌لێ نها هنده‌ك شوفێر ڤێ یه‌كێ ب بهانه‌یا قه‌زا و قه‌ده‌رێ روودانێ په‌رده‌پوش دكه‌ن و وه‌سا ددانن كو خودێ هوسا حه‌سكریه‌ )
زێده‌تر گۆت : ( هه‌ر كاره‌كێ بهێته‌ روودان خودایێ مه‌زن ئاگه‌هى لسه‌ر هه‌یه‌ به‌لێ ئه‌وێن ب ده‌ستێن مه‌ دهێنه‌ ئه‌نجامدان ئه‌و ب هه‌لبژاردنا مه‌یه‌ ، و ژبه‌رڤێ خودایێ مه‌زن مێشكێ دایه‌مه‌ كو ئه‌م سه‌ره‌ده‌ریى َدگه‌ل خه‌لكى بكه‌ین و سامان و گیانێ خه‌لكى ببپارێزین )
مه‌لا جیهاد بێسفكى د درێژاهیا ئاخفتنێن خودا دیاركر ژى كو هه‌ر شوفێره‌كێ دبیته‌ سه‌ده‌ما ژ ده‌ستدانا گیانى َكه‌سه‌كێ پێدڤى یه‌ لسه‌ر وى ئه‌و ( دیه‌ ) بده‌ت و بو ماوه‌یى َدوو هه‌یڤان یێ ب رۆژى بیت و گۆت ژى : ( ئه‌و شوفێرێ پێگریێ ب رێنمایێن هاتن و چوونێ نه‌كه‌ت گونه‌هه‌ و پێدڤى یه‌ شوفێر خوه‌ ببپارێزن ژ كوشتن و برینداركرنا خه‌لكى و پوچكرنا سامانێ وان ، و نه‌بیته‌ سه‌ده‌ما بێزاریێ دناڤا مالان دا و زاروان بكه‌تن ئێتیم )
ل دوماهیێ گۆت : ( رولێ پولیسێن هاتن و چوونى َناهێته‌ ژبیركرن بو خزمه‌تا جڤاكى و هه‌رده‌م بویه‌ ئه‌گه‌را پاراستنا سه‌ر و مالێ وه‌لاتیان و كارێ وان بۆ وان لده‌ف خودێ ب خێر دهێته‌ نڤیسان و پێدڤى یه‌ ئه‌و ژى به‌رامبه‌ر ئه‌ڤێ به‌رپرسیاره‌تیێ پتر خه‌مێ ژ خه‌لكى و سه‌روگیانێ وان بخون )