ئهڤرۆ نیوز:
جڤاتا ئاسایشا ههرێما كوردستانێ سهبارهت هێرشێن ئهڤرۆ ییێن تیرورستێن داعش بۆ سهر چهپهرێن هێزێن پێشمهرگهى راگههاندنهك بهلاڤكریه و تێدا ئاماژه ب وێ یهكێ كریه كو داعش ژ 7 لایان ڤه هێرش كریه سهر پێشمهرگهى.
جڤاتا ئاسایشا ههرێما كوردستانێ دیاركریه كو زێدهتر ژ 70 چهكدارێن داعش یێن تیرورست هاتینه كوشتن، و فرۆكێن ههڤپهیمانان ژى 25 هێرش ئهنجامداینه بۆ سهر بنگههێن داعش.
ئهڤرۆنیۆز، ئهیاد بهرواری
ئاژانسهكا دهنگوباسێن ئیرانی بهلاڤكریه كو ئهمریكا و توركیا یێن بزاڤا دووركرنا ههردو پارێزگههێن نهینهوا و ئهنبار ژ كونترۆلا حوكمهتا عیراقێ دكهن وهكو دهستپێكهك بۆ دروستكرنا دهولهتا سونی.
ئاژانسا (فارس) یا دهنگوباسان یا نێزیك ژ زێرهڤانێن شۆرهشا ئیرانی بهلاڤكر” وهكو دهستپێكهك بۆ دروستكرنا دهولهتهكا سونی، ئهمریكا و توركیا یێن ڕێككهفتین كو ههردو پارێزگههێن نهینهوا و ئهنبار ژ نهخشێ عیراقێ دهربكهن، ب ڕێیا هنارتنا هێزێن لهشكری و كڕینا كهسایهتیێن سیاسی و عهشائیری ل وان ههردو پارێزگههان”.
ئاژانسا ناڤبری ژ زاردهڤێ شێخ (ئیبراهیم عیساوی) ئێك ژ سهرۆك عهشیرێن پارێزگهها ئهنبارێ ڤهگوهاستیه كو” ئهمریكا یا كاردكهت بۆ كۆمكرنا پتریا سهرۆك عهشیرێن ئهنبارێ ژبۆ بهرههڤكرنا وان بۆ پرۆژێ ههرێما سونی كو ژ سنۆرێ سعودیێ ل باشوورێ و ههتا توركیا ل باكووری ب خوهڤه دگریت و بودجهكا ڤهكری ژی بۆ وی پرۆژهی یا هاتیه دانان”.
گوت ژی” هاتنا هێزێن توركی بۆ نهینهوا و دانانا هندهك بنگههێن ئهمنی یێن ئهمریكی ل نهینهوا و ئهنبارێ ل بن ناڤێ (شیرهتكارێن لهشكری) تنێ بهرههڤكرنهكه بۆ بهرفرههكرنا بنگههێ ڤی پرۆژهی ب ڕێیا پشتهڤانیا لایهنگرێن خوه”.
راپۆرتا ئاژانسا (فارس) یا ئیرانی دیاركریه ژی كو”هندهك گرۆپێن دناڤ حهشد شهعبی دا ل عیراقێ دوپات دكهن كو ئهو دێ دژی ههر پرۆژهكێ ژ ڤی جۆری بن و ئهو دبێژن كو ههبوونا ئهمریكی هندهك ئارمانجێن دی یێن نه راگههاندی یێن بۆ ههین”.
ئهڤرو نیوز،بارزان مزوورى
مقدم حسێن شكهفتى ، بهرپرسێ ههوالگیریا بهتهلیونا 2 هێزا 12 سوپایێ 3 زێرهڤانى ل میحوهرێ ناوهران بو مالپهرێ ئهڤرو نیوز ئاشكرا كر ئهڤرۆ چهكدارێن تیرورستێن داعش ب سێ لایانڤه ل روژئاڤایێ میحوهرێ ناوهران هێرش كره سهر هێزێن پێشمهرگهى بهلێ پێشمهرگه ب مێرانه بهرامبهرى هێرشا وان راوهستیان و د ماوهیهكێ درێژ شهرى ڤهكێشا.
ناڤبرى دیار كر كو پێشمهرگهیێن خوبهخش ل دهڤهرا شێخان وهلاتیێن ههموو گوندێن سهر ب شێخان ڤه بهشدارى د شهرى دا كر و بوونه چهپهرێن پیلایى بو پێشمهرگهى و زیان ب پێشمهرگهى نهكهفتن، ب تنێ سێ پێشمهرگه ب سڤكى بریندار بوینه برینێن وان باشن ،
ناڤبرى گوت كو ئهڤ هێرشا داعش پێك ئینایى مهزنترین هێرشا داعش بو
د ئهڤ سال دا بو سهر میحوهرێ ناوهران كو د ماوێ پتر چار دهمژمێرا شهرێ بهردهوام بو ،
ژلایهكێ دى ڤه لیوا سالار شێخكى ، ل میحوهرێ ناوهران بو مالپهرێ ئهڤرو نیوز ئاشكرا كر كو 8 پارچێن چهكى گران كهفتینه دهستێن پێشمهرگهى دا كو سێ ههمهر دگهل سێ فورد مدرع دگهل شهفهلهك و حهفارهك هاتینه تێك شكاندن و د نها دا لبن دهستێن پێشمهرگهى نه ،
ئەڤرۆ نیوز:
ئەکتەرا بەرنیاسا سووری (لیلیا الاگرش) ئەو چەندە رەتکر کو وێ دەست ژ کارێ ئەکتەریێ بەردابیت و گۆت: ئەو کاودانێن ب سەر وەلاتێ من دا ھاتین ژ نەچاری ئەزو و ھەڤالێن من یێن ھونەرمەند ژ کارێ دوورخستن.
ناڤھاتی کو ئێک ژ پشکدارێن زنجیرا ناڤدارا سووری ( باب الحارە) یە و ب وێ زنجیرێ ناڤدار بوویە گۆت: بینەر ھەموو دزانن کو دراما ل وەلاتێ من دئاستەکێ باش دابوو، لێ مخابن کاودانێن شەری ھەموو کار پاشڤەبرن و ھەتا رادەکی راوەستاندن، لێ ئەز ب باوەرم دێ ھەر رۆژەک ھێت رەوش ئارام بیت و ئێدی وەکو بەرێ و باشتر ژی دێ بەردەوامیێ ب کارێ خوە دەین.
ئەڤرۆ نیوز:
سترانبێژ دلنیا قەرەداغی رەتکر وێ دەست ژ ستراگۆتنێ بەردابیت و گۆت: ھندەک سترانێن نوو ل بەردەستێ منن و بۆ دەمێ بھێت سۆپرایزا من دڕێ دایە.
ناڤھاتی کو ئەڤە چەند سالن ل وەلاتێ مسرێ دژیت: د بەرنامەکێ ھونەری دا گۆت: راستە وەکو کەلەخ ئەز یا ل مسرێ چونکو رزقێ من یێ کەفتیە ڤێرە، لێ دلێ من ھەر یێ ل کوردستانێ، و مادەم ئەز کوردم و ب سترانبێژەکا کورد دھێمە نیاسین، سۆزێ د دەم ھەتا مرنێ ھەر سترانان بێژم و ئەز حەزژێکەرێن دەنگێ خوە پشت راست دکەم کو گۆتنێن وان کەسان ئەوێن دبێژن دلنیایێ سترانێن ھێلاین دوورن ژ راستیێ و چو دەمی ئەز مرم دێ ژنوو سترانان ھێلم، و من دڤێت بێژمە وان وەکو پرۆژەک سێ ھەتا چار سترانێن باش ل بەردەستن و ھەر دەمێ من دەلیڤە دیت دێ تۆمارکەم.
ئهڤرۆ نیوز:
سالار مەحمود، ئهندامێ پهرلهمانێ كوردستانێ د نڤیسارهكێ دا، كو ئاراستهى ئهندامێن پهرلهمانێ كوردستانێ كرى، داخاز ژێ كرینه كو سوبه ب ههلكهفتا رۆژا ئالایێ كوردستانێ، ل دهمژمیێر 11 سپێدێ ب مهرهما لێكگوهۆرینا هزرو بیران و ئاسایى كرنا رهوشا ئالوزا ههرێمێ كومبوونهكا پهرلهمانى بهێته سازكرن.
ئامێدیێ؛ مەحمود نهێلی
ژ ئەنجامێ بۆردومانکرنا دەڤەرێ ژلایێن بالەفرێن لەشکەرێ تورکیا یا بەری دوو شەڤان پتر ژپێنجی مێشێن هنگڤینی ل گوندێ ردێنیا یا سەر ب ناحیا دێرەلوک هاتنه ژ ناڤبرن.
هالاتی لەزگین ردێنی خودانێ وان مێشان بۆ ئەڤرۆ دیار کر کو بەری دوو شەڤان گوندێ وانا ب بههانا ههبوونا بارەگەهێن پەکەکێ ب دژواری ژلایێ بالەفرێن لەشکەرێ تورکیاڤە هاتنە توپ بارانکرن و گۆت ؛ سوپاس بۆ خودێ ل دەمێ بوردومانکرنێ ئەم ل گوندی نەبووین و چ زیانێن جانی چێنەبوونە )
ناڤبری ئاشکرا کر کو ژبلی گۆندێ وانا چەندین گوندێن دیتر یێن دەڤەرا بەرێ گارێ ژلایێ ڤان بالەفران ڤە هاتنە بوردوماکرن و د ئەجامێ دا زیانین مالی یێن زور گەهاندینە خەلکێ گوندی و هەژمارەکا زورا مێشین وان ژ ناڤبرینە .
خویاکر بەری نها ژی هەر ژ ئەنجامێ توپ بارانا لەشکەرێ تورکیا بو سەر گوندێن وان چەندین مێشێن هنگڤینی یێن گوندیان هاتنە ژناڤبرن .
![12366529_10208255245724251_250894445_n [Desktop Resolution]](http://evronews.net/ku/wp-content/uploads/2015/12/12366529_10208255245724251_250894445_n-Desktop-Resolution.jpg)
![12399223_10208255245684250_1348102099_n [Desktop Resolution]](http://evronews.net/ku/wp-content/uploads/2015/12/12399223_10208255245684250_1348102099_n-Desktop-Resolution.jpg)
![12387986_10208255245804253_1179457702_n [Desktop Resolution]](http://evronews.net/ku/wp-content/uploads/2015/12/12387986_10208255245804253_1179457702_n-Desktop-Resolution.jpg)
ئهڤرۆ نیوز:
ئاڤاهیێ نوو یێ رێڤهبهریا گشتى یا روشنبیرى و هونهرى ل دهۆكێ كو دكهڤیته سهر گرهكێ بلند ل ئێتووتێ، ئاڤاهیهك بالكێشه ژبهر كو وهك تهپێ هاتیه دروستكرن و بالا مروڤى رادكێشیت، دو ماموستاییێن پهیمانگهها هونهرێن جوان ب ناڤێ رهجهب ئهحمهد و شڤان نیمهتولا ب ههلكهفتا رۆژا ئالا ، هزر د وێ چهندێ دا كریه كو وێنێ ئالایێ كوردستانێ ب رێیا داتاشوى، ل سهر ئاڤاهى بهێته نمايشكرن.
ئهڤرۆ نیوز:
پشتى كو پشكا ههرێما كوردستانێ 17% د پرۆژه قانوونا بودجێ 2016 یێ عیراقێ دا پهسهند بووى و هاتیه جێگیركرن، حهنان فهتلاوى سهرۆكا بزاڤا ئیراده ل پهرلهمانێ عیراقێ دلتهنگیا خوه دیاركر و راگههاند” د بزاڤا كێمكرنا بودجێ ههرێما كوردستانێ دا، پهرلهمانتارێن ههڤپهیمانیا نیشتمانى پشتا خوه دامه و نههاتنه ل گهل رهئیا مه”.
ئهڤرۆ ب تنێ 18 پهرلهمانتاران دهنگ بۆ كێمكرنا پشكا ههرێمێ د بودجا عیراقێ یا 2016 دا كو ببیته 13%، لهوما بزاڤا وان سهرنهگرت، پشتى كو پهرلهمانتارێن ههڤپهیمانیا نیشتمانى دهنگ ب وێ چهندێ داى كو بههرا ههرێمێ ههر 17% بمینیت.
نيشاندان