ئه‌ڤرۆ نيوز:
سه‌رۆكايه‌تيا ئه‌ركانێن سوپايێ توركيا د به‌ياننامه‌كێ دا راگه‌هانديه كو د پێكدادانێن د ناڤبه‌را چه‌كدارێن په‌كه‌كێ و سه‌ربازێن سوپايێ توركيا دا، ل باژاروكێ چوكورجا، شه‌ش سه‌رباز هاتينه كوشتن، هه‌ڤده‌م ژ ئه‌نجامێ كه‌فتنه خوارا هه‌ليكوپته‌ره‌كێ كو ب مه‌ره‌ما به‌رهنگاربوونا په‌كه‌كێ ره‌وانه‌ى ده‌ڤه‌رێ هاتبوو كرن، فرۆكه كه‌تى نه و دو فرۆكه‌ڤان هاتينه كوشتن.
ئه‌ڤرۆ نيوز:
پارتى ديموكراتى كوردستان دێ ل سه‌ر ئاستێ سه‌ركرداتيا خوه سه‌ره‌دانا لايه‌نێن سياسى كه‌ت ژ بوو دانوستاندنێ ل سه‌ر پرسا ريفراندۆمێ ل هه‌رێما كوردستانێ.
چنار سه‌عه‌د، ئه‌نداما سه‌ركرداتيا پارتى ديموكراتى كوردستان د داخۆيانيه‌كێ دا بۆ رووداو راگه‌هاند: ئه‌و ده‌رفه‌تا نوكه هاتيه پێش يا زێرينه و ب بۆچوونا سه‌ركرداتيا پارتى دبيت ئه‌ڤ ده‌رفه‌ته دووباره نه‌بيت ژ به‌ر هندێ ژى دێ ل گه‌ل لايه‌نێن سياسى بۆ ڤێ مه‌ره‌مێ ده‌ست ب دانوستاندنان كه‌ن.
ب گۆره‌ى پێزانينێن ل به‌ر ده‌ست ئێكه‌تى دێ لايه‌نێ ئێكێ بيت، پارتى ديموكراتى كوردستان سه‌ره‌دانا وێ بكه‌ت و ئێكگرتوو ژى دێ ژ لايه‌نێن ده‌سپێكى بيت ژ به‌ر په‌يوه‌نديێن وان يێن خۆش ل گه‌ل پارتى، به‌لێ هێشتا يا ديار نينه، كا دێ گۆڕان ئاماده‌يا خوه ده‌ربڕيت بۆ دانوستاندنێ ل گه‌ل پارتى ديموكراتى كوردستان بۆ ڤێ مه‌ره‌مێ يان ژى نه.
ئەڤرۆ نیوز،زنار تۆڤی:
ئەڤرۆ شەرەرەکێ دژوار دناڤبەرا پەکەکێ سۆپایێ تورکی ل دەڤەرا جۆلەمێرگێ دەستپێکر و سۆپایێ تورکی ھێزەکا مەزن رەوانەی ڤی باژێری کریە و ئەڤ باژێرە و باژێرێ چەلێ ژی گەمارۆدایە و ب فرۆکێن f 16 نوکە سۆپایێ تورکی وان دەڤەران بوردۆمان دکەت و د ھەمان دەمدا دڤی شەری دا چەندین کوشتی و بریندار ژلایێ سۆپایێ تورکی ڤە ھەنە،ھەر ئەڤرۆ فروکەکا کوبرا ل وێ دەڤەرێ ھاتیە تێکشکاندن ژلایێ پەکەکێ ڤە و نوکەژی شەر یێ بەردەوامە.ەلک ئێدی نەھێنە سەر گوندان و ب ڤێ چەندێ زیان دێ گەھیتە کەرتێ چاندنێ و لایەنێ ئاڤاکرنا گوندان.
ئەڤرۆ نیوز،زنار تۆڤی:
ژ ئەنجامێ بوردومانکرنا بەردەوام یا تۆپخانەیا سۆپایێ تورکی بۆ دەڤەرا بەرواری بالا چەندین زیانێن ماددی گەهشتینە خەلکێ ڤێ دەڤەرێ، ل ئێڤاریەکا درەنگ تۆپخانەیا سۆپایێ ل گوندێ گێمانێ چەندین تۆپ هاڤێژتینە گوندێ ئۆرە ل بەرواری بالا و د ئەنجامدا تۆپەک ب خانیێ وەلاتیەکێ گوندی دکەڤیت و خانیێ وی دهەرفینیت و هەروەسا ترومبێلەک نێزیکی وی خانی بوو،ئەو ترۆمبێل ژی پەرتاندیە و ڤێ چەندێ ترسەکا مەزن لدەف خەلکێ گوندی پەیداکریە و ئێدی ژیانا وان کەفتیە د مەترسیێ دا.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ د په‌يامه‌كێ دا سالڤه‌گه‌را دامه‌زراندنا بنگه‌هێ لالش پيرۆز كريه كو ئه‌ڤه‌ژى ده‌قێ وێ يه:
رێزداران ل دەستەیا بلندا بنگەهێ لالش ـ دهۆك
ب هـەلكەفتا بیرەوەریا بوورینا ٢٣ ساڵان ژ خەبات و خزمەتا بنگەهێ لالش و ڤێخستنا شەمالكا ٢٤ ساڵیێ، گەرمترین پیرۆزباهیێ ئاراستەى تەڤایا بنگەهـ و نڤیسگەهـ و ئەندام و كادرێن وە و كوردێن ئیزدى ب گشتى دكه‌ین.
بنگەهێ لالش دەستكەفتەكێ گرنگێ بزاڤا ڕزگاریخوازا كوردستانێیە كو ساڵا ١٩٩٣ێ لژێر دروشمێ (لالش كانیەكا زەلالە دهورتە د ڕووبارێ ڕەوشەنبیریا كوردیدا) ئاڤا بوو. دگه‌ل هه‌مى ئالۆزى و ئاستەنگێن دكەتنە پێشیا ڤى بنگەهێدا، لێ ب هـەولدان و ماندیبوونا ڕەوشەنبیر و ئەكادیمى و خەمخۆرێن كولتوور و جڤاكا ئێزدییان، بنگەهێ لالش خوە ڕاگرت، بەردەوام پێشكه‌ت و وه‌كى دەزگایەكێ نەتەوه‌یى، ئاینى، ڕەوشەنبیرى و جڤاكى دناڤا سازی یێن هـەرێما كوردستانێدا، جهـەكێ هێژا گرت.
حكوومەتا هەرێما كوردستانێ ب ئەركێ خوە زانیە كو پشتەڤانییا كار و خەباتا بنگه‌هێ لالش بكه‌ت داكو بكاریت باشتر خزمەتا تایبەتمەندییا ئێزدییان بكه‌ن. جینۆسایدا دەڤەرا شنگالێ و ئه‌و زوڵم و ستەم ژى یاكو تیرۆرستێن داعش ل ئێزدییان كرى، مە هان ددەت كو زێدەتر خزمەتا جڤاك و سازیێن ئیزدیان بكەین داكو ب باشترین شێوە و ب ئارامى ل سەر ئاخا خوە و نێزیكى پەرستگەهـ و پیرۆزییێن خوە ل كوردستانێ، ژیان و كار و خەباتێن خوە بدۆمینن.
دیسان وە پشتڕاست دكەین كو هـەولدانێن مە دبەردەوامن ژبۆ كەیسا بجینۆسایدناساندنا كارەساتا شنگالێ لسه‌ر ئاستا نێڤده‌وله‌تى، هه‌روه‌سا ڕۆلێ بنگەهێ لالش پشتى ڕوودانا كارەساتێ ژبۆ خزمەتكرنا لێقەومییان و هـەلوێستا وى یا بەڕەڤانیكرنێ ژ ئاخ و ئایین و جڤاكا كوردێن ئیزدى، ب ڕێز و بلند دنرخینین.
دوبارە ساڵڤه‌گه‌ڕا دامەزراندنا بنگەهێ لالش پیرۆز دكەین و هیڤیا بەردەوامى و پیشڤەچوونێ بۆ كار و خەباتا وە دخوازین.
نێچیرڤان بارزانى
سه‌رۆكوه‌زیرێ هه‌رێما كوردستانێ
12/5/2016
ئه‌ڤرۆ نيوز:
عه‌باس ئه‌كره‌م، په‌يڤدارێ وه‌زاره‌تا خواندنا بلند راگه‌هاند كو عه‌بدوله‌تيف سه‌له‌فى وه‌كو وانه‌بێژ و جێگرێ راگرێ په‌يمانگه‌ها زانستێن ئيسلامى ل زانكۆيا سلێمانيێ هاتيه دوورخستن.
عه‌باسى دياركر كو دو لژنه ل دۆر پرسا ژن ئينانا مه‌لا عه‌بدوله‌تيف سه‌له‌فى هاتينه پێكئينان و تا پرس ئێكلايى نه‌بيت، نابيت ده‌وامێ بكه‌ت.
ئه‌ڤرۆ نیوز: ڤه‌ده‌ر ره‌شاڤایی:
ل بازاره‌كێ باژارێ (شانشی) ل ناڤه‌راستا چینێ هنده‌ك جۆرێن جلێن نڤستنێ دهێنه فرۆتن كو ل سه‌ر نڤیسیه (ISIS vs the Kurds ;P) ئانكۆ (داعش هه‌مبه‌ر یان دژی كوردان) و هێمایێ ( P;) ب ره‌خڤه یه و دهێنه فرۆتن.
هه‌رچه‌نده ئه‌ڤ یه‌كه نیشانه‌كه بۆ ده‌نگڤه‌دانا خه‌بات و مێرخاسییا كوردان ل دژی تیرۆرستێن داعشێ، لێ خه‌لكێ چینێ ڤان جلان دكرن، بێی بزانن ڤێ نڤیسینێ چ رامان هه‌یه و ئه‌ڤ جۆرێ نڤیسینێ ب وی هێمایێ كه‌نییێ ( P;) نه‌یا گۆنجیایه كو ل سه‌ر جلێن نڤستنێ بن.
ئه‌ڤ وێنه‌یه ل تۆرا (ٌReddit) هاتییه به‌لاڤ كرن.
ئەڤرۆ نیوز:
پتر ژ ماوێ سالەکێ یە دەڤەرا بەرواری بالا و پتریا سنۆرێ قەزا ئامێدیێ ژ لایێ فرۆکە و تۆپخانەیا سۆپایێ تورکیا ڤە دھێتە بوردومانکرن و ڤێ چەندێ گەلەک زیانێن مادی گەھاندینە خەلکێ ڤێ دەڤەرێ و ھێشتا بوردومانکرنا ڤان دەڤەران یا بەردەوامە، ھەروەسا ئەو خەلکێ زیان گەھشتییێ و زەڤیێن وان ھاتینە خرابکرن ھەتا نوکە نەھاتینە قەرەبووکرن. سەرۆکێ جڤاتا پارێزگەھا دھوکێ ژی راگەھاند، بەری دەمەکی مە ئەڤ بابەتە ل گەل کونسۆلێ ئەمریکا بەحس کریە، دەمێ سەرەدانا پارێزگەھا دھۆکێ کری مە ئەو ل سەر بوردومانکرنا ڤان دەڤەران ژلایێ تورکیاڤە ھایدارکریە کو ڤێ چەندێ زیانێن مەزن گەھاندینە خەلکێ مە
فەھیم عەبدولا حەمۆ سەرۆکێ جڤاتا پارێزگەھا دھوکێ بۆ رۆژناما ئەڤرۆ دبێژیت: ھەر ل حەفتیا ئێکێ یا بۆردومانکرنا وان دەڤەران ژ لایێ سۆپایێ تورکیاڤە، مە وەک جڤاتا پارێزگەھا دھۆکێ لیژنە ل سەر ئاستێ ھەموو قەزایان دروست کرینە، لیژنەک ژ وان بۆ دەڤەرا بەرواری بالا و ئێک بۆ دەڤەرا شێلادزێ و دەشتا زێ و ئێک ژی بۆ دەڤەرا نەھلێ، وان لیژنا کارێ خوە ئەنجامدایە و ڤەدیتن بۆ وان جھان کریە یێن زیان گەھشتینێ.
گۆت ژی: دەمێ شۆل درێژ دبیت و بۆردومانکرن یا بەردەوام بیت، مە ئەو شیان و دەم نینن ھەردەم دووڤچوونێ لێ بکەین، ھەر چەندە مە پشتا خوە نەدایە ڤی بابەتی، لێ مە ئەو نیەت ھەبوو رۆژەکێ داخوازا قەرەبووکرنا خەلکێ زیان گەھشتیێ ژ وەلاتێ تورکیا بکەین، چونکو ژ ئەگەرێ بۆردومانکرنێ زیانێن مەزن گەھشتینە خەلکێ و ھەروەسا زیان گەھشتیە ئەردێ دارستانێ ژی، لەوما ژ ئەڤرۆ وێڤە وەرزێ ھاڤینێ یە و ھەکە بوردومانکرن یا بەردەوامبیت، دێ ئاگر بەربیتە پیش و پەلەخی و زەڤیێن جوتیاران و دێ زیانێن مەزنتر گەھنە خەلکێ ڤێ دەڤەرێ.
ناڤھاتی دیارکر ژی: ھەر چەندە ھەتا نوکە مە ئەڤ بابەتە دگەل کونسۆلخانەیا تورکی ل ھەولێرێ بەحس نەکریە، ھەروەسا نوکە مرۆڤ دشێت بێژیت ئێدی بوردومانکرن ل بەرواری بالا و سنۆرێ دەڤەرا ئامێدیێ یا بوویە رۆژانە و ڤێ چەندێ زیانا ژ ھەموویان مەزنتر گەھاندیە داروبارێ ل دارستانێ، چونکو ھەر جارەکا ئاگر بەردبیتە دارستانێ ب ھزاران دارێن چەندەھا سالە شوون بووین و مێشێن ھنگڤینی و چەندین جۆرێن گیانەوەران د ناڤ دا دھێنە سۆتن، ب ڤێ چەندێ ھەڤسەنگیا سرۆشتی دھێتە تێکدان و ژیان دناڤ دا نامینیت.
فەھیم عەبدوللا گۆت ژی: بەری دەمەکی مە ئەڤ بابەتە ل گەل کونسۆلێ ئەمریکا بەحس کریە، دەمێ سەرەدانا پارێزگەھا دھۆکێ کری مە ئەو ل سەر بوردومانکرنا ڤان دەڤەران ژلایێ تورکیاڤە ھایدارکریە کو ڤێ چەندێ زیانێن مەزن گەھاندینە خەلکێ مە.
ھەروەسا دیار کر ژی: نوکە دۆرێن 20% ژ دەڤەرا پارێزگەھا دھۆکێ یا ل ژێر کونترۆلا پەکەکێ دا، لەورا پشتی راوەستاندنا شەری د ناڤبەرا تورکی و پەکەکێ دا، ژ نوو مرۆڤ دشێت داخوازا مافێ خەلکێ ژ تورکیا بکەت، یان ژی حوکمەتا مە تشتەکێ بۆ وی خەلکی بکەت یێ زیان گەھشتیێ.
زێدەتر گۆت: دیسان پەکەکە ژی زۆرا دلخۆشە ب ڤێ چەندێ و کەیفا وان دھێت کو ئەڤ دەڤەرە وێران ببیت، نوکە ئەڤ دەڤەرە یا مایە د ناڤبەرا پەکەکێ و تورکیا دا و ھەتا نوکە ھەلویستێ حوکمەتا ھەرێمێ ژی یێ لاوازە، ھەر چەندە بەردەوام ئەم چاڤدێریا ڤێ مژارێ دکەین، لێ یا بێ ئەنجامە، چونکو نوکە رۆژانە زیان دگەھیتە خەلکێ مە.
سەرۆکێ جڤاتا پارێزگەھا دھۆکێ ئەو ژی گۆت: ھەر چەندە سەرکردایەتیا کوردستانێ چەندین جاران دگەل سەرکردێن پەکەکێ کومبوون ئەنجام داینە، لێ چو جاران سەرکردایەتیا پەکەکێ پابەندی سۆزێن خوە نەبوویە، پەکەکە جھێ باوەریێ نینە و دانوستاندن دگەل ناھێتەکرن، وان دڤێت زیان بگەھیتە دەڤەرا مە، چونکو ئەڤ دەڤەرە نە جھێ مەیدانا شەری یە بۆ پەکەکێ، لێ چو جھێ ئەو دزانن دێ زیان گەھیتە خەلکێ مە ئەو دھێنە وی جھی، ھەروەسا دەڤەرا بەرواری بالا و دەڤەرێن دیتر یێن سنۆرێ قەزا ئامێدیێ ئێکە ژ جھێن گرنگ بۆ وان و ڤێ چەندێ وەکریە خەلک ئێدی نەھێنە سەر گوندان و ب ڤێ چەندێ زیان دێ گەھیتە کەرتێ چاندنێ و لایەنێ ئاڤاکرنا گوندان.
ئەڤرۆ:
د چارچوڤێ بەرنامێ چاکسازیێن حوکمەتا ھەرێما کوردستانێ دا، پشتی پێداچوون د پەیکەرێ کارگێری یێ وەزارەتان دا ھاتیەکرن دیاربوو کو ب ھزاران پۆستێن رێڤەبەرێن فەرمانگەە و رێڤەبەری و بەرپرسێن پشک ز ھۆبان د زێدەنە و ل گەل ھندەک پشک و ھوبێن دی یێن ھاتینە تێکەلکرن.
د دووڤچوونەکا روداوو دا ئاشکرابوویە کو بتنێ د ھەشت وەزارەتێن حوکمەتا ھەرێما کوردستانێ دا سێ ھزار و 837 پۆستێن رێڤەبەر و بەرپرسێن پشک و ھۆبان ھاتینە کێمکرن و ل گەل رێڤەبەری و ھۆبێن وەزارەتان ھاتینە تێکەلکرن.
وەزارەتا کار و کاروبارێن جڤاکی یا حوکمەتا ھەرێما کوردستانێ ئێکە ژ وان وەزارەتان یێن کو پێداچوون د پەیکەرێ وێ یێ کارگێری دا ھاتیەکرن و ژ بەر ڤێ چەندێ ژی ژ سەرجەمآ 46 رێڤەبەریان 12 ھاتینە کێمکرن و ژ سەرجەمێ 115 پشکان ژی 46 ھاتینە کێمکرن و ژ سەرجەمێ 500 ھۆبان 106 ھۆبە ھاتینە ھەلوەشاندن و ژ ئەگەرێ ڤان گوھۆرینان سالانە نێزیکی 180 ملیۆن دیناران بۆ گەنجینا حوکمەتێ دھێنە زڤراندن.
نەرمین ئەحمەد، رێڤەبەرا گشتی یا دیوانا وەزارەتا کار و کاروبارێن جڤاکی یا حوکمەتا ھەرێما کوردستانێ ئاشکرا کر کو ڤان گوھۆرینان ژ بلی کێمکرنا مەزاختیان لایەکێ دی ژی یێ باش ھەبوو ئەو ژی رووتین دێ ھێتە کێمکرن.
وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ ژ سەرجەمێ 473 رێڤەبەریان 173 رێڤەبەری کێمکرینە و سەرەرایی ڤێ چەندێ ب سەدان پشک و ھۆبە ژی کێمکرینە، بەلێ ھەتا نوکە کارێ وان ب دووماھی نەھاتیە، ھەروەسا وەزارەتا ڤەگۆھاستن و گەھاندنێ یا حوکمەتا ھەرێما کوردستانێ نەە رێڤەبەری و 311 پشک و ھۆبە کێمکرینە و ب ڤێ چەندێ سالانە 600 ملیۆن دینار بۆ گەنجینا حوکمەتێ دھێنە زڤراندن.
وەزارەتا ئەوقاف و کاروبارێن ئایینی یا حوکمەتا ھەرێما کوردستانێ ژ سەرجەمێ 23 رێڤەبەریان 15 رێڤەبەری کێمکرینە و بڕیارە ھەموو پشک و ھۆبێن ب سەر وەزارەتا ناڤبری ڤە ب رێژا 70% بھێنە کێمکرن.
د. خالس ئەحمەد، رێڤەبەرێ گشتی یێ دیوانا وەزارەتا چاندن و ژێدەرێن ئاڤێ یا حوکمەتا ھەرێما کوردستانێ ئاشکرا کر کو پشتی وان کۆمبوونەک ئەنجامدای بڕیار دا کو 25% ژ پەیکەرێ کارگێری یێ وەزارەتا خوە کێم بکەن و ب ڤێ چەندێ رەنگە ھزار پۆست ژ رێڤەبەر و بەرپرسێن پشک و ھۆبان بھێنە کێمکرن.
وەزارەتا ساخلەمیا حوکمەتا ھەرێما کوردستانێ ھەتا نوکە 90% پێداچوون یا د پەیکەرێ کارگێری یێ خوە دا کری و ب ڤێ چەندێ 23 رێڤەبەری و 143 پشک و 659 ھۆبە ھەلوەشاندینە و تێکەلکرینە و ژ بەر ڤان گوھۆرینان سالانە 960 ملیۆن دینار بۆ گەنجینا حوکمەتێ دھێنە زڤراندن.
وەزارەتا رەوشەنبیری و لاوان یا حوکمەتا ھەرێما کوردستانێ ژ سەرجەمێ 160 رێڤەبەریان 132 رێڤەبەری کێمکرینە و ژ سەرجەمێ 72 پشکان 44 پشک کێمکرینە و 700 ھۆبێن ژێک جودا ھەلوەشاندینە و تێکەلکرینە و ژ بەر ڤان گوھۆرینان سالانە شەش ملیار دینار بۆ گەنجینا حوکمەتێ دھێنە زڤراندن.
وەزارەتا پەروەردا حوکمەتا ھەرێما کوردستانێ 27 رێڤەبەری و 27 پشک و 350 ھۆبە کێمکرینە، ئەڤە د دەمەکی دایە کو وەزارەتا ناڤھاتی ب ھزاران رێڤەبەرێن قوتابخانا ھەنە و ھەموو ھەمان دەرمالێن پلا رێڤەبەران وەردگرن.
نيشاندان