ئه‌ڤرۆ نیوز:
وه‌زیرێ به‌ره‌ڤانیا عیراقێ راگه‌هاند پشتى ئازادكرنا تكریت، دێ قه‌ستا هه‌ردو پارێزگه‌هێن ئه‌نبار و مووسل كه‌ن و ژێده‌رێن سه‌ربازى رادگه‌هینن كو ب ئارمانجا ئازادكرنا پارێزگه‌ها ئه‌نبار، سوپایێ عیراقێ هێزه‌كا مه‌زن ره‌وانه‌ى وێ پارێزگه‌هێ كریه.
خالید عوبه‌یدی وه‌زیرێ به‌رڤانیا عیراقێ راگه‌هاند كو ئازادكرنا تكریت دێ بیته خالا ده‌ستپێكێ بۆ ئازادكرنا ده‌ڤه‌رێن نه‌ینه‌وا و ئه‌و ده‌ڤه‌رێن دى یێن دده‌ستێ داعش دا.
ئه‌ڤرۆ نیۆز، قائید میرۆ :
ئێڤاریا ئه‌ڤرۆ ل باژێڕێ هه‌ولێرێ كرێكاره‌كێ رۆژئاڤایێ كوردستانێ دده‌مێ كاركرنێ ل ئاڤاهیه‌كی كه‌فته خوار و گیانێ خوه ژ ده‌ستدا.
كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئێڤاریا ئه‌ڤرۆ هێزێن پۆلیسان ل روویدانه‌كا مرنێ هاتنه ئاگه‌هدارن و ده‌مێ پۆلیس گه‌هشتیه جهێ بۆیه‌رێ ده‌ركه‌فت ل تاخێ ئیسكان یێ باژێڕێ هه‌ولێرێ كرێكاره‌كێ رۆژئاڤایێ كوردستانی ل ئاڤاهیه‌كی كه‌فتیه خوار و ئێكسه‌ر گیانێ خوه ژده‌ستدایه.
كاروانی گۆتژی” ته‌رمێ ئه‌ڤی كرێكاری هاتیه هنارتن بۆ نوشداریا داد و ڤه‌كۆلین ل دۆر چێبوونا بۆیه‌رێ ده‌ستپێكریه، هه‌تا ئه‌گه‌رێ كه‌فتنا ئه‌ڤی كرێكاری بهێته زانین.
ئه‌ڤرۆ نیوز،زنار توڤى:
ئه‌ڤرۆ 2/4/2015 ئیران و وه‌لاتێن 5+1 ل وه‌لاتێ سویسرا ل باژێرێ لوزان لسه‌ر دوسیا ئه‌تومیا ئیرانێ كومبوون و پشتى ماوه‌یه‌كێ درێژ یێ گفتوگویان لسه‌ر دوسه‌یا ئه‌تومیا ئیرانێ رێككه‌فتن.
فردریكا موگورینى به‌رپرسا په‌یوه‌ندیێن ده‌رڤه یا ئێكه‌تیا ئه‌وروپا گوت:ئه‌ڤ رێككه‌فتنه گه‌له‌كا گرنگ بوو دناڤبه‌را هه‌ردوو لایان دا و ئێدى ئابلوقا ئابورى لسه‌ر ئیرانێ دێ رابیت و ئیران دێ چالاكیێن ئه‌تومى ب شێوه‌یه‌كێ سنوردار مه‌شینیت لژێر چاڤدێریا وه‌لاتێن 5+1.
د هه‌مان ده‌م دا محه‌مه‌د جه‌واد زه‌ریف وه‌زیرێ ده‌رڤه یێ ئیرانێ راگه‌هاند كو ئیران رازى بوویه كو بوماوێ 10 سالان ئاستێ پیتاندنا یورانیومى ب رێژه‌یا دوو لسه‌ر سێ كێم بكه‌ت و وه‌سا بریاره ل هه‌یڤا تیرمه‌هێ ئه‌ڤ رێكه‌فتنه بكه‌ڤیته بوارێ جێبه‌جێكرنێ،وه‌لاتێن 5+1 ب به‌رده‌وامى دێ چاڤدێریێ لسه‌ر ره‌وشا ئیرانێ كه‌ن د بوارێ پیتاندنا یورانیومى دا
ئه‌ڤرۆ نیوز:
شه‌هیان ته‌حسین بێژه‌را كه‌نالێ وار تى ڤى د په‌یجێ خوه یێ فێسبوكێ دا ئاماژه ب وێ یه‌كێ كریه كو وێ ده‌ست كار كێشانا خوه ژ كه‌نالێ وار راگه‌هاندیه.
ئه‌ڤه ده‌قێ ناما وێ یه:
بەرێزان، پشتی ساڵەکێ ژ کارکرنێ ل کەناڵێ وار، ئەڤرۆ دەست ژ کارکێشانا خوە ب شێوەیەکێ فەرمی بۆ هەوەیێن هێژا ڕادگەهینم. ب هیڤیێن سەرکەفتنێ بۆ ڕێڤەبەری و ستاف و هەڤاڵێن هێژا یێن کەناڵی. هیڤی یە خزمەتا من جهێ ڕەزامەندی یا هەوە ببیت.
ئه‌ڤرۆ نیوز:
سه‌رۆك بارزانى د په‌یجێ خوه یێ فێسبوكێ به‌رى چه‌نده‌كێ، وێنه‌كێ شه‌هید حوزه‌یفى دانیه و تێدا نڤێسییه: به‌رى شه‌هید ببیت، من حوزێفى ژ نێزیك دنیاسى كو چه‌ند قاره‌مان و یێ ژ هه‌ژى بوو، ئه‌ز هند ب كارێ نه دجهدا یێ ئه‌ندام په‌رله‌مانى دلگرانبووم، ئه‌ز هند ب شه‌هیدبوونا حوزیفى نه‌رحه‌ت نه‌بووم.
بارزانى دیسا گوتیه: ئه‌ز ل سه‌ر ڤێ چه‌ندێ بێ ده‌نگ نابم و من داخواز ژ راوێژكارێ قانوونى كریه كو ل گه‌ل سه‌رۆكاتیا په‌رله‌مانى هه‌ماهه‌نگیێ بكه‌ت و ڤه‌كولینێ ل بابه‌تى بكه‌ت و رێ ب كه‌سێ نه‌هێته دان ته‌جاوزێ ل سه‌ر ناڤداریا پێشمه‌رگه‌ى بكه‌ت.
بۆ پتر پێزانینان ڤى بابه‌تى ژى بخوینن
بنه‌مالا پێشمه‌رگێ شه‌هید كو ب داعش داینه نیاسین هاته ده‌نگ
ئه‌ڤرۆ نیوز:
نه‌ته‌وێن یه‌كگرتى د راپۆرته‌كێ دا ئاشكراكریه كو 25 هزار وه‌لاتیێن بیانى چوونه ناڤ داعش و رێكخراوا قاعیده ل سووریا و عیراقێ.
ل دووڤ راپۆرته‌كا نه‌ته‌وێن یه‌كگرتى كو ئه‌ڤرۆ هاتیه به‌لاڤكرن: ژ 100 ولاتان زێده‌تر ژ 25هزار ولاتیێن بیانى په‌یوه‌ندى ب قاعیده و داعش ل سووریا و عیراقێ كرینه.
هه‌ڤده‌م هوشداریا وێ یه‌كێ دان كو ژماره‌كا زور ژ وان كه‌سێن چووینه ناڤ داعش دێ ل ئاینده‌ى بنه گه‌ف بۆ سه‌ر ئاسایشا جیهانێ.
ئه‌ڤرۆ نیوز:
مه‌سرور بارزانى راوێژكارێ ئه‌نجومه‌نێ ئاسایشا هه‌رێما كوردستانێ ددیداره‌كێ دا ل گه‌ل جێگرێ بالیوزێ سوێد ل به‌غدا به‌حسێ پێشڤه‌چوونێن سیاسى و ئێمناهیێ ل عیراقێ و ده‌ڤه‌رێ و روى ب روى بوونا داعش كر و ئاماژه ب وێ یه‌كێ كر كو هێزا داعش ب چاڤ به‌رێ، یێ لاواز بووى و نوكه ب تنێ زێده‌تر به‌ره‌ڤانیێ دكه‌ت ژ وێ یه‌كێ كو بخوازن جهه‌كێ دى داگیر بكه‌ن.
ئه‌ڤرۆ نیوز:
فوئاد حسێن سه‌رۆكێ دیوانا سه‌رۆكاتیا هه‌رێما كوردستانێ راگه‌هاندنه‌ك ل دۆر ره‌وشا ساخله‌میا مه‌سعود بارزانى سه‌رۆكێ هه‌رێمێ به‌لاڤكریه و تێدا ره‌تكر كو ره‌وشا وى ساخلمیێ تێكچووبیت و دیاركریه: ره‌وشا وى یا ساخله‌میێ زور یا باشه، و ئه‌ڤرۆ پشكدارى د پێشانگه‌ها نێڤده‌وله‌تا یا پرتووكان دا كریه ل هه‌ولێرێ، به‌لێ ژبه‌ر كو په‌رسیڤ یێ هاتیه، ئالوزى دده‌نگى دا بۆ دروست ببون، له‌وما نه‌شیا گوتاره‌كێ پێشكێش كه‌ت.
لیژنا پێشمەرگەيی ل پەرلەمانێ کوردستانێ ئاماژە ب وێ چەندێ دکەت، ھژمارەکا زۆرا پێشمەرگەیان دەست ژ کارێ خوە بەرداینە و زووریا ھژمارا وان جھێ مەترسیێ یە.
دلێر ماوەتی، جێگرێ سەرۆکێ لیژنا پێشمەرگەی ل پەرلەمانێ کوردستانێ بۆ ئەڤرۆ نیۆز گۆت: “د گەل دەستپێکرنا شەڕێ داعش ھەتا نوکە ھژمارەکا زوورا پێشمەرگەيی دەست ژ کارێ خوە بەردایە و ھندەک ژ وان ژی ژ لایێ بەرپرسێن وان ھاتینە لادان و کەس و کارێن خوە ل جھێ وان دامەزراندینە”.
ماوەتی گۆتژی: “لیژنا پێشمەرگەيی شیایە ھژمارەکا زوورا پێشمەرگەیێن دەست ژ کارێ خوە بەرداین و ھندەک ژی يێن ھاتینە فەسلکرن ڤەگەڕینیته سەر کارێ وان، بەلێ دەست ژ کار کێشانا پێشمەرگەيی ھژمارەکا ھندە زووره جھێ مەترسیێ یە، بەلێ ژ بەر کو دوژمن مفايی ژ زانیاریان نەبینیت ھژمارا وان ئاشکرا ناکەم”.
نيشاندان