ئه‌ڤرۆ نیۆز:
سه‌رۆكێ فراكسیۆنا فه‌زیله‌ عه‌قیل زوبه‌یدى راگه‌هاند، سه‌رۆكاتیا په‌رله‌مانێ عیراقێ 100 په‌رله‌مانتار هنارتینه‌ هه‌رێما كوردستانێ بۆ مه‌شق و راهێنان ل سه‌ر چه‌وانیا دانانا بودجا فیدرالى.
عه‌قیل زوبه‌یدى د به‌یاننامه‌كێ دا گۆت: سه‌رۆكاتیا جڤاتا نوونه‌ران ب مه‌ره‌ما پێگه‌هاندن و پێزانیان ل دۆر چه‌وانیا دانانا بودجا حوكمه‌تا فیدالى 100 ئه‌ندام په‌رله‌مان هنارتنه‌ هه‌رێمێ كو پشكداریێ دخوله‌كێ دا بكه‌ن.
زێده‌بارى وێ چه‌ندێ ژى گۆت: ئه‌ڤ جوره‌ خوله‌ بۆ پتر زێده‌بوونا شیان و پێزانینێن په‌رله‌مانتارایه‌ بۆ هندێ هه‌موو ئاسته‌نگان ده‌رباز بكه‌ن، دده‌مێ خواندن و به‌رچاڤكرنا خال و به‌ندێن قانوونى یا بودجێ كو پێدڤیه‌ ل سه‌ر وانا گه‌نگه‌شه‌ بكه‌ن.

ئه‌ڤرۆ نیۆز:
چالكڤان و رۆژنامه‌ڤانێن باژێرێ مووسل راگه‌هاندن، گرۆپه‌كێ چه‌كدار پشتى شه‌رۆپێكدادانان ل تاخێ كه‌رامه‌ ل ناڤه‌ندا باژێرێ مووسل شیان چه‌كدارێن تیرۆریێن داعشێ ل وى تاخێ ده‌ربێخن و ب ته‌مامى تاخێ كه‌رامه‌ هاته‌ كونترۆلكرن.
ژێده‌ران بۆ ئاژانسا شه‌فه‌ق نیۆز گۆت: شه‌رۆپێكدادانێن دژوار سپێده‌یا ئه‌ڤرۆ ل تاخێ كه‌رامه‌ د ناڤبه‌را چه‌كدارێن نه‌به‌رنیاس و چه‌كدارێن داعشێ په‌یدابوون، هه‌روه‌سا دیاركر، گرۆپێ چه‌كدارى پشتى ده‌مه‌كێ كێم شیان تاخێ ناڤبرى كونترۆل بكه‌ن و داعشى ره‌ڤه‌ین..
ژێده‌رێن چالاكڤان و رۆژنامه‌ڤانێن مووسل خویاكرن، گرۆپێ چه‌كدار ناڤێ خوه‌ دانایه‌ ئه‌فسه‌رێن ئازاد كو ل ڤێ دووماهیێ ل مووسل په‌یدابووینه‌ و بكارێن كوشتن و ره‌ڤاندنا چه‌كدارێن داعشێ رادبن.

ئه‌ڤرۆ نیۆز:
هنده‌ك ژێده‌رێن له‌شكرێ ئه‌مریكى راگه‌هاندن، حوكمه‌تا عیراقێ نه‌ڤێت وێ گرێبه‌ستا ل گه‌ل ئه‌مریكا ئیمزاكرى سه‌باره‌ت كڕینا 24 فرۆكێن هێلیكوبته‌ر ژ جورێ ( 64 / AHI ) ئه‌پاتچى كاردیان كو ژ كارێ كۆمپانیا بوینك یا چێركرن و دورستكرنا فرۆكایه‌.
دبه‌یاننه‌ماه‌كێ دا له‌شكرێ ئومریكى به‌لاڤكریه‌، كونگرێسێ ئه‌مریكى ل سه‌ر فرۆشتن و داخوازا عیراقێ بۆ كڕینا 24 فرۆكێن ئه‌پاتچى، به‌لێ حوكمه‌تا عیراقا فیدرال خوه‌ ڤه‌كێشان و رازینه‌بوون، هه‌ڤده‌م دیاركر، ئه‌و ده‌مێ بۆ ئیمزكرنا وێ گرێبه‌ستێ هاتیه‌ ده‌ستنیشانركرن ب ل هه‌یڤا بۆرى دووماهى هات.

ئەڤرۆ نیۆز، قائید میرۆ:
بەرپرسەکێ ئێکەتی ل دبێژیت، نوکە نێزیکی بیست ھزار چەکدارێن داعش ل پارێزگەھا مووسل ھەنە و موچێ ھەر چەکدارەکێ شەڕکەر ھزار دۆلارن.
غەیاس سورچی کارگێڕێ مەلبەندا ئێکەتی نیشتیمانی کوردستان ل پارێزگەھا مووسل ب ئەڤرۆ نیۆز راگەھاند، کو دەستپێکا ھاتنا داعش بۆ پارێزگەھا مووسڵ، ھژمارا چەکدارێن وان تنێ ھزار چەکدارەک دبوون، بەلێ پشتی ١٠/٦ و کۆنتڕۆلکرنا مووسل، نوکە گورەی زانیاریێن مە نێزیکی ٢٠ ھزار چەکدارێن داعش ل مووسل ھەنە.
سورچی گۆتژی” ھەیڤانە داعش ھزار دۆلاران وەکی موچە بۆ چەکدارێن خوە یێن شەڕی دکەن مەزێخیت، بەلێ ئەف چەکدارێن داعش یێن ل دەڤەرێن ئارام تنێ ٦٠٠ دۆلار موچێ وانە.