ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16.10.2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولار | 1211 |
| 1 يۆرۆ | 1545 |
| 1 ليرێ توركى | 530 |
بهايێ دراڤى ل بازارێن دهۆكێ
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سه‌ره‌كى نووترين نووچه
ل هه‌رێمێ حه‌فتيه‌كێ دێ باران باريت و له‌هى ژى رابن
ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ئه‌و پێشبينيا باران بارينه‌كا دژوار دكه‌ت و دده‌ته زانين كو ژ 16\10 هه‌تا 22\10\2014 باران بارين دێ يا به‌رده‌وام بيت.
د نڤيساره‌كێ دا، رێڤه‌به‌ريا گشتى يا كه‌شناسى و بيڤه‌له‌رزێ پشكا پێشبينيا د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه تێدا هاتيه: “ژ رێكه‌فتى 16\10 هه‌تا 22\10\2014 هه‌رێما كوردستانێ دێ كه‌ڤيته به‌ر چه‌ند شه‌پۆله‌كێن باران بارينێ و پێشبينى دكه‌ين باران بارين ب ره‌نگه‌كێ گه‌له‌ك زێده بيت”.
زێده‌تر ژى دبێژن: “ب تايبه‌ت ئه‌ڤ باران بارينه دێ ل 20 و 21\10\2014 بيت، ئه‌گه‌رێ دروستبوونا له‌هيان ژى ل هنده‌ك ده‌ڤه‌ران هه‌يه”.
ب گۆره‌ى زانياريان هه‌تا نوكه ل پارێزگه‌ها دهۆك 5.5 ملم و زاخۆ 7 ملم و ئاكرێ 9.2 و مانگێشك 17.2ملم و بامه‌رنێ 18.4 ملم باران باريه.
ترۆمبێله‌كا مينرێژكرى ب باره‌گايه‌كێ پارتى ڤه په‌قى
ئه‌ڤرۆ نيوز:
ژێده‌ره‌كێ هايدار ل پارێزگه‌ها سه‌لاحه‌دين راگه‌هاند كو ئه‌ڤرۆ رۆژا پێنجشه‌مبى چار كه‌س بريندار بوون ژ ئه‌نجامێ ته‌قينا ترۆمبێله‌كا مينرێژكرى ل نێزيك باره‌گايه‌كێ پارتى ديموكراتى كوردستان ل تۆزخۆرماتۆز.
ئه‌ڤى ژێده‌رێ نه‌ڤيايى ناڤێ خوه ئاشكه‌را كه‌ت بۆ شه‌فه‌ق نيوز ئاشكه‌را كر كو ئه‌ڤ ته‌قينه ل نێزيكى ده‌مژمێر شه‌شى سپێده‌هيا رۆژا پێنجشه‌مبى روودايه ل به‌ر ده‌رێ خێزانه‌كا توركمانى ل نێزيك رێڤه‌به‌ريا ئاڤێ و باره‌گايێ پارتى ديموكراتى كوردستان ل تۆزخۆرماتۆز و بوويه ئه‌گه‌رێ برينداربوونا چار كه‌سان و زيانێن ماددى يێن مه‌زن ل دووڤ خوه هێلاينه.
ئه‌ڤى ژێده‌رى ئه‌و چه‌نده ژى ئاشكه‌را كريه كو هێزێن ئه‌منى و ئاگرڤه‌مراندن و ترۆمبێلا هه‌وار هاتنێ ل جهێ روودانێ ئاماده بوون و نه‌خۆش بۆ نه‌خۆشخانێ ب مه‌ره‌ما چاره‌سه‌ركرنێ هاتنه ڤه‌گوهاستن.
ب گۆره‌ى زانياريێن چاڤدێران تۆزخۆرماتۆز ئه‌وا ل ده‌رڤه‌ى سنورێ ئيدارا هه‌رێما كوردستانێ د هه‌ڤسه‌نگيه‌كا نه‌يا ئارام يا ئه‌منى دايه ژ ئه‌نجامێ هێرشێن رێكخراوێن تيرۆرستى و ژ وان ده‌ڤه‌رايه يێن دكه‌ڤنه به‌ر ماددێ 140.
داعش موختارێ گوندەکێ شەبەکا دەستەسەرکر
شێخان، بارزان سلێمان مزووری:
ژێدەرەکی ژ دەزگەھێن ئیمناھیێ ل دەڤەرا باشیک بۆ ئەڤرۆ نیوز دیار کر کو چەکدارێن تیرۆرستێن داعش موختارێ گوندێ تلیارا، عەبدولوەھاب یەحیا عەرەب، سەر ب ناحیا باشیک ڤە دەستەسەرکر و بۆ جھەکێ نەدیار ڤەگوھاست.
ئەڤی ژێدەرێ نەخواستی ناڤێ خوە ئاشکەرا کەت گۆت: “ئەو موختار ژ کوردێن شەبەکە ل دەسپێکا ھاتنا داعش بۆ دەڤەرا باشیک چەکدارێن تیرۆرستێن داعش گەھشتینە ل ناڤ گوندێ تلیارا، مۆختارێ گوندی ب گەرمی پێشوازیا داعش کر بوو و مەزنترین نانخارنا نیڤرۆ بۆ وان دروست کربوو”.
زێدەتر گۆت: “مۆختار چووبوو ناڤ رێزێن داعش دا پشتی جەند رۆژ بۆرین ل 15\10 چەکدارێن تیرۆرستێن داعش چوونە مالا مۆختاری د گەل مۆختاری ئاخفتن و گوتنێ تو ھاریکاریا پێشمەرگەی دکەی و دەستەسەرکر “.
رۆسيا: ئێدى لادانا به‌شار ئه‌سه‌د بۆ ئه‌مريكا نه‌يا گرنگه
ئه‌ڤرۆ نيوز:
حوكمه‌تا رۆسيا راگه‌هاند كو نوكه ئه‌وان پێزانين يێن هه‌ين كو ئه‌مريكا ئێدى ب چوونا به‌شار ئه‌سه‌د ڤه نه‌يا پابه‌نده و نوكه ده‌سپێك ژناڤبرنا تيرۆرێ يه و ب هه‌ڤكارى ل گه‌ل حوكمه‌تا سورى.
هه‌لۆيستێ رۆسى ل سه‌ر ده‌ڤێ سه‌رۆك وه‌زيرێ وى وه‌لاتى، ديمترى ميدڤيديڤ، هات، د ديدارا وى دا ل گه‌ل كه‌نالێ CNBC كو تێدا ميدڤيديڤ ئاماژێ ب وێ چه‌ندێ دكه‌ت كو ل دووڤ زانينا وى ئه‌مريكا ئێدى داخوازا راكرنا سه‌رۆكێ سوريا، به‌شار ئه‌سه‌د، ناكه‌ت، به‌لكو دڤێت په‌يوه‌نديێن جودا ل گه‌ل سه‌ركردێن كۆمارا سوريا هه‌بن.
ميدڤيديڤ ده‌رگه‌هێ بابه‌تێ ژناڤبرنا داعش دقوتيت و ته‌كستى ل سه‌ر دژايه‌تيكرنا تيرۆرێ ل سوريا دكه‌ت: “ب گۆره‌ى ته‌نسيقه‌كێ ل گه‌ل حوكمه‌تا سوريا و رازيبوونا وێ”.
سه‌رۆك وه‌زيرێ رۆسيا گۆت: “ده‌سته‌لاتا ديمه‌شقێ پاراستنێ سه‌ر سه‌روه‌ريا خه‌لكێ سورى دكه‌ن، ژبلى كو ديتنا هنده‌ك كه‌سان بۆ هه‌لۆيستێ به‌شار ئه‌سه‌د كو دخوازن ده‌ست ژ كار به‌رده‌ت”.
رۆسيا ب هه‌ڤبه‌ندا سه‌ره‌كيا سوريا دهێته هژمارتن، به‌رى نوكه ژى د چه‌ندين هه‌لويستان دا ل دژى رژێما سوريێ وان مافێ ڤيتۆ بكارئينايه د به‌رژه‌وه‌ندا سوريا دا ل جڤاتا ئێمناهيێ دا. ئه‌مريكا ژى ته‌كستێ ل سه‌ر وێ چه‌ندێ دكه‌ت كو به‌شار ئه‌سه‌د نه هه‌ڤالێ وێ يه د شه‌رێ دژى تيرۆرێ دا و حوكمه‌تا وى ب وێ چه‌ندێ تۆمه‌تبار دكه‌ت كو ده‌ليڤه يا بۆ ڤێ رێكخستيێ خۆشكرى كارێ خوه ل وێرێ بكه‌ت ب و ڤى ره‌نگى به‌ربه‌لاڤ بيت.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ باران باريه ب ره‌نگه‌كى پيرمام 57 ملم بارانێ بارينه و بلندترين رێژه هاتيه تۆماركرن.
رێژێن باران بارينێ ل هه‌رێمێ ب ڤى ره‌نگى نه:
دهۆك 0.8 ملم، رێژا گشتى 5.5 ملم.
زاخۆ 0.4 ملم، رێژا گشتى 7 ملم.
ئاكرێ 1 ملم، رێژا گشتى 9.2 ملم.
مانگێشك 2 ملم، رێژا گشتى 17.2 ملم.
بامه‌رنێ 4.4 ملم، رێژا گشتى 18.4 ملم.
هه‌ولێر 4 ملم، رێژا گشتى 6.9 ملم.
پيرمام 56.9 ملم، رێژا گشتى 65.3 ملم.
سۆران 23.6 ملم، رێژا گشتى 45.2 ملم.
خه‌بات 0.2 ملم، رێژا گشتى 0.2 ملم.
سلێمانيێ 0.9 پله رێژا گشتى 3.9 پله.
هه‌له‌بچه 9.2 پله
كه‌ركووك 1 پله، رێژا گشتى 4 پله.
سوريا ده‌ڤه‌ره‌كا گرتى ره‌تدكه‌ت و گه‌فان ل توركيا دكه‌ت
ئه‌ڤرۆ نيوز:
رۆژا چارشه‌مبى سوريا راگه‌هاند كو ئه‌و رێ ناده‌ت توركيا ده‌ڤه‌ره‌كا گرتى ل سه‌ر سنورێ هه‌ردو وه‌لاتان بۆ مه‌ره‌مێن سه‌بازى دروست بكه‌ت، دا كو لڤينێن سه‌ربازى دژى داعش ل سه‌ر ئاخا سوريا بكه‌ت.
وه‌زاره‌تا ژ ده‌رڤه د به‌ياننامه‌كێ دا كو ئاژانسا ده‌نگوباسێن وان يا فه‌رمى به‌لاڤ كريه دبێژيت: “ده‌وله‌تا توركيا ل سه‌ر په‌يره‌وه‌كێ رێكخستى يا كار ژ بوو تێكدانا ئاسايشا سوريا دكه‌ت، گه‌فا ژى ل سه‌روه‌رى و سلامه‌تيا ئه‌ردێ وێ دكه‌ت”.
زێده‌تر دبێژيت: “حوكمه‌تا وان ب هه‌موو ره‌نگان پشته‌ڤانيا سياسى و له‌شكرى و لوجستيكى يا رێكخستيێن تيرۆرستى يێن چه‌كدار دكه‌ت، ژ چه‌ككرن و مه‌شقكرن و چاڤدێرێكرنا دارايى، ديسا ئاسانكاريێن هاتنا تيرۆرستان بۆ سوريا ژ 83 وه‌لاتان، نوكه توركيا بنگه‌هه‌كێ سه‌ره‌كى يێ تيرۆرێ يه ل سوريا و عيراقێ و گه‌فان ل وه‌لاتێن دى يێن ده‌ڤه‌رێ ژى دكه‌ت”.
وه‌زاره‌تا ژ ده‌رڤه درێژيێ دده‌ته گۆتنێن خوه و دبێژيت: “ئه‌ڤه چو پلانگێرى بوو ل سه‌ر عه‌ين عه‌ره‌ب، به‌لگه‌يه‌كێ رۆهن و ئاشكه‌را بوو ل سه‌ر په‌يوه‌نديێن ب هێز يێن د ناڤبه‌را ئه‌نقه‌ره و رێكخستيا داعش يا تيرۆرستى”.
ئاماژه ب وێ چه‌ندێ ژى كريه: “بزاڤێن توركيا بۆ چێكرنا ده‌ڤه‌ره‌كا گرتى ل سه‌ر سنورێن سوريا، تێكدانا بنه‌ما و ئارمانجێن ئاشكه‌را يێن نه‌ته‌وێن ئێكگرتى نه ل رێسا و قانوونا نێڤده‌وله‌تى”. داخاز ژ جڤاكا نێڤده‌وله‌تى و ب تايبه‌ت جڤاتا ته‌ناهيێ كريه كو : “لڤينێن ب له‌ز بۆ به‌رسينگگرتنا ڤان تێكدانێن حوكمه‌تا توركيا بهێنه كرن، ئه‌وا گه‌فان ل ئاسايش و سلامه‌تيا هه‌رێمى و نێڤده‌وله‌تى دكه‌ت”.
ئه‌ڤ به‌ياننامه دبێژيت: “گه‌لێ سورى، ئه‌وێ روو ب رووى كوشت و ژناڤبرنێ بوو ب بێده‌نگيا خوه و قاره‌مانى و قوربانيدانێ و له‌شكرێ خوه يێ چه‌ككرى، خودانێ ئێكانه يێ دياركرنا هه‌لبژارتن و چاره‌نڤيسێ خوه‌يه، رێ ب كه‌سێ ناده‌ت ده‌ست د كارێن وان وه‌ربكه‌ت، يێ رژده ژى ل سه‌ر روو ب رووى بوونا وان ئارمانجان يێن تێكدانا ئێكه‌تى و سلامه‌تيا سوريا دكه‌ن”.
ته‌كست ژى دكه‌ت: “كۆمارا عه‌ره‌بى يا سورى ب هه‌موو ره‌نگان ره‌تدكه‌ت كو ده‌ڤه‌ره‌كا گرتى ل سه‌ر چ پارچێن ئه‌ردێ وێ بهێنه چێكرن، ل ژێر هه‌ر چه‌نگه‌كى بيت، هه‌ر وه‌كو هاتنا هه‌موو هێزێن دوژمنكارى يێن نێڤده‌وله‌تى ژى ل سه‌ر ئاخا خوه ره‌تكرى”. دبێژيت ژى: “دێ ل گه‌ل هه‌ڤالێن خوه پێرابوونێن پێدڤى بۆ پاراستنا سه‌روه‌ريا نشتيمانى و ئێكه‌تى و سه‌لامه‌تيا ئه‌ردێ خوه گريته به‌ر”.
ژێده‌ر CNN
ل گەل ھەبوونا قەیرانا ھەولێر چاڤ ل ناسناڤێ ئاسیا یە
ئەڤرۆ، مللەت جمال:
تیما تەپا پێی یا یانا ھەولێر سەرەرایی ھەمی قەیرانا تایبەت یێن دارایی شیایە بگەھیتە یاریا دووماھیا قارەمانیا ئێکەتیا ئاسیا کو بریارە یاریا وێ ل ئێڤاریا رۆژا شەمبیا بھێت بەرامبەر ھەڤرکا خوە یانا قادسیە یا کوێتی ل وەلاتێ ئیمارات بکەت کو دبیتە جارا دویێ یانا ھەولێر بگەھیتە یاریا دووماھیا ڤێ قارەمانیێ.
یانا ھەولێر دڤێ یاریێ دا وەکو خودانا ئەرد و یاریگەھێ ھاتیە دانان لێ ژبەر ئابلوقا وەرزشی ل سەر وەلاتێ عیراقێ یاریگەھا یانا شەباب یا ئیماراتی وەکو یاریگەھا وێ ھاتیە دانان و ئەڤ چەندە ژی دێ کارتێکرنا خوە یا خراب ل سەر تیمێ ھەبیت کو دووری ژ پشتەڤانێن خوە یاریا خوە ئەنجام بدەت و ھەروەسا بەرامبەر ڤێ چەندێ یانا قادسیە د باشترین دەمێن خوە دا دبوریت کو ل رێزا چارێ دھێت د خولا وەلاتێ خوە دا ب جوداھیا دو خالان بتنێ ژ سەرکێشا خولێ.
لدور ڤێ یاریێ راھێنەرێ یانا ھەولێر ئەیوب ئودیشو بۆ رۆژناما ئەڤرۆ گوت: قەیرانا دارایی کارتێرکرن ل سەر بەرھەڤیێن مە کر و مە بێ پیشەکار پشکداری کریە لێ سەرەرایی ھەمی قەیرانا مە ھیڤیێن ناسناڤی ھەنە.
ژلایەکێ دویڤە شاندێ یانا قادسیە گەھشتیە وەلاتێ ئیمارات و بتنێ ئێک ھنگافتن ھەیە ئەوژی پیشەکارێ نایجیری عەبدوللا شیھو.
دھێتە زانین ھەولێر د رێکا گەھشتنا ئاسیا دا ١١ یاری ئەنجام داینە حەفت سەرکەفتن و سێ وەکھەڤی و یاریەکێ خوسارە بوویە.
ژڤانێ سەرەدانا بەغدا نەھاتیە دیارکرن
ئەڤرۆ، تایبەت:
ھژمارەکا دەزگەھێن راگەھاندنێ بەلاڤکریە کو ئەڤرۆ سەرۆکێ حوکمەتا ھەرێما کوردستانێ دێ سەرەدانا بەغدا کەت، لێ ژێدەرەکی ژ نڤیسینگەھا سەرۆکێ حوکمەتێ ئەڤ چەندە رەتکر.
چەندین دەزگەھێن راگەھاندنێ بەلاڤکریە کو ئەڤرۆ نێچیرڤان بارزانی سەرۆکێ حوکمەتا ھەرێما کوردستانێ ل گەل وەزیرێن کورد ل حوکمەتا عیراقێ دێ سەرەدانا بەغدا کەن و ل گەل حەیدەر عەبادی ل دۆر کێشێن د ناڤبەرا ھەولێر و بەغدا دا کۆم بن. لێ ژێدەرەکی ژ نڤیسینگەھا سەرۆکێ حوکمەتا ھەرێمێ دیار کر کو ئەڤرۆ سەرەدانێ ناکەت و تایبەت بۆ رۆژناما ئەڤرۆ گۆت:(ھێشتا ژڤانێ سەرەدانا سەرۆکێ حوکمەتێ بۆ بەغدا نەھاتیە دیارکرن).
ھەکە داعش بەغدا کونترۆلکر دڤێت کورد بەرھەڤیێن دەولەتبوونێ بکەن
ئەڤرۆ، عەبدولناسر زێباری:
بسپۆرەکێ زانستێن سیاسی ل زانکۆیا دھۆکێ راگەھاند، ب نێزیکبوونا داعش ژ بەغدایا پایتەختێ عیراقێ مەترسی پەیداکرینە ل سەر کەفتنا وی باژێری د دەستێن وێ رێکخراوا تیرۆرستی دا و ھەکە ھات و داعش بەغدا کونترۆلکر، پێدڤیە ھەرێما کوردستانێ بەرھەڤیێن دەولەتبوونێ بکەت.
ڤەھێل جەبار بۆ ئەڤرۆ گوت” ل دەستپێکێ داعش ھاتە دامەزراندن بۆ سێ ئارمانجان، ئێک ژوان، شۆرەشا سووریێ ب تیرۆرست ناڤ بکەن و یا دی ژی جڤاکێ نێڤدەولەتی رەزیل بکەت و دەولەتەکێ دابمەزرینیت کو ھندەک ژ سنۆرێن کوردان ژی دگەل دانە, تایبەتی ئەو باژێرێن تایبەتمەندی ھەی وەکو دەڤەرێن کوردستانی یێن دەرڤەی ئیدارا حوکمەتا ھەرێمێ و کۆبانێ ل رۆژئاڤایێ کوردستانێ”.
بسپۆرێ سیاسی ئەو ژی دادیارکرن داعش چەند بھێز بکەڤیت دێ ئێکگرتنا کوردان پتر بیت، ھەکە وێ شیانێن ھندێ نەبن خوە نێزیکی دەڤەرێن کوردان بکەت و گۆت ” بۆمە دیاربوو ژبلی چیا، مە ھندەک دۆستێن دی ژی ھەنە ئەو ژی ھندەک دەولەتن کو دەمێ داعش نێزیکی مە بووی، ھاریکاریا مە کر، لێ ڤی شەری ھندەک کێماسی ژی دیارکرن و دڤێت بزاڤێن نەھێلانا وان بکەین ,ئەو دەمێ شۆرەشا ١١ ئیلۆنێ بەرپا بووی و گەلەکا ب ھێزبوو ژبەرکو ھەموو تەخ و چینێن کوردستانێ بەشداربوون و نۆکە ژی ئەگەر داعش چەندا ب ھێز بیت لێ ئێگرتن دێ وێ شکێنیت”.
ڤەھێل جەباری ل دۆر ھێرشێن چەکدارێن داعش ل سەر بەغدا دبێژیت” پشتی ھێزێن عیراقێ خوە ژ رمادی ڤەکێشای، مەترسی نە ب تنێ ل سەر بەغدا پەیدابوویە، بەلکو ل سەر کەربەلا و نەجەف ژی و دڤێت عیراق چاڤدێریێ نەکەت کا دێ بەغدا کەڤیت ددەستێن داعش دا یان نە, دڤێت نەھێلیت نێزیکی بەغدا بیت ژبەرکۆ ھەکە پایتەخت گرت ب رامانا ھندێ دەولەتا عیراقێ نەما و ئەو چەک و سامان ھەموو دێ کەڤن ددەستێ داعش دا و ئەو عەرەبێن وەکو شانێن نڤستی دێ چنە ل گەل داعش ، لێ ھەکە داگیرکر ئەز بباوەرم دێ جارەکا دی ئەمریکا ھێزێن
خوە ھنێریتە عیراقێ”.
ب دیتنا ڤی بسپورێ زانستێن سیاسی ھەکە بەغدا ھاتە کونترۆلکرن ژلایێ داعش ڤە ,دڤێت ئەم بەرھەڤیێن دەولەتبوونێ بکەین و گۆت” گرنگە ئەم د ھشیاربین و پلان ددارێشتی بن بۆ ھەر پێشھاتەکێ ژبەرکۆ نھو دەڤەرێن ھەرێما کوردستانێ ھند شەر نینە ورامانا وێ ئەو نینە چ ل سەر ھەرێما کوردستانێ نینە و یا گرنگە دڤێ قۆناغێ دا پێشمەرگە و ئەو خوەبەخشێن بەر ب شەری ڤەدچن بھێنە مەشق دان و چەک بھێنە بەرھەڤکرن بۆ ھەر پێشھاتەکا نوو”.
نيشاندان
WP Facebook Auto Publish Powered By : XYZScripts.com