ئەڤرۆ، مللەت جەمال:
ژێدەرەکی ژ ھۆبا ڤەکۆلینا پشکا ھاتنوچوونا ناڤ سەنتەرێ دھۆکێ تایبەت بۆ رۆژناما ئەڤرۆ دیار کر د ماوێ ١٠ رۆژێن بۆری دا رێڤەبەریا ھاتنوچوونا دھۆکێ پشکا ناڤ باژێری ٧٥ کەس ل دووڤ قانوونا ھاتنوچوونێ رەوانەیی دادگەھا دھۆکێ کرینە و ب بریارا دادوەرێ و ب ئەگەرێن جودا جودا ڤەکۆلینێ ھەمی ھاتینە بەندکرن.
کۆمیسەر خالد یاسین ژ ھۆبا ڤەکۆلینا پشکا ھاتنوچوونا ناڤ باژێری دیار کر کو زۆربەیا وان سەرپێچیان نەبوونا دەستووردانا ھاژووتنا ترۆمبێلێ بویە و تایبەت د رۆژێن جەژنێ دا و گۆت “پرانیا ڤان سەرپێچکارا ئاوارەبوون، چونکی ٩٥% ژ ھژمارا گرتیان ئاوارەنە و شەش ژ ڤان گرتیان سنێلە بوون”.
ل دووماھیێ خالدی ھژمارا وان گرتیان ب ڤی شێوەی دیار کر کو سەرجەمێ وان ٧٥ کەس بوون ٦ ژ وان ل بن کارتێکرنا مەی ڤەخوارنێ ترۆمبێل ھاژووتینە و ٦٩ دەستووردانا ھاژووتنا ترۆمبێلێ نەبوو کو شەش ژ وان سنێلە بوون و گۆت “ئەڤ ھژمارە د ڤی ماوێ کێم دا ھژمارەکا زۆرە ئەڤە ژی بۆ وێ چەندێ دزڤریت کو ھژمارا ئاوارەیان نێزیکی ھژمارا خەلکێ پارێزگەھێ لێھاتیە و ڤی کاودانی بۆ خو ب دەلیڤە دزانن”.
نيشاندان