پشتی کۆمبوونا ل ئەمریکا یا بۆ شەرێ ل دژی داعشێ سەرۆکێ ئەمریکا باراک ئۆباما دیار کر کو بلا ھەموو کەس بزانن کو جھێ داعشێ ل ڤێ جیھانێ دا نینە، چونکو ئەمریکا ل گەل وەلاتێن ھەڤپەیمان بریار داینە کو ب ھەموو رەنگەکێ شەرێ داعشێ بکەن و ژناڤ ببەن و گۆت: (نھا رەوشەکا گەلەک خراب و تراجیدی ل کۆبانێ ھەیە و دڤێت وەلاتێن عەرەبی سەربازێن خوە فرێکەنە سووریێ دا شەرێ داعشێ بکەن، چونکو دەمێ رەوشا سووریێ خراب بیت و داعش ب ھێز کەڤیت دێ ھەموو وەلاتێن عەرەبی تووشی زیانێ بن و دڤێت ئەو ل گۆر وێ راستیێ سەرەدەریێ ل گەل رەوشا نھا بکەن و بۆ شەرێ دژی داعشێ ئامادە بن).

سەرۆکێ ئەمریکا سەبارەت ب ستراتیژیا نوو یا وەلاتێن ھەڤپەیمان سەبارەت ب شەرێ داعشێ ژی دیار کر کو پلانەکا مەزن و بەرفرەە ژ ئالیێ بسپۆرێن شەری ڤە ھاتیە دارێتن و ھەموو بەرھەڤی بۆ بجھکرن وێ پلانێ ژی ھاتینە کرن و وەلاتێن کو نھا ھەڤکاریا مە نەکەن دێ پاشی پەشیمان بن و ژ بەر وێ یەکێ ژی ئەم رژدین کو داعشێ ب ھاریکاریا ھەڤالبەندێن خوە ژناڤ ببەین.

به‌رهه‌ڤكرن، هۆشه‌نگ تاجر:

ئه‌ڤرۆ نیۆز:
حاكمێ به‌رێ یێ عیراقێ پۆل برێمه‌ر داخواز ژ وه‌لاتێن جیهانى كر، هاریكاریێن مه‌زنتر بۆ هه‌رێما كوردستانێ بكه‌ن،ئاماژه‌دا هندێ كورد بتنێ دێ سه‌قامگیریا باژێرێن ژێر ده‌ستێن داعشێ ڤه‌گه‌رینن.
پۆل برێمه‌رى د هه‌دینه‌كێ دا بۆ سكاى نیۆز گۆت: پێدڤیه‌ هێزێن ئه‌مریكى ا عیراقێ بهێنه‌ زێده‌كرن، چونكى شه‌رێ دژى داعشێ دێ ده‌مه‌كێ درێژ ڤه‌كێشیت، هه‌روه‌سا پۆل برێمه‌رى خواست هێزێن پتر بَ عیراقێ ژ ئالیێ ئه‌مریكا ڤه‌ بهێنه‌ ره‌وانه‌كرن كو پشكداریێ د شه‌رێ داعشێ دا بكه‌ن، هه‌ڤده‌م داخباریا خوه‌ هه‌مبه‌رى بڕیارا ڤه‌كێشانا له‌شكرێ ئه‌مریكى ژ عیراقێ دیاركر و گۆت: ئه‌و بڕیاره‌كا شاش بوو.

ئه‌ڤرۆ نیۆز:
رۆژناما نیۆیورك تایمز یا ئه‌مریكى ئاشكرا، د روودانێن جودا جودا دا هژماره‌كا له‌شكرێ ئه‌مریكى و پۆلیسێن عیراقێ ب چه‌كێ كیمیاوى بریندار بوون، پشتى كه‌فتیه‌ به‌ر پاشمایێن چه‌كێ كیمیاوى یێ رژێما سه‌دام حسێن ل سالا 2004 و سالا 2011.رۆژناما ناڤبرى هه‌روه‌سا گۆت: وه‌زاره‌تا به‌ره‌ڤانیا ئه‌مریكى پێنتاگۆن ئه‌و ده‌نگۆباس هه‌موو ل رایا گشتى ڤه‌شارتن، چونكى ئه‌و چه‌كێ كیمیاوى ل سه‌رده‌مێ شه‌رێ عیراق و ئیرانێ ل سالێن هه‌شتیان دا هاتیه‌ چێكرن.
رۆژناما ئه‌مریكى پشتبه‌ستنا خوه‌ كریه‌ سه‌ر ده‌هان به‌لگه‌نامێن نهێنى و چاڤپێكه‌فتنێن تایبه‌ت ل گه‌ل به‌رپرس و سه‌ربازێن ئه‌مریكى، دوان داخویانیان هاتیه‌ ئاشكراكرن نێزیكى 5000 موشه‌ك و بومبێن كیمیاوى هه‌نه‌، هه‌روه‌سا خوه‌یاكر، 17 له‌شكرێ ئه‌مریكى و 7 ئه‌فسه‌رێن عیراقى تووشى چه‌كى كیمیاوى بوون.
ده‌نگوباس وه‌سا دیاردكه‌ن هنده‌ك چوى چه‌كێ كیمیاوى ل ئه‌مریكا هاتیه‌ دیزاینكرن و وه‌لاتێن ئه‌ۆروپا هاتیه‌ دروستكرن و كه‌رستێ كیمیاوى ل عیراقێ ل سه‌ر هاتیه‌ زێده‌كرن ب هنده‌ك كه‌ره‌ستێن هه‌ر ل وه‌لاتێن ئێكگرتیا ئه‌مریكى هاتینه‌ كڕین.
هه‌روه‌سا هاته‌ ئاشكراكرن، پڕانیا وى چه‌كێ كیمیاوى لبن هه‌رفتێن جڤاتا پارێزگه‌ها موسه‌نا هاتن دیتن، كو دبیت ئه‌و بنگه‌هێ سه‌ره‌كى یێ چێكرن و دروستكرنا چه‌كێ كیمیاوى بیت ل عیراقێ دسالێن هه‌شتیان دا، هه‌ژى گۆتنێ یه‌ هه‌ر ژ مه‌ها خزیرانا بۆرى و هه‌تا نوكه‌ ئه‌و بنگه‌ه دده‌ستێن چه‌كدارێن رێكخستنا داعشێ دا یه‌.
و ل سالا 2005 له‌شكرێ عیراقێ ل بنگه‌هێ جێكرن و دروستكرنا چه‌كى كیمیاوى ل پارێزگه‌ها مووسل دگه‌ریان.