هژمارا په‌نابه‌ران ل كه‌مپێن باژێرێن باكورێ كوردستانێ رۆژ بۆ رۆژێ زێده‌تر لێ دهێت، ئه‌وان هزر نه‌دكر هنده هژمار زێده‌ببيت، له‌ورا ره‌وشا په‌نابه‌ران يا باش نينه و رێك ناهێته دان ژ كه‌مپان ده‌ركه‌ڤن، چونكو دكه‌ڤنه دده‌ستێن قه‌چاغچيان دا و دهێنه خاپاندن و پاره ژێ دهێنه وه‌رگرتن، نوكه گه‌له‌ك ژوان ل سه‌ر ئاخێ دنڤن ز نه‌بوونا جلك و به‌ته‌نيان و چادران و نه‌سه‌رادانا نوشداران مه‌زنترين ئاسته‌نگێن وانه، دۆرێن 003 كه‌سان ژ خه‌لكێ كومه‌لگه‌هێن ده‌وروبه‌رێن دهۆكێ ژي ئاواره‌ي توركيا ببوون، به‌لێ پشتي نه‌مانا ده‌مێ ئاكنجيبوونێ نوكه ڤه‌دگه‌رنه‌ڤه.
خدر عه‌لو ئێك ژ ئاواره‌يێن شنگالێ ل باژێرێ دياربه‌كر دياركر كو دو شه‌ڤه ئه‌و گه‌هشتينه باژێري و دو شه‌ڤه زارۆيێن وان ل ناڤ ئاخێ، بێ به‌ته‌ني دنڤن و چو خيڤه‌تژي بۆ نه‌هاتينه دان و گۆت: سه‌ره‌راي نه‌خۆشيێن مه چو نوشداره‌كي ژي سه‌ره‌دانا مه نه‌كريه و خواست جلك و نڤين بۆ بهێنه دان دا بشێن ژيانا خوه ده‌رباز بكه‌ن.
ئه‌ركان ئێكنجي كو سه‌رپه‌رشتيا وێ كه‌مپي دكه‌ت دياركر دۆرێن 0053 ژيانا خوه ل ناڤ باغچه‌كێ گشتي دبوورينن و گۆت: ل ده‌ستپێكێ 008 كه‌س هاتبوون و رۆژ بۆ رۆژێ زێده دبن و دبيت هنده‌ك هه‌بن ل ڤێرێ و كه‌س و كارێن وي ل كه‌مپه‌كا ديتر بن له‌ورا ل ڤێرێ بار دكه‌ن، دياركر وان هزرا دو هزار كه‌سان بۆ باخچه‌ي كربوو، پاشي هژمارا وان زێده‌تر لێ هات و بوونه سێ هزار كه‌س و نوكه هژمارا وان بوونه 0034 كه‌س له‌ورا ئه‌وان هزرا وان نه‌كريه.
ئه‌ركان ئێكنجي دياركر كو هنده‌ك ژي دخوازن بچنه ستانبۆلێ و ئه‌نقه‌ره دا بچنه توركيا، به‌لێ ئه‌و دكه‌ڤنه ده‌ستێن قه‌چاغچيان و دهێنه خاپاندن، له‌ورا ئه‌م رێكێ ناده‌ين كه‌س ل كه‌مپێ ده‌ركه‌ڤيت و گۆت: 061 كه‌س ل كولانێن ئه‌نقه‌رێ پشتي هاتينه خاپاندن ب ده‌ستێن قه‌چاخچيان ب مه‌ره‌ما برنا وان بۆ ئورۆپايێـ به‌لێ نوكه ماينه ل كولانان و بێ پاره ماينه و سه‌رۆكێ باژێرڤانيا ئه‌نقه‌رێ ژ مه يا خواستي وان ڤه‌گه‌رينين باژێرێ دياربه‌كر، به‌لێ مه‌ژي ئه‌و شيان نينن وه‌ربگرين و مه گۆتيێ ئه‌و ل كيڤه چووينه بلا قه‌ستا وێرێ بكه‌ن، چونكو ئه‌م رێكێ ناده‌ين يێن مه ژ كه‌مپێ ده‌ركه‌ڤن.
ئه‌ركاني دياركر ئه‌وان شيان نينن چو پاران بده‌نه ئاواره‌يان، چونكو ئه‌و هاريكاريێن دگه‌هنه وان ب تنێ بۆ خوارنێ و ئاڤێ و نڤينێن نڤستنێ نه و گۆت: مه پێدڤي ب 3 هزار چادران هه‌يه و نوكه مه 99 داناينه و كار بۆ 57ێن دي دهێته كرن.
خه‌يري سه‌يدو خودێدا كو خه‌لكێ شنگالێ يه و سه‌رپه‌رشتيا كه‌مپه‌كێ دكه‌ت بۆ رۆژناما ئه‌ڤرۆ دياركر كو هژمارا ئاوه‌ره‌يان رۆژ بۆ رۆژێ زێده‌دبيت و كێمه‌ك ژێ ده‌ردكه‌ڤن بۆ عيراقێ و گۆت: يا ئه‌ز دزانم ب تنێ ل ڤێ كه‌مپێ سێ كه‌س ڤه‌گه‌رياينه زاخۆ و يێن دي هه‌مي ماينه، به‌لێ ل كه‌مپێن دي هژماره‌ك ژ خه‌لكێ خانكێ و شاريا و ده‌ڤه‌رێن ده‌وروبه‌ر هه‌نه كو ره‌نگه پتر 003 كه‌سان بن، به‌لێ هژماره‌كا مه‌زن ژێ ڤه‌گه‌ريايه، چونكو گه‌له‌ك ژوان ب رێكێن فه‌رمي هاتبوون و پشتي ده‌مێ وان ب دووماهي هاتي يێن ڤه‌گه‌رياين.
پتري 061 ئاوارێن شنگالێ ب ده‌ستێن قه‌چاغچيان هاتينه خاپاندن و ل كۆلانێن ئه‌نقه‌رێ ماينه
نيشاندان