i phone 6 د به‌ريكا كه‌سه‌كى دا په‌قى
ئه‌ڤرۆ نيوز:
د كێشه‌كا نوو يا ئايفۆن 6 دا، زه‌لامه‌كێ ئه‌مريكى ديار كر كو ئايفۆنا وى يا د به‌ريكێ دا په‌قى و دوكێله‌كا دژوار يا ژێ ده‌ركه‌فتى پشتى وى كريه د به‌ريكا په‌نته‌رۆنێ خوه يێ كابۆرى دا.
د وێ ڤيديۆيێ دا ئه‌وا ل سه‌ر مالپه‌رێ يۆتيۆب به‌لاڤكرن، ئايفۆن ب ته‌مامى يا ژ ناڤ چووى، ئه‌ڤه ژى مه‌ترسيه‌كا دى ل ده‌ف كه‌سێ ب كاردئينيت په‌يدا دكه‌ت ژبلى ئه‌ڤا به‌رى نوكه كو به‌حس ل خوار بوونا وێ دهاته كرن و ب #bendgate دهاته بناڤكرن.
خودانێ وێ ئايفۆنێ كو ناڤێ وى “فليپ ليكته‌ر” ه، گۆت: “ئه‌ز د ترۆمبێله‌كا بان ڤه‌كرى دى ل ويلايه‌تا ته‌كسۆن بووم، مۆبايل د به‌ريكا من دا سۆت و دوكێله‌كا مه‌زن ژێ چوو، بوو ئه‌گه‌رێ سۆتنا ده‌ستێ من ژى به‌لێ ب رێژه‌كا بچووك”.
زێده‌تر گۆت: “من مۆبايل ژ به‌ريكا خوه ئيناده‌ر و هاڤێته ئه‌ردى، ئێكى كۆپه‌كێ به‌فرێ پێدا كر، هه‌كه قافێ وێ ل سه‌ر نه‌با، دبيت ده‌ما من ژ به‌ريكا خوه دئينا ده‌ر ده‌ستێ من گه‌له‌ك سۆت با، به‌لێ وى پاراست و گه‌له‌ك نه‌هاته سۆتن”.
ئاماژه ب وێ چه‌ندێ ژى كر كو هه‌كه ئه‌ڤه ب سه‌رێ وى ب خوه نه‌هاتبا باوه‌ر نه‌دكر، د ده‌مه‌كى دا كو كۆمپانيا ئه‌پل چ رۆهنكرن دڤێ ده‌ربارێ دا نه‌دان كا ئه‌ڤه حاله‌ته‌كێ ئێكانه‌بوو، يان گۆمانا روودانا وێ چه‌ندێ هه‌يه.
