Mate7 هه‌ڤركيا مۆبايلێن ژير دكه‌ت
ئه‌ڤرۆ نيوز:
Huawei ئێك ژ كارێن چينێ يێن ناڤنجى كو ل كوردستانێ پتر پێدڤيێن كۆمپانيا نه‌ورۆز تێليكۆم به‌رهه‌م دئينيت ب گه‌رمى كه‌فتيه ناڤ بازارێ ته‌كنۆلۆژيايێ كو ل ڤێ دووماهيێ به‌رهه‌مێ وێ يێ فرۆتنێ گه‌هشتيه 160% د ماوێ ساله‌كێ دا.
گابريێل دى ماتيۆ شاره‌زايێ وارێ ته‌كنۆلۆژيايێ ئاشكه‌را دكه‌ت كو د ڤان سالێن دووماهيێ دا چينێ پشت به‌ستنه‌كا مه‌زن ل سه‌ر زارڤه‌كرنا تشتێن وارێ ته‌كنۆلۆژيايێ كر وه‌كو ده‌سپێك، تشتێ بيانى كرى و ب مليۆنان دۆلار لێ مه‌زاختن و ژ بوو وه‌كو وێ چێكرن و پێشخستنا وێ، هه‌تا نوكه شياين ئه‌و ب خوه هنده‌ك ئاميران دروست بكه‌ن كو هه‌ڤركيێ بكه‌ن و ب كوالێتيا باش.
ئه‌ڤى شاره‌زايى گۆت: “نوكه كۆمپانيا Huawei مۆبايلا ژير يا جۆرى Mate7 خسته د بازارى دا”.
زێده‌تر گۆت: “د ناڤ ڤێ مۆبايلێ دا، سيسته‌مێ په‌نجه‌مۆرێ يێ تێدا كو ل سه‌ر 360 پلێن تبلێ كار دكه‌ت و ل گه‌ل تبلێن ته‌ڕ ژى ب تايبه‌ت ل وه‌رزێ زڤستانێ”.
