زوزان خدر: هیڤیا من ئه‌وه ئه‌ز ببمه ستیرَه‌كا ناڤدار دوارێ سینه‌مایێ دا
دهۆك، شاكر ئه‌تروشی:
زوزان خدر، ئه‌كته‌را سه‌ره‌كی یا زنجیره دراما (ته‌حل و شرین) ئه‌وا ل ره‌مه‌زانا ئه‌ڤ ساله ل سه‌ر شاشا وار تیڤی دهاته نیشادان، د دیداره‌كێ دا بۆ رۆژناما ئه‌ڤرۆ گۆت: ل سالا 1991 ل باژێرێ ئه‌صفه‌هان ل وه‌لاتێ ئیرانێ ئه‌ز ژدایكبوویمه، من پشكا سینه‌مایێ ل باژێرێ مهاباد خواندیه، دژیه‌كێ بچووكدا حه‌زا هونه‌ری ل ده‌ف من هه‌بوو، له‌ورا من حه‌ز دكر وه‌ك ئه‌كته‌ر رۆلێ خوه ببینم، لێ ژبه‌ركو دایكا من یا نه‌خۆش بوو پێدڤی ب چاڤدانێ هه‌بوو ئه‌ز نه‌شیام حه‌زا خوه بجه بینم، پشتی وه‌غه‌ركری ل 2019 من ده‌لیڤا خوه دیت و ده‌ستپێكر، هه‌تا نوكه من پشكداری د دو كورته فلمان دا كریه، كو فلمه‌ك ژوان بۆ ڤیسته‌ڤالا كانه، هه‌روه‌سا دو زنجیره دراما ژی دا، یا ئێكێ (سنۆر) كو ناڤێ من تێدا هه‌لز بوو، یا دویێ (ته‌حل و شیرین) بوو، رۆلێ من یێ سه‌ره‌كی بوو چنكو ئه‌ز دهه‌ر (30) خه‌له‌كان دا یا پشكدار بووم، بۆ زانین ژبلی ئه‌كته‌ریێ من هنده‌ك ریكلام ژی چێكرینه.
هه‌روه‌سا گۆت: هه‌ردو برایێن من (مراد و كامیران) گه‌له‌ك پشته‌ڤانیا من دكه‌ن، له‌ورا من بڕیار دایه كو دێ یا به‌رده‌وام بیت و هیڤیا من ئه‌وه رۆژه‌ك بهێت ئه‌ز ببمه ئه‌كته‌ر و ستیرَه‌كا ناڤدار دوارێ سینه‌مایێ دا، هه‌روه‌سا هیڤیا دویێ ئه‌وه ئه‌و ده‌م بهێت فلم و درامایێن مه بگه‌هنه ئاستێ یێن وه‌لاتێن ده‌روبه‌ری مه و كا چاوا نوكه ئه‌م به‌رهه‌مێن وان دوبلاژ دكه‌ینه زمانێ كوردی، ئه‌و ژی فلم و درامایێن مه دوبلاژ كه‌نه سه‌ر زمانێ خوه.
