بەرێ بنیاتی بۆ دو پڕۆژەیان ل كۆمەلگەها دۆمیز هاتە دانان
سێمێل، موسا خالد:
ب چاڤدێری و ئامادەبوونا د. عەلی تەتەر، پارێزگارێ دهۆكێ و خەلیل مەحمود، دەڤەردارێ سێمێلێ و جان نیكۆلا بیوز، سەرۆكێ رێكخراوا (UNHCR) ل ئیراقێ و رێڤەبە‌رێ گشتیێ پەروەردا دهۆكێ، دیسا ل ژێر چاڤدێریا پارێزگارێ دهۆكێ و كۆمسیۆنا بلندا نەتەوەیێن ئێكگرتی بۆ كاروبارێن پەنابەران دوهی 29/4/2024 ل كۆمەلگەها دۆمیز بەرێ بنیاتی بۆ قوتابخانا ئێكبوون یا 18 رێزی و باغچێ رزگاری یێ زارۆكان ل كۆمەلگەها دۆمیز هاتەدانان، كو ب پشتەڤانیا دارایی یا (UNHC) دهێنە ئاڤاكرن و پتری 90% كار ل سەر باخچەی و قوتابخانێ هاتیە كرن.
پارێزگارێ دهۆكێ د كۆنگرەكێ رۆژنامەڤانی دا پیرۆزباهی ل وەلاتیێن دەڤەرێ كر و گۆت: «ئەولەویەتا حوكمەتا هەرێما كوردستانێ گرنگیدانە ب جهئینانا خزمەتگوزاریێن هەمی دەڤەران، ب تایبەت كەرتێ پەروەردێ و پشتەڤانی و رێ خوشكرنا هەر لایەكێ پێ راببیت و دەستخوشی ل رێكخراوا ناڤبری و كۆمپانیا بجهئینەر كر و دوپاتی ل بەردەوامیا پڕۆژەیێن خزمەتگوزاری ل هەموو دەڤەران كر».
