ئەڤ سالە 78 قوتابخانەیێن خواندنا كوردی ل شنگالێ هاتنە ڤەكرن
لەزگین جوقی:
رێڤەبەرێ پەروەردا شنگالێ بۆ رۆژناما ئەڤرۆ دیار كر، ئەڤ سالە زێدەتری 25 هزار قوتابیان ل شنگالێ دەست ب خواندنا كوردی كریە.
مەیسەر حەجی، رێڤەبەرێ پەروەردا شنگالێ یا خواندنا زمانێ كوردی ئاشكرا كر، حوكمەتا هەرێما كوردستانێ هەمی پشتەڤانیەكێ ل پەروەردا شنگالێ و قوتابیێن وێ دكەت و گۆت: «ئەڤ سالە پرتووك و پێدڤیێن قوتابخانەیان هاتینە دابینكرن، ل سەر ئاستێ پەروەردا شنگالێ زێدەتری 25 هزار قوتابی ل قووناغێن بنەرەت و ئامادەیی دێ بەردەوامیێ ب خواندنا كوردی ل شنگالێ و د ناڤ كەمپێن هەرێما كوردستانێ دا دەن».
ناڤهاتی گۆتژی: «پشتی ڤەگەڕیانا ئاوارەیان بۆ شنگالێ هەشت قوتابخانێن دی یێن خواندنا كوردی بۆ قوتابیان هاتینە ڤەكرن».
