خوەشحالبووم ب پشكداریێ د نمایشا دەرچوویێن ئەكادیمییا لەشكرییا ساند هێرست دا
ب بەرهەڤبوونا مەسرور بارزانی، سەرۆكێ حوكمەتا هەرێما كوردستانێ، نمایشا دەرچوونا خولا 233 یا ئەكادیمییا لەشكرییا شاهانە یا ساند هێرست هاتە ئەنجامدان، كو د ئەوی رێورەسمیدا بەرپرسێن بلند یێن بریتانیا و وەلاتان بەرهەڤ بوون.
مەسرور بارزانی، سەرۆكێ حوكمەتا هەرێما كوردستانێ د پێگەهێ خوە یێ تایبەتدا ل تۆرا جڤاكییا ئێكس بەلاڤكر» خوەشحالبووم كو من پشكداری كری د نمایشا دەرچوویێن ئەكادیمییا لەشكرییا ساندهێرستدا».
هەڤدەم مەسرور بارزانی د پشكەكا دی یا پۆستێ خوە دا پیرۆزباهی ل هەموو دەرچوویێن ئەوێ ئەكادیمیێ كر.
قوتابیێن ژ چەندین وەلاتان ل خولا 233 ل ئەكادیمییا لەشكرییا ساندهێرست یا شاهانە یا بریتانی، میدالیێن تمامكرنا مەشق و راهێنانێ وەرگرتن كو ئێك ژ دەرچوویێن ئەوێ ئەكادیمیێ ئارین بارزانی بوو كو د ناڤ 290 كەساندا میدالییا پێ هاتە بەخشین كو هێمایێ پاشایێ بریتانیا یێ ل سەر.
