سەرۆك بارزانی و هنارتیێ تایبەتێ سەرۆكێ ئەمریكا بۆ كاروبارێن سووریێ رەوشا حەلەبێ گەنگەشەكر

سەرۆك بارزانی و تۆم باراك، هنارتیێ تایبەتێ دۆنالد ترەمپی، سەرۆكێ ئەمریكا بۆ كاروبارێن سووریێ و بالیۆزێ ئەمریكا ل توركیا پەیوەندییەكا تەلەفۆنێ ل دۆر رەوشا سووریێ ئەنجامدا.
بارەگەهێ بارزانی بەلاڤكر»د وێ پەیوەندییا تەلەفۆنیدا بیرو بۆچۆن ل دۆر رەوشا سیاسییا دەڤەرێ و سووریێ و دووماهی پێشهات و گرژیێن سووریێ و باژێرێ حەلەبێ هاتنە لێكگۆهارتن».
هەر د وێ پەیوەندییا تەلەفۆنیدا هەردو ئالییان دووپاتی ل وێ چەندێ كر كو پێدڤییە هەموو بزاڤ بهێنە كرن بۆ وێ چەندێ گرژی و ئالۆزی نەمینن و رەوش ئاسایی ببیت و پێنگاڤێن جدی ژی بۆ ب دەستڤەئینانا ئاسایش و ئارامیێ بهێنە هاڤێتن.

کۆمێنتا تە