سەرۆك بارزانی: پێدڤیە كێشە و گرفتێن ئیراقێ د چارچۆڤەیێ دەستووری دا بهێنە چارەسەركرن
سەرۆك مەسعود بارزانی پێشوازی ل ڤۆلكەر پێرسێس سەرۆكێ تیما سەربخوە یا پێداچوونا ستراتیژی ب ئەركێ هنارتیا ڕێكخراوا نەتەوەیێن ئێكگرتی ل ئیراقێ (یونامی) كر.د دیدارەكێ دا سەرۆك بارزانی سوپاسیا ڕێكخراوێن سەر ب نەتەوەیێن ئێكگرتی كر كو ل سالێن بۆری ڕۆلەكێ باش د هاریكاریا پڕۆسەیا سیاسی ل ئیراقێ و چارەسەركرنا قەیرانان هەبوو. هەروەسا سەرۆك بارزانی كورتیەك ژ دیرۆكا دەستێوەردانێن هەرێمایەتی ل ئیراقێ و توندڕەوی و تایفگەری و قەیرانان و ئەو نەهامەتی باسكرن كو ب سەر گەلێ كوردستانێ و ئیراقێ هاتین. داخوازكر ژی كو كێشە و گرفتێن ئیراقێ د چارچۆڤەیێ دەستووری دا بهێنە چارەسەركرن و دوپاتكر كو بەرهەڤبوونا ڕێكخراوا نەتەوەیێن ئێكگرتی و بەردەوامیا كارێن وی دێ هاریكار بیت بۆ باشتربوونا پڕۆسەیا سیاسی و بدەستڤەئینانا سەقامگیریا ئیراقێ و چارەسەریا گرفتان.
