مەسرور بارزانی ل سەر داخوازیێن سلێمانیێ و هەلەبجە و ڕاپەڕین و گەرمیان رازیبوو
مەسرور بارزانی، سەرۆكێ حوكمەتا هەرێما كوردستانێ رازیبوون ل سەر داخوازیێن پارێزگەهێن سلێمانیێ و هەلەبجە و هەردو ئیدارەیێن سەربخوە یێن راپەرین و گەرمیان دا.
پشتی ل رۆژا 30/6/2024 مەسرور بارزانی، سەرۆكێ حوكمەتا هەرێما كوردستانێ، سەرەدانەكا گرنگ بۆ هەردو پارێزگەهێن سلێمانیێ و هەلەبجە كری، د ئەوێ سەردانێدا سەرەرای دانانا بەرێ بنیاتێ سایلۆیا هەلەبجە، ژ نێزیك دیدار و كۆمبوون ل گەل بەرپرسێن ئیداری یێن دەڤەرێ ئەنجامدان، ژ بلی ئەوێ چەندێ ژی چەندین دیدار و كۆمبوون و دانوستاندنێن روو ب روو و راشكاوانە ل گەل پشكەك ژ ئامنجیێن دەڤەرێن جودا جودا ژ هەردو پارێزگەهێن ناڤبری و یەكەیێن كارگێری سازكرن.
د ئەوان دیدار و كۆمبووناندا، بەرپرسێن كارگێری یێن پاریچزگەهان و وەلاتییان، باس ل كێشە و كێماسی و گرفتێن دەڤەرێن خوە كرن و چەندین داخوازی و پێشنیاز پێشكێشی سەرۆكێ حوكمەتا هەرێما كوردستانێ كرن.
سەرۆكێ حوكمەتا هەرێما كوردستانێ ب هووری گوه ل داخوازییان وان گرت و سۆز ژی دا كو ئەوا دشیانێن حوكمەتا هەرێما كوردستانێدا بیت بۆ خزمەتكرنا خەلكێ ئەوان هەردو پارێزگەهان و قەزا و ناحی و گۆندێن وان، بجهبینیت.
ل دۆر ئەڤێ چەندێ سەرۆكێ حوكمەتا هەرێما كوردستانێ چەندین بڕیارێن گرنگ ژ پێخەمەت خزمەتكرنا زێدەتر یا وەلاتیێن هەردو پارێزگەهێن سلێمانیێ و هەلەبجە و هەردو ئیدارەیێن سەربخوە یێن ڕاپەڕین و گەرمیان دان.
