پێشەوا هەورامی: ئیدارەیا ئەمریكی هەرێما كوردستانێ وەكو هەڤپەیمانەكا گرنگ دزانیت
پەیڤدارێ حوكمەتا هەرێما كوردستانێ راگەهاند: ئیدارەیا ئەمریكی هەرێما كوردستانێ وەكو هەڤپەیمانەكا گرنگ د هەژمێریت.
پێشەوا هەورامی، پەیڤدارێ حوكمەتا هەرێما كوردستانێ گۆت » ل كۆچكا سپی ل واشنتۆن ل گەل تریفە عەزیز، بەرپرسا نوونەرایەتییا حوكمەتا هەرێما كوردستانێ ل ئەمریكا ل ئۆفیسا نیكی سۆفتنێس، رێڤەبەرا پشكا ئیراقێ و سووریێ ل جڤاتا ئاسایشا نیشتمانییا ئەمریكی كۆمبووین».
وەكو پێشەوا هەورامی، ئاماژە بۆ كری: د ئەوێ كۆمبوونێدا، باس ل پەیوەندیێن د ناڤبەرا هەرێما كوردستانێ و ئەمریكا، بابەتێ مووچەیێن فەرمانبەرێن هەرێما كوردستانێ، ئازادییا كارێ رۆژنامەڤانی ل هەرێما كوردستانێ و هەلبژارتن و چەند بابەتێن دی هاتە كرن».
دیاركر ژی» بەرپرسێ پشكا ئیراقێ و سووریێ ل جڤاتا ئاسایشا نیشتمانییا ئەمریكی دیاركر كو ئیدارەیا ئەمریكی وەكو هەڤپەیمانەكا گرنگ دنێریتە هەرێما كوردستانێ و دخوازیت یا ئارام و سەقامگیر بیت و ژ نێزیك ژی دێ چاڤدێرییا هەلبژارتنێن پەرلەمانێ كوردستانێ كەن، هەڤدەم د دلخوەشن ب ئەنجامدانا هەلبژارتنێن خولا شەشێ یا پەرلەمانێ كوردستانێ د سەقایەكێ ئارامدا».
