ئابوورناسه‌ك: سياسه‌تا دراڤى ل عيراقێ نه‌يا ساخله‌مه
ئه‌ڤرۆ نيوز، ناجی به‌ده‌ل:
د. هاشم زێباری بسپور د بیاڤێ ئابووری و مامۆستا ل كولیژا كارگێری و دارای ل زانكۆیا نه‌ورۆز بۆ ئه‌ڤرۆ نیوز دیاركر كو ده‌ستنیشانكرنا ئێك ئه‌گه‌ر بۆ بلندبوونا بهایێ دولاری و نزمبوونا بهایێ دراڤێ عیراقی چه‌ندین ئه‌گه‌ر هه‌نه هه‌موو پیێكڤه بووینه ئامرازێ ئه‌ڤێ گوهۆڕینێ.
دیاركر ژى كو مایتێكرنا د كارۆبارێن بانكا ناڤه‌ندیا عیراقێ ل سه‌رده‌مێ مالكی و هه‌تا نها و بهایێ هنارتنا پاران بۆ ناڤ بازاری ل دووڤ قانوونا بودجێ عیراقێ و ده‌سه‌لاتێن بانكا مه‌ركه‌زی سنوردار كرینه و سیاسه‌تا نوو یا بانكا مه‌ركه‌زی كو یه‌ده‌كێ دراڤی ژ 90 ملیار دولاران بۆ 70 ملیاران ئینایه خوارێ.
دكتورێ بسپور د بیاڤێ ئابووری دا، دا زانین كو خه‌رجكرنا دولاری ل بازارێن عیراقێ و ئه‌و رێژه‌یا هاتیه دیاركرن یا كێمه و گیرۆگرفتێن به‌رده‌وامێن ناڤبه‌را هه‌رێمێ و به‌غدا و نه هنارتنا پشكا هه‌رێما كوردستانێ و كارتێكرنێن مه‌زنێن سیاسی نه ل عیراقێ.
د. هاشم زێباری گۆت: “سنور هه‌موو د ڤه‌كرینه و بۆ ئینانا هه‌ر تشته‌كی و برێيا خالێن سنوری ده‌ربازی ناڤا هه‌رێما كوردستانێ و عیراقێ دبن و هه‌روه‌سا ئابوورا ئه‌مریكی ڤه‌ژاندن و بلندبوونه‌كا به‌ردوام ب خوه ڤه دیتی یه و هه‌مبه‌ر بهایێ زێری ل بازاری و بهایێن زیری و دولاری هه‌ڤدژی ئێكن یێ زێده ل سه‌ر كيستێ یێ دی دبیت”.
