ئارمانجا سه‌ره‌كییا سه‌ره‌دانا عه‌بادی بۆ هه‌رێمێ دهێته دیاركرن
ئه‌ڤرۆ نیوز:
حه‌یده‌ر عه‌بادی سه‌رۆك وه‌زیرێن ئیراقێ دا راگه‌هاندن كو سوبه رۆژا دوشه‌مبی ئه‌و دگه‌ل شانده‌كێ حكومی و سه‌ربازی دێ سه‌ره‌دانا هه‌رێما كوردستانێ كه‌ت.
د په‌یجێ خوه ل تورا جڤاكیا فه‌یسبۆكێ دا عه‌بادی ئاماژه دایه ئارمانجا سه‌ره‌كی ژ ڤێ سه‌ره‌دانێ، كو لدووڤ نڤیسینا به‌لاڤ كری مه‌به‌ستا سه‌ره‌كی ژ سه‌ره‌دانا وی بۆ هه‌ولێرێ گۆتوبێژكرنه لسه‌ر پلانا ئوپه‌راسیونا رزگاركرنا مووسل و چێكرنا هه‌ماهه‌نگیێ دگه‌ل هێزێن پێشمه‌رگه بۆ ده‌رێخستنا داعش ژ مووسل.
تێ پێشبینی كرن عه‌بادی د سه‌ره‌دانا خوه دا دگه‌ل مه‌سعود بارزانی سه‌رۆكێ هه‌رێما كوردستانێ كۆم ببیت.
