ئاريشا ئه‌ردى هاته چاره‌كرن
ئه‌ڤرۆ نيوز:
رێڤەبەرێ ناحیا چەمانکێ بۆ رۆژناما ئەڤرۆ دیار کر کو ل سنوورێ ناحیا چەمانکێ ئاریشێن کەڤنار ھەبوون و د ناڤبەرا جۆتیارێن دەڤەرێ دا نەھاتبوونە چارەسەرکرن، نھا شەش ئاریشە ژ وان ھاتنە چارەسەرکرن و گۆت “ئەڤ ئاریشە بۆ سالا 1975 دزڤڕن”.
ھەڤال محەمەد شەریف رێڤەبەرێ ناحیا چەمانکێ دیار کر کو ئەڤ ئاریشە ب رێیا لیژنێن تایبەتێن چاندنێ چارەسەر کرینە و دووماھی ئاریشە ل گوندێ سیارێ سەرا دەە دونەمێن عەردێ ئاڤی د ناڤبەرا خەلکێ گوندی دا بوو ھاتە چارەسەرکرن و گۆت “ب شێوەیەکێ گشتی چارەسەرکرنا ڤان ئاریشا دبیتە ئەگەرەک بۆ پێشکەفتنا دەڤەرێ، چونکی ئەڤە دەڤەرە ب بەرھەمێ ئاڤی دەڤەرەکا زەنگینە”.
رێڤەبەرێ ناحیا چەمانکێ دیار کر ژی کو ئاریشەکا دی ھاتە چارەسەرکرن سەرا 300 دونەمێن عەردی بوو د ناڤبەرا گوندێ چەم ربەت و بێریشکێ ل دەڤەرا نەھلێ و گۆت “گوندێن مەسیحیان ژی ئاریشەکا گەلەک مەزن ھەبوو و بەری مەزنتر و بەرفرەھتر لێ بێت ئەو ژی ھاتە چارەکرن، نھا ھەموو ئاریشێن سەرا عەردی ب دلەکێ خوش ھاتنە چارەسەرکرن”.
