ئاریشا ھەلنەکرنا موالیدان ل زاخۆ ھاتە چارە کرن
ئه‌ڤرۆ نيوز، عەلی حاجی:
ژ ئەگەرێ رازینەبوونا ژمارەکا خودانێن موالیدان ل سەر بھایێ ئەمپێرێ کارەبێ بەرامبەر سیستەمێ کارکرنێ، بڕیار دابوو کو ب رۆژ ب ئێکجاری موالیدێن خوە نەدەنە کاری، لژنا موالیدان ل زاخۆ راگەھاند کو ئەو ئاریشە چارە بوو.
لاوین شێرکۆ بەرپرسێ لژنا موالیدان ل زاخۆ د داخۆیانیەکێ دا بۆ ئەڤرۆ نیوز گۆت: مە ل گەل خودانێن موالیدان ئاخفتیە و ئەڤرۆ وەکو رۆژانێن بوری دێ دەمژمێرێن کارکرنێ ھەر وەکو بەری نھا ب وەلاتیان ھێنە دان و چو گوھۆڕین ناکەڤیتە سیستەمێ کارکرنا وان.
بەرپرسێ لژنا موالیدان ل زاخۆ زێدەتر گۆت: بھایێ ئەمپێرێ کارەبێ ژی دێ ھەر وەکو خوە مینیت و ھەر خودان موالیدەکێ گازندەک ھەبیت بلا ب رەنگەکێ فەرمی مە ئاگەھدار بکەت.
