ئازراندنا هەستێن وەستیایی
محەمەد عەبدولا
ئەڤە هەیامەكە
ل وێ پەنجەرا دكەڤیتە
د ڕێیا من دا
خاتوینەك یا فێربووی
هەمی سپێدەییان
دگەل دەوامێ
ب ئەتەكەكێ تەنك.. تەنك
مینا پەڕكێ جگارێ نازك
گلیزانكێن هەستێن من ڤەدكەت
بەندۆشكا باخچەی ڤەكرییە و
حەنەكان ب شەمامۆكێن
نیڤا پاوانێ سینگێ خوە دكەت
هەمی سپێدەییان
بەری ل پشت پەردەیێ غەوارە ببیت
چەنگەكێ ماچان
دگەل پفەكا بای
ب نازداری
ب دەڤ و لێڤێن من وەردكەت
هەڤالنۆ..
وە ڕاستی دڤێت
هەمی سپێدەییان
ئەو پەرییا نازك
هەستێن من یێن وەستیایی
د ئازرینیت و
ژ خەوا گران هشیار دكەت.
