ئاسایشا پارتی دێ سکالایەکێ لسەر کەنالێ رووداو تۆمارکەت
ئاسایشا پارتی دیموکراتی کوردستان ل پارێزگەھا کەرکووکێ د راگەھاندنەکێ دا، کو وێنەیەک گەھشتیە مالپەڕێ ئەڤرۆ نیۆز تێدا راپۆرتەکا کەنالێ رووداو ب درەو وەسفکر ل دۆر ئازادکرنا ئەمیرەکێ داعش ژلایێ ئاسایشا پارتی ڤە.
لیوا ھەلو نەجات، رێڤەبەرێ ئاسایشا پارتی دیموکراتی کوردستان ل کەرکووکێ د کۆنگرەیەکێ رۆژنامەڤانی دا دیارکر، ئەف راپۆرتا کەنالێ رووداو ل دۆر ئازادکرنا ئەمیرەکێ داعش ژلایێ ئاسایشا پارتی ڤە چو راستی بۆنینە و ئەم وەکی رێڤەبەرایەتیا ئاسایشا کەرکووکێ دێ سکالایەکا قانوونی لسەر کەنالێ رووداو تۆمارکەین، ھەروەسا گۆت، ئەم ل چو کەس و لایەنەکی قەبوولناکەین سفکاتیێ ب کارمەندو ئەفسەر و خوینا شەھیدێن مە بکەت.
ژلایێ خۆڤەژی کەمال عەدنان مەرعی ئەف کەسێ کەنالێ رووداو ب ئەمیرێ داعش دایە نیاسین بەرھەڤبوو دڤێ کۆنگرێ رۆژنامەڤانی دا و گۆت”ئەز مامۆستامە و یێ بەردەوامم ژکارێ دناڤا باژێڕێ کەرکووکێ ، ئەز نە داعشم و نە رەڤیمە”.