ئاشتى هه‌ورامى و سه‌فين دزه‌يى سامانێن خوه ئاشكه‌را كرن
ئه‌ڤرۆ نيوز:
د چارچۆڤێ ڤه‌گه‌راندنا فۆرما ئاشكه‌راكرنا به‌رژوه‌نديێن دارايى هه‌ر ئێك ژ سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ و ئاشتى هه‌ورامى وه‌زيرێ سامانێن سرۆشتى، فورما ئاشكه‌را كرنا به‌رژه‌وه‌نديێن دارايى ئاراسته‌يى ده‌سته‌يا ده‌سپاكيا هه‌رێمێ كرن.
ب گۆره‌يى نووچه‌كى كو مالپه‌رێ فه‌رميێ ده‌سته‌يا ده‌سپاكيا هه‌رێمێ به‌لاڤكريه هاتيه: ئاشتى هه‌ورامى وه‌زيرێ سامانێن سرۆشتى ل حوكمه‌تا هه‌رێما كوردستانێ فۆرما ئاشكه‌راكرنا به‌رژه‌وه‌نديێن دارايى بۆ ده‌سته‌يا ده‌سپاكيێ ڤه‌گه‌راند و ب ڤێ چه‌ندێ ژى سه‌روه‌ت و سامانێ خوه ئاشكرا كر.
ئاماژه ب وێ چه‌ندێ ژى كر كو د هه‌مان ده‌م دا، سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ فۆرما خوه بۆ ده‌سته‌يا ده‌سپاكيێ ره‌وانه كريه.
دايه زانين ژى كو ب ڤێ چه‌ندێ 99% به‌رپرسان سه‌روه‌ت و سامانێن خوه بۆ ده‌سته‌يا ده‌سپاكيێ ئاشكه‌را كرينه كو ئه‌ڤه دبيته جارا ئێكێ ل سه‌ر ئاستێ عيراقێ ب ڤى ره‌نگێ به‌رپرس سامانێن خوه ئاشكه‌را بكه‌ن هه‌ر وه‌كو مالپه‌رێ ده‌سپاكيێ ل هه‌رێمێ دايه زانين.
