ئاشتى هه‌ورامى ژڤانێ به‌لاڤكرنا مووچێ سێ هه‌يڤێن ماين ئاشكه‌را دكه‌ت
ئەڤرۆ نيوز:
وەزیرێ سامانێن سرۆشتی ل حوکمەتا ھەرێما کوردستانێ ژڤانێ بەلاڤکرنا مووچێ سێ ھەیڤێن بۆری یێ فەرمانبەرێن ھەرێما کوردستانێ ئاشکرا کر و پلانەک دانایە کو ل دەسپێکا سالا ٢٠١٦ دووماھی ب ئاریشا گیرۆبوونا مووچەی بھێت و بۆدجا ھەرێما کوردستانێ ب تەمامی بھێتە دابینکرن.
شرین حوسنی، پەرلەمانتارا لژنا دارایی و کاروبارێن ئابووری ل پەرلەمانێ کوردستانێ بۆ میدیایێن سەر ب پارتی دیمۆکراتی کوردستان ڤە راگەھاند کو ئاشتی ھەورامی وەزیرێ سامانێن سرۆشتی ل حوکمەتا ھەرێما کوردستانێ ئەو ئاگەھدار کرینە کو ب زێدەکرنا فرۆتنا پەترۆلێ سێ مووچێن قەڕێن فەرمانبەران ل سالا ٢٠١٦ دێ ھێنە دان و گۆت: ” بۆ بەلاڤکرنا مووچێ سێ ھەیڤان حوکمەتێ پێدڤی یا ب دو ترلیۆن و ٥٥٠ ملیار دیناران ھەی”.
ئەحمەد خدر، جێگرێ رێڤەبەرێ لقێ ھەولێرێ یێ بەنکا ناڤەندی ل ھەرێما کوردستانێ دیار کر کو ل دەستپێکا سالا ٢٠١٦ رەوشا ئابووری یا ھەرێما کوردستانێ دێ وەکو بەری سالا ٢٠١٤ لێھێت و مووچێ فەرمانبەران دێ ددەمێ خوە دا ھێتە بەلاڤکرن.