ئافرەتەکا ئیزدی پێنج چەکدارێن داعش کۆشتن
ئەڤرۆ نيوز:
ژێدەرەکێ ئەمنی دیار کر کو ئافرەتەکا ئێزدی یا رەڤاندی، تەقە ل ھژمارەکا تیرۆرستێن داعش کر و د ئەنجام دا پێنج تیرۆرست کۆشتن و سێ ژی بریندار کرن.
وی ژێدەرێ ئەمنی ل ناڤ باژێرکێ شەرگات یێ سەر ب پارێزگەھا سەلاحەددین ڤە ئاشکرا کر، ئافرەتەکا ئێزدی کو وەکو کارکەر ل ئێک ژ کۆچکێن تیرۆرستێن داعش ل باژێرکێ شەرگات یێ باکورێ پارێزگەھا سەلاحەددین کار دکر و بۆ باسنیوز گۆت: “پشتی ئەو ئافرەتە شیای دەست ب سەر چەکێ چەکدارەکێ داعش دا بگریت، تەقە ل ھژمارەکا تیرۆرستێن داعش کر و د ئەنجام دا پێنج تیرۆرست کۆشتن و سێ ژی بریندار کرن”.
ئاماژە ب وێ چەندێ ژی کر، پشتی ئەنجام دانا وی کاری، ئەو ئافرەتا ئێزدی بەرەڤ جھەکێ نەدیار رەڤیە و تیرۆرستێن داعش ژی ل وێ دەڤەرێ دەست ب لێگەریان و پشکنینێ ل دووڤ وێ کریە”.
