ئالانی كلیپەكا نوو بەلاڤكر
رەمەزان زەكەریا
سترانبێژ (ئالان جەمال) ددیدارەكێ دا بۆ رۆژنامەیا ئەڤرۆ گۆت: بەری چەندەكێ من نووترین سترانا خۆ ب ناڤێ (پیری) ب شێوازێ ڤیدیۆ كلیپ بەلاڤ كر و هیڤیدارم هەر كەسەكێ بینەری و گوهداری كر حەزژێ بكەت و ژێ رازی بیت.
ناڤبری گۆت: سترانا من ژ پەیڤ و ئاوازێن منن، دابەشكرنا مۆزیكێ ژلایێ (پێشەوا عومەر) هاتییە ئەنجامدان و ئیبراهیم وەسفی دەرهێنان بۆ ڤیدیۆ كلیپێ كری یە، مە بزاڤكریە ب شێوازەكێ هەستیار و ئارام بابەتەكێ مرۆڤایەتی بێخینە ناڤ سترانێ و من بزاڤكرینە ب ڕێكا ڤێ سترانێ قۆناغێن ژیانێ نیشا بدەم كو مرۆڤ زێدەتر ژ هەر دەمەكێ دی بهایێ دەمی، خێزانێ، حەزژێكرنێ و بیرهاتنێن خۆ دزانیت و ستران بتنێ بەحسێ ژیێ (پیریێ) ناكەت پەیامەكە بۆ هندێ كو بەری دەم دەرباز ببیت، بهایێ وان كەسان بزانین كو د ژیانا مە دا هەنە و خۆشیێ ل هەر دەمەكی وەربگرین.
