ئالۆزى دناڤبه‌را حه‌شدا شه‌عبى وئه‌مريكا دروست بوو
ئه‌ڤرۆنيوز:
ل دووڤ هنده‌ك ژێده‌رێن ده‌نگوباسان، گرژى وئالۆزى دناڤبه‌را هێزێن ئه‌مريكى وگرۆپێن حه‌شدا شه‌عبى ل باژێرێ قائيم يێ سه‌ر ب پارێزگه‌ها ئه‌نبار ڤه ل سه‌ر سنورێ سووريێ دروست بوويه ونوكه جۆره‌كێ شه‌رێ سار دناڤبه‌را هه‌ردو هێزان دا يێ هه‌ى.
ل دووڤ وان ژێده‌ران، پارێزگه‌ها ئه‌نبار نوكه يا دره‌وشه‌كا مه‌ترسيدار دا ژ ململانێيا دناڤبه‌را ئه‌مريكا وئيرانێ دا ل سه‌ر كونترۆلكرنا سنورێ دناڤبه‌را عيراقێ وسووريێ دا. دده‌مه‌كى دا هێزێن ئه‌مريكا ل گه‌ل له‌شكرێ ئه‌مريكى هێزێن خوه ل سه‌ر سنورێ به‌لاڤ دكه‌ت، دهه‌مان ده‌م دا ميليشيێن حه‌شدا شه‌عبى هێزێن خوه ل هه‌مان جهى به‌لاڤ دكه‌ت، ڤێ چه‌ندێ ژى جۆره‌كى گرژيێ وناكۆكيێ دروست كريه.
باژێرێ قائيم، كو ب پايته‌ختێ نهێنيێ داعشێ دهێته هژمارتن، ئاكنجيێن وێ دره‌وشه‌كا خراب دانه وب تمامى هه‌ست ب ململانيێن ئيرانێ وئه‌مريكا ل باژێرێ خوه دكه‌ن، چونكى مه‌ترسى يا هه‌ى ئه‌و گرژى وشه‌رێ سار دناڤبه‌را هه‌ردو لايه‌نان دا ل هه‌ر چركه‌يه‌كێ ب ته‌قيت وشه‌ره‌كێ مه‌زن دروست ببيت.