ئامينا زكرى به‌حس ل هه‌رفاندنا حوكمه‌تا هه‌رێمێ دكه‌ت
ئه‌ڤرۆ نيوز:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، د ديداره‌كێ دا بۆ ئاژانس د به‌رسڤا پرسياره‌كێ دا ل دۆر “هه‌كه گۆڕان و كۆمه‌ل و ئێكگرتوو خوه ڤه‌كێشن، دێ حوكمه‌ت هێته هه‌رفانندن؟” خۆيا دكه‌ت كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
زێده‌تر دبێژيت: “ب گۆره‌ى قانوونا ژماره سێ يا جڤاتا وه‌زيران هه‌كه پتريا وه‌زيران خوه ڤه‌كێشن، دێ بيته حوكمه‌تا كار ب رێكه‌ر، سه‌ره‌راى وێ چه‌ندێ ژى هه‌تا ئێكه‌تى ژى خوه ژ حوكمه‌تێ ڤه‌نه‌كێشيت ناهێته هه‌رفاندن.