ئامينا زكرى: سوبه‌هى په‌رله‌مانێ كوردستانێ دێ كۆم بيت
ئه‌ڤرۆ نيوز، نيوار محه‌مه‌د سه‌ليم:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو سوبه‌هى رۆژا پێنجشه‌مبى په‌رله‌مانێ كوردستانێ دێ كۆم بيت.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، بۆ ئه‌ڤرۆ نيوز گۆت: “سوبه‌هى رۆژا پێنجشه‌مبى رێكه‌فتى 14ى ئيلۆنا 2017ێ په‌رله‌مانێ كوردستانێ دێ كۆم بيت”.
زێده‌تر گۆت: “هه‌تا نوكه هه‌ر ئێك ژ پارتى ديموكراتى كوردستان و ئێكه‌تى نشتيمانى كوردستان و ئێكگرتوو ئيسلامى كوردستان و پێكهاته دێ پشكدارى كۆمبوونا سوبه‌هى يا په‌رله‌مانێ كوردستانێ بن”.
پشتى ب دووماهى هاتنا كۆمبوونا وان ل گه‌ل شاندێ هه‌ڤپشكێ پارتى و ئێكه‌تى، هادى عه‌لى، ئاخفتنكه‌رێ ب ناڤێ ئێكگرتوو ئيسلامى كوردستان راگه‌هاند كو فراكسيۆنا ئێكگرتوو ل په‌له‌مانى سوبه‌هى دێ پشكداريێ د كاراكرنا په‌رله‌مانێ كوردستانێ دا كه‌ت.
د كۆنگره‌كێ رۆژنامه‌ڤانى دا هيڤى ژ گۆڕان و كۆمه‌لێ ژى كر كو ئه‌و هه‌ردو لايه‌ن ژى ب رێيا فراكسيۆنێن خوه پشكداريێ د كاراكرنا په‌رله‌مانى دا بكه‌ن.
