ئاگر به‌ردبيته كوگەهەكا ئامیرێن پرۆژێ هایدروپاوەرێ دێرەلوك
ئەڤرۆ نیوز، محمود نهێلی
دروودانەكا ئاگربەربوونێ دا ل دێرەلۆك نيڤرۆيا ئه‌ڤرۆ پێنجشه‌مبى 19/7/2018 ئاگر بەردبیتە كوگەهەكا ئامیرێن كۆمپانیا فاراب یا ئیرانی كو كار ل سەر پرۆژێ هایدروپاوەرێ دێرەلۆكێ دكەت.
جیدارێ ئێكێ (ئیحسان سەنعان)، بەرپرسێ بنگەهێ بەرەڤانیا باژێری ل دێرەلۆك بۆ ئەڤرۆ نیوز دیاركر، نیڤرۆیا ئەڤرۆ پێنج شەمبی ئەو هاتنە ئاگەهداركرن ل سەر روودانەكا ئاگربەربوونێ ل پرۆژەێ هایدروپاوەرێ دێرەلۆك و گۆت: ( پشتی ئەو گەهشتینە جهێ روودانێ دیار بوویە كو ئاگر بەربوویە كوگەهەكا ئامیرێن كۆمپانیا فاراب یا ئیرانی كو كار ل سەر پرۆژەێ ناڤهاتی دكەت).
ئاشكرا كر، هەر چەندە ئەم زوو گەهشتينە جهێ روودانێ و شیاين ب زووترین ده‌م ئاگرى كونترۆل بكەن، لێ زیانێن زۆر گەهشتینە كوگەهی، زێدەباری سوتنا هژمارەكا زۆرا كەرەستەیێن دناڤ كوگەهێ دا وپشكه‌كا كوگەهێ ژی هاتیە سوتن و زیان گەهشتینێ.
ناڤهاتی خویاكر، كو تا نوكە ب دروستی دیار نەبوویە ئەگەرێن روودانێ چ بوون ونوكه روودان يا ل بن ڤه‌كۆلینێ، بەلێ دبیت ژ ئەگەرێ شورتەكا كارەبێ ئاگری گەشە كربیت و ئەڤ روودانە دروست بوویە.
