قه‌زایه‌ك ما بێى كاره‌با نیشتمانى
ئه‌ڤرۆ نیۆز،بارزان مزوورى
رێڤه‌به‌رێ گشتى یێ كاره‌با پارێزگه‌ها دهوك ، ئه‌ندازیار كه‌مال محه‌مه‌د، بۆ ئه‌ڤرۆ نیوز دیار كر كۆ ئه‌ڤ شه‌ڤه ئه‌م هاتینه ئاگه‌هداركرن كۆ ئاگرێ ب كابینا سویچ گێرى وێستگه‌هێ سه‌ره‌كى یێ كاره‌با شێخا كه‌فتى، ده‌م ده‌ست تیمێن مه گه‌هشتنێ دگه‌ل تیمێن ئاگر ڤه‌مراندنێ و ئاگرێ كونترول كر، به‌س ئه‌و سویچ گێرێ ئه‌ڤى ویستگه‌هى ب تمامى هاتیه سوتن .
ئه‌ندازیار كه‌مال محه‌مه‌د، زێده‌تر دیار كر كۆ دێ هه‌ولده‌ن كو ئاكرێ یان سه‌رسنكێ سویچ گێره‌كێ ل وێرێ بینین و گۆت: خه‌لكێ ده‌ڤه‌را شێخان دلنیا دكه‌ین كون كێمتر ژ دوو روژا دێ ئه‌ڤ ویستگه‌هه كه‌ڤیته كارى ئه‌م دگه‌ل جه‌نابێ وه‌زیر و پارێزگه‌هێ دهوك ئاخفتینه هه‌مى هاریكارن حه‌تا ئه‌ڤ ویستگه‌هه بهێته دروست كرن.
ناڤبرى دیار كر: ڤان ضه‌ند روژێن شێخان بێ كاره‌با گشتى ئه‌م دێ هه‌ولده‌ین هه‌مى پێداویستیا بو موالیدێن شێخان دابین كه‌ین حه‌تا ئه‌ڤ ویستگه‌هه بهێته دروست كرن ، ئه‌ڤ ویستگه‌هه ناڤێ وى نه‌هدارێ موبائیله 25 میگاواتێن كاره‌بێ دده‌ت ژێده‌رێ سه‌ره‌كى یێ كاره‌با شێخانه .
ناڤبرى دیار كر كۆ ئه‌گه‌رێ به‌ربونا ئاگرى بۆ ڤى ویستگه‌هى بارگرانیه‌كا مه‌زن یا كه‌فتیه سه‌ر ، ئه‌ڤ ویستگه‌هه 2013 هاتیه دروست كرن بكوژمێ 1.8 ملیار دیناران .
فوتو : بارزان مزوورى
