ئاگر ب پەلەخێ چار گوندان کەڤت و چەندین بەرهەمێن داران ژناڤبرن
ئەڤرۆ نیوز ؍ عەلی حاجی:
ژ ئەگەرێ ئاگرکەڤتنێ ب مەزرەعا وه‌لاتیەکێ ل گوندێ سوسنا ل دەڤەرا ئاکرێ ؍ زیانەکا مەزن بەر ب بەرهەمێ وى یێن چاندنێ کەڤت و بوو ئەگەر چەندین دارێن وێ ژناڤ بچن .
سەروەر ئەحمەد، خودانێ وێ مەزرعا ئاگر ڤێ کەڤتی بۆ ئەڤرۆ نیوز گۆت” ئەڤرۆ شه‌مبیێ ژئەگەرێ ئاکر بەربوونێ ب پەلەخێ گەنمی کو نێزیکی سێ کێلومەتران ئەو ئاگر دووری مەزرەعا مە بوو ؍ پشتی وی دەمی ئاگر دهێت بەر ب جهێ مە ژی دکەڤیت و زیانەکا زور دگەهینیتە جهێ مە و دبیتە ئەگەر ۲۵۰ دارێن مێوا و ٦۰ دارێن تیشەمبی و ٤۰ دارێن هەژیرا و ۱۰۰ دارێن سماقێ و ۲۵ دارێن زەیتونا ب ئێکجار بهێنە سوتن و زێدەباری وێ چەندی خانیەکێ بچووك دگەل دا پێگوهرێ کارەبێ و واهیرە ژی ب ئیکاری هاتنە سوتن ؍ هەر دیسان نێزیکی ٦ هەتا ۷ هزار سوندێ ئاڤدانێ ژی ژناڤچوو؍ زیانەکا مادی یا مەزن بەر ب مەزرەعا مە کەڤت ؍ هەرچەندە زوو پەیوەندی ب ترومێلا ئاگر ڤەمراندنێ هاتە کرن بەلێ ترومبێل درەنگ گەهشتە جهێ روودانێ ؍ هەر چەندە ئاقارێ وی گوندی گەلەک ژسەنتەرێ باژارێ ئاکرێ یێ دوور نینە و هه‌كه زیتر هاتبانە دبیت زیان ب ڤی رەنگی نەبان”.
مقەدم فیراس یاسین ؍ ژ راگەهاندنا بەرەڤانیا باژێری ل ئاکرێ بۆ ئەڤرۆ نیوز” ئەگەرێن ئاگر بەربوونا ئاقارێ گوندێ سوسنا هەتا نوکه دیار نینن و د ڤێ دەربارێ دا مە دەست ب ڤەکولینان کری یە بوو زانینا ئەگەرێن بەربوونا ئاگری ل وی گوندی و هەردیسان ئاگر بەر پەلەخێ گوندێن پیرخولێ و بێناتا و راویتەی و سوسنا ؍ پشتی بورینا چار دەمژمێران ژنوو ئەو ئاگر هاتە کونترۆل کرن”.
