ئاگه‌هداريه‌ك ژ رێڤه‌به‌را هاتنوچوونا پارێزگه‌ها دهۆكێ
ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ خۆياكر كو ب گۆره‌ى رێنمايێن وه‌زاره‌تا ناڤخۆ، هه‌ر ترۆمبێله‌كا جام ره‌ش يان ژى يا تابلۆيا سه‌خته دێ ب خودان ڤه هێته ده‌سته‌سه‌ركرن و شوفێر دێ كه‌ڤيته به‌ر دادگه‌هه‌كا تايبه‌ت و دێ هێته سزادان.
د راگه‌هاندنه‌كێ دا رێڤه‌به‌ريا هاتنوچوونا پارێزگه‌ها دهۆكێ راگه‌هاند: ب گۆره‌ى رێنمايێن وه‌زاره‌تا ناڤخۆ يا هه‌رێما كوردستانێ رێ ناهێته دان چو ترۆمبێلێن جام ره‌ش هاتنوچوونێ د ناڤ هه‌رێما كوردستانێ دا بكه‌ن.
دايه زانين ژى كو هه‌ر ترۆمبێله‌ك يان ماتۆرسكله‌كا ژمارێن سه‌خته هه‌ين و ترۆمبێل و ماتۆر سكل ئه‌وێن ژمارا وان ب سه‌ر ڤه چووى و هه‌تا نوكه ژماره نه‌كرى و ترۆمبێلێن بارهه‌لگرێن تابلۆيێن بيانى كو ماوێ وان ب سه‌رڤه‌چووى و چه‌ندين سه‌رپێچيێن دى.
ده‌قێ راگه‌هاندنێ:
لديف بريارا وه‌زاره‌تا نافخو نابيت بهيج شێوه‌يه‌كى ترومبێلين جام ره‌ش هاتن و چوونێ ل ناڤ هه‌رێمێ دا بكه‌ن ، ئه‌ڤجا رێڤه‌به‌ريا هاتن و چوونا پارێزگه‌ها دهوكێ ، ئاگه‌هداريا هه‌مى خودانێ ترومبێلين جام ره‌ش دكه‌ت و هه‌ر كه‌سه‌ك ڤی كاری ئه‌نجام بده‌ت دێ كه‌ڤیته به‌رامبه‌ر سزایێن دادگه‌هی جنكو به‌ری نوكه دیاردا جام ره‌شا وه‌ك سه‌رپێچی دهاته هژمارتن لێ نوكه و پشتی ئه‌ڤ بریاره ل روژناما وقائع كوردستان بلاڤ بووی ئیدی وه‌ك یاسا دێ پێرابوون هینه وه‌رگرتن و هه‌ر كه‌سه‌كی پێگریی ب ئه‌ڤی بریاری نه‌كه‌ت دێ ل دادگه‌ها تایبه‌تمه‌ند هیته دادگه‌ه كرن .