ئاگه‌هداريه‌ك ژ لژنا بلندا تۆمارا بايومه‌ترى ل دۆر مووچه‌ى
ئه‌ڤرۆ نيوز:
لژنا بلندا تۆمارا بايومه‌ترى يا مووچه‌خواران، ئاگه‌هداريا هه‌موو يه‌كێن ژمێريارى يێن حوكمه‌تا هه‌رێما كوردستانێ “يێن مه‌لبه‌ندى و نه‌يێن مه‌لبه‌ندى” دكه‌ت كو دڤێت به‌رى 15ى هه‌موو هه‌يڤه‌كێ، ليستا ئه‌لكترۆنى يا مووچه‌ى ل سه‌ر بنه‌مايێ تۆمارا بايۆمه‌ترى، بۆ گه‌نجينێ ب هنێرن.
لژنا بلندا بايۆمه‌ترى، د ئاگه‌هداريه‌كێ دا كو وێنه‌ك بۆ ئه‌ڤرۆ نيوز ره‌وانه كريه دبێژيت: “ئاگه‌هداريا يه‌كه‌يێن ژمێريارى دكه‌ين، ده‌رئه‌نجام و به‌رپرساتيا قانوونى يا هه‌ر حاله‌ته‌كێ پاشكه‌فتنێ د هنارتنا ليستا داخوازكرى دا دكه‌ڤيته ستوويێ يه‌كێن ژمێريارى”.
ئاماژه ب وێ چه‌ندێ ژى كريه كو ب هه‌مان ره‌نگ ديوانێن وه‌زاره‌تێن په‌يوه‌نديدار ژى به‌رپرسن ل بجهئينانا ئه‌ڤێ پرۆسێ ب ره‌نگه‌كێ دروست و د ده‌مێ خوه دا.
ب گۆره‌ى وێ ئاگه‌هداريێ، لژنه ژ نوكه پێڤه يه‌كێن ژمێريارى يێن حوكمه‌تێ ل سه‌ر بنه‌مايێ تۆمارا بايۆمه‌ترى يا مووچه‌خوران، ليستا مووچه‌ى ديار بكه‌ن و هه‌موو هه‌يڤان به‌رى 15ى هه‌يڤێ دڤێت ليستان ب هنێرن.
