ئایدن مه‌عرووف: پارتی و سه‌رۆك بارزانی گرنگیه‌كا مه‌زن ب پێكهاته‌یان دده‌ن
هه‌ولێر، سولین سلێمان
وه‌زیرێ هه‌رێمێ بۆ كاروبارێن پێكهاته‌یان ل حوكمه‌تا هه‌رێما كوردستانێ راگه‌هاند، پارتی و سه‌رۆك بارزانی گرنگیه‌كا مه‌زن ب پێكهاته‌یان و پێكڤه ژیانا نه‌ته‌وه و ئاینان ل هه‌رێما كوردستانێ دده‌ن، چونكه پارتی و سه‌رۆك بارزانی هه‌موو ده‌مان د خه‌ما وان پێكهاته‌یان دا بۆینه.
ئایدن مه‌عروف، وه‌زیرێ هه‌رێمێ بۆ كاروبارێن پێكهاته‌یان ل حوكمه‌تا هه‌رێما كوردستانێ، بۆ رۆژناما (ئه‌ڤرۆ) گوت “وه‌كو دیار هه‌رێما كوردستانێ ژ چه‌ندین پێكهاته‌یێن جودا جودا یێن نه‌ته‌وی و ئایینی پێكدهێت و حوكمه‌تا هه‌رێما كوردستانێ بێی جوداهی خزمه‌تا هه‌موو پێكهاته‌یان كریه”.
ئایدنی گوت ژی ” جهێ شانازیێ یه بۆ حوكمه‌تا هه‌رێما كوردستانێ كو ئه‌گه‌ره‌كێ سه‌ره‌كی یه بۆ دروستكرنا پێَكڤه‌ژیانێ ل هه‌رێمێ و ڤێ چه‌ندێ پتر د ره‌وشا ته‌ناهیێ و سیاسی و جڤاكی ره‌نگ ڤه‌دایه”.
ئاماژه كر”هه‌لویستێ سه‌رۆك بارزانی د پشته‌ڤانیا پێكهاته‌یان دا بۆ وان گه‌له‌ك یا گرنگ بوو ، ژ به‌ر كو ئه‌ڤ هه‌لویستێ سه‌رۆك بارزانی د كۆمبۆنا ل گه‌ل نوونه‌را نه‌ته‌وێن یێگرتی وێ چه‌ندێ د سه‌لمینیت كو سه‌رۆك بارزانی گرنگیه‌كا مه‌زن ب پێكهاته‌یان دده‌ت بێی جوداهی، و د وێ كۆمبۆنێدا ژی نوونه‌رێن نه‌ته‌وێن ئێگرتی دهیڤیخواز بوون پێكهاته ب سه‌نگ پشكدار بن د په‌رله‌مانی و پرۆسا سیاسی دا ل هه‌رێما كوردستانێ، چونكی ئه‌و رێكخراوا نێڤده‌وله‌تی هه‌رێما كوردستانێ ب جهێ پێكڤه‌ژیانێ دبینیت وئه‌و چه‌نده ژی یا گرنگه بۆمه”.
