ئسکۆتلەندی داخوازا ریفراندۆمەکا دی دکەن
ئەڤرۆ نيوز:
دوھی ل چەندین باژێرێن ئسکۆتلەندا ب ھزاران وەلاتیان دەست ب خوەنیشادانەکا مەزن کرن و داخواز کرن کو ریفراندۆمەکا دی بۆ جودابوونا ئسکۆتلەندا ل بریتانیا بھێتە کرن، وەلاتیێن ئسکۆتلەندی دبێژن پشتی کو بریتانیا بریار دایی ژ ئێکەتیا ئورۆپا جودا ببیت ئێدی مانا مە ل گەل بریتانیا د بەرژەوەندیا وەلاتێ مە دا نینە و دڤێت ژ بریتانیا جودا بین.
خوەنیشادەران دیار کرن کو سالا ٢٠١٤ دەمێ ریفراندۆم ھاتیە کرن وی دەمی مەرجێن ئورۆپا و جیھانێ جودا بوون، ژ بەر ھندێ ژی ریفراندۆمێ دەنگێ پێدڤی نەئینا، لێ ھەکە نھا ریفراندۆمەک بۆ جودابوونا ژ بریتانیا بھێتە کرن پرانیا وەلاتیان دێ دەنگێ ئەرێ دەن و دێ داخواز کەن ژ بریتانیا جودا ببن.
دەزگەھێن راگەھاندنا ئورۆپا ژی ب گرنگی بەحسێ ڤێ خوەنیشادانێ و داخوازیێن وەلاتیێن ئسکۆتلەندا دکەن، چونکو پشتی بریتانیا بریار دایی ژ ئێکەتیا ئورۆپا جودا بیت ئەو یەک د بەرژەوەندیا ئسکۆتلەندا دا نینە و پرانیا وەلاتیێن ئسکۆتلەندا وەسا ھزر دکەن دێ پێگەھێ وان لاواز بیت و ژ بەر ھندێ ژی داخواز ریفراندۆمەکا دی دکەن.
ل ئالیێ دی ھەتا نھا بەرپرسێن بریتانیا ل دۆر ڤێ خوەنیشادانێ و داخوازیێن خەلکی چو داخۆیانیێن فەرمی نەداینە.
